برعايه منتدي المناصير بلدي

الاخ يسن لك التحيات
والله يحقق الغايات
ويبارك ليكم الخطوات
وتوثقوا كل تراثنا الفات
من أشعار وموروثات
وتعمل منو كم حلقات
ويشاهدو الكل على القنوات

الزمان الساعه الثالثه والدقيقه الثامنه صباحا

المكان ولايه النيل الابيض مدينه الدويم

الزول ده سهران وماخداهو غربه
اكيد طار النوم منو عشان ماعندو سحور

ندوس السكته والعبرات
وكل اسبوع تكون حلقات
ننقي السمحي والصفوات

الكلام ده بجيبك راجع قبل ماتشرق الشمس
نرفع الامر للاخ خالد لمعاينه الحاله والافاده
ونحن مستعدين نبدا من سوق النعوفاب قبل ما العيد يفوت

الريس ... يس ... كلام سليم وفكرة رهيبة ..

فهناك الكثير من الأشعار في صدور الرجال آن الأوان لتخرج للناس في ثوب قشيب جميل

نؤيد الفكرة ..ونقول على بركة الله

لك الشكر والتقدير

الليلة البريق القبلي قام زازاني

ذكرني السحيبات البكت فوق ساني

الوديان مخدري والبلد روياني

في الوحل التقيل شوف اللواري تعاني

الزول القبيل خلا الديار محلاني

راجع ليك يا البلد الاماني اماني

بعد التحيه أهلي : أقول أنا كب يوم حادي ديار منصور هناك ناداني
رجال أشعارا تملأ قصور لكن تقول هملاني
دايري زولا يلمها والتوثيق شعار وأماني
يس إنت أبدأ إنشاالله بي كاميرا موبايلك السوداني
وماتخشي الطريق في بدايته إلي الآخر يجيك في ثواني

موضوع قيم...
اذا نجح. وان شاء الله سينجح سيكون ثمره من روائع ثمار المنتدى
الى الامام

الاخ يس تحياتى
دائما ماترفدنا بمقترحات واراء تكون فى قمة الموضوعية
والتى تؤكد الانتماء الصادق للبلد واهلها وشعراءها
اقتراح جميل وقدبدأ اكله بالمنتدى وننتظر سوق النعوفاب
تقبل المرور