ساكواها سواها ولا يخاف عقباها

مبروك للمريخ فقد انتصر بعد صعوبه بالغة

الانتصار اتى بخدمه يمين وعرق جبين يا اسامه والمريخ لعب مباراه العمرواول مره الواحد يحس بان الفريق تمام والمفروض النتيجه اكبر من ذلك

عقبال تشيلوا الكاس

سلام مني ليكم
عاااااااادي جدآ كل سن المريخ بدآ كويس لكن مركزه المفضل محجوز من آسي ،،وصيييييييييف،،
الذ ما في الموضوع إنو حيرجع مونتاري [ندعوك للتسجيل في المنتدى أو التعريف بنفسك لمعاينة هذه الصورة] وخال البنية
مبروك للمريخ وهاردلك يا أسياد
الخوف من أهلي شندي قالو يشجعو بي السواطير [ندعوك للتسجيل في المنتدى أو التعريف بنفسك لمعاينة هذه الصورة] والطواري ويدفنو بالكونشبر [ندعوك للتسجيل في المنتدى أو التعريف بنفسك لمعاينة هذه الصورة]







ر

للاسف ماقدمه لاعبى قمة الكرة السودانية بالامس لايشبه كرة القدم فى شئ وليس له علاقة بها ولايوزاى واحد فى المائة مما يتم صرفه من مبالغ ماليه على هؤلاء اللاعبين الغير مسئولين سواء كانوا من الهلال او المريخ فانه لو تم اختيار فريق من افراد هذا المنتدى ومن غير تمرين واحد لشاهدنا عرضا احسن من هذا بكثير وانه لمن المخجل ان يشاهد العالم من حولنا مانسميه وهما بالديربى السودانى ..الم يشاهد لاعبى الهلال والمريخ كيف تلعب كرة القدم فى الدوريات الاخرى ..الم يشاهدوا قبل ايام قليلة بطولة حوض النيل بين ظهرانينا وللاسف ان بعضا من هؤلاء كان مشاركا فيها ولكن هذا قدرنا فى السودان ان نرهن عواطفنا ورغباتنا فى مشاهدة كرة القدم والاستمتاع بها للاعبين جلهم من الفاقد التربوى للمجتمع السودانى.
اخى حسن سليمان يجب ان تختشى وانت تكتب (ان المريخ لعب مباراة العمر واول مرة الواحد يحس بان الفريق تمام)
هل هذا كان فى مباراة اخرى غير التى لعبت باستاد المريخ امس ومن غير جمهور وشاهدها الجميع من منازلهم عبر شاشة قناة قوون الرياضية ام كانت هنالك مباراة اخرى ونحن لانعلم بها.
طيلة المباراة لم نشاهد كورة ملعوبه واحدة او باص مريح للمهاجمين غير باص مدافع الهلال اتير توماس لمهاجم المريخ وماسورته سكواها الذى لم يفعل شئ طيلة المباراة غير وضع باص مدافع الهلال فى القوون

HASSAN SULIMAN كتب:

والذى فريقه بغير انتصار لا يرى فى المباراه شى جميلا

هذة حقيقة المنتصر يفرح وله حق الفرح فهو غالب ومنتصر , والمهزوم يحزن ويقول ان الكورة السودانيه عموما لايرضي طموحنا
نقول الف مبروك للمريخ وهارد لك للهلال

الف مبرررروك للزعيم المريخ .
والله يستر على حليب اللبن من القراقير .

مونتاري وحسن سليمان ومنوفلي الليله يومكم

مونتارى كتب:

سلام كل المتداخلين نرحب بالعضوء حسن سليمان فى المنتدى الرياضى

فعلا حسن سليمان اوفاقك الراى كانت من اجمل المباريات التى لعبة المريخ واختلف مع تاج السر اولا المبارة خلت من الجمهور المتعصب الذى تعود الاساءة و تمكن فريق من تشكيلة جديدة ان ينجح حارس فى اول مبارة قمة من المحافظة على شباكة نظيف ونجاح المحترف سكواها السواها من يصل الى الشباك ومن نجاح المدافع بسكال من قفل المفاتيح الهلالية ونجح المدرب البدرى التفوق فى شوط المدربين وهذا يدل على وجود الاضافة بينما فشلت الاضافة الهلالية فى اتير توماس الذى تسبب فى الهدف والمهاجم فليكس الذى سبقة الاعلام الازرق

