يعجبني ... ولا يعجبني

بسم الله الرحمن الرحيم

اخوتي واخواتي بالمنتدى
فى هذا الموضوع وان شاء الله بمعيتكم
سنتناول اشياء كثيرة فى مجتمعنا السودانى او المنصوري
او حتى على مستوى مجتمعنا فى المدينه التي نسكنها او على مستوى الاسرة
المهم كلنا نذكر أشياء تعجبنا ونتمنى دوامها فى مجتمعاتنا

او العكس نتطرق لأشياء لا تعجبنا فى مجتمعاتنا ونتمنى زوالها

يللا همتكم معى فى هذا الموضوع
ولنرى ماهي الاشياء التى تعجبكم
وماهي الاشياء التي لا تعجبكم

[/size]

يعجبنى ذلك الشخص الذي يحب لاخية مثلما يحب لنفسة

ولا يعجبنى كل انسان اناني شعارة فى الحياة اللهم نفسي


يعجبنى كل معلم او معلمة يخافون الله فى مهنتهم وفى طلابهم ويقومون برسالتهم على الوجه الاكمل

ولا يعجبنى ذلك المعلم الذي يتعامل مع المهنة بانها وظيفة ينتظر الراتب من وراءها دون الاهتمام بما يعلمة للطلاب

يعجبنى كل شخص يتعامل مع الاخرين بمثل ما يحب ان يعاملوه به
ولا يعجبنى ذلك الشخص الذى يضع نفسه هو الاهم اما غيره فلا

يعجبنى ذلك الشخص الذى يتعامل في هذه الدنيا ببساطة وياخذ كل الامور ببساطه وشعارة
take it easy

ولا يعجبني اولئك الاشخاص الذي يعقدون الدنيا على اتفه الاشياء
او مثلما يقال ... شايلين السلم فى هذه الدنيا بالعرض

يعجبنى ذلك الشخص الذى دوما عينه كعين النحلة
تقع على الطيب وتتجاوز الخبيث فتخرج من الورد العسل
اى ان عينه دووما مثل عين النحلة لاتقع إلا على الطيب

ولا يعجبني ذلك الشخص الذي عينه مثل عين الذبابه
لا تبحث إلا على القاذورات
ولا تقع عينه إلا على الجوانب السيئة من كل شئ

كم يعجبني اولئك لاشخاص الذين يساعدون الضعفاء والمحتاجين
يمدون يد العون لهم بالرحمه والعون
حتى وان كانوا خدما عندهم

ولا يعجبني اولئك الاشخاص الذين ينظرون للضعفاء والمحتاجين من فوق برج ٍ عاجي
وكانهم خلقوا من طينه غير طينتهم
واقول له ارحمهم اخي ... فدوام الحال من المحال
واشكر الله على نعمته عليك بان تكون معطاءاً للضعفاء والمساكين
وارحم من في الارض ... يرحمك من في السماء

بوست مفيد وفكرته رائعة يا إنتصار _
تعجبنى لمة الناس فى المقابر وصواليين العزاء !! ولا تعجبنى ونستهم ودردشتهم ومكوثهم بالساعات الطوال فى صواليين العزاء وضحكاتهم التى لا تتناسب مع الزمان والمكان !!!

يعجبنى المنصورى الذى سافر وهاجر من البلد وشايل معاهو عادات بلدو السمحه وتتقاليدا
ولاعجبنى ذلك الذى تنكر لكل تلك المورثات الجمليه ونسا من اين جاء

