بداية التحقيقات مع المستشار الفني لسد مروي (لاهماير) في المانيا

من طرف **علي الكليس** السبت 17 سبتمبر 2011, 6:35 am

تذكير بمساهمة فاتح الموضوع :

بداية التحقيقات مع المستشار الفني لسد مروي (لاهماير) في المانيا

خاص : عمار عوض
16سبتمبر2011

بداء المدعي العام في مدينة فرانكفورت الألمانيه التحقيقات مع شركة لاهماير الألمانيه حول مشاركتها في مشروع سد مروي علي ضوء القضيه التي رفعها المتاثرين بالسد ضدها بواسطة المركز ) الاروبي للحقوق الدستوريه وحقوق الانسان ECCHR باشراف الدكتوره مريام صاغ والمحامي الخاص ( (ولفقانج كالك).
وتواجه شركة لاهماير حسب عريضة الإتهام ثلات تهم رئيسيه تتعلق بالتعدي علي الأملاك الخاصه، والحرمان من حق العيش و الغذاء، وانتهاك حق السكن وحرمان آلاف المزارعين علي شاطيء النيل من حقهم في الحياه وإنتاج غذائهم.
وكانت صحيفة (تاز) الالمانيه واسعة الإنتشار قد نشرت مقالا مطولا في 31 اغسطس الماضي عن بداية التحقيقات والتهم التي تواجهها الشركه أمام القانون الألماني.
وأوردت الصحيفه أن الباحثه (فاليري هانزس) من جامعة بيروث والتي كانت شاهدة على اغراق منطقة المناصير أكدت صحة دعوي المتأثرين ضد الشركه وقدمت شهاده دامغه للمدعي العام حيث ذكرت – حسب الصحيفه - في شهادتها ( عندما إجتاح النيل ضفتيه وغمر أول القري صدم المواطنون كثيرا)!
ويتوقع أن تقدم الشركه دفوعاتها الأوليه في إكتوبر القادم ويلي ذلك التحقيق مع الشهود من جامعة بيروث وغيرهم. وتقول الصحيفه أن مثل هذه الدعاوي نادره في ألمانيا حيث لا تهتم الحكومات بما تفعله الشركات خارج أراضي الدوله.
وفي تعليق علي هذا التطور قال الاستاذ علي عسكوري ( رئيس مجلس المتأثرين بسد مروي) " لقد بذلنا جهودا مضنيه خلال الأربع أعوام الماضيه حتي نصل لهذه المرحله. لقد إجتزنا حواجز قانونيه معقده وشائكه وطويله وممله وإجراءات لا حصر لها، وبذلنا مجهودات جباره لكي نضمن أن تقدم هذه الشركه للقضاء. والان ومع بدء التحقيقات فقد أصبح الطريق ممهدا لبقية الاجراءات وهي بشاره كبري للمتأثرين الذين عانوا من ممارسات هذه الشركه وتواطئها المعلوم مع إدارة السد. وسنظل نلاحق الشركه الي ان تتحق العداله. وستشمل التحقيقات – دون شك – المسؤولين بسد مروي وغيرهم الذين شاركوا في عملية الاغراق والتهجير القسري".
وتقول الصحيفه أن القضيه تحظي باهتمام كبير في المانيا لتفردها وأنها الاولي من نوعها في تاريخ القضاء الالماني بجانب إهتمام أغلبية الشعب الألماني بقضايا البيئه والتلوث والنزوح الداخلي.

من طرف **منوفلى** الإثنين 19 سبتمبر 2011, 4:43 am

الالمان وصلوا !!!!!
ولكن
اعتقد اننا ما راح نكسب القضية لسببين :
1/ ادارة السد ستقوم بفتح قرية فى المكابراب قريبا وستقوم بشراء ذمم اشخاص أمثال .... ليركعوا ويسجدوا ويتم تصويرهم بالفيديو ويقوموا ببثهم على الغنوات الفضائية كاعلان مدفوع القيمة.
2/ اذا لم ينجح السبب اعلاه ح تقوم لجنتنا الموقرة بضحض التهمة وذلك لتبين انها هى التى تمسك بزمام الامور ومازالت ولا تزال على الزعامة .

