الاجازة على لسان المرحوم/حبيب بابكر

هذه الابيات نظمها الاخ المرحوم حبيب وهو حينها كان طالبا بمدرسة ابو حمد الثانوية فى السبعينات

قالوا الاجازة ايامه جن

الطلبة ماشين يقضوا رحلات فى المدن

تخفيف لاهات الدروس وحس الجرس الفي القلب دايما يرن

قام المدير قطع تصاريح والتوالت حاجزن

اما المسيكين اهلو مادوه الاذن

حارسنو لحش القمح حارسنو للصيف البصن

لملم هديماتو البسيطة ودخلن

فوقن بقايا من الحبر ما غسلن

ايه اللزوم من الغسيل ما اصلو رايح يندفن

جاه القطر والدنيا ليل بقى فى المصايب والمحن

فى السلم اتربع قعد نازلة الدموع يبكى ويئن

حزنان على زملاه ديك الفارقن

فى الكاب وصل واللورى لسع ما شحن

عدوا القروش الباقى لى ود الحسن

وصل البلد الجيب خلا كانو مقيود برسن

بعد السلام الوالدة جات شايلة الصحن

قالتلو افطر يا عشاي طولت باقى من اللبن

بعد الفطور قلع هديمات السفر اللابسن

وفى لحظة مر على البيوت سلم على ناسا حنان ما قابلن

من طرف **عباس محمد** الأربعاء 28 مارس 2012, 8:41 pm

تشكر اخى عمر
والرحمة والمغفره للشاعر حبيب
والله هذه قصيدة من الروعة اثارت فينا شجونا من الذكرى
والزمن الجميل ايام الدراسة والهم على الغير

تقبل المرور

الاجازة على لسان المرحوم/حبيب بابكر

الاجازة على لسان المرحوم/حبيب بابكر

رد: الاجازة على لسان المرحوم/حبيب بابكر