خلف الله كباشى يكتب قصيده بعنوان ازحفوا عن يوم 17

يوم 17 يبقى يوم يوم نسجلوا زى كربكان
اما اخدنا حقوقنا كاملات او نجدد زكرى نعمان
نعيدوا تاريخ ناصع البياض ختو لينا جدود من زمان
تشهد الدبه على الصمود وام دويمه مع سليمان
وين ايرل ؟ اسالو عن جون مات وبطنو ملانه دخان
لما اطاول مارجع حلال اصبح فى خبر كان
من سنه2007 البلد راحت فى الهوان
غرقت املاكنا بلا عوض وعن ديارنا انزاح الامان
واصلوا مافى حق يبدو لى دون نشيل الخشمو عفنان
الدليل فى سنار وضح خوفوه الولد الجبان
الشروط قواها عقار نتيجتو جات قبل الامتحان
يامناصير وحدو الصف كونو فى الموعد والمكان
اطلبو الحق من دون نكوص والموته سمحه تكون فى ميدان
مابموت الزول مرتين والشهيد مثواه الجنان
الصبر كملناه جت وجبنا ادله مهاها برهان
فى الكذب شبعانين شبع والوعود ديك قاعده كيمان
تانى مابنرجع لى ورا واحسن الموت من ان نهان
ارفه الرايات يا ابوحميد ونحن خلفك صك الضمان
نخلد التاريخ ينكتب والصمود فى صفحات حسان
واصلو معروف من دون جهاد مافى امه يكون ليها شان

من طرف **ود المناصير** الخميس 14 يوليو 2011, 2:44 am

والله كلام يقوم الشعرة ..شكرا يا نادر يا رائع
وشكرا يا ستاذ خلف الله يا سليل اللبيب ود كباشي
دا تشخيص وعلاج
عليكم الله وقفوا شوية عند الأبيات دي :

واصلوا مافى حق يبدو لى دون نشيل الخشمو عفنان
الدليل فى سنار وضح خوفوه الولد الجبان
الشروط قواها عقار نتيجتو جات قبل الامتحان
يامناصير وحدو الصف كونو فى الموعد والمكان
اطلبو الحق من دون نكوص والموته سمحه تكون فى ميدان
مابموت الزول مرتين والشهيد مثواه الجنان
الصبر كملناه جت وجبنا ادله مهاها برهان
فى الكذب شبعانين شبع والوعود ديك قاعده كيمان
تانى مابنرجع لى ورا واحسن الموت من ان نهان