من طرف **ابوسما** الإثنين 19 سبتمبر 2011, 4:44 am

يابو هشام نعم كان شيخنا الترابى لكن بعد ختا الدرب خليناهو تعرف ليه لانو دا الفرق البيننا وبينكم لانقدسّ الاشخاص ونظل ننظر اليهم كآلهه مهما كانو و بعدين كلمة منافقين دى ماجايبة حقا شوف حاجه غيرها لان( السحابة لايضرها ................)

من طرف **ابو هشام** الإثنين 19 سبتمبر 2011, 4:47 am

يا ادارتنا الفتية الشغلانية جاطت

والموية قارنت

موضوع اسحق دا ودو لينا حتة تانية لانو عندنا فيه مساحة من الكلام السمح البشبهو

من طرف **ابوسما** الإثنين 19 سبتمبر 2011, 4:54 am

انت نايم وين القرية اكتملت مامحتاجة لى شراء الكلام دا قولوا للناس البصدّقوا كلامكم هناك وراجينكم (الجفلّن خلّهن اقسع الباقات)

من طرف **ابوسما** الإثنين 19 سبتمبر 2011, 5:02 am

رخّص اللحم لانه الناس البقروله الليلة قاطعو اللحوم دا علاقتة شنو بالحكومة كمان

من طرف **ابو هشام** الإثنين 19 سبتمبر 2011, 5:02 am

ابوسما كتب:يابو هشام نعم كان شيخنا الترابى لكن بعد ختا الدرب خليناهو تعرف ليه لانو دا الفرق البيننا وبينكم لانقدسّ الاشخاص ونظل ننظر اليهم كآلهه مهما كانو و بعدين كلمة منافقين دى ماجايبة حقا شوف حاجه غيرها لان( السحابة لايضرها ................)

خاف الله يا راجل

الختا الدرب منو ؟

والله إنتو درب ذاتو ما عندكم

تقطيع البلد ,, الحرب لا زالت ,, وفساد ... محسوبية ,,, رشاوي .. أكثر من 80 وزير بدرجة بلاع .. وجرائم ضد الأطفال , وموية النار ,, السبيرتو , و..

الدرب دا يودي إلى وين يا شيخ ابو سما ؟

من طرف **ابوسما** الإثنين 19 سبتمبر 2011, 5:03 am

ما تضيق على الرد قبل ان تقرأ

من طرف **ابو هشام** الإثنين 19 سبتمبر 2011, 5:05 am

ابوسما كتب:رخّص اللحم لانه الناس البقروله الليلة قاطعو اللحوم دا علاقتة شنو بالحكومة كمان

انت قاطعت ؟

هو ذاتو ما قاطع

بعدين الحكومة علاقتة شنو ؟ سبحان الله

هي الحكومة دي حديدة مغزوزة ؟؟

من طرف **ابوسما** الإثنين 19 سبتمبر 2011, 5:11 am

نحن ماقلنا مافى عيوب لكن البديل وينو بقالك ...الصادق...السيّد....نقد...خليل...الترابى
...عرمان... (احمد).... هذا سرّ تمّسك السودانيين بالبشير

من طرف **ابوسما** الإثنين 19 سبتمبر 2011, 5:22 am

الحمد لله السد ماقام فى زمن الترابى واِلا كان ناس اللجنة قالولنا اِحتسبو بلا تمر بلا تعويض الناس قدمو ارواحم فى سبيل الله هذا اقل ماتقدموه للمشروع الحضارى والاّ كلامى ماصحيح

من طرف **ابو هشام** الإثنين 19 سبتمبر 2011, 5:38 am

شكلك كدا عندك عقدة من اللجنة ,,, حمانا الله

من طرف **ابو هشام** الإثنين 19 سبتمبر 2011, 5:41 am

ابوسما كتب:الحمد لله السد ماقام فى زمن الترابى واِلا كان ناس اللجنة قالولنا اِحتسبو بلا تمر بلا تعويض الناس قدمو ارواحم فى سبيل الله هذا اقل ماتقدموه للمشروع الحضارى والاّ كلامى ماصحيح