ماشاء الله عليكي يا إنتصار ده بوست مفيد جدا.. لكن دايرلو كلام كتيييييييييييييييييير خلاص..
يعجبي الرجل المتدين والمرأة المتدينة بدون مبالغات
يعجبنى الرجل العندو ثقة في مرتو.. وهي بتصرفاتها الرشيدة جلبت الاعتراف لنفسها
وتعجبني المرأة العندها ثقة في زوجها
ويعجبني الرجل الغير متعقد وتعجبني المرأة الغير متعقده..
تعجبني اللهجة المنصورية
تعجبني المرأة التي شالت حريتها في يدها ولاتخشى في الحق لومة لائم
تعجبني المرأة المفكرة قبل المرأة الجميلة
يعجبني الرجل البي تاكل وتقش في طرفو
تعجبني المرأة الكريمة في بيتا
لا أحب التشدد والغلواء في الدين وفي الدنيا.. كل متشدد في امر ما مفضوح سواء عاجلا أو آجلاً فهو ممتحن في ذلك..
أحب الناس البي تنشرح في بيتهم لما تزورهم
ولا أحب الناس البي تتضايق في بيتهم لما تزورهم
أحب الضيوف... هكذا علمتنا خلوتنا في الحنانين
الرجل والمرأة عندي واحد أتعامل معهم بندية واحدة ند بالند
أحب ريحة زبن الغنم ومدور الحمار لما تكون صابي مطر وتكون رشت مدور الغنم ومكان الحمير.. ولا أحب الكجوارة لما تجيب ريحن وانت جالس في برندة تشرب جبنة
أحب الرجل الذي يعامل زوجته كسيدة في بيتها وليست خادمة
أحب منظر السيل في وادي خور حنون أو وادي عصمة أو وادي كبنة أو وادي العيتنوب.. أو وادي خلولي أو وادي الهريوب أو وادي الكربكان أو اي وادي في المناصير
أحب الرجل الذي يساعد زوجته في شؤون البيت وغسيل العدة وافعل ذلك وموش رافع البيرق زي ما بيقولوا المناصير
أحب الرجل الذي لايعدد على زوجته، وإن كفل الشرع ذلك للضرورة القصوى.. لا احب ذلك ولا افعله
أحب ام راس وأم نص مع الجبنة.. ولا أحب المغمول
أحب الصيف في المناصير وأكره الصيف في العاصمة
أحب المرأة المتعلمة ولا أكره المرأة الجاهلة بل اسعي لتنويرها
أحب أنظر لكل النساء كلهن مثل أخواتي وأماتي وخالاتي
أحب البساطة وأكره التعالي
احب الصلاة وخاصة صلاة التلت الأخير من الليل واجد نفسي فيها
كما أناجيهم هنا في المنبر أحب أن أناجي ربي لوحدي في ظلمة الليل
أحب أن اصلى في المسجد
أحب أن اصلى الصبح حاضر قبل طلوع الشمس
احب القراصة بالدمعة.. ولا أحب القراصة باللبن. بل الفطير باللبن
أحب أعيش بين أهلى
أحب أسعد الناس ولا أحب أنكدا على الناس
لا أحب الشخص الذي يعمل فيها وصي على دين الله في الارض والخلق مثل أسرة الرب هو احن عليهم من ذلك الشخص وقال صلى الله عليه وسلم( الخلق عيال الله، أحبهم لله أنفعهم لعياله)
أكره كسر خاتر الناس
أكره أن يذل شخص شخصاً..
أحب الاجتماعيات واكره الزول المتعقد
اكره الزوج الذي يضع قيودا على شريك حياته في المنزل، ألبسي ده؟ ما تلبسي ده.. ده حرام ده حلال.. يا ولية ارفعي مقنعك.. مقنعك وقع..
أحب كل زول يتصرف ويتعلم ويتحمل مسؤوليته أمام الله والقانون
أكره حصة الرياضيات واحب حصة الإنجليزي
أحب اقدم الخير للناس.. احب اكف أذاى عن الناس.. احب أتحمل أذى الناس
أحب آكل شية في مطعم أمواج
أحب الناس القلوبا نضيفة
أحب أتغدى في مطعم سيدي بيه في الرياض
أحب صوت السواقي في المناصير ورائحة الزبن مخلوط برزاز موية الساقي
أحب صوت بابور تلاتة بوصة مدوري في المناصير
يعجبني الراجل الكريم وسخي اليد على أسرتو ماها مقرطا عليهم يجي من برة من الشغل شايل ومعبي بي يديهو الإتنين .. شئ بتيخي وشي موز وشي فواكه ما يقدر ينزلا من السيارة براهو لامن وليداتو مرتو يجوا جارين من البيت يشيلو معاه الأكياس.. واكره الرجل البخيل البي يجي من الشغل محقب إيديهو وهن فاضيات ويجي يلقع في شراباتو في الصالون مكشر.. ويقول ده سويتوهو في شنو؟ وده متين كمل.. وهسي دي أم بارح ده ما جبناهو..
أحب أمدد لحظات السعادة.. واحب أقلص لحظات الشقاء
لا أتأسف على الماضي.. ولا أخاف من المستقبل، واحب أعيش لحظتي الحاضرة وأبدع فيها ليس موزعاً بين الاسف على الماضي ولا الخوف من المستقبل
يعجبني اي زول واي زولة( ما القبحُ إلا جمالاً مجروحاً) مافي زول قبيح.. مافي شي بيضر إلا الكلام المر..
أحب سلطة الجرجير والطماطم بالشمار موت..

