نهر النيل تشرع في تنفيذ مشروعات تعويضات المناصير

شرعت حكومة ولاية نهر النيل في تنفيذ المشروعات الخاصة بتعويضات المناصير المتأثرين من قيام سد مروي (الخيار المحلي) وحددت في الوقت ذاته ثلاثة مراحل لتعويض المتضررين قالت إنها بدأت في إنفاذ الأولى منها فيما تنطلق الثانية في النصف الثاني من هذا العام وأشارت إلى أن المرحلة الأخيرة سيتم تضمينها في الميزانية العامة القادمة , وكشف العميد حسن محجوب عبدالعاطي الوزير برئاسة الولاية (لآخر لحظة) أمس عن إكتمال الترتيبات لإنفاذ (5) مشاريع زراعية بالمنطقة بتكلفة (60مليون جنيه) وقال إنهم إستلموا العقودات الخاصة بتنفيذ مشروعات المياه والصرف الصحي لقريتي أبو حراز وأم سرح أمس من وزارة المالية مؤكدا إكتمال العمل خلال الثلاثة أشهر القادنة وأشار محجوب إلى إستبدال تمويل (500) منزل بقرية أبو حراز من التمويل عبر السندات المالية إلى التمويل المباشر عبر البنوك ليتم تسليمها للمواطنين نهاية هذا العام

من طرف **ahmed alkhabir** الأربعاء 13 يوليو 2011, 4:46 pm

الحرامية اللصوص يشغلوك بالقرمصيص
ولما تبرا الدارة ابشر هم يختطفوا العروس
شكرا يا خالد علي الخبر
لكن خلاص نحنا خاشين الدارة وما حا نمرق منها بي هيني

من طرف **zoooba** الأربعاء 13 يوليو 2011, 5:24 pm

شكراً يا خالد على الخبر
شكلهم الجماعة عايزين يهدوا اللعب
لكن قوليهم ديل الغبش ما ظن في رجعه إلى الوراء
الناس تعبت من الاعلام ، وسوف وح نعمل واللجان و و و و وووووووووووووووووووووووووو
إلا بكرة المناصير تصبح مدن
شكراً على الخبر

من طرف **ابو مصطفى** الأربعاء 13 يوليو 2011, 6:01 pm

الكلام دا حصل بتين وتاريخ كم ؟؟؟ ياعلى ؟؟؟
عمك كبر خلاص بقى مابفرز خلاص ؟؟؟؟؟

تحياتى
ابو مصطفى

وبدات الساقيه تدور ياليتهم اوفوا
بماعاهدوا عليه
لك التحيه ياخالد

من طرف **يس مصطفي** الأربعاء 13 يوليو 2011, 8:36 pm

مشكور اخونا خالد علي الخبر
عشره سنوات بالتمام والحساب ونحن كل مره في شهرين وتلاته شهور والولايه لتشرع والرئيس قال وقياداتنا والصمت الغريب وكمان تاني جايين يقولوا حنشرع
والله لو تاني رجعنا وراء مشكلتنا حنلاقي حلها يوم القيامه

من طرف **بلسم** الأربعاء 13 يوليو 2011, 8:54 pm

تشكر اخى خالد على الخبر
بعد داء ماظن فى رجعه للوراء
كفايه تخضير

شكرا يا ريس على الخبر
ولكن زي ما قال يس .. عشر سنوات في مطلقة ومرجوعة ؟؟
بس أوع يكون الكلام دا رد فعل لقرار الإعتصام ؟

من طرف **يس مصطفي** الأربعاء 13 يوليو 2011, 9:09 pm

بس أوع يكون الكلام دا رد فعل لقرار الإعتصام ؟

ماهو دا الخايفين منو ذاتو ياود المناصير

متى يحترم هؤلاء عهودهم ؟ متى ؟
وأزيدكم شوية ..
ابو حمد شركات توصيل الكهرباء وصلتها وجهزوا ليها الموقع لتستقر وتوصل
.. ونحن ,,, تاتي .. تاتي .. تاتي وتاتي قوماك يا منو ؟ ياللا ؟ معتمد واللا نائب ؟