الفنان الواعد ابراهيم ابوسلوم

الفنان ابراهيم اعرفه عن قرب لانه ابن منطقتى/عصمة وقد كانت اول خطواته نحو الفن تعاملا مع الاخ الراحل /حبيب بابكر /بقصائده/ شوقى لتقابة نار قرانه عصمة/ ومرثية الليلة الدمر غرب بليبو وطار/يا عجلان قوم ارح باللحد نلحق بص فرح/وانقوم نمشى المنا صير يا عمر يلاك انسير/وياقمرية قوقى/وقصائد اخرى سجلت فى كسيت لكنه للاسف غير موجود/كما لعب الاخ الشاعرخليفة عيسى دورا بارزا فى تشجيع الاخ ابراهيم نحو الغناء ومده بعدد من اشعاره منها/الحبيب لريدنا ساب/وانت كيفنك/وقصائد اخرى كثيرة/والفنان ابراهيم يمتلك حنجرة ذهبية وصوت شجى حاول التسجيل لبعض شركات الانتاج لكن المملكة القابضة حالت دون ذلك ولجان النصوص والا يكون الفنان من القبيلة المعنية000000حتى يحظى بذلك والايتنكر لقبيلته ويقول انا00000000ى لكى يتم قبوله ارجو ان نعمل جميعا لفك ذلك الحظر وان يحظى الفن المنصورى بالانتشار وتعلمون جيدا ان اول من ابتكر الة الطمبور هم المناصير دون سواهم /ولدينا من الفنانين الواعدين/ابراهيم ابسلوم/عمران نعمان عمران/انور زرقانى/واخرون ارجو ان نجتهد لتسجيلهم عبر شركات الانتاج حتى لا تكون حكرا لقوم تطاولوا على سرقة تاريخ وتراث غيرهم

أيه الكلام ده إبراهيم بقا فنان؟؟؟؟؟
وخليفة عيسى الذي اقرب للإتجاه الإسلامي بقا شاعر؟؟؟
أبراهيم ده كان يخجل من ضلو
يا عمر بابكر إنت عارف إبراهيم أب سلوم ده يبقالي شنو؟
ما بحدثك أسألو حا يوريك

إنت قلت خليفة عيسى ولم تعطي إسم جده!
وأنا بالتالي فهمته خليفة عيسى بابكر
أنا لم أسألك عن كل هذه الأشياء وسألتك فقط أن تعرف قرابتي بإبراهيم أبو سلوم من عصمة.. هل هو كذلك؟

راكب غلط والشخص المعنى ليس الذى تقصده انت ارجو التريث دائما قبل الرد
عمر بابكر عمر صديق احمد
عضو جديد






عدد المساهمات: 12
نقاط: 210
تاريخ التسجيل: 17/05/2011

راكب غلط.... والتريث... ألا ترى يا عمر أن فيها زيادة شوية..
مالو سؤال مني يتم التصحيح فيه بهداوة إنت كنت راكب غلط..
التريث.. هو موضوع مطروح للنقاش وكل زول يقول وجهة نظرو..
هل هو إبراهيم اب سلوم بتاع عصمة والله حاجي تانية!
كان حاجة تانية نعرف مالو! مافيها حاجة
بعدين نحن ما قلنا ما يغني.. يغني مالو

إنت ما تقول لى أنا سألت ولقيت إبراهيم يبقا ليك كدة!
أو تقول لى ماني سايل..
الشوق يحفنا للبلد وأهلها ونتحدث بسليقة وطيبة اهل البلد ونفاجأ بردود غريبة،
راكب غلط
تريث حتى ترد
شوف بالله يا عمر الفرقة بين ردي وردك!