النفر واميرة وصديق ابو حنه
مشكوووورين واتفق معكم فيما قلتموه

صديق ابو حنه مالك رصيتا حته واحدة
ما ناوي تضيف تانى ولا شنو
وبعدين يا ريت يكون عندك مطعم ملك
زي مطعم امواج دا وتعزمنا كلنا فية غدا ... على حسابك طبعا

اخوتي
لسة منتظرة المزيد فيما يعجبكم وما لايعجبكم

يعجبنى بشدة كل انسان رأية من راسه .. ومهما حصل يا جبل ما يهزك ريح
طالما كان على حق وفي مرضاة الله


ولا يعجبني اولئك الناس الذين عقولهم مثل الريموت كنترول فى ايدي الغير
شمال شمال .. جنوب جنوب

يعجبنى كل انسان يهتم بجماله الداخلي .. جمال الروح قبل جمال مظهره

ولا يعجبني كل من يهتم بجمال المظهر فى حين ان جوهره ودواخلة لا تطاق

يعجبنى صاحب الفكر النير والعقل الراجح والطرح المسئول الذى يقارع الحجة بالحجة _ ولا يعجبنى صاحب الفكر الهذيل والعقل المشوش والطرح المهزوز الذى يجيد المراوغة ولا يستفاد من طرحه _

يعجبنى صاحب الفكر النير والعقل الراجح والطرح المسئول الذى يقارع الحجة بالحجة _ ولا يعجبنى صاحب الفكر الهذيل والعقل المشوش والطرح المهزوز الذى يجيد المراوغة ولا يستفاد من طرحه _

روعة دي يا النفر

قال أحد الصحابة للنبي صلى الله عليه وسلم( أحب الله ورسوله)
قال النبي عليه السلام( ابشر ، فالمرء مع من أحب)

النفر
مشاركة رهيييبة ... فى الصميم والله
الله يديك العافية

يعجبني الرجل الذي يتعامل دووماً مع المرأة تعامل تقدير واحترام

ولا يعجبني ذلك الرجل الذي يتعامل مع المرأة بفوقية وعدم احترام ... فقط لكونها إمرأة

قال صلى الله عليه وسلم ... رفقاً بالقوارير

وقال صلى الله عليه وسلم
ما أكرمهن إلا كريم
وما أهانهن إلا لئيم

عليك أفضل الصلاة وأتم التسليم يا رسول الله

تعجبني انتصار حجازي بافكارها التي لاتبحل بها ولا تعجبني المراه التي تبحل بافكارها

والله عاد أميرة علي جابت كلام موضع سجدة!
ونجلاء زمراوي قالت تعجبني إنتصار حجازي) والله ما قصرت يا نجلاء فيها تستاهل هي إنتصار ..

نجلاء زمراوي
مشكووورة يا غالية على الكلمة الحلوة دي
الطيب ما يجي منه الا طيب
والعطر ما يطلع منه الا عطر

صديق ابو حنه
الله يجزاك خير
ويخليك يااارب
وانت كمان تستاهل كل خير سيدى الفاضل واخى الكريم


اميرة
مشكووورة على الاضافة الثرة واكثر ما اعجبني فيها

واكثر ما يعجبنا نحن النساء الرجل الذى يحترم المراه
ولا يمثل عليها دور الرجل الشرقى وسي السيد

