درس مجاني في الوطنية

لا أدري هل تبقى لنا من حبنا لهذا الوطن ما نستطيع أن نضعه في موقعه .. وطن عالي .. وطن سامي ..وطن حدادي مدادي .. وطن يسع الجميع ؟؟
شركة النيل الأزرق العاملة في التنقيب عن البترول ( عمليات المسح الزلزالي ) بها عدد من الإخوة الصينيين
كانت تقوم بعملياتها في مربع 15 ويرأس التيم صيني يدعى ( زان ) وهذا الزان يتلون بلون المنطقة التي بها في الشمال عمة كبيرة وفي الشرق سديري وهكذا .. ويشارك في كل المناسبات ويصور كل تحركاته في المجتمع
زان هذا أثبت لنا أنه وطني أكثر من بعض السودانيين انفسهم !!!
أختير لزان هذا سائق سوداني لعربته ..وله قصة غريبة مع هذا السائق !!
في يوم كان ذروة في العمل وانخرط الجميع لإنفاذ تفجير دناميت لعدد من النقاط وبدأ العمال والموظفين جميعا بجر الكيبل الخاص بذلك التفجير إلا هذا السائق الذي قعد في كرسي عربته .
رآه المدير زان وذهب إليه وطلب منه النزول للعمل مع الجماعة
السائق رفض بحجة أنه سواق بس ؟؟ أتدرون ماذا كان رد زان ؟؟؟
زان وبلغة سودانية مكسرة قال .. دي سدان دي مش جاينا
إنت بكرة شغل ما في ؟؟؟؟؟؟؟؟؟
وفي صباح الغد حزم السائق متاعه وغادر مطرودا
كل الوساطات لم تنجح لإرجاع السواق .و زان يقول إن من يعاف العمل ويرفضه في وطنه غير جدير بالوطنية أصلا
ليتنا نتعظ ونتعلم من هؤلاء

شكرا ودالمناصير.
نحن لسع مادخلنا الروضة ،لكن الوطنية حسب علمي جزء من القيم التي تزرع في المجتمع من قبل الحاكم،للاسف الشديد منذ الاستقلال لم يأتي من يزرع هذه القيم النبيلة في نفوس اهل هذا الوطن.
الوطنية هي التي توحد شعب الوطن الواحد ولكن نحن توحدنا تحت ظل الطرق الصوفية واتت الانقاذ لتخلع هذه المظلة وتأتي باخري اكثر حداثة فإذا بها تعجز عن تسبيت مظلتها من ما جعل الكل يركض خلف ظل القبيلة الذي لا يحمي إلا جنسة.

شكرا جبريل ..
لو للواقع الحالي .. الوطنية خليها .. الوطن ذاتو راح !!
الجنوب .. حلايب .. الشلاتين .. ابو رماد ..الفشقة ..اجزاء كبيرة من دارفور ومن الشرق و.. النيل الأزرق .. وابييييييييي بها اكثر ما اربعة آلاف إثيوبي .. قال حماية .. قال فصل بين القوات .. قال البترول .. قال نقفل البلف .. ؟؟ بلف شنو ؟. انا تهت واللا شنو ؟؟؟؟

غايتو وطنية تعبانة جدا جدا لكن والله الزول ما يعرف قيمة بلدوا الا عندما يكون خارج البلاد وزمان فى المدرسة الابتدائية كانت عندنا حصة التربية الوطنية عديل كده ؟؟ وهنا اسال سؤال هل الوطنية تدرس ام تولد مع الفرد ؟؟؟؟؟

غايتو فى السودان بلدى يا حبوب الساسة قطعوا لينا الوطنية فى راسنا ؟؟؟؟؟ وبقت الوطنية فى ما تبقى من السودان وحاليا اتحصرت فى قبيلة المناصير بس والباقى ما عندنا بيهو شغل ؟؟؟؟؟؟؟لكن فى الواقع ما فى طريقة وما ببقى ؟؟؟


تحياتى

ابو مصطفى

اخي ودالمناصير شكرا لك
انا غايتوا وطنيتي للوطن الصغير المناصير وبس ؟؟؟؟؟
وهذا راجع للظلم الذي وقعنا فيه .

الزعيم أبو مصطفى .. ليتنا نتعلم من هؤلاء حب الأوطان ..
والمناصير حب وعشق سرمدي ووله لا إرادي
شكرا لك يا رائع

عادل شرري .. سلام .. زرت شرري وانا في شري المتوسطة .. وزرت راس الجزيرة هناك حيث التمر الرهيب المشرق وود لقاي
وحب المناصير .. ولد معنا ولن تنزعه منا حكومة ظالمة متغطرسة .. فكم من حكومة راحت في ستين داهية .. وكم ..وكم
حيكومات تجي وحيكومات تغور
تحكم بالحجي الدجل الكجور
ونحن المناصير ... راجل مالي عينا ما في .. رايك شنو ؟؟