فى رعاية الله وحفظه --الاخ النفر يغادر للمملكة العربية السعودية

الاخ العزيز النفر
صحبتك السلامه في حلك وترحالك
وكذلك اوقات المسرات تمر سريعا

هل زار شري.. هل ركب مركب يامها أو سزوكي شقا بيها العرق لافوق ولاتحت.. والله قضاها كلها في الكدرو وأم القرى
زار شري عايزنو يكتب بالتفصيل الممل..
مازارا
بتكون إجازتو شن طعما
وكان ما زارا عاد نقول ليهو
( بري من الوقعت عليك يا محجوب)

اذا ماشى بالطيران تصحبة السلامة واذا بالبحر لازم يزورنا فى بورتسودان اما العرق حليلو يا صديق ابوحنة بقى زكريات وراح مع ما حولو من جروف ونخيل واللة يجازى الكان السبب

العرق راح يا ابراهيم النعمان.. قريبنا. بالله سلم على كل الأهل ببورتسودان

الاخ النفر
نسأل العلي القدير ان يوصلك بالسلامة
وان تعود الي الغربة وتجد كل الامور علي مايرام
في رعاية الله

الحمد لله وصلت بالسلامة الى مقر عملى بالدمام _ شكرا ً إخوتى الكرام وجزاكم الله كل خيرعلى هذه الدعوات الطيبات _ لقد كانت إجازة رائعة وممتعة وعدت كلمح البصر وهكذا الأوقات الجميلة والحمد لله تشرفت وسعدت بمعرفة إخوة كرام بهذا المنتدى عرفتهم عن قرب فوجدت فيهم النخوة والكرم والشهامة نسأل الله أن يحفظهم ويرعاهم ويجمعنا بهم قريبا ً _

الأخ صديق عبدالله يتسآل عن زيارتى لشيرى وهل ركبت اليامها ؟؟ عفواً صديق يوجد بوست بإسم ليس من رأى كمن قد سمع !! بالمنتدى العام ومكرر بالإجتماعى وقد عدا عليه أكثر من عشرين يوم !! نرجو الإطلاع عليه وتقبل تحياتى ،،،

مرحبا بالشيخ عثمان النفر
الف حمدا على السلامة - والدمام والمنطقة الشرقة ترحب بك والسعودية كلها والرياض خاصة ترحب بك
ويا ريت تزورنا في الرياض عشان نأخذ اخبارك كلها.

حسع قلنا اخونا عثمان النفر دا لقى له طرف في الحكومة عشان نرسل له سيرتنا الذاتية - وما شاء الله كل ناس دفعتك والوراك هنالك ليهم زيت.

وسوف نكمل الحديث بالتلفون انشاء الله


تقبل تحياتي مرة أخرى وإلى اللقاء والشكر موصول لإدارة المنتدي وخاصة الأستذ سلمان عقيد وزملائه دون فرز.

الأخ عثمان ألف حمدا لله على سلامة الوصول وإن شاء الله تكون استمتعت بالإجازة ونسأل الله أن يوفقك بأن تجتاز هذه الأيام العصيبة والتي نعدها من أصعب الأيام إنسان عائد من أهله ومن بلد العز والكرامة شاي الصباح وشاي الضحى وشاي الساعة 12 والجبنة وشاي العصر وشاي المغرب وونسة بالليل واصوات الأولاد وأم الأولاد وأمر ونهي ومجهاد كلها أشياء يفقدها المغترب عند عودته من الإجازة علما أن الجيب يكون فاضي وربنا يرد غربتنا ويجمعنا بأهلنا ياعثمان. والسودان غير مشجع والعمر تقدم والعيال كبرت والفتر حصل وربنا يسوي الفيه خير. ونتمنى لك إقامة في أبوالدمام.

شكرا سلمان.
الاخ النفر حمدلله علي السلامة ،وبداية عمل موفقة إنشاء الله

شكرا ً إخوتى الكرام وجزاكم الله كل خيرعلى هذه الدعوات الطيبات _

الزعيم النفر .. حياك الله ووفقك وجعل لك في كل خطوة سلامة .. وترجع تعود لينا بالسلامة سالما غانما
ونسال الله لك دوام الصحة والعافية والتوفيق في بلاد الغربة

الرائع ود المناصير وإبنها البار ... حياك الله وأبقاك وحفظك ورعاك وسدد خطاك وجزاك الله خير على هذه الدعوات الطيبات _