فنحن النساء نكرة شخصية الرجل سي السيد
ذلك الرجل الذي اشار الية الكاتب نجيب محفوظ فى رواية بين القصرين على ما اعتقد
وهو رجل يحلل لنفسة كل شئ
ويحرم على اهل بيته ما يحله لنفسه
ومنها انتشرت مقولة سي السيد

يعجبنى منتدى المناصير بلدي عندما يكون الاعضاء المتواجدون كثر
مع وجود مواضيع جديدة وحلوة

ولا يعجبنى عندما اجدة خاليا من المشاركات الجديدة
مع عدد قليل للمتواجدون

شكرا اختي انتصار.
تعجبني المواجهه .
ولا تعجبني انصاف الحلول

طرقنا بابكم ( قسم المراة والاسرة ) ولم نجدكم ولم نجد فحمة نشخبط بيها في الباب , وحضرنا عند الجيران بجاي عسي ولعل ست البيت موجوده مع الجيران .
يعجبني الزول المالي يمينو , ولا يعجبني السهومه المضيع حقو وراهو .

لو علمنا بمواعيد عودتك يا ساري الليل كنا ضبحنا ليك

يعجبنى منتدى المناصير عندما يعود اعضاءه المميزون بعد طول غيااب

انتصار حجازي كتب:

الله يديك العاافية يا ساري الليل
من جد فرحنا بعودتك

منوور المنتدى من تااااني

ونتمنى نشوف ابداعاتك واسهاماتك الثرة ونقاشاتك التي تثري المنتدى

والعمرة مقبولة ان شاء الله

شكي الاخ native ان احد اعضاء المنتدي شاركة ونافسه في قسم منتدي الحاسوب , مما اضطر ادارة المنتدي لفتح بوابه جديده تحت مسمي ( منتدي المراه والاسرة ) واستلامكم للدور الاشرافي فيها , حتي ينفرد لوحده في منتدي الحاسوب , فهنيئا لنا بني منصور ومزيدا من المنافسة التي تولد الابداع , فتصاميم المنصورية خير دليل , سيرو والله الموفق .
يعجبني كل المشاركين في منتدانا ولاتعجبني عدم المشاركة والكسل .
تعجبني قيادات بلادي ولايعجبني المندسين .
تعجبني العادات والتقاليد السمحة في بلادي ولايعجبني التقليد الاعمي للغرب .
يعجبني الرجل العصامي ولايعجبني التواكل .
يعجبني الزول الطيب والسمح في تعامله ولايعجبني المتعجرف .
يعجبني الانسان الواضح ولايعجبني الانسان الغامض .
يعجبني اليابانيون في حبهم للعمل ولايعجبني ابناء بلادي في كسلهم .
يعجبني ابناء وادي النيل ( المصريين ) في حبهم وولائهم لبلادهم ولايعجبني ابناء بلدي .
يعجبني احترام المواعيد ولايعجبني خلف الوعد .
يعجبني احترام الانسان كانسان وتحقيق العدل ولايعجبني الظلم .
يعجبني الجنود المجهولون في اطراف بلادي الذين يعملون في صمت ولاتعجبني الشعارات المزيفه .

الموضوع شيق وجميل ( تعجبني المواضيع الشيقة الهادفه ) أتمني ان يجد حظه من النقاش والمداوله .

يعجبنى الطالب المفكر والمهتم بدروسه ومحاضراته ولا يعجبنى الطالب المهمل.
يعجبنى الطالب صاحب الراى والمشارك فى النشاطات السياسيه والاجتماعيه بغض النظر عن لونه السياسيى ولا يعجبنى الطالب خالى الذهن ودائما فى النشاط والونسه.
تعجبنى الفتاة المثقفه والمحجبه ولا تعجبنى الفتاة المتبرجه تابعة الموضه

يعجبنى صوت البابور فى الصباح الباكر مع صياح الديك ويزعجنى بكاء الاطفال فى الصباح.
تعجبنى المراة التى تستيغظ مع الاذان وتباشر عملها ولا تعجبنى التى تنوم حتى طلوع الشمس.
تعجبنى افلام الاكشن الامريكيه ولا تعجبنى الافلام العربيه
يعجبنى مديح المصطفى شعرا ولا يعجبنى ملحنا وتعجبنى الاناشيد الجهاديه ملحنة