اللجنة كعبة وشغلها كعب

الحكومة وينا ؟

ناس المشروع الحضاري وينن ؟

يخلو كلو زول على كيفو ؟

من طرف **ابوسما** الإثنين 19 سبتمبر 2011, 5:45 am

يازول انت ماب تنوم

من طرف **ابو هشام** الإثنين 19 سبتمبر 2011, 5:48 am

ابوسما كتب:يازول انت ماب تنوم

وييين ؟

جاينكم في منتداكم البي غادي

وسعوا صدوركم

لكن الصورة سمحة جامع وبيوت مرصوصة بس اوع تكون الكهربا قاطعي

من طرف **ابوسما** الإثنين 19 سبتمبر 2011, 5:49 am

شكلك كدا عندك عقدة من اللجنة حمانا الله ]]]]]]]ماعندى عقدة لا كنى اعرفهم واحدا واحد

من طرف **ابوسما** الإثنين 19 سبتمبر 2011, 5:52 am

انت كان مازرتها حتى الان تكون زول مقصّر على الاقل عشان تنقل الواقع مايكون قواله

من طرف **ابو هشام** الإثنين 19 سبتمبر 2011, 5:59 am

والله ... فكرة

نجي نطلع مسيرة ضد اللحمة وضد اسحق

من طرف **ابو هشام** الإثنين 19 سبتمبر 2011, 3:10 pm

والله يا شيخ ابو سما أنا عندي سؤال بريء جدا

إيه علاقة شيخكم اسحق ببقايا بنو أمية المترفين الأمنجية ؟؟

لان كتاباتو والمعلومات الفيها بتاعت امن دولة وكمان زول كبير

تقدر تجاوب واللا تنسحب ؟؟

من طرف **ابوسما** الإثنين 19 سبتمبر 2011, 4:19 pm

كعلاقتكم بفاروق ابو عيسى

من طرف **حازم** الإثنين 19 سبتمبر 2011, 4:38 pm

سلام كاتب المقال
الاخوان ابوسما وابوهشام قد امتعونا بمداخلاتهم الرائعه والتي تحس انها تحمل روح الود والفكاهه

وحقيقه ياابوهشام انا زمان كنت مفتكر انو الحكومة دي حديدة مغزوزة؟
لكما شكري وتقديري
ونحن منتظرين هذه المجادعه
قلوبنا معاك يااابو ؟؟؟؟؟؟؟
والسلام
حازم

من طرف **ابوسما** الإثنين 19 سبتمبر 2011, 6:16 pm

يا مولانا ابوهشام ما زرت (اسمك وتلفونك)؟؟؟؟؟؟؟؟؟؟

من طرف **ابو مصطفى** الإثنين 19 سبتمبر 2011, 6:37 pm

الحكاية دى طلعت الجبل تب وعسكورى ماهو زول هين ؟؟؟؟؟؟؟ والنشوف اخرتها انشاء الله تعود بخير على المناصير ؟؟؟؟؟

حكومة السودان ظالمة وجايرة مرة واحدة وفى نص النهار تاكل حقك عديل كده ؟؟؟؟؟؟

تحياتى

ابو مصطفى

من طرف **ابو رزان** الإثنين 19 سبتمبر 2011, 7:06 pm

الشكر اجزله للاخ على الكليس والشكر الخاص لاخونا على عسكورى وهو نعم الرجل الخفى فى قضيتنا وربنا يسدد خطاهو وهو اهل للمصادمات الخارجية والغريق قدام ومااخفى اعظم باذن الله

من طرف **ابو هشام** الإثنين 19 سبتمبر 2011, 7:13 pm

ابوسما كتب:كعلاقتكم بفاروق ابو عيسى

والله إنت راجل ظريف

طوالي تطلع التصنيف

كان شتا أوصيف

ابو عيسى كريه

وشيخكم اسحق تافه لكنو حريف

يا شبخ ابو سما انا قصدي شريف

من طرف **ابو هشام** الإثنين 19 سبتمبر 2011, 7:16 pm

ابوسما كتب:يا مولانا ابوهشام ما زرت (اسمك وتلفونك)؟؟؟؟؟؟؟؟؟؟

معقولة شيخ ابو سما في المنتدى وابو هشام يترك آثاره هناك

تلقوها عند غافل

من طرف **ابو هشام** الإثنين 19 سبتمبر 2011, 7:18 pm

حازم كتب:سلام كاتب المقال
الاخوان ابوسما وابوهشام قد امتعونا بمداخلاتهم الرائعه والتي تحس انها تحمل روح الود والفكاهه

