طه ود الافندي

هو من اول دفعة درست في مدرسة شري واول من افتتح مدرسة كبنة ومن الاوائل الذين كانوا اعمدة في للمنطقة في الخرطوم الا رحمه الله رحمة واسعة واسكنه فسيح جناته مع الصديقين والشهداء ولانه والدي ما داير اتكلم عنه كتير وارجو المساهمات من الاخرين

حاتم طه الافندي كتب:هو من اول دفعة درست في مدرسة شري واول من افتتح مدرسة كبنة ومن الاوائل الذين كانوا اعمدة في للمنطقة في الخرطوم الا رحمه الله رحمة واسعة واسكنه فسيح جناته مع الصديقين والشهداء ولانه والدي ما داير اتكلم عنه كتير وارجو المساهمات من الاخرين

الآن الآن عرفت كم أنا جاهل ... حين اقف عاجزا عن الحديث عن أعمدة بلادي
الآن الآن عرفت كم انا ... قليل ... حين اقف عاجزا عن الحديث عن هذا البحر السرمدي
الآن الآن عرفت كم أنا موغل في الأمية ... حين اقف عاجزا عن الحديث عن تاريخ أمدي ابدي
الآن الآن عرفت كم أنا صغير ... حين عجزت أن اطول ذرة من صفحات هذا الرجل الأمة طه الأفندي ؟
رحمه الله واحسن إليه وجعل مثواه الجنة
وما مات من ترك أعلاما وقمما تحمل اسمه في كل الساحات والمساحات تنضح بما ينفع الناس
سلام يا حاتم ... فقد اسقطت نفسي مجبرا في الإمتحان

مشكوووووور جدا الاخ ود المناصير وكنت اتمني ان تدخل باسمك الحقيقي حتي الناس تتعارف

حاتم طه الافندي كتب:مشكوووووور جدا الاخ ود المناصير وكنت اتمني ان تدخل باسمك الحقيقي حتي الناس تتعارف

شكرا يا حاتم ...
واحي فيك بياض النية ..
ولكن حاتما ستعرفني إن شاء الله

من عبارتك غايتو انا عرفتك يا ود المناصير احرقك واقول اسمك يا ع...... .ولا ما في داعي

حاتم إزيك...
ياخي سيرة طه ود اللفندي دي مالك جووطها كدي؟
نهشتها من هني ونهشتها من هني
.........
ياخي الراجل ده زول ما ساهل.. ومن قامات المناصير الكبيرة ، محتاج لكلام كتيييير
هسي دي حينتي دي قلتا أفضا واقبل عليهو أكتب عنو؟

مشكور الاخ صديق

وزي ما اسلفت انا اعجز عن الحديث عن طه ود الافندي لانه والدي اما عن سيرته الذاتية

فهو من مواليد ام دويمة سنة 1933 وتاريخ الميلاد دونه جدنا الافندي في احدي مدوناته التي وثق فيها لميلاد جميع اولاده وكذلك الاحداث المهمة اما في شهادة التسنين هو مواليد1937 درس الابتدائي بمدرسة شري وهو اول دفعة دخلت مدرسة شري وبعدها التحق بمدرسة او معهد ببربر ولم يكمل دراسته بعدها عاد للبلد وافتتح مدرسة كبنة وعمل بها معلما وتم توقيفه عن التدريس لاسباب سياسية هاجر للخرطوم سنة 1959 والتحق بالشرطة وسكن بقشلاق بحري ومن ثم رحل لقشلاق كوبر وكانت محطة رئيسية يعلمها من عاصره في ذاك الوقت ومنها رحل لقشلاق الخرطوم السوق الشعبي واستقر به المقام بمنزله بالحاج يوسف شارع واحد مربع 3 واحيل للمعاش سنة 1993 توفي يوم 21/6/2000 وهو متزوج من السيدة الفاضلة فاطمة بت محمد اوكما يقول لها البعض فاطنة بت صبيحة وكانت رفيقة دربه من سنة 1951 حتي توفاه الله وله ثلاث ابناء وخمس بنات واما ماثره ومناقبه فاعتذر عن الحديث عنها لان المساحة لاتكفي ولانه والدي فله الرحمة ونسال الله يسكنه فسيح جناته ِ

ألف مرحب بك أخى حاتم طه الأفندى فى منتداك ووسط أهلك ونسأل الله الرحمة والمغفرة لوالدك وعائلة الأفندى أعلام لا تخطئها الأبصار فى تاريخنا السابق والحالى ويكفينا فخراً د/ عبدالوهاب الأفندى سليل هذه العائلة العريقة _
لك تحياتى وتقبل مرورى ،،،

أول زيارة لى له بالقرب من بيوت الحجر تلك.. وكانت مع المرحوم شقيقي عمر.. الحقيقة دي تاني مرة اشوفو فيها
شعرت أنني امام رجل تشع عيونه ذكاء وقلبه كله على اهله
الزيارة الأولى اظنها كانت في غير هذا المكان
عمري وقتها 11 سنة
اتيت العاصمة مع الوالد
قال لي عندنا زول قريبنا ماشين نزوروا من ولاد الافندي.ز
قال لى الناس ديل ناس دين وصلاح..
قال لى نحن نلم فيهم بي ناس السليمانية وهم من ناس ام دييمي.. نلم فيهم بي مني كدي ما عارف؟
وقال لي برضو أمك تلم فيهم بي جدك حبيب التولابي الكباني..
وكمان ناس أمك كان عندهم حقيق كدة وتمر في كبنة كانوا يقطعوه وأنا اجيبو بالمركب. هسي دي التمر وقع.
الرجل لقيناه على علم بي جيتنا.. وحضر الغداء. تغدى معنا ناس واولاد من اولاده لا اعرفهم الآن.. وبت جات داخلة الصالون الصغير وقتها نضفت تربيزة السفرة بي فوطة..
إتكلموا كلام كتير هو وابوى.. ,اعطى ابوى ظرف قروش زكاة عشان يسلموا لى ناس ايتام في أم دييمي..
شعرت أن بينهم ود قديم هو والوالد
قلت للوالد بعد طلعنا إنت الراجل ده تعرفوا من زمان؟
قال لى هي نان عرفي ساكت..
قال لى الراجل ده لمان كان يقرا في شري.. كان قعد معانا شهرين..
قال لى الزول ده زول صلاح عشان كدة انا اصريت على زيارتو قبل ما اغادر العاصمة وآخدك معاي، عشان تعرف رحميتك؟