هنيئا لكم اولاد............. كبنه

علم والله وفهم كمان .. هنيئا لكبنة بشبابها ...وهنيئا للمناصير .. بكوادرها ورافعي رأسها
مناصير في كل مكان .. ديل مالين الارض علم ودين ... ديل للخلق نافعين

شكرا أميرة الأمراء بت الحومري

هنيئاً لكم جميعاً - شكرا أميرة على المعلومة والتعرف وشكرا على زوجك عبد المنعم الذي بادر بالسؤال عنه
اتمنى له إقامة طيبة معكم - اكيد حا يبيض وجهكم ووجه المناصير.

مرحبا مرة أخرى بالدكتور محمد جبريل بالمملكة العربية السعودية ونتمنى لك اقامة طيبة
(واحكي لكم طرفة من صديقنا الدكتور أنس البدوي بابكر - استشاري امراض القلب في مستشفى الزيتونة واستاذ بكلية طب مامون حميدة - قبل عشرة سنة كان معنا بالرياض واخوانه اصحابنا وتم إختياره في منطقة نائية جدا خلاء عديل وكانت في ذلك الزمن يا دوب الدشوش والمحطات الفضائية وصلت العالم العربي - وفي احد الأمسيات جاءوا اولاد (امير منطقة ان يذهب يعالج والدهم -وقال انس وهو يقيس في الضغط والزعيم ماسك الريموت بيده الثانية . وبعد الكشف قال لهم ما عنده حاجة ,اعطاهم مهديات. ثم جاءت الساعة 3 صباحا فجاءو لدكتور أنس ابنائه مرة ثانية وقال لهم ما حا اذهب له. وطبعا في اليوم التالي اشتكاه ونقلوه لمنطقة اسوأ ومنها هاجر إلى ايرلندا ومنها إلى اسبانيا وتخصص والآن ما شاء الله يشار له بالبنان. ومن هنا نحيه ونحيي اطباءنا المناصير ربنا يوفقهم جميعا ومزيدا من التقدم والإزدهار لأبناءنا القادمون.

هنيئا ً لنا جميعا ً _ وألف مرحب بالدكتور محمد جبريل بالسعودية ونتمنى له إقامة طيبة وربنا يوفقه فى عمله ونتمنى المزيد من النجاح والتفوق لعيال منصور فى كل مكان _

شكرا ً أميره الحومرى ،،،
وتقبلى مرورى ...

يااااااه
نعم الأخ زوجك يا أميرة.هذا المحب لبلده وأبناء بلده.. الناس في الغربة تتنكر وتتبدل وتحرص على الريالات..
وهنيئاً لنا بأميرة المنصورية بمائة مرة ومائة راجل..
ده كلام يشرح القلب..
عندي صديقي دكتور سوداني متميز جدا كان في الرياض فترة طويلة.. أظن مستشفى الملك فهد.. الآن هاجر مع زوجته الى أمريكا
إسمو الحاج البشير نور الدائم.. خريج كلية طب جامعة الخرطوم زول بيحب المناصير وغرست فيهو حب المناصير..
زمان زمن مافي بطاقات تأمين وعلاج مجاني كان يعالج الناس في بيتو والسودانيين يجوه يعالجن بلاش.ز ومرتو محاسن تسوي الفطور والغداء ليهم. يطلعوا من بيتو متعالجين ومتغديين.. وفي السودان كان فاتح عيادتو في الثورة شارع النص زمان.. عندو يوم في الأسبوع مجان للرجال ومرة تاني يوم مجان للنساء..إشتغل في مستشفى الشعب.. واشتغل في مستشفى البلك في الثورة

ماشاء الله هنيئاً لكبنة زي ما قلتي يا اختنا اميرة ولكين برضوا مفخرة للمناصير عامة ونحن متأكدين ان يكون سفيراً يعكس قيم اهله وينور عنهم وعن تراثهم ماضيهم وحاضرهم كما سبقتم انتم بذلك في المملكة

نتمنى له إقامة طيبة وربنا يوفقه فى عمله ونتمنى المزيد من النجاح والتفوق لعيال منصور فى كل مكان . _

الريالات يا أميرة، تجري لها الريالات.. لموا الريالات والهلله
الريال الأبيض لليوم اللسود
بعدين تجوا السودان ناس السودان يضحكوا فيكم؟ يقولوا اكلوها هناك وجونا إييد ورا واييد قدام؟.. بيتزا هوط... كنتاكي.. هامبيرجر.. ماكدونلز.. هريس.. كبسة.. برياني.. مكبوسة.. كورنيفليكس..
الريال الأبيض لليوم الأسود

الله يعطيك العافية يا اميرة
وفعلا لمة الاهل حلوة

وضحكت جدا لمداخلتك الاخيرة
وفعلا الناس اصلا ما بعجبا العجب ولا الصيام فى رجب

بس تعرفي يا اميرة اصلا كل الاطباء هنا فى السعودية بيودوهم مناطق خلوية
عااادي
اتحملوا .. اصلا بينى وبينك الغربة ياها الغربة لو فى مدينه ولا في قريه
الغربة ... كربة

لا لا يا استاذة أميرة.. المملكة دي جاييها عمرة قريييب ونمر فيها عليكم كلكم..
ومافي أحسن من القعاد في المسجد خليهو يقعد.. ده يبارك ليكم معايشكم القعاد في المسجد.. وأنا ذاتي هسي دي في خلا ..ماسك لى مشروع تابع للماء والكهرباء بس قربت إنتهي منو وارجع ابوظبي جوه..

هنيئا للاهل بكبنه وبكل المناصير وهنيئا لنا نحن المغتربين بعضو جديد في جمعية المناصير بالرياضبس ماقلتي لينا وين يا اخت اميره بس توقعت انو في الخرج التي بها ايضا ابنتنا الدكتوره ساره محمد عطاالمنان

مرحبا بالإبن الدكتور محمد جبريل في أرض الحرمين
نسأل الله أن يوفقه وأن يجعله إضافة حقيقية لأبناء المناصير في أرض المهجر

يا ود اب حنه دا ود الناس الكملوا الرعييي وجو يقروا معاكن ..... هاهاها