النعام آدم في اي سنة وطئت رجله ارض المناصير؟

انا شخصيا ... ساقط قبل امتحن
دي اسئلة دايرة اعمامنا الكبار يعني منك يا ود ابو حنة ولي فوق
طبعا الزمن داك التوثيق في الرؤوس

لا قبل ذلك يا نور الهادي..
نعم طهارة ولد سليمان حامد عم النفر كانت واحدة.. كان فيها النعام آدم جاء شري.. في قرية أم لقاديب.. حتى هنالك النعام ود بخوته قابل النعام وقال ليهو أنا مسمني عليك..
فطلع النعام من جيبو عشرة جنيهات أعطاها النعام ود بخوته.. والعشرة جنيهات كانت تعادل زي 500 جنيه هسي دي.. قوتها الشرائية.. يعني زي نص مليون بالقديم..
....
اما جية النعام آدم للمناصير كانت قبل ذلك... وهن مرتين الحضر فيهما النعام للمناصير

وطئت رجله في عرس المقدم أحمد محمد صالح ( اب عشرة) شقيق عبد الرحمن البركل الأكبر وشقيق عبد الرحيم.. في حلة عقيبة اللمين..
وأحمد..( تصوف)
والنعام كان عندو راي إنو أحمد سوف يخلفه في فن الطنبور.. وأهدى لأحمد طنبوره
وفعلا صوت احمد مافي اي فنان كان في المناصير ولا الشايقية بي يشبهو
كان في بداية السبعينات زار العقيبة

البيان بالعمل يا الهادي