تسلم تسلم يا عمر.. اصلاً مافي زعل.. الزعل بعيييييييد مني.. بس هذا رد على ردك
بس برضو عايزك تعرف وتسأل أبراهيم أب سلوم يبقا لى شنو؟
المرة الجاية يا حبيبنا عمر عايزك تكون سألت وعرفتا وياريت تسأل إبراهيم ذاتو..
بالله سلم على أهلنا المعاك كلهم ياعمر.. ومافي حماقة منك أبدا حاشاك يا زول

والله كلكم كرماء
العفو والصفح هي شيمتكم
وادب الاعتزار
ابدا التعالي ما من شيمكم
تقبلو مروري

يا الله .. الكبير دائما كبير ... الله عليك أستاذنا عمر وانت ترجع وتتراجع وتعتذر إنها شيم الكبار .. والله الله عليك باشمهندس ( الحنين ) ود ابو حنة وانت تعلمنا كيف يكون اللوم بدءا وقبول الإعتذار لاحقا .. لم تدفن ولم تشيل في قلبك الذي يسع الجميع .. . والله منكم نتعلم كل يوم شيء جديد
ونتشرف والله ان نكون بينكم نتعلم ونتتلمذ على يديكم
شكرا شكرا لكم وجزيتم خيرا

تسلموا يا شباب على المرور بي جاي
ابراهيم اب سلوم أمو بت خالتي طوالي.. أمها فرحين بت حبيب وأمي طيبة بت حبيب
أمو إبراهيم إسمها أم الحسين بكيت عليها كثيرا توفيت في شبابها بلدغة عقرب سامة شديد .. وكنت وقتها في الثانوي وموجود بالبلد وذهبنا للبكاء والدافنة.. زولة كانت متفردة في بنات خالتي وجميلة جمال شديد.. لكن الدنيا.. كانت عندها لى معزة خاصة جداً.. تبكي لمان ألاقيها بعد طول غياب.. وتنهف لامن تقول مات زول..
رحمها الله أم الحسين عمر عبد العزيز.. خالتي دي معرسا في أب هجيليج.. وأم الحسين دي بنتها عرسوها في عصمة.. وناس خالتي عندهم حق . خلف جبل عصمة رابطين فيهو بابور حتة تسمى( الكـَيـَرَة) جمع كير.. كنت أجي لى ولاد خالتي ديل هناك طوالي مرات نبيت مرات نقعد ايام..خاصة الجماعة ديل ( الشعورة) يحبوا النبيت شديد..ةالكيرة دي كانوا بانين فيها أوضة كدة بالإضافة لى كرقة البابور وبرندة تاني كانت مرتع خصب للمزاج.. واسرهم كلها بالشرق في ابو هجيليج.. وعندهم مركب صغيرة كدة يقطعوا بيها لى اب هجيليج..ةكان الخروف ده عندهم رمشة عين تلقاهو متوضب وشئ سلات وشئ ناشف وشئ سليقة.. نشدوا برانا بي جاي في الكيرة .. الحريم في الشرق ما بنودي ليهم اي حاجة.. مع المغرب يكون الخروف خلاص راح في خبر كان.. ناس غالب عبد العزيز حماد.. ومحمد عمر عبد العزيز حماد.. والطيب عمر عبد العزيز حماد... وحماد راجل بت خالتي التانية إسمها زينب عميري.. ومحمد عمر عبد العزيز.. واحمد عمر عبد العزيز.. والسريحينى كان بيكون معاهم.. وخليفة عمر عبد العزيز وعلي عمر عبد العزيز..

hghdc

يا سلام يا سلام ؟؟؟ قبل كل شى التحية لصاحب البوست والسادة المرور ؟؟؟

الفنان دا والله انا كنت اسال عنه ؟؟؟ لانى عندى ملف فيديو منو ؟؟؟؟ مقسم بالله
الملف اسمو المناصير ماها غرقانى ؟؟؟؟؟ فيديو ؟؟؟ هذا الملف كنت اسمعه وانا مريض فى القاهرة والله كان بى يخفف منى الالم ؟؟؟؟؟ لكن انتو اسع بى تقولوا ابو مصطفى دا مجنون ؟؟ يكفينا شر الجن ؟؟؟؟

لا لسرقة الملكية الفكرية وحقوق النشر والابداع سادتى ساعدونا فى لم كل صغيرة وكبيرة حتى نحافظ على حقنا والحافظ حقوا برضو راجل ؟؟؟؟؟
تحياتى
ابو مصطفى