حليب المراعي ده! كيف يا ناس السعودية

مساء الخير
كلامك صاح انا شخصيا اى حليب هنا ما مقتنعه بيهو حتى المكتوب عليهو طازج لكن يابحنه رايكن شنو فى اللبن يعنى بلسودانى (روب) دا مافيهو كلام وكل اسبوع انا مطالبه بفيطر بالروب السمح دا فى العشاء راجنك تجى بالبرادو وتتعشى معانا بيهو بس ناس البلد هنا اى السعودييين بفضلو حليب السعوديه وانا كمان بديهوللوليدات اخير من العدم

يعني غير سريعة النهمة دي اميرة الحومري زول يرد مافي!
بس الناس تقرا وتمش خشما وتمشي ساكت!
خاصة ناس المملكة؟
( سيئات المقربين، حسنات الابرار)
دقة العمل ، تجعلك قرييييب من الرب
............
الذنوب تدق، حتى تصبح كدبيب النملة على الصخر.ز تتلبس على صاحبها
لكن الناس البي يجودوا أعمالهم يقولون
( بمجرد أن تفتح البوست وتقراهو، وماترد، تصبح مذنب في صورة من الصور، ووجب عليك الرد، بل اصبح فرضاً..) من ها جاءت ( سيئات المقربين حسنات الأبرار) والمقربين طبعا أكمل درجة من الأبرار..
.........ز
فعلا اللبن أو الروب قيمتو الغذائية عالية يا اميرة.ز أما حليب البلاد دي
خم وأدي البحر
الحليب ده لما يطلعوهو من ضرع أمو
يبشتنوهو جنس بشتنة وكلو جرى وراء المادة والمستهلك المسكين الله قال بي قولو
يشيلو منو القشطة يبيعوها براها.ز ويضيفوا ليهو قشطة خفيفة من النرويج بي طريقتهم.ز ويحددوا فيهو قيمة الدسم
ويضيفوا ليهو بودرة نباتي
ويضيفوا ليهو فيتامين بي طريقتهم
ويغيروا تركيبته
ولونه
.........ز
الحليب ده الله خلق تركيبتو متوازنة عشان المساكين.. لكن هم شرحوهو وبهدلوهو وجننوهو لامن بقا مسيخ ومافيهو ريحة حليب ساكت مافيهو. بس نشرب ونسقي اطفالنا ساكت
يا ناس السودان
لبن هنا عندهم تعني روب زي ما قالت ليكم اميرة
حليب يعني حليب ضرع صافي مفور يعني بلا تخمير..

أيوة يا أميرة على.. حليب الصافي برضو بي يجينا منكم.. ووالله أني شعرت فيهو بي ريحة طعم لبن شوية احسن من المراعي.. هذا بالنسبة للطازج.. أما حليب صافي طويل الأجل تقسم منه بلدية ابوظبي على العاملين في وهج الشمس كل واحد كرتونتين كبار في الشهر مجاناً للعمال البي يشتغلوا في الشمس
وعندنا جارتنا دنقلاوية زوجها مدير قسم في البلدية غرقتنا في حليب صافي بدون ما نشعر كل شهر نلقا كرتونة فيها 24 باكيت كبير قدام الباب.. أصلو البلدية تقسمو ليهم ساكت. يشربوه وقاية من الشمس..
شكرا ليك اميرة على.... على المرور