الشدر الكبار فيهو الصمغ

عادة لايعمل شجر الهشاب الصمغ.. إلا وهو كبير..
مثلاً اقول ليك والله دكتور مصباح ده! حافظ تراث أهلو ولهجتهم؟
يرد عليك التاني يقول ليك.. ( الشدر الكبار فيهو الصمغ!)
..................
بنت مثلاً عمرها 18 سنة .. تتزوج واحد عمرو40 سنة
يقولوا ليها ليه إتزوجتى الراجل الكبير ده!
تقول ليهم( الشدر الكبار فيهو الصمغ!)
يعني عصارة التجربة عنده، مما يساعد على إدارة دفة مركب حياة الزوجية في بحرها الخضم، ويتصرف بحكمة ودراية ومعرفة، لإستمرار الحياة، موش زي الولد الصغير الذي في عمرها ، ممكن يزعل لاقل شئ تافه وصغير ، مما يعرض مركب حياة الزوجية للأعاصير والرياح وهوج الموج، فتنقلب عليهما الاثنين مركب حياة الزوجية بالطلاق... وهو عصرته التجارب. وقلبو مليان حنية شديدة عليها ويحترمها ويقدر كينونتها كأنثى، ويصير لها اب وزوج واخ.. وأم... عشان كدة اختارته كبير