سلام كبار بلدنا وصغارا

الوظيفة وجربناها الدهب ومشينا عتالة وتعبنا فيها ودا كلو عشان نستر حالنا وكمان نجيب حاجة كدا ندخل بيها على اهلنا

الحمد لله اتوفقنا جبنا لابتوب نص نص كدا ومعاه ون كونكت مرة انترنت ومرة اتصال وونسة مجانية مع ناس البلد ، يعني التلاتين جنيه ما خسارة وجايبا حقها

ودخلنا المنتدى كدا لا نحنحة ولا يحزنون ، ما نحن ناس بيت ،وكمان خالد عابدين شرانا شرة طويلة في تفعيل الحساب ،

وكانت الشفقة .

بدينا بالمقلوب / بدل الترحيب وكدا بدينا من فوق من عمنا صديق وصينية البيتزا

وبدانا نلتهم ، ما في البيتزا ، لكن في مواضيع عجيبة ورهيبة ، عيونا زغللن ،

ورجعنا تناني ، ناكل بشغف بس ما ني ذايعين لكن شفقة ساكت

والله يا صديق ما شبعنا لكن حنكنا وجعنا والله حنكنا وجعنا

ودي يحلوها كيف ؟

قلنا كدي نغير لمائدة تاني ، لقينا مصطفى عمر ، وبالرغم من كراهيتي للتنقليزي الكاتب بيهو اسمو الا انو ريحنا شديد ، كلام /ومواضيع متنوعة ومختارة بعناية فائقة

ما كملناها وفترنا

قلنا نشوف التحلية

مشينا الاغاني والفيديو ، نقزنا وطربنا وانسختنا عديل ودستورنا نزل هناك

ويا ود المناصير عليك الله ،خسارة يا خسارة دي رجع لينا تاني من جديد ، واتاري الدنيا غدارة خسارة يا خسارة

ووقفت كتير عند ،رانيا دايراك بس تشوفا رانيا ذكراك حارقا جوفا

يا العبدت المال عبادة رانيا طشيت من بلادا

رانيا عصفورا شدا لي في عيونا انا شفت حالي

اما محمد وين دي دايرا ليها كلام تاني

رجعنا تاني نغني ، اقصد نقرأ وقلنا نشوف عمنا ود المناصير

حكمتك يا رب ، وقفت بس عند المناصير اصول وثوابت وما قدرت امشي قدام

وفي الجابيقا دي عندي اضافة

دست على اضافة رد ولما جاتني الصفحة طارت الاضافة وتشتت الكلام وما عرفت اكتب شنو؟

هل ما اكتبه سيكون على نسق الموضوع ؟ لا لا

الناس حا تقول شنو ؟ طبعا صعب الحكم بعد كلام ود المناصير

في النهاية قلت انا حا اكتب عوارة ساكت ياللا انسى

وخرجت من الموضوع !! ولسع حاير اعمل شنو ؟ لكن قلت اجيب ورقة وقلم واكتب واكتب حتى اصل لحاجة كدا يمكن الناس يقروها

ولسع ما فتا السطر الاول

وانا خارج من الموضوع لقيت الاعتذار ، قلت نشوف

ولمت نفسي . وقلت خلي بالك انا السبب ، دخولي دا جنا على الناس ويمكن سحرتهم ؟

يا ربي لو انا اتخارجت بسلامة كدا يمكن الامور ترجع .؟

ود المناصير : دوس على نفسك واجبر بخاطر اخوانك وما تكون قاسي عليهم

والمنتدى لو ما فيه اختلاف ما بيكون منتدى جميل

بس رجائي الكلام الشين ما بيشبهكن يا جماعة يا مناصير الخير نحن ما شين عليكن وانتو ما شين لي ورا

وانتو الكبار اختلافكن كان كبير نحن الصغار نقول يا منو ؟

ود المناصير اخوي . صلي على نبيك وواصل حكاويك وثق في اخوانك فاختلاف الراي لا يفسد ابدا خوة وهي عثرات وشدهات وابتلاءات عشان ربنا بيريدكم كلكم