مثل منصوري يقول يكفينا شر العجب... والصيام في رجب)
يعجبني الهادي عقيد
ولايعجبني سلمان عقيد

مشكووورين
سارى الليل وهويدا ابو شعر وصديق ابو حنه
على اضافاتكم الرروعه
حلو جدااا كدا عرفنا اللى بيعجبكم واللى ما بيعجبكم
فهل من مزييييد

ساري الليل
يا خوي رفعت لى معنوياتي الله يعطيك العااافية

رغم انى فى مجال الحاسوب انا وين ونيتف وين
انا نقطة في بحر علم نيتف الله يعطيه العاافية استفدت منه والله
فجزاه الله عنا كل خير
نيتف افاد الجميع بكل صدق وتفاني

فهنيئا لنا بالمنتدى باعضاء رائعون مبدعون مفيدون
امثالك انت و نيتف وبقية العقد الفريد من اعضاء المنتدى

يقولون مصر أم الدنيا ، و في نشيدهم الوطني ( مصر يا أم البلاد!).. و سيدة الغناء العربي (أم كلثوم) مصرية ، و أمير الشعراء (شوقي) مصري .. و نجيب محفوظ و يوسف ادريس و احسان عبد القدوس و مصطفى محمود و أنيس منصور و هيكل و توفيق الحكيم ...أساطين الفكر و الأدب في الوطن العربي ، أكثرهم مصريون ، المسرح .. السينما .. المسلسلات التلفزيونية .. الكورة ... كله مصر.. مصر .. مصر .. أبو سمبل ، الأهرامات ، رمسيس ، القلعة ، الأزهر .. كله مصر ... قسمة !!
لقد عايشت تلك الفترة في القاهرة عندما لعب المنتخب المصري مع الجزائر في استاد القاهر , ومنها كانت اللعبه الفاصلة في السودان وكنت حينها في رحلة علاج بالقاهرة استمرت اكثر من شهرين , يوم ذلك المطش كما يقول المصرين اعتذر لي الطبيب في المستشفي وفي العيادة الخاصة لانو مش حيقدر يفتح العياده في هذا اليوم والمنتخب المصري يلعب ضد الجزائر , قال انه لا يحب الرياضة ويكره الكوره , ولكن حبه لوطنه يفرض عليه اغلاق العياده في هذا اليوم , رايت الاطفال جميعهم يحملون اعلام مصر قبل المباراة ,جميع الشارع المصري أوقف البيع والشراء , أغلقت جميع الدور والمؤسسات , استنفار عام في الشارع المصري علي مستوي رئاسة الجمهوريه شرطة المرور والامن والنجده وجميع الرتب نزلت الشارع العام لمعالجة زحمة وتكدس المواطنين قبل وبعد المباراة , لم اري في حياتي ان كل الشعب بكل فئاته يهتم بهذة المباراه .
ماشفنا شخص ولاءه لبلاده مثل المصري .
انسان يعشق بلاده بشكل لا مثيل له.
فيستحيل تسمع مصري يقول: ( جماهير النادي الاهلي المصري اكثر من جماهير المنتخب) يستحيل يقولها .
يستحيل تلاقي مصري ولاء لغير بلاده ... ويستحيل بشكل عام يتآمر ضد بلاده
او يوقف مع دول اخرى ويتعاطف معاها ضد بلاده .
او يهاجم بلاده لصالح دول اخرى.
الصراحة ... ولاء المصري لبلاده شيء يستحق الاحترام .
وياليت بعض الناس يتعلمون من المصري .
لقد نجح المصرييون في غرس قيمة الولاء عند شعبهم بشكل فعال فيما فشلت اغلب دولنا العربي .

نعم كل ما قلته سليم يا اسامه مصر هى مهبط الديانات السماويه واليها لجأ علماء الاسلام من كل بقاع العالم وعلى مختلف الازمان . ومجددين الدين الاسلامى انطلقوا من مصر
صلاح الدين الايوبى-جمال الدين الافغانى-حسن البنا-.
ونجحت الثوره المصريه دون دماء. وهم الآن يحصدون ثمار ثورتهم اسرع من غيرهم وانشاء الله تجديد الدين الاسلامى ينطلق منها مره اخرى لتحرير القدس واعاده الخلافه الراشده
اختنا انتصار نأسف ان خرجنا من الموضوع لكن ممكن اصلحا ليك شويه
يعجبنى الشعب المصرى اكثر من باقى شعوب العالم

تشكري اختي انتصار علي هذا البوست
الذي من خلاله يمكننا التعرف علي ما يعجب وما لايعجب الاخرين ونضعه في الحسبان





يعجبني التكافل
والترابط الاجتماعي في المجتمع السوداني
لايعجبني التفكك والتشرذم


تعجبني البساطة
والتواضع ولا تعجبني المظاهر
والبوبار


يعجبني الصدق في الحديث
ولا تعجبني المداهنه
والرياء


تعجبني المرأة ا لتي
تهمتم ببيتها واطفالها لاتعجبني التي تكثر
الطلعات


تعجبني المرأة التي
تتزين في بيتها لاتعجبني التي تتزين
عند الخروج للمناسبات


يعجبني الذين يستقلون
مراكزهم لخدمة الجميع لا
يعجبني الذين يستقلونها للواسطات


يعجبني الجــــــــــــــــــــــــــــــــــــــــــــيش لا يعجبني المرور لكثرة الرشوات


يعجبني الصبور الذي
ينتظر دوره في الطابور لايعجبني الاناني الذي
يريد ان يقف امام الاخرين
يعجبني في هذا المنتدي الذين يردون علي مشاركة الاخرين لايعجبني الذين يمرون مرور الكرام


يعجبني الذين يراعون مشاعر
الاخرين لا يعجبني الذي لا يهتمون بمشاعر الاخرين

الله ...الله ...الله
الشكر لكى اختى انتصار حجازى
وجزاء الله خيرا كل من اضاف وذكر
يعجبنى احترام اهلى للكبير وتوقيره واكره رفع الصوت والنديه معهم

يعجبنى الذى يبروالديه ويحسن اليهما ويفتخر بهما واكره الذى يعلو صوته عليهما ويريدهما مثلما ارادهو

تعجبنى لمة الاهل واكره التشتت
تعجبنى الجيه واكره الوداع
تعجبنى امى واكره دموعها

تعجبنى قومة بدرى واكره النوم لضحى
تعجبنى الخلوه الملانى قداحى والونسه بعدالفطور واكره الشغله (سكت عمى ) فسحر ياابوحنه
تعجبنى البيوت والدواوين المفتحه فى البلد .واكره البيوت المقفله بالمدن


يعجبنى صوت القمارى من الصباح واكرهه مساءا
تعجبنى القمره فى البلد واكره الضليمى

تعجبنى قدسية الموت فى البلد وعكسها بالمدن
يعجبنى احترام المقابرفى البلد واكره المتلملمين والشاقين المقابرفى المدن

