أبحنة ده شنو؟؟؟؟؟؟؟؟؟؟

ده شنو الفي الرقبة دي

ســـنــَّادة ياهناء...
ها ها ها ضحكتيني موت.. البيان بالعمل..
بس ده منو الولد العوير ده اللبس ليك السنادة ده؟ وعمرو10 سنوات
السنادة دي لى زول صغير طفل لسه ما شال رقبتو.. وبعدين بيملوها محلب من جوة وقرنفل عشان الطراش والرياليي بتاعة الطفل
أطفالنا وهم صغار دايما ريحتهم حلوييي ما بتشم فيهم ريحة طراش لبن ولاغيرو.. كلو من السنادة والمحلب الفيها والبرتود..
بس سنادتك دي يا هناء ما فيها محلب
موش محشية محلب ولا برتود
ظاهرة مطفوقة في الصورة
السنادة تلقيها مدبلبة زي جلد الأصلة من برة
تمام كدة
وشكرا ليك على جيب حاجة عنها بالبرهان والدليل.. تسلمي

هههههههههههههههه
الموسوعة ابو حنة سلامات ورمضان كريم
الولد ما بعرفو الصورة دي حفظتها من قوقل
وما عرفت الشي ده شنو
وديتو شرق وغرب
سنّادة : معلومة إذن
تمام سعادة
وشكرا كتييييييير

وإنت طيب وتصوم وتفطر على خير
انا لما نزلت الصورة دي ما عارفة هي شنو ولا بلبسها منو
اهو عرفنا هي شنو وبلبسوها منو ولي شنو

والغريبة مشينا البلد كتييييير
وما شفتها قبل كدة

لابس حقة أخوه يا أبو مصطفى

السنادات دي في شرري موجودة..
اسع حسن سليمان نصر الدين ده!
لغاية هسي دي عندو سنّادة يا هناء

السنادات يلبسوها الشافع اللسع ما شال رقبتو
لكن زى ولدكم د لبسوه شف واعملو ليه ضريره
والشف يختوه فى راسو لحدى ما يجى اقرب الاقربين ينزلو بى مطموره
بالمعنى الواضح د عريس

مطمورة ود لقاي يا عبد الحفيظ

اول البارح اكت جني (بكسر الجيم)
امه رابطي السناده لي

السلام عليكم ياودأبحنه والمتداخلين ، أنا دابى دخلت على البوست الممتع ده البيحكى عن السناده لكن ماظهرت لى صوره يمكن عشان جيت متأخر ، لكن تبقى السناده واحده من عبقريات الحبوبات ،وتحضرنى الآن عبقريه ثانيه توأم للسناده ألا وهى {الكشكوش } الذى يربط حول معصم الطفل ، ويتكون من سير من الجلد الطرى وبه خرز وصدَف يصدر ـ كشكشة ـ عندما يحرك الطفل يديه فتلهيه وتكون بمثابة لعبة مسلية له ، وكان هناك مختصين بصنع السناده والكشكوش ....ا

يا ابوحنة

دي ماها سنادي

دي مطرق

كدي كان في جنوبي جنبك اسالو