الشبح المخيف ( محلية البحيرة )

من طرف **ابو مصطفى** الخميس 07 أبريل 2011, 2:14 pm

عزيزى الكريم اخوتى واخوانى بنى المناصير اتهيب لان افتح بوست تحت مسمى الشبح المخيف ولكن دون تردد
ما يسمى بالمحليات وببساطة هنالك مصاصى الدماء بالضبط هى المحليات وهى تمتص دماء المواطنين البسطاء تحت المسميات الغريبة والعجيبة والمقننة والتى تعمل تحت اسم القانون كل ما اخشاه على اهلى هو ان اهلى ناس طيبين وعلى نياتهم فى القانون وكل ما اخشاه من محلية البحيرة الوليدة كما يحلو لبعض رواد المنتدى ان تكون الوليدة زى سارة الضارة ويكون من جلس فى مكاتبها لحم وشحم اكتافه من عرق البسطاء
اكرر احذروا عرق البسطاء والغلابة وبالذات من ابناء المناصير لان الضرب على الميت حرام يا ناس والله حرام ؟؟؟؟ كفاية تدليس وكفاية مكر ودهاء وجمع اموال الناس بالمكر والخداع تحت مسمى تقديم خدمات وتنمية واسماء براقة ولماعة ولكن دون جدوى ولى حديث طويل جدا حول المحلية وحتى لا تقع الفاس فى الراس ؟؟؟

تحياتى
ابو مصطفى
محلية البحيرة الجزيرة دماج

من طرف **يس مصطفي** الخميس 07 أبريل 2011, 2:23 pm

في انظارك ياابومصطفي
والله كلام اسد علي وفي الحروب نعام
ياخي لاصحه ولاتعليم ولاطرق ولا ولا ..............
كمان جايين يكمرقوا من المواطن؟

من طرف **ahmed alkhabir** الخميس 07 أبريل 2011, 2:43 pm

شكرا الاخوان ابو مصطفي ويس
فعلا موضوع خطير
المواطن في محلية البحيرة يدفع لكل الخدمات وليس رسوم ادخال خدمة كما هو الحال في باقي المليون ميل ولكن يدفع من اجل تاسيس البنيات التحتية !!!!!!!
فهو يدفع من اجل
1/ الوابور الزراعي
2/ وابور ومولد الكهرباء
3/ انشاء المدارس
4/ شراء المراكب للترحيل
5/ انشاء المستوصفات
6/خدمات المدارس والمراكز الصحية من كهرباء الي انشاء صهاريج وشبكات المياه
وبعد كل ذلك عليه ان ان ان يصرف علي اهله ويعلم اولاده ومصدر دخله مشاريع زراعية في رحم الغيب
وفوق كل ذلك هو الذي ضحي من اجل اسقرار الكهرباء في الخرطوم ومروي وكريمة وشندي والمتمة والقصر الجمهوري
وبعد دا كلو تجي الحكومة الاسرائيلية اقصد السودانية عشان ما يشد حيلو براهو ويشتغل تجي تقول ليهو ما تعمل حاجة انا حا اعمل ليك واسوي ليك !!!!
وتوعد وتخلف وتوعد وتخلف حتي !!!!!!

من طرف **يس مصطفي** الخميس 07 أبريل 2011, 2:50 pm

الخبير قال:وفوق كل ذلك هو الذي ضحي من اجل اسقرار الكهرباء في الخرطوم ومروي وكريمة وشندي والمتمة والقصر الجمهوري

والله فعلا هناك رابط حقيقي لللكك اعلاه ولكن الي متي

من طرف **ابو مصطفى** الخميس 07 أبريل 2011, 2:50 pm

كلمة يكمرقوا دى والله رجعتنى عشرين سنة لا وراء نكتها جبتها من وين يا يسن ؟؟ الله يطول عمرك ؟؟؟

اصل الحكاية والرواية تحت مايسمى بدولة الجباية المقننة نفرين ثلاثة يفتحوا مكتب ويقعدوا يفكروا فى مسالة التمويل ومن اين تاتى مرتباتهم وحق الفطور واخر ما توصلت اليه حكومة الانقاذ تراهو شغل المحليات والغريب فى الامر ان العدوى وصل فيروسها المناصير واصل المعادلة ان تقدم خدمات تصل المواطنين ومقابل هذه الخدمات يدفع المواطن ثمن هذه الخدمات من ضرائب ورسوم خدمات ونفايا وغيره للكن الامر فى المناصير يختلف جملة وتفصيلا عن باقى العالم فى السودان يا خى ببساطة نحن كل زول قاعد فوق راس حجر وقاعد على حداه معزول من العالم ولدينا مشكلة كبيرة تجمع ؟؟ خدمات وكلو المحصلة زيرو ؟؟؟ على كل اذا كانت الحكومة تدفع من الخزينة العامة اهلا وسهلا لكن حكاية يقطع ايصال واحد فى المناصير نقطع رقبه حامل الايصال انشاء الله ما اصلوا اما نموت اما نحى وكفاية نموت كم مرة ؟؟

تحياتى
ابو مصطفى

الشبح المخيف ( محلية البحيرة )

الشبح المخيف ( محلية البحيرة )

رد: الشبح المخيف ( محلية البحيرة )

رد: الشبح المخيف ( محلية البحيرة )

رد: الشبح المخيف ( محلية البحيرة )

رد: الشبح المخيف ( محلية البحيرة )