وحقيقه ياابوهشام انا زمان كنت مفتكر انو الحكومة دي حديدة مغزوزة؟
لكما شكري وتقديري
ونحن منتظرين هذه المجادعه
قلوبنا معاك يااابو ؟؟؟؟؟؟؟
والسلام
حازم

والله يا عمك احسدك على الذكاء الخارق

يا ربي ما في منصوري كدا كارب

يمعط ريشا ؟؟

من طرف **ابوسما** الإثنين 19 سبتمبر 2011, 8:51 pm

منو دى البمعطو ريشة يا ابو هشام (؟؟؟؟) ؟

من طرف **ahmed alkhabir** الإثنين 19 سبتمبر 2011, 8:53 pm

ياخي هي اصلا ريشا ممعوط

من طرف **ابوسما** الإثنين 19 سبتمبر 2011, 8:57 pm

دى منو يا الخبير؟

ابو هشام
وابو سما
جزيتم خير قلبتو البوست سياسى فكاهى
زكرتونا اخونا ود القبائل ارد الله غربته
ايوا خليكم كدا نقاش جميل وكلمات محترمه تدل على شفافيه الكتاب
بس الممعوط ريشا دى منو؟

من طرف **ابو هشام** الثلاثاء 20 سبتمبر 2011, 3:12 pm

ابوسما كتب:منو دى البمعطو ريشة يا ابو هشام (؟؟؟؟) ؟

زماان يا ابو سما لامن مصطفى عثمان اسماعيل كان بلاع خارجية ,,, طبعا دا كلام ,,, الشهيد محمد طه محمد احمد ــــ صاحب الشهيد الحي علي حدوري

كان في صفاح غي مدينة الشجرة ,, وكان البلاع دا واقف مع ابراهيم الزومة الشاعر المعروف والوصاف الخطير داك ,,, اظنك بتعرفو

المهم جا زول ونادا ود الزومة ... ولما رجع ود الزومة ,,, البلاع مصطفى سعلو الزول دا كان داير منك شنو ؟ حاجة كدا ,, حب استطلاع ,,امن دولة ,,, شمارات ,,, المهم عالم فارغة

ود الزومة قال ليهو ’’’ الزول دا قال لي الحاكومة دي ما في امل تنقلب ؟

البلاع قال ليهو وإنت قلت شنو ؟

ود الزومة قال ’’’ انا قت ليهو

هي اصلا مقلوبة ,,, لكن البيمرق الناس من تحتا شنو ؟؟؟

جاييك راجع عشان اشرحلك واوضحلك البيمعطو ريشا دي شنو ؟؟

بس ما تكلم زول

من طرف **ابوسما** الثلاثاء 20 سبتمبر 2011, 7:56 pm

ابو هشام كتب:
ابوسما كتب:منو دى البمعطو ريشة يا ابو هشام (؟؟؟؟) ؟

زماان يا ابو سما لامن مصطفى عثمان اسماعيل كان بلاع خارجية ,,, طبعا دا كلام ,,, الشهيد محمد طه محمد احمد ــــ صاحب الشهيد الحي علي حدوري

كان في صفاح غي مدينة الشجرة ,, وكان البلاع دا واقف مع ابراهيم الزومة الشاعر المعروف والوصاف الخطير داك ,,, اظنك بتعرفو

المهم جا زول ونادا ود الزومة ... ولما رجع ود الزومة ,,, البلاع مصطفى سعلو الزول دا كان داير منك شنو ؟ حاجة كدا ,, حب استطلاع ,,امن دولة ,,, شمارات ,,, المهم عالم فارغة

ود الزومة قال ليهو ’’’ الزول دا قال لي الحاكومة دي ما في امل تنقلب ؟

البلاع قال ليهو وإنت قلت شنو ؟

ود الزومة قال ’’’ انا قت ليهو

هي اصلا مقلوبة ,,, لكن البيمرق الناس من تحتا شنو ؟؟؟

جاييك راجع عشان اشرحلك واوضحلك البيمعطو ريشا دي شنو ؟؟

بس ما تكلم زول

انا خايف تكون شاحنة ولا قطر كان صالون هينة

من طرف **ابو هشام** الثلاثاء 20 سبتمبر 2011, 8:32 pm

والله ناس المنتدى ديل صعبين خلاص

انا عاينت تحت لترتيب الاسما

لقيت ابو هشام قدام ابو سما

موش حاجة تحير

اللغة العربية غيروها واللا ناس خالد ديل عندهم رأي واللا الهامش العملتو انا دحرجك كدا ؟

