مَـكـَسـَّـر فيها شديدالحلوة دي؟

مكوناتها
1 دقيق قمح نمرة2
2 شوية عطرون منصورية
3 تمر رطب.مشرق أو ود لقاي أو بور
4 سمن بلدي
5 حلبة
6 بهارات
.............

نسيت أنقلا المطبخ المنصوري بي هناك؟

انا كمان عجبتني مع إنو اكلتها مرة واحدة في حياتي
عملتها لينا حبوبة بطريقة حلوة ونقصت لي واحدة من مكوناتها وهي الحلبة ما بحبها أبدا
وللأسف ما بعرف الطريقة بتاعتها كيف
وجيلنا ده ما بعرف الكتييييييييير أستاذنا

هذا ما قصدت أنا يا هناء
فعلاً جيل الحبوبات ده حقو الجيل الجديد يتعلم منو،الأكلات المنصورية قبل ما ينقرض
فعلا معاك الحلبة فيها رائحتها نفاذة شديد، لكن شوية منها ممكن
إضافة الحلبة فيها تخلي القراصة بتاعة التمر تصل من البلد لغاية الخرطوم، من غير ما يتغير طعمها، وكأنك عملتيها البارح.
...........
لو إدارة المنتدى مرة في تقليعاتهم، تبنوا مطبخ منصوري مفتوح، في حديقة عامة، لثلاثة ايام مثلاً.. وأعلنوا عنو.. وجابوا اسطوانة غاز وكشك.. وجابوا منصورية مسنة شوية ومعها بنات يساعدوها، وقدموا وجبات منصورية بحته.
أنا متأكد سوف يدر ذلك عائداً مادياً كبيرا
وناس غير المناصير ممكن يجوا ياكلوا
بعدين العائد بعد المنصرفات نساهم بيهو للقافلة الصحية في الخيار المحلي

كلام جميييييييييييييييييييييييييل والله
بس إحنا الحبوبة نلقاها وين
البلد دي ما بغلطو يجوها

ده السر في أضافت الحلبة يعني
يا حليلنا

البقرأ العنوان يقول القبه تحتها فكي يجي يلقاها قراصه اما عالم جبانات بشكل واميره تقول لي في بوست اخر تشوف العنوان يخلع اسمه طلاق الهجعه اه يااميره وانتصار كلامي مشي وجاء

ماقلنا ليكم (مافي داعي نتم الباقي ) لكن الفيكم اتعرفت

قالوا انا كتاب الله ما بباه لكن الفيك اتعرفت دحين ياصديق ومصباح الفيكم اتعرفت وكمان مصباح يصلح فيها بكتاب الله اوعكم من طريقه ا .........

قال انا مكسر فيها سبحان الله اقول حاجه خلي اميره تتصل باالحكومه عشان تعرف محل الفكي دي وين وعشان تكتب الله يستر عليكم وكان الله في عونكم

هاشم نحور المعاني لمعاني سامية في موروثاتنا وقضيتنا..
أتاريهو الجابك كلام تاني؟
الفي بطنو حرقص براهو برقص.. نحن ناس ابرياء.. والحكومات بعيدة عن الحتة دي؟
إلا كان الحكاية الجابتك تفتح الموضوع!

البقرأ العنوان يقول القبه تحتها فكي

الفكي شنو تأوليه هنا يا هشوم..
نحن عايزين نربي أولادنا..
الفكي البي تقصدوا يعني داير نقول ليك تعال أحضر العقد الجديد على الحكومة الجديدة؟

الفكي تأويله شنو

غايتو انا امبارح حلمان شفتك انت وانا في وادي اب سباع استغربت وفكرت في حكايه وادي اب سباع دي غايتو ياالفكي اقصد ياصديق رجعت لي وراء وركزت علي حكايه اب سباع وتحليلي ليها غايتو اب سباع ده الحكومات جيناتهن من هناك ومعروفين ناس اب سباع ناس خطرين في مثل هذه المواضيع دحين يا اخوي فكر في الموضوع

بو سباع يعني نفونا فيهو.. يا هاشم نفتنا حكوماتنا.. عشان بي نظهر في المواضيع دي؟
والهظار في المواضيع دي خط أحمااار عند الحكومات المصرية
وكل السبب في ذلك أميرة الحومري مفروض تدافع عنا أمام حكوماتنا

ياناس انا زنبى شنو هنا انا لابعرف حكومتكم ولا بعرف لى فكى
وكل القلتو الله يستر وبهناك مع الطلاق
وانت يا اخوى صديق ما داير ليك دفاع براك رافع البيرق اقصد كلامك كلو سمح عن الحكومات
اما العنون فعلا جاب اكبر عدد من المشاهدين وكمان الناس الفى قلب حرقص
بالمناسبه استاذ صديق انا درست اعلام وعلاقات عامه وكنت بحب ماده الاعلان التى بها قسم عن العناوين البارزه وكيفيه استقطاب اكبر عدد من القراء
ود النجحتا فيهو انت كعادتك

إنت كمان ما مقصرة يا أميرة الحومري كتخصص لك ، الإعلام..
تستاهلي تكوني مراسلة صحيفة..ونشكرك على إثراء المنتدى بالمواضيع السلسة على القارئ
الله يديك سعادة الدنيا والأخرى

رافعين البيرق

(القبة فيها فكي) يعني يا هاشم ..عايز تلحقني بوست الحاج شرف الدين والله شنو؟
فك التسجيلات القديمة

الصوره     الصوره   اتغيرت

الصورة كمان الغيرا منو يا سهام؟
الصورة ثابتة.. قراصة قراصة قراصة قلنا..
أما صورة البروفايل تتغير حسب المناسبات وتتجدد

اول حاجه ياصديق انا لما قريت عنوان البوست قلت الليله الزول عاوز يتفلهم فينا بي حلويات ناس بره يعني عملت زي هاشم وبعدين دخلت ولقيت الحلو حلو حبوبتي نوره الله يرحمه ورجعت بي زكرياتي وانا بساعد فيها في هذا الحلو والدموع عاد قريبه تف تف وعلقت في الصوره وبقيت مارقي وماخفي اعظم اللهم تقبلها مع الصديقين والشهداء

يا حليلا
ربنا يتقبلا مع الصديقين والشهداء

ايوة ممكن نقول ليك حاجة من حلويات ناس برة
...........
ناس لبنان عندهم تشكيلة كدة من الحلويات يبيعوها في رمضان.. مجموعة كدة مع بعض.. زي مجموعة حلاوة المولد عندنا
هم يسووها في رمضان.. معجنات كلها..
يسمونها ( هلال رمضان ) وناس جبل لبنان يسمونها ( أصابع مها) خلطات كدة تشبه.ز بلح الشام.. وبعضها يشبه المهلبية.. وبعضها يشبه أم علي بتاعة المصريين بس على أحلى.. يجمعوها في صندوق زجاجي ويبيعوها.. حاجة منتهى الروعة.. وحلوة المذاق.. بعضها مذاقه على حلو. بعضها على حاذق.. بعضها على حامض... بعضها على ( مقق ) تعرفي مقق بي لغة المناصير... ورد شرحها في القاموس..

بالمناسبه ياصديق انا عباره عن خلطه عجيبه بالرغم من انو انا اتولدت في العاصمه وتربيت في العاصمه واول مره ازور البلد كنت في اوله متوسط لكنها كانت زياره دامت ثلاثه شهور والزياره الثانيه كانت قبل الغراق مشيت وثقتها تصوير فيديو وصور عاديه وكانت ثلاثه ايام *تاني مارجعت لكن السنه دي ناويه امشي اضحي هناك *ونرجع لكلمه مقق ياصديق مناصير العاصمه متواصلين ارثيا مع مناصير البلد لانو عمرون ماانقطعو مننا كانو شي علاج واحدين طيانه واحدين ترفيه غايتو كانت ايام جميله اخذنا منهم كل التراث المنصوري يعني دهنا ينجضا كنت عارفاه وبرضو يقولو ملح مقق فاهماه حاتلقاني موسوعه بين هني وهناك وشهيتنا في قراصه التمر عاد النقوم نسويها بس عاد مايقولو المره جنت والبيسوي المنتدي كتير

لا ما شاء الله يا أستاذة سهام
اصلو أنا ناس دربي ديل من زمااان عندي فيهم راى عبرت عنو في مجاميع كثيرة..
إنو دربي دي مدفوق فيها ذكاء دفق. بصورة عجيبة.. ما قابلني ولد والله بت من ناس دربي إلا هم أذكياء. ذكاء خارق يعني موش ذكاء عادي..
هو ناسن الكبار ذاتو أذكياء.. بس ذكاءهم كان مكبوب ومدفوق في عكازي وعكازك.. وتوابعه
ناس عبد الواحد أحمد علي
وناس ولاد حومماد دين
وناس ولاد لبيني وعترتو كلها
وناس ولاد جيب الله
وناس الزين علي محجوب
ولسه لسه..
ياخي دربي دي مرة أنا جايب لى قروش من أبوظبي من هنا لى أم عبد الواحد الله يرحمو وأخواتو.. عبد الواحد قال لى يا صديق أمي دي محتاجة وماتقول ناس السوق تديهم زول تقول ليهو ودهن ليها؟ قد ياكلن. الناس اتغيرت يا صديق.. والقروش كانت كتيرة. هي كمان تقسم منهن على أخواتو كمان..
قلت ليهو يا عبد الواحد، زي ما بيقولوا المصريين ( خت في بطنك بتيخة صيفي) قسماً عظماً إلا أمشي دربي بي حمارتي وأسلمهم لى أمك يد بي يد.. وأبيت معاها وأجيب ليك منها صور.. رحمهم الله
يا زووول.. ركبتا حمارتي الما خمج.. الزرقا الطويلي الزي الحصان حمارة عبد الله الحنوني حمارة المشاوير الطويلي..
وصلت دربي بيتا معاهم.
بالله عليك الله ما فتحت عيني من الملايي وجنبي الصالون  بالليل أربعة سراير كانت فاضي.. الصباح لقيت ليك السراير الأربعة متوتلات حريم كل واحدي جايبي شايا وقاعدات.. وزول الصعيد الخملة ده! لسه  النوم في عينو.. ما قام مصمص ولا اتسوك..  بالله جنس براريد وشاي بي لبن... وكمان الما بتشرب من برادا تزعل؟
بطينة الجن دي غايتو يوم داك اتملت جنس شاي بي لبن.. لا حولا... وفي زلابية كمان
زي ما أنت قلتي بي هناك ناس البلد على سجيتن وزي حكاية الجات بي حمارتا الصباح دغش في حوشكم. ضلفين الحمارة كجك. كجك.. مع الحمار
 هو تعرفي كحاية ضلفين الحمارة بتاعتك دي.. عشان كان عايزة تصحيكم..
أنا حصلت لى واحدة قريبة منها ، لكن أتداغلتا وظليت تحت الملاية
وهي
 ديوان ناس عبد الواحد مافيهو حوش. حيطة واحدة كدة والباقي فاضي وطرف حجار.. يجن شايلات صينية الشاي وعشان الواحدة تنط على حجر في الحوش والله حاجة والإهتزاز.. أسمع ليك صوت الكبابي كجججج   كججججج.. صحاني. أو أظنهن إتعمدن عشان يصحني.. بس اتداغلت..
لامن أم عبد الواحد جرت الملاية..( هيييييييي يا ولد.. يا ود الحنوني..؟ صباح الخير..
الحريم القاعدات مليات السراير ما عارف جن متين. الشمش ما شرقت. قالن ليها. حي عليهو تعبان من ركوب الحمارة مالك مصحاه
قالت ليهن هيي. الولد ولدنا. أبوه سرنا ود اب حنة؟ علّ أمو من لافوق من ناس القبلي ناس الشرق.. امو في حياتي دي أنا شايفاها فرد مرة.. علّ أبوه  الحنوني شايفاه كان مية مرة شوية الراجل سري.. كانت أيام منتهى الروعة..
الناس زمان عندها انسانية... وتتعامل معاك  أخ أو ولدهم  بكل بساطة.. أما الزمن ده وين؟

والله يازعيم زكرتنا ايام السفر بالقطر واللواري غالبآ تكون زوادتنا بالمتمره والبكابه ومن راح السفر بالقطر راحت معاهو