إبراهيم الشاعر يكتب في عصايته التى انزلقت ووقعت بالتصادم في القطر

ياسلام عليك ياابوحنه على اخراج الدرر

شكرا بحنه كلام جميل ___لشاعرنا المرحوم ابراهيم الكثير جدا من اشعار الهجاء والمدح والوصف والفكاهه. وله كتاب ارجو من من معه نسخه ينزل منه فى المنتدى

شكرا الباشمهندس ود ابو حنة ونأسف للتاخير
تخريييمة
ترجمة في ؟
موش لي انا .. انا زول بلد .. وهسع فوق راس الجبل متحكر ورائق

ود المناصير
فوق راس الجبل متحكر
مرة أعوم ومرة أفكر
خياري محلي ما متنكر
وبت الشيخ بي جنبي تعسكر
وكان مسكتني زهجة أسجّر
ومرات لى صعوطي أمـَطِّر
وجنبي بحيرة تهمط وتهدر
مرة تروق ومرة تعـكـِّر
والقاصدني روحو تكركر

الف شكر....

كلمات ابو حنه فى رده للاخ ود المناصير
لوحه تحتاج فقط لريشه وفنان
كانى ارى هذه اللوحه

والله يا الحاج ... اخوك الكلام استهواه وعجبو تب ... بس ما قدر يعلق
عذرا لأخونا وشاعرنا ومرجعنا ود ابو حنة
دائما نتعب في مجاراتك بالردود..
ولك شكري يا الحاج .. وشايفك مسخن سخانة شديدي
ربنا يعين الجميع ..

الهندسه صديق
ودالمناصير
الليلي صديق جاب نضما مجهبز ومدنكل
بس ياودالفقراء حتي انت كمان تعجبك الحكيره والمطير؟ ياربي الفقره ديل انسختو ولا بقو يجاروا العولمه وكدا ؟
لك ولكل الاخوان التحايا والسلام

يا صديق ابوحنه الشاعر كان يخاطب شاعر الرباطاب لانه العصايه فقدها في ابوحمد

شاعر الرباطاب رد عليه بقصيدة مطلعها

يا الارباب دى ماها نعاسه

دي نومة تقيلة بيهلواسا

ارجوا ان تبحث عن هذاه القصيدة

سوف نبحث يا ابو احمد

الاخ صديق

هذا ما سطره الشاعر البشير علي ابراهيم الشاعر في موضوع العصاية

نومة تقيلي بي هلواسه

البوت يقال انه ضاع من ابراهيم دقاق

تسلم يا ابو احمد تراكا لميتنا فيها..
مرة في حي في ابوظبي إسمو ( بني ياس) عندو فريق قوي كان لعب معاه هنا سيد البلد. وسيد البلد غلب بني ياس..
أها ميت في الحي ده على بعد 25 كيلو من ابوظبي.ز مشيت اصور أوراق في مكتب طباعة.ز لقيت ولد مهندس شغال فيهو
قال لى أنا ابوى البشير صديق ابراهيم الشاعر وقعد يحكي..

الباشمهندس اب حنة متعك الله بالصحة والعافية
وانت تطرق كل الابواب عن المناصير اجتماعيا وثقافيا وادبيا
والله يكتر من عينتك يامرجع
طبعا والدك عبد الله اب حنة عليه رحمة الله كان راجل طيب
طبعا نحن اولاد المتيرة مشهورين بالخراب وطبعا ساقية والدك علية الرحمة
كانت قصاد المتيرة بالخيط وكنا وقتها نحن في المرحلة الابتدائية
نقطع البحر عوم ونمشي نسرق الطماطم والعجور...الخ ... الله يغفرلنا كان جهل ماعادي
والمؤسف كنا لانسرق بقدر ماناكل . اذا وجدنا الجو مناسب نقوم بقطع معظم الخضروات
وكان علية الرحمة واذا وجدنا نسرق يجري خلفنا وكنا نقع البحر ثم يتركنا
والغريب في الامر كان لايقدم شكوى لالادارة المدرسة ولا لاهلنا علية الرحمة

اشكرك جزيل الشكر علي فتح بوست لعمنا ابراهيم الشاعر علية الرحمة
علي العموم انا مشغول بالدراسة وباللغة الصينية كمان حاجة صعبة خالص
شوية وراجعلك انشاء الله يامرجع

عمر سلمان علي الشاعر... ولدنا وجارنا واخونا..
نسمع بيك وما شفناك..!! كيفك يا زول! والله يعينك على الدراسة باللغة الصينية..
عافين ليك يا زول وعافي ليك الوالد حكاية الطماطم وغيرا قدر ما يسد الرمق.. وأبوك الله يرحمو صديق عزيز لى والدنا عبد الله وكل ولاد الشاعر اصدقاء للوالد.ز وكثيرا ما جلسنا في دكان ابوك في المتيرة.. وكلام كتير ممكن يقال.ز وفقك الله.ز ابوك لامن مات الله يرحمو يصر على الزي المنصوري القديم يتلفح التوب فوق العراقي والسروال.. وكانن فيهو سمحات جنس سماحي! خايلات.. وكان زول نضيف يحب يلبس نضيف طوالي!
ياخي ابوى حاج عبد الله لايمكن يشتكيكم للناظر.. ابوى راجل تربوي من الطراز الأول.زول مربي. وكمان ولايضربكم بي جريدي والله غيرو.ز بس يسككم ساكت تخويف بس.ز انا بعرفوا زول دمعتو في الصلاة قريييبة بالرغم من إنو في أمور الدنيا والبحر زول فارس.. ومعظم الناس كانت تخاف من جنايز البحر هو يطلعها ومعظم الناس كانت تخاف من وضع الموتى في القبور هو كان يضعهم ومعظم ناس البلد كانت تخاف من غسيل الميت هو يغسله ويحفظ اسراره.. وحاجات كتيييرة يا عمر.ز
رحم الله أهلنا جميعا يا عمر

الباشمهندس صديق لك التحايا العطرة
موسوعة عسانا نجد الكثير بما يروح علينا
من موروثات اجدادنا
تقبل المرور