اقتراح بان يكون الافطار الجماعى لهذه العام يوم الخميس الموافق 18 رمضان

اقترح بان يكون الافطار الجماعى للمنتدى هذا العام باذن الله يوم الخميس الموافق 18 رمضان (دورين الليلى)-

اقتراحى ليوم الخميس بالذات عشان تكون صبحانى جمعة والناس ممكن تسهر – كالعادة لانحتاج لاى دعم او اشتراك فكل واحد يجيب معاهو فطورو-(بلح –بليلى-قراصة –عصيدة—الخ-) فقط نقوم باختيار الناس لبعض التكاليف كالفرشات والحفاظات (ناس العربات)- المكان شارع النيل –ويكون مكان به انوار شوية –واقترح المكان الممتد من كبرى كوبر وقاردن ستى حتى كبرى المنشية-فقط يعيبه قلة الانوار يعنى مضلم شوية – هذا مجرد اقتراح للمكان والزمان –رغم ان الزمان افتكر مناسب جدا فبعد ذلك التاريخ سوف ينشغل الناس بالخبائز وهدوم العيد –والبعض يختار الاعتكاف –

فى انتظار راى الجميع----

إنه الأرباب سلمان ... لا تعليق ولا كلام

جزاك الله خيرا ووفقك وإخوتك وانتم تخدمون الكل

شكرا الأخ سلمان على الإقتراح
نثني على التاريخ مع تعديل طفيف للمكان كماذكرت _ النور والنجيلة مهمين
ربنا يوفق

نحن سكان بحرى نلتزم بهذا التكليف

ونحمد الله باننا نمتلك دجاج خيار محلى

وسنرسل فى طلبه واحضاره من البلد فى ذلك التاريخ

ولكن نكلف الذين يمرون وهم فى طريقهم الى الخرطوم بالمورده ان لايتشابه عليهم البقر

اقتراح حدايق الهلتون دا اقتراح الاخ عبد الحليم كباشى

قابلناهو فى كرامة الاخ فتح الرحمن بالامس-

أهم حاجة آبري الرشيد

سلمان فيهو حرارة وهمة زهرة بت شوال. وكرمها، وفيهو طيبة عقيد في خدمة الناس ، ولم الشمل، والبسمة في وجه الكل
رحم الله عمنا عقيد وعمتنا زهرة في هذا الشهر الفضيل..

م بروي كتب:أهم حاجة آبري الرشيد

انت مافي .
. اي حاجة بتبقى مافي
الشمس تلقاها مافي
والبحر من غير مرافي
والمدن بتكون منافي
والحبيب يبقى جافي
العسل ما ببقى صافي
وانت مافي

الملاحظ ان الاقبال ضعيف وليس كالسنة الماضية

ابشرك الاخ سلمان بان افطار ه هذه السنه سوف يكون محضورا
التقيت باخوه اعزاء ابدوا رغبتهم بالمشاركه
ضيف الشرف الرسمى لهذا الافطار هو الاخ فارس الزين على محجوب
وهنالك ضيوف اخرين
المهم والمطلوب هى لمه الافطار والجلسه الروحانيه واداء صلاه التراويح
انا اقترح للمشاركين بان تاتى ومعك ضيف
وياريت نتشرف بحضور ابناؤنا الطلاب
نفس افطارك بالمنزل مع تعديل بسيط فى النوعيه والكميه دون تكلف
مع تمناتنا لكم بقضاء وقت جميل بحدائق الهيلتون ومقرن النيلين
هنالك ترتيبات سنضيفها لهذا اليوم
ارجوا ان لاتتصل لمعرفه تفاصيلها حتى تكون كما نود
الاطباء يمكنهم اضافه الجديد او الاستعانه باهل الخبرات من مرتادى المورده والهاى ماركت
اضافه كميه مقدره مما طلبه الاخ محمد ود البروى من احد الاعضاء ضروره تقتضيها المناسبه والحضور المميز
خصوصيه المكان ووميزاته تجعلنا نتحمل عنك طريقه الرجوع الى ديارك لحضور السحور
او تهيئه مكان لتقضى الليله هناك
من الان وحتى الخميس نتقبل اقتراحك لاخراج هذا العمل السنوى

مع تمناتنا لكم بقضاء وقت جميل بحدائق الهيلتون ومقرن النيلين

الكلام التحت ده الرشيد جابو من وين ياخالد

مع تمناتنا لكم بقضاء وقت جميل بمنتجع الباسقات

يعنى ارجع التعديل بعد ماقراه الرشيد

[ندعوك للتسجيل في المنتدى أو التعريف بنفسك لمعاينة هذه الصورة]

فاتت عليكم صينيه سمك made in Buswi

[img][/img]

حضور إنشاء الله سوا كان حدائق الهيلتون او شارع النيل اما الباسقات ده محتاجة لحسابات تانية.

اتفقنا وكل ماذكرناه سابقا من اجل تحريك البوست

اتفقنا وكل ماذكرناه سابقا من اجل تحريك البوست

موافقون ياالحاج وبأذن الله حضور

وربنا يوفق الباقين

نبارك ونهني لامن ربنا يجمعنا بي فطرة معاكم