نجاح كبير للقاء الاسرى الثالث لتكريم الطيور المهاجرة بمنتزه الباسقات

تذكير بمساهمة فاتح الموضوع :

بحمد الله وتوفيقه حقق اللقاء الاسرى التالت احتفالا بالطيور المهاجرة نجاحا باهرا – حيث احتضنت حدائق الباساقات ذلك الاحتفال والذى شهده جمهور غفير من ابناء المنطقة على رأسهم الاستاذ الكبير عيسى بروى – والذى شارك بالغناء وابدع واعاد للناس سيرته واسلوبه الجميل وتفاعل معه كل الحضور –

شارك بالغناء ايضا كل من عبد الرحيم ارقى وعثمان عبد العظيم- وتم تكريم الاخوة الاعضاء المغتربين المتواجدين والذين كان من المفترض وصولهم ومنعتهم الظروف-كما شارك الاستاذ الشمبانى والقى قصيدة يصف فيها محمد بروى - ثم تحدث الاخ محمد بروى عن زملائه المكرمين وتلاه الاستاذ عزالدين-

اترك الفرصة للاخوة الاعضاء للادلاء بتفاصيل اوفى –

غير اننى اود ان اقول ان نجم اللقاء الاول وبدون منازع هو الاخ الحاج شرف الدين والذى اوكلت له معظم التكاليف -

اميره على كتب:

صراحة الصور رائعه جدا بس ينقصها التعريف
مشكور ود الخبير النشط السباق على المجهود
بس صحيح كلام الاخت زوبا ان المراه مغيبه تماما في الاحتفال
نامل مشاركة المراه حتى يزيد العطاء

الاخت اميره

علك بخير

لفت نظري كلماتك اعلاه ,,, افيدك ان المراه موجوده ومشاركة ولكن

كما تعلمين طبيعه اهلنا دخول المراه للمشاركة في البرامج العامه ضعيفه

ولكن

ربما تغير الوضع قليلا في السنين الماضيه

كيف اخبار الاسره علكم بخير

الاخت اميرة لك التحايا والود والمولود مبارك يربي في عزكم . ناسف للتاخير .الاخت اميرة المراة مغيبة تماما .دعك من المشاركة . حتي تطييب الخواطر غير موجود ولو علي سبيل المجاملة . وجهنا مداخلة فيها شي من العتاب واللوم وكنا نمني انفسنا برد من اداري المنتدي يحسسنا بوجودنا ولكن.... خابت امالنا واحسسنا بان المراة في مجتمعنا مازالت حبيسة . واهمال نصف كامل من المجتمع اثاره سالبة . والمجتمع المتطور يقاس بوعي ووجود المراة الفاعل والمؤثر .اذ في ظل الظروف القائمة والاوضاع الصعبة اصبح العبْ الاكبر يقع علي المراة (وراء كل عظيم امراة . الاخ الكريم ساري الليل لك الود والتحايا نرجو منك مراجة مداخلتنا في هذا الموضوع . ورايك يهمنا . ودمتم سالمين............

[ندعوك للتسجيل في المنتدى أو التعريف بنفسك لمعاينة هذه الصورة]
الباسقات

دي صورة بسوى من البحر

ماهي برضو باسقات كمان.. نخل باسق

.........

ما نحنا برضو في المناصير عندنا باسقات

بس نحنا ناس مساكين مافي زول بيحترم باسقاتنا..

........

هسي دي شفتي المحاميد بتاع العفش ده ملْ السمع البصر في السودان

نحن برضو عندنا محاميد

واسمها عديل كدة المحاميد قرية بين السنودة وأب هجيليج

لكن لأننا مساكين وتعبانين وتاريخنا مسروق مافي زول شغال بي محاميدنا

موضوع المرأة ده جاييك فيهو يا أميرة

ده موضوع كبير جدا ونفسي وشائك

أيه رايك مناصير البلد أحسن مليون مرة في موضوع المرأة من أولادنا الإتعلموا

شكرا الخبير علي هذا الجهد .
اخواتنا زعلانات علي تهميش دورهم.
في الحقيقة معاكم حق بس كمان العافية درجات،ومافيش حاجة بتجي بين يوم وليلة،لانو اصلا دور المراء كان مغيب تماما في السودان ،وحاليا في انفتحاح نسبي، التغير مابيجي طوال .
حاجة اخيره
الزعل ده مايحول لثوره ،نحن حانغير وحانصلح إنشاء الله بس.........