كنا قايلين انو الانحطاط الاخلاقى وسط الجماهير فقط لكن للاسف مع هدف المريخ سمعنا ابوجريشه (عضو مجلس ادارة نادى المريخ) يقذف بالشتائم ويتوفه كلمات يعف اللسان عن ذكرها وصلت لمسامع كل الاسر السودانيه التى كان افرادها يشاهدون لقاء الشلاليت والخرمجة الكروية بداخل السودان او خارجه
فليس بكثير او غريب على جماهير المريخ ان تقول ماقالته فى هيثم مصطفى فى قمة نهائى كأس السودان السابقة
وليس بغريب على استيفن وارغو وهو يترنح ويلف الصوانى انصاص الليالى وليس بغريب ان يقام حد شرب الخمر على اللاعبين عبدالحميد السعودى وراجى عبدالعاطى
ولايسعنا الا ان نقول اذا كان رب البيت بالدف ضارب فما شيمة اهل البيت الا الرقص والطرب.

اولا مبروك للوصيفاب الفوز وفرح الغلابة ما بيدوم لسة دى بداية......
مبروك مونتارى فوز وكمان معاهو حسن سليمان....
بس نحنا اسياد بلد ننهزم نفوز على كيفنا
ف دورى او كاس ديمة النجيمة وصيفنا
تحياتى

انشاء الله يتغلبوا الاثنين

مبروك للمريخ الخرمجة والدروشة الكروية امام اهلى شندى والفوز بعد الطلوع الروح ومساعدة التحكيم كالعادة وبعد تندى لياقة لاعبى الارسنال .
شكرا جمال الوالى الذى اتحفنا بمحترف امتع ناظرينا باجمل لقطة فى عالم كرة القدم وهو يشوت ضربة جزاء استمتع برؤية كورتها وهى تتجه عمودية نحو السماء سكان الحاج يوسف وجبل اولياء والقرية الجخيس ويابخت من وقعت تلك الكرة التاريخية فى بيته واظن انها قد سقطت كما سمعت فى منزل احد سكان منطقة مرزوق الذى قال انه سوف يضرب عليها جرس المزاد لمعالجة من اصيبوا بالتواء فى الرقبة وهم يشاهدون ويتابعون كرة ساكواها وهى تنطلق نحو السماء.
قال خليفة الضباح قال!!!

يا السر براااحة علي الجماعة خليهم يتهنوا شوية اصلهم دائما يبدوا الموسم كدا وفي الاخر يرجعوا لي وصافتم

سلااااااام كل عشاق المنتدى الرياضى العزيز تاج السر قرااات فى احدى مداخلات لك للاخ اسامة تقولييهو خلى روحك رياضية وانت كما ن عود نفسك عليها وتقبل الهزيمة بصدر رحب ووجه النقد لفريقك المتهالك لن حوامة وارغو لاتساند اطراف الهلال المجنحة وقيام الحد على السعودى راجى لايحمى شباك المعز من السكوها ولاوحوش مازيمبى فتوجيهة النقد من المشجع للفريق يعالج الاخطاء
حسن سليمان انت من السرعة هدن
خاااال ابرار حديثثثثثثثثثثثثثثثثثثثثثثثثثثثثثثثثثثثثثثثثثثثثثثثثثثثك شوقنا ليك وقلنا اى حديث نحن بنقبلو
احمد الخبير المنتدى منور بيك

يا منتارى انت حان عليهن ليه وما عارف انهم لسانهم طويل كان غالبين مايريحوا وكان مهزومين يحننوا وهاك يا الحضرى الحقنى واين حائط المبكى اللاخدلى بكيه
وبعدين اقول ليك حاجه الغلب حااااااااااااااااااااااااااااااااااااااااااار وساعت تفوقنا خلينا نتفش فيهن وبعدين الكاينه اتكون

الظاهر عليهو العشر قاملو شوك
يايوم بكره اسرع تعال ماتبتعد

تاج السر جبريل عثمان كتب:
يايوم بكره اسرع تعال ماتبتعد

الاخ تاج السر ليك وحشه
ازيك
ياأخي تاج السر لاتلقي الشماته في اخيك فيعافيه الله ويبتليك !!!!