وفي امان الله

لما يجاوب محمد بروي نيابة عن الكل

لمكان نفسي مكان الخير كلو غاشي

مكان زولي مكان ناسي

مكان تاج عزة فوق راسي

مكان الريدة نبراسي

مكان لا قلنا لا قالوا ولا هماز ولا واشي

لما يكون هكذا التفرد والشعر والغنا ،يبدأ ابو هشام في التعتعة والكلام

شاعرنا وسيفنا المسنون محمد بروي

اجمل ما قرأت / لله دركم اولاد بروي

شكرا يا زعيم على مداخلتك دي وهي شهاد شرف لزول تائه وسط كبار اهله وكان لا بد من ان يدلوهو

حبيبك تاه من دريبو منو البا فيلك يدلو ، قلو يا مرسالي قلو

حاجة غريبة :

لاول مرة اعرف انو اغنية محمد وين ما عندها بداية شطرة محددة يعني اي بيت تمسكو يوصلك للبعدو والمعنى ما يختلف

دي وين ؟ وعند ياتو شاعر ؟

محمد بروي وبس

الشفقة يا استاذنا ما خلتنا نكمل المواضيع ونمشي على حلو الكلام بتاع ود بروي

لكن انا قاعد ليهو تب

وبجيك لحلاوة العيد

الذهبي نور الهادي .. نور الله قلبك بالإيمان ... عيد سعيد إن شاء الله

وانا معاكم لا يساورني ادنى شك باني بين اهلي

وترحيبك دا امتداد لمناصير الاصول والثوابت والكرم اللامتناهي

شكرا ليك وكتر خيرك

عذرا عمنا علي الكليس فقد سمعت عنك كثيرا وجيت المنتدى عاينت صورتك

ووجدتك منصوريا اصيلا لا كرفتات برجوازية ولا مساحيق بدرة مصرية

يعني منصوري كامل الدسم

وانا والله احساسي يقول علي الكليس دا كل احلامو يقظة او حلم عديل كلها موجهة لقضية اهلو ودا فعل ناس الاصل والاصل الثابت كمان

عيدك سعيد

وتسلم يا كبير على التعليق الظريف

اخونا ابو هشام مرحب بيك وسط اهلك واخوانك واخواتك فى المنتدى

ونامل ان تكون اضافه حقيقيه لمنتدانا

منتدى كل المناصير

وكل سنه وانت طيب

ربنا يخليك اميرة الحومري ويخلي ليك الامورة زينة الصورة بالمنتدى واخوانا يا رب

وتسلمي وبنات المناصير كرمن زي كرم الرجال سوا سوا

وكتر خيرك على الترحيب وربنا يقدرنا على جزاكم

وعيدكم سعيد وان شاء الله تامين ولامين والمناصير كلها وحدة واحدة

شكرا عزيزتي

أبو هشام .. حياك الله وأبقاك وأهلا بك بمنتداك و الدار دارك _ يبدو من سردك الرائع أنك ذو درايه ومعرفة وأنك من المخضرميين الذين صقلتهم الحياة وأكسبتهم تجارب وخبرات عديدة ولديك الكثير والكثير المفيد عليه نتطلع لمساهماتك ومشاركاتك والتى حتما ًستثرى منتدانا الرائع فمرحبا ً بك وكل سنة وأنت طيب _

لك تحياتى وتقبل مرورى ،،،

الزعيم النفر / العيد مبارك عليك وربنا يتقبل منا ومنكم صالح الاعمال

وعليك الله الزول لما يجي المنتدى ويلقى ناسو البفتحو النفس / ويجد الترحيب وحرم تدخل لى جوة وعلي الطلاق تتفضل

عاد يسوي شنو ؟ مش يجيب البشبه الناس دي ؟

اهو نحن نحاول والاجر علي الله والتقييم عليكم

وبرضو عايزين نتعلم من كبار بلدنا وصغارا

وهو في زول طلع من بطن امو يعرف ؟

الناس دي كلها اتعلمت برا ومن بعض

وعيدك سعيد يا زعيم

فالمنتدى اخى ابوهشام فى انتظار مساهماتك

ولك منى كل الحب والاحترام

النعوفاب اهلنا وحبايبنا / ويكفي انهم يستقبلون البلد كلها مساء الاحد وصباح الاتنين اسبوعيا

المراكب مربوطة ما في زول يقول لك قلعت زرعي واللا بشتنت بحالي

وبي فوق الحمير والجمال مربوطة والقصب راقد وما في زول يقول قصبي وبرسيمي

الناس كلها ترحاب واهلا سلام اتفضلوا

العزيز سلمان / العيد مبارك عليك / واظنك زول عقاب : حارس المنتدى تب

ربنا يعينك ويديك العافية

وكم احزنني غياب ود المناصير لكن انا متاكد الزول دا لو قرأ كلام اخوانو ديل حا يجي وبنمرة اربعة يواصل طوالي

اصلو الناس الزي ديل حنينين زيادة

بس شوفو تلفونو وين وهامسوه

وكل سنة وانت طيب سلمان

معلومات المنتدى تقول إنك إداري ومساهماتك 1216 ( حتى اللحظة ) وتملك وسام العضو المتميز

وابو هشام / يقول هذا ليس كافيا يا إدارة المنتدى واعضائه /

الرشيد يكافح ينافح يصول ويجول يكتب ولا يمل يطرق كل الوسائط ويدخل كل الصحف وينداح لكل بيت سوداني / وتكون المناصير حاضرة / كقبيلة / وكإسم / وكقضية

ومن سخر نفسه ووقنه وقلمه للبلد وناس البلد أحق ان يكرم ويبجل

وهذا طبعا ليس غريب ولا دخيل ولا مصطنع

ديل أولاد اللفندي / تاريخ / لما الناس خفت سراعا لام دويمي

وكتابات وحكايات وسياسة وعلم وتعليم لما كان العلم هناك اقل مرتبة من الزراعة والمونة والطين

فكان عبد الوهاب وكان الرشيد وهذ1 ما نعلم واكيد هناك الكثير من هذه الاسرة التي تعتبر فخرا للمناصير

الرشيد / كل عام وانت بخير

ولسع كمان وكمان فالمناصير عايزة الكتير

وما في غير اولادا واهلا وشيالين تقيلتا

وانت واحد منهم

عيدك سعيد

عندى إحساس أن ود المناصير الغائب حاضر بيننا _ جزيت خيرا أخى أبوهشام على هذا الإبداع وهذا التألق .... لا فض فوك ولا جف يراع قلمك _

النفر كتب:عندى إحساس أن ود المناصير الغائب حاضر بيننا _ جزيت خيرا أخى أبوهشام على هذا الإبداع وهذا التألق .... لا فض فوك ولا جف يراع قلمك _

يا سلاااام / النفر عيدك سعيد

ليتني كنته

شباب حلتنا في الدارة

فرح نضويها الديارا

عزيزي النفر : كلمات اغاني المناصير لو حفظناها وطبقناها

كنا سويناها جنة

وكان حفظناها وشرحناها كتابة كان كلنا بقينا ود المناصير

انظر لصورته الرمزية تعرف من اين ينبع تميزه

شكرا لهذه الشهادة

اولا كل عام وانت بخير ابوهشام

تقبل الله الصيام والقيام

واعادعلينا العيد اعواما عديده ونحن اكثر وحده وامنا واستقرارا

الف الف مرحب بك وسط اهلك واخوانك

نورت المنتدي ابوهشام

قبل التهنئه قررت ان اعتذر عن الكتابه والاطلاع

حتي يعود ودالمناصير الي داره في المنتدي

لا أظن ابدا ان ودالمناصير سوف يعود

يقيني انه لن يعود

واكاد اجزم انه لن يعود

لقد قصرنا كثيرا في حق بعضنا البعض كاعضاء

وقصرت ادارة المنتدي ايضا في حجب ودالمناصير عنا

قصرنا في حق بعضنا البعض بعدم اعانة بعضنا البعض

بالمشاركة وابداء الراي والراي الاخر

وقول الحق ونصرة المظلوم

تركنا ودالمناصير وحيدا يبحر بالسفية

حتي ارساها في بر غير ذي زرع

قصرت الادارة بعدم الاطلاع والمشاركة

وحسم كثير من المواضيع اول باول

فان معظم النيران من مستصقر الشرر

دمتم

العزيز ساري الليل كل سنة وانت طيب

ويا اخي خلينا نتفاءل

تفاءلوا بالخير تجدوه

والخير هو وحدة واجماع وتلاقي وانسجام واحساس متبادل يوجه كله نحو هدف ومقصد واحد / المناصير

وعيدك سعيد

لو لا برر الاخ ابوهشام فى المقدمة اسباب تاخيرة فى التسجيل فى المنتدى لكان مثل هذا الرجل الموسوعة صاحب القلم الرزين صاحب الابداع الموزن لكن فى لوم الجميع
اين انت طيلة السنوات طيلة الزمن
حتما سيكون ابوهشام الرجل السوبر فرحة العيد وفرحنا بقدومك
وبالرغم من حزنا خيم علينا بلامس على ودالمناصير
ابوهشام خير خلف لى خير سلف
كم تكون سعادتنا وانت بجوار ودالمناصير ونتذوق معانى العبارات القيمة والصادقة عبركم بك نرحب مرة كرارا نزلت سهلا

مونتارى كتب:لو لا برر الاخ ابوهشام فى المقدمة اسباب تاخيرة فى التسجيل فى المنتدى لكان مثل هذا الرجل الموسوعة صاحب القلم الرزين صاحب الابداع الموزن لكن فى لوم الجميع
اين انت طيلة السنوات طيلة الزمن
حتما سيكون ابوهشام الرجل السوبر فرحة العيد وفرحنا بقدومك
وبالرغم من حزنا خيم علينا بلامس على ودالمناصير
ابوهشام خير خلف لى خير سلف
كم تكون سعادتنا وانت بجوار ودالمناصير ونتذوق معانى العبارات القيمة والصادقة عبركم بك نرحب مرة كرارا نزلت سهلا

عزيزي مونتاري / عيدك سعيد

ويا اخينا لا تحملنا فوق طاقتنا / اخوك اصلو بسيط لكن الدنيا دردقتو وجهجهتو وجننتو ولسع معصلجة / ويبقى وسط اخوانو يلقى كل الفاقدوا

ود المناصير حتما سيعود / الشوق والالفة دي صعبة خالص

اما اكون خلفو دي صعبة شوية

ولكن سنعافر وندافر نسر ونجاهر حتى ننال النجاح الباهر

وبينكم محل الدنيا تضحك لي واحسن انو الزمن ماشي / تبقى حواس الناس من حواسي

ويجينا الخير كلو غاشي

وعذرا محمد بروي ، ان شاء الله نجرينا دا ما يعوق الشغل السمح داك

عيدك سعيد يا زعيم

النفر كتب:عندى إحساس أن ود المناصير الغائب حاضر بيننا _ جزيت خيرا أخى أبوهشام على هذا الإبداع وهذا التألق .... لا فض فوك ولا جف يراع قلمك _

الشيخ النفر ... سلام يا رائع وكل سنة وإنت طيب يا راجل يا راقي

وإحساسك دائما صادق

فقط استاذ ابو هشام جاء بما عجزنا نحن عليه

جاء بوفاق اراه ظاهرا ولا خلاف عليه .. وآمل أن يواصل بذات الألق الرهيب

استذنا ابو هشام ... معذرة وكل سنة وانت طيب

وشكر لك على تلك العبارات الرائعة في حقي

وأنت كاتب بارع نتمنى نصحك وتقويمك إن رأيت منا إعوجاجا

لك ودي وحبي وتقديري

عذرا العزيز ابو هشام .. فلم اجد بدا من استلف منك هذا الموضوع باكمله

ولن اخيب ظن الرائع النفر ابدا

فلك العذر

وغيبتك طالت

ان شاء الله خير

وقاعد فوق راي