تعجبنى البساطه واكره العجرفه والتعالى



يعجبنى السلام واكره الحرب
يعجبنى السلام واكره الحرب

تعجبني زوجتي..ولاتعجبني النميمةِ

تعجبنى اللهجه المنصوريه ولاتعجنى لهجه غيرا

أميرة يعني هسي دي في الرياض تتكلمي منصوري يا أميرة ما تخافي الله
..........
بالمناسبة قلت ليك
زماااااان لما امتحنا الشهادة السودانية.. جينا العاصمة نستخرج الشهادة من مكتب القبول.. الجنب الجامعة داك.. جامعة الخرطوم.. أمتحانات السودان.. بعدين نقدم للمعاهد والجامعة الوحيدة... والتقديم كان زمان بعد ما تحرز النتيجة.. وقدمنا وقدمنا اي شئ عشان لو جلت دي تحصل دي.. وكنا مجموعة من اولاد المناصير وغير المناصير... اها جينا في الكدرو نقدم لى معهد هناك إسمو( معهد ود المقبول للحفريات) قالوا لينا في منصوري هناك من ولاد الحومري وساكن الكدرو وشغال سواق في المعهد ده!
أها قدمنا هناك.. لقينا ليك الزول.. كان زمان السواقين ليهم لبس خاص في المؤسسات رداء كاكي و قميص كاكي.. وجزمة تصرفهم ليك الحكومة.. الكلام ده ما بعيد..
أها عرفتوا بي نفسي.. قلت ليهو ولدا لى عبد الله الحنوني
قال لى بسم الله هو عبد الله الحنوني عيز لو ضو حتى يتعرف!
خلصوا أوراقكم وتعالوا لى جنب الباب..
خلصنا. لقيناهو مدور عربية المعهد حاجة زي كومر كدة..
كان معاي ولد واحد من أولاد المناصير
محمد علي محمد موسى من ولاد الجزيرات... والباقي جعليين ورباطاب زي 12 ولد..
قال يلا اركبوا
قلنا ليهو وين؟
قال ماعايز نقاش؟
البيت والفطور؟
الزمن داك مافي تلفونات عشان يكلم مرتو في البيت
اها مشينا اول حاجة جاب عصير في جردل سقانا كلنا
تاني القراصة بي ملاح أم شعيفة ومفروك عليها لحم.. لامن خليناها في محلها
الرباطاب والجعليين استغربوا من كرم المناصير
بالله الزول ده يا أميرة وين هسي دي ويبقا ليك شنو في ولاد الحومري؟

أيوة أيوة أحمد الحومري ما شاء الله... والله راجل ضكران ضكرنه شديدة..

يا أميرة الحومري
عشان انتصار دي ما تقول طلعتوا من الموضوع
يبقا
...........
يعجبني أحمد الحومري.. ولايعجبني العلج الحومري

اميره الحومرى كتب:

الله عليك يا ابحنه
دايما تذكر الناس بالخير ودايما حافظ الجميل حتى ولو كان بسيط
رقرقت دموعى وانت تذكرنى بالخال العزيز احمد الحومر وزوجتو عمتى نفيسه الحومرى
وطبعا يابحنه الاسره دى معظما هاجر بدرى من البلد حتى ابوى واعمامى مولودين فى دنقلا والوالده طلعت من هى عروس لكن لو جيت زياره الكدرو حاتلقا اللهجه المنصوريه ما اتغيرة والقراصه لسه ثابته فى الفطور واى فج فى
الحوش مزروع تمر لكن ما اكذب عليك انا لهجتى عاديه التربيه فى الخرطوم لكن عندى هسى لخبطا فى البيت ما عاديه الاولاد بتكلمو لهجه سعوديه على خرطوميه على اماريه لانو ناس امرى ديل كلامن مكسر عديل ذى الشوايقه
وابوهم كانو جاء امبارح من امرى
بالمناسبه الخال اخد المعاش ورفض القعاد فى البيت وبعد السنيين دى كلها رجع للزراعه فى المكابراب

الاخت اميره حمدالله الف علي سلامه سلمان الحومري ( والله من عرفت الخبر اقل من 48 ساعه ) مع انو ليهو اكثر من شهرين .
يعجبني الاعضاء الذين يتفقدون اهليهم وذويهم وزملاء المنتدي ولايعجبني من يعرف اخبار زميله بالمنتدي ويعمل نائم .

تعجبني طلة الفجر والشروق علي النيل في المناصير
تعجبني القراءة في الجو الهاديء
يعجبني الجمال عندما يكون متجسدا في كلام موزون

يعجبني رفع المواضيع الجميله

ولايعجبني الكع والكف

بعد التحيه أهلي : يعجبني العجب والصيام في رجب ,
,تعجبني الصداقه ولاتعجبني خيانتها
تعجبني الصدقه ولايعجبني منها
تعجبني الخوه والنخوه دي مالقيت مقابلها ,,

تعجبني الجيه واكره المشيه
يعجبني اللقاء واكره الوداع
تعجبني البدايات واكره النهايات

يعجبنى الضيف الذي يكون شعاره ما تسمعه وتراه هنا ... تتركه هنا
لأن البيوت اسرار

ولا يعجبني الضيف الذي يكون مثل مراسل القنوات الاخبارية ما عندو شغله غير نقل اخبار البيوت والاخبار المسيئة لاهل البيت نفسهم