="تاج السر جبريل عثمان"]الظاهر عليهو العشر قاملو شوك
يايوم بكره اسرع تعال ماتبتعد
فقد جمهور الهلال الثقة فى فريقة وتكتمت انفاسه امام الزعيم القاهر فااصبح يبحث من ياخذ ثارة فى الفرق الاجنبية تنناسو انا المريخ يلعب بااسم السودان
الليلى ياخووى السر ير تعال جيب معك علم انقولا

يا منتارى انا كلمتك وقلت ليك الجماعه ديل حاقدين ولسانهم سليط ولا يتورعون فى تشجيع اى فريق ضد الزعيم الحامل لواء المنافسات والكاسات الخارجيه ودا زاتو المخلينا نتفرعن عليهن
شابكننا سيد اللبن وسيد القش وسيد الصفر الكبير
ويا اخوى تاج السر اخترح عليك ان تتخلى من تشيع الحمام الميت دا وتجينا مع الزعامه والاناقه
والليله يوم الرجال وانتوا اقعدوا فراجه

الاخ اسامه لك التحية
والتحية الخاصة للاخوان صاحب البوست حسن سليمان ومونتارى ونقول ليهم مبروك الفوز على حمام انغولا الميت بعد طلاع روح وبقون اول من درويش المهدية وقون ثانى بعد استنجاد بجدو العجب(سبحان من يحي العظام وهى رميم)
وبعد ان مهد الحكم الطريق بارهاب لاعبى الانغولى بتوزيع البطاقات لهم عن اليمن وعن الشمال نتج عنها طرد مبكر لافضل لاعبيهم بعد احتجاج على القرارات العجيبة لحاملى الرايات وتساهل حكم الوسط مع شلاليت الشغيل وباسكال والظاهر انو ابوكريشه قد قام بالواجب وزياده لانو مشهور بهذه الحاجات من رشاوى للتحكيم الى الفكى ابوصينيه.
البركة فيك ياحضرى وشكوى جاااااهزة لامعتصم لامجدى يحبسوها فى الادارج ويضربو طناش للقاهرة طوالى وتأخير مافى ونظر فهيا على طول.
من هنو لى طمبل ومن الزومه لى ساكواها...دنيا اخر زمن
مواسير 16 بوصة

منقول من صحيفة كفر ووتر الالكترونيه:
رفض الحضري صمت الجماهير وطالبهم من منتصف الملعب بالتشجيع الداوي
خلال المباراة ..واثناء سير المباراة ايضا عندما يصمت الجمهور وينهمك في متابعة مجريات المباراة
يتحرك الحضري من مكانه بكل الاتجاهات ويطالب الجماهير بالتشجيع المتواصل وبث الحماس في اللاعبين ..وكانت الجماهير تتجاوب معه بصورة حماسية للغاية و باستمرار وتقوم بتشجيع اللاعبين بقوة وتصفق للحضري وتهتف باسمه ..واكدت بعض الجماهير ان هذا اللاعب هو الذي يفتقده المريخ داخل الملعب وهو الكابتن الحقيقي والنموزجي بل طالبت بعض جماهير المقصورة منح اللاعب كابتنية الفريق ليقوم بدوره في حماية مكتسبات الفريق خلال المبارايات.
واصل الحضري تقديم خدماته لفريقه اثناء سير المباراة بخبراته الكبيرة في الملاعب .طالب الحضري كابتن الفريق محمد علي سفاري وبعنف شديد بمخاطبة حكم اللقاء البورندي بان اللاعب الذي انذره في الدقيقة 34 له بطاقة صفراء في بداية شوط اللعب الاول ويجب طرده بالبطاقة الحمراء بعد نيله الانذار الثاني ..الا ان سفاري رفض القيام بذلك الدور وذلك لحاجز اللغة وكان سفاري يقف بعيدا عن موقع الحدث عندما تجمهّر لاعبