أنا لسه زعلان من أخوان وأخوات المنتدى بخصوص أميرة علي

العزيز صديق ..موقفك دا ذكرني بحاجه لما كنت في السعوديه مره نقلوني من منطقه اسمها بريده الي منطقه اخري اسمها الجوف وكنت لحظتها عذابي وهناك وجدت عذابه ظراف وهم د.جعفر وهو من ابناء البركل ود.ميرغني وهو من ابناء الخرطوم وم. معاويه وهو من ابناء بحري ورحبوا بي جدا وبعد ثلاثه ايام الضيافه قلت ليهم كتر خيركم وبارك الله فيكم انا بعد دا داير اعرف البي والعلي قلوا لي ايجار السكن معروف ولكن بالنسبه للميز نحن البجيب يجيب والبيصرف يصرف انا الحكايه دي ما وقعت لي في راسي لانه اعرف انه العذابه يقسموا العمل خوفا من الكسل لكن الزول لما يكون جديد مابفرض رايه علي الناس المهم الحكايه مشت تمام التمام بس لاحظت حاجه وهي الشاهد من هذه الروايه انه د.جعقر اي حاجه يقصروا فيها الناس يتمها كان غسيل عده او طبيخ اونظافه وحتي كان لقي هدومك في الغساله وانت كسلان يغسلهم ليك انسان عجيب لم اري مثله في حياتي وقد سمعت انه اصبح اخصائي كبير ويعيش في لندن والله يا صديق ذكرتني بهذا الرجل دايما تتم الناقصي واياها دي المحريه فيك ياود عزاز الرجال ولحمة الكبانه باينه واصلوا الزول الضكركل واحد يقولك زولي ..اما الاخت اميره فالف حمدا للسلامه والمولود مبروك وانشاء الله يتربي في عزهم الخير الحقيقه وصل متاخر بالرغم من التقنيه الحديثه واحفظ لها انها اول اثني علي مقال سابق لي والحقيقه انا قبل شوي كنت بستمع لندوه مسجله في واشنطون القاها بروفسسر عبدالرحيم محمد صالح عن المناصير وهو بحث فيم ومتكامل الشاهد انه ذكر الحومري وهواحد من استقي منهم معلوماته ياربي دا يكون جد اميره ..ورمضان كريم وتصوموا وتفطروا علي خير ..سلام

التحيه لك ايها الراقي دوما ابحنه
هذه هي الاخوه الحقه التي نبتغيها ونسعى اليها عبر هذا المنتدى
شكرا اك اخي وانت تسطر في شخصي بعض الكلمات الرائعات

هنيئا بالمنتدى بك وهنيئا لنا بمعرفتك
وانت دوما تسعى للم شملنا كاخوة يربطنا الود والوئام
واحي اخوتى
الزعيم الدكتور بروى
وخال ابرار
والكليس
ود المناصير
السباقه انتصار
لا عليكم ايها الرائعون

للحديث بقيه ده
لما يكون الموضوع دسم
واكون مشغوله
وما اكثر مشغولياتى هذه الايام
لاتخاف منها