المهم انا عندي اقتراح

سميهو توافق ,,,, توالي ,,,, تطابق ,,, تضامن ,,, ت .. ت ,,, أي تاء غير تاء التانيث أو تاء الإنقاذ

وبعدين كدا نجي نضع الشروط

بجيك راجع يا ابو النسب

من طرف **ALIHADOWRY** الأربعاء 21 سبتمبر 2011, 7:42 pm

المهم ان نرى من القضاء الوطنى شئ من التحرك ولنبدا برفع قضايا فى فى ادارة السدود ومن منعوا الحصر وهذا يتطلب الكثير من الجهد

من طرف **ahmed alkhabir** الأربعاء 21 سبتمبر 2011, 7:52 pm

الاخ الكليس وكل من له ضلع في القانون والقانون الدولي

ارجو افادتنا مدي تاثير محاكمة هذه الشركة ومن بعدها سد مروي علي الاوضاع في مناطق المتاثرين ، فاذا

كان البشير رئيس النظام الراقص والمطلوب من الجنائية لمقتل مئات الالاف في دارفور تجاهل المحكمة الدولية ولم يستطيع المجتمع الدولي تنفيذ العدالة

فكيف يمكن ان يستفيد المتضررون من السد من هذه الخطوة ؟؟؟؟؟؟؟

من طرف **ابو هشام** الأربعاء 21 سبتمبر 2011, 8:07 pm

ود الخبير ,,,, عوافي ,,,

دائما تنفذ لبيت الكلاوي وتجيبا من آخرا

جزيت خيرا

وصوتي إلى صوتك ,,, ولا زال السؤال قائما

وزعلان عشان المحكمة الدوليه لم تتخز اجراء ضد البشير .هى المحكمة الدوليه ما مقتنعة بانه جرائم الحرب فى دارفور مسئول منها عمر البشير.وانت السودانى مصر على مسئولية البشير منها.
وانشاء الله تتعظوا بعد ده بانه محاكم الصهاينة والصليبين العالميه ما بتقدر تهز النظام فى السودان.

من طرف **علي الكليس** الخميس 22 سبتمبر 2011, 4:46 pm

[quote="منوفلى"]الالمان وصلوا !!!!!

ولكن

اعتقد اننا ما راح نكسب القضية لسببين :

1/ ادارة السد ستقوم بفتح قرية فى المكابراب قريبا وستقوم بشراء ذمم اشخاص أمثال .... ليركعوا ويسجدوا ويتم تصويرهم بالفيديو ويقوموا ببثهم على الغنوات الفضائية كاعلان مدفوع القيمة
/ اذا لم ينجح السبب اعلاه ح تقوم لجنتنا الموقرة بضحض التهمة وذلك لتبين انها هى التى تمسك بزمام الامور ومازالت ولا تزال على الزعامة .

شكرا اخي منوفلي .نحن الان كسبنا والدليل قرار السيد الرئيس امس بنوصيل الكهرباء والطريق وعقبال التوطين من مساكن ومشروعات زراعيه
اتفق معك في الجزئيه الاخيره ولنا تجربه سابقه حيث تركوا صاحبها مكشوف الظهر .لكن هنا الامر مختلف لان صاحبها يعرف طريقه جيدا

من طرف **ahmed alkhabir** الخميس 22 سبتمبر 2011, 4:55 pm

هويدا

يا زولة البشير براه قال انا ما قتلت 300.000 الف مواطن في دارفور ، قال انا قتلت 10.000 مواطن بس ، اها رايك شنو ؟؟؟؟؟؟؟؟؟؟؟

حاتقولي رئيسك كضاب ؟؟؟

من طرف **علي الكليس** الخميس 22 سبتمبر 2011, 5:02 pm

[quote="ahmed alkhabir"]الاخ الكليس وكل من له ضلع في القانون والقانون الدولي

ارجو افادتنا مدي تاثير محاكمة هذه الشركة ومن بعدها سد مروي علي الاوضاع في مناطق المتاثرين ، فاذا

كان البشير رئيس النظام الراقص والمطلوب من الجنائية لمقتل مئات الالاف في دارفور تجاهل المحكمة الدولية ولم يستطيع المجتمع الدولي تنفيذ العدالة

فكيف يمكن ان يستفيد المتضررون من السد من هذه الخطوة ؟؟؟؟؟؟؟

شكرا اخي الخبير
نحن الان بدانا نجني ثمار هذه الضغوط قرار فوري يالكهرباء والطريق وبموافقة من كانوا يرفضون ذالك بالامس .هذا في مجال التنميه وشوية دفره بتجيب الباقي

من طرف **يس مصطفي** الخميس 22 سبتمبر 2011, 8:22 pm

ابو هشام كتب:
ابوسما كتب:يا مولانا ابوهشام ما زرت (اسمك وتلفونك)؟؟؟؟؟؟؟؟؟؟

معقولة شيخ ابو سما في المنتدى وابو هشام يترك آثاره هناك

تلقوها عند غافل

والله دي عوجه كبيره اي منصوري يسعي او يساعد الغير علي ظلم اهله دا يكون ود حراااااام بالافعال مابالتجنس خليكم حرفه اخدوا مرتباتكم واتعنصروا مع اهلكم ماشايفين جيرانا كيف مسكوا البلد برابرا يشاتموا بعض ولما يتلموا براهم عسل مع لبن وناس قريعتي طارت ديل ساونها بالجد هههههههه

من طرف **ابو مصطفى** الخميس 22 سبتمبر 2011, 8:37 pm

يا حكم صفر دا فاول والكورة خارج الملعب السودانى والحكم سودانى الله قادر

من طرف **ابوسما** الجمعة 23 سبتمبر 2011, 1:22 am

يس مصطفي كتب:
ابو هشام كتب:
ابوسما كتب:يا مولانا ابوهشام ما زرت (اسمك وتلفونك)؟؟؟؟؟؟؟؟؟؟

معقولة شيخ ابو سما في المنتدى وابو هشام يترك آثاره هناك

تلقوها عند غافل
والله دي عوجه كبيره اي منصوري يسعي او يساعد الغير علي ظلم اهله دا يكون ود حراااااام بالافعال مابالتجنس خليكم حرفه اخدوا مرتباتكم واتعنصروا مع اهلكم ماشايفين جيرانا كيف مسكوا البلد برابرا يشاتموا بعض ولما يتلموا براهم عسل مع لبن وناس قريعتي طارت ديل ساونها بالجد هههههههه

إذا جاريت ذى خلق ٍ دنيئا فأنت ومن تجاريه سواء
لئيم الفعل من قوم ٍ كرام له من بينهم أبداً عواء

من طرف **ابو هشام** الجمعة 23 سبتمبر 2011, 2:13 am

المشكلة يا استاذ يس إنو الجماعة جو المنتدى عشان يشتغلو شغلهم

يعني الوظيفة بتاعتهم عايزين يطبقوها في أعضاء المنتدى

وإلا,, ليه السؤال عن الإسم والتلفون

يا أخي رد علي منطق بمنطق وحجة بحجة

كمان جابت ليها مخاشنة وتهديد

غايتو نحن قاعدين وحا نقول العايزنو

والما عاجبو يكلم اسيادو

من طرف **يس مصطفي** الجمعة 23 سبتمبر 2011, 2:33 am

ابوسما كتب:
يس مصطفي كتب:
ابو هشام كتب:
ابوسما كتب:يا مولانا ابوهشام ما زرت (اسمك وتلفونك)؟؟؟؟؟؟؟؟؟؟

معقولة شيخ ابو سما في المنتدى وابو هشام يترك آثاره هناك

تلقوها عند غافل
والله دي عوجه كبيره اي منصوري يسعي او يساعد الغير علي ظلم اهله دا يكون ود حراااااام بالافعال مابالتجنس خليكم حرفه اخدوا مرتباتكم واتعنصروا مع اهلكم ماشايفين جيرانا كيف مسكوا البلد برابرا يشاتموا بعض ولما يتلموا براهم عسل مع لبن وناس قريعتي طارت ديل ساونها بالجد هههههههه

إذا جاريت ذى خلق ٍ دنيئا فأنت ومن تجاريه سواء
لئيم الفعل من قوم ٍ كرام له من بينهم أبداً عواء

نفسي عزيزه وافهم العلم لاهنـت
الـذل مايـوم ٍ بعمـري تبعـتـه
بلادي وإن جارت علي عزيزة ... وأهلي وإن ضنوا علي كرام
حياتنا فايدته شنو اذا دايرين يزلونا فيها[right]

من طرف **نورالهادى** الإثنين 23 يناير 2012, 5:50 am

ستواصل المحكمة جلساتها هذا الاسبوع بعد ما جمعت بعض الأدلة والبراهين التى تثبت ادانة مستشار السد .

انصر دينك ا الزعيم عسكوري تعدد الجبهات لب الموضوع سلام

من طرف **ALIHADOWRY** الإثنين 23 يناير 2012, 7:42 pm

باشمهندس رجائى ترشيح عسكورى ايضا لزعامة المناصير ولا ينصر دينك دى فشنك ذى حقت العمدة بتاعك الفشنك

من طرف **mohmedmosa80** الإثنين 23 يناير 2012, 8:33 pm

الشكر للاخ الكليس والتحية لهويدا ابو شعر * الاخت هويدا لا اريد ان ارد عليك اليوم بخصوص الخيارات وايهما افضل ولكن سترد عليك الايام والزمن عما قريب والصابرات روابح وان طال الزمن ولا اقول كما قالت زرقاء اليمامة ارى شجرا يمشى ولم يصدقوها قومها ولكن اقول لك ارى من بعد الايام رمال تزحف وحقول يصيبها الجفاف واهلها يتشتتون بين الرباطاب والجعلين وابناءهم يتركون المدارس ويصيبهم الهوان ولا يجدوا من يقف الى جانبهم الا اخوانهم فى الخيار المحلى فلا تتحاملى على اخوانك اليوم فالايام ستحوجك اليهم عما قريب *احبب حبيبك هونا ما عسى ان تكرهه يوم ماوابغض عدوك هونا ما عسى ان تحبه يوم ما*

من طرف **ودالبلد** الثلاثاء 24 يناير 2012, 1:37 pm

mohmedmosa80 كتب: الشكر للاخ الكليس والتحية لهويدا ابو شعر * الاخت هويدا لا اريد ان ارد عليك اليوم بخصوص الخيارات وايهما افضل ولكن سترد عليك الايام والزمن عما قريب والصابرات روابح وان طال الزمن ولا اقول كما قالت زرقاء اليمامة ارى شجرا يمشى ولم يصدقوها قومها ولكن اقول لك ارى من بعد الايام رمال تزحف وحقول يصيبها الجفاف واهلها يتشتتون بين الرباطاب والجعلين وابناءهم يتركون المدارس ويصيبهم الهوان ولا يجدوا من يقف الى جانبهم الا اخوانهم فى الخيار المحلى فلا تتحاملى على اخوانك اليوم فالايام ستحوجك اليهم عما قريب *احبب حبيبك هونا ما عسى ان تكرهه يوم ماوابغض عدوك هونا ما عسى ان تحبه يوم ما*

العاطفة شئ والكتابة بموضوعية شئ اخر فكل ماتكتبه من حرف تاكد انك تكتبه بصدق وامانه.

ALIHADOWRY كتب:باشمهندس رجائى ترشيح عسكورى ايضا لزعامة المناصير ولا ينصر دينك دى فشنك ذى حقت العمدة بتاعك الفشنك

علي اخوي الحاجه الماعايز تفهمها انت انو انا مع افعال الرجال لا كلامهم،يعجني الراجل المجتهد اما التوفيق والنجاح من الله،ومالي في السياسه.
احمد عبدالفتاح راجل شيخ واحبه جدا بقدر حبي وعجابي بالمناضل عسكوري،وحسين زيدان وكل اللذين ضجو من اجل اهلهم بالفعل ما بالكلام،ليس لي مصلحه في زول لا احمد ولا عسكوري ولكن كلاها تعجبني إجتهاداته،انا عكسك تماما ياخي ارجو ان تفهم الحته ده، ماعندي مشكله مع الختميه ولا الشيوعيه ولا الجبهه الإسلاميه انا زول متصالح مع الكل وعندي البقاء لمن اعطي واصلح،وهذا يحسبه له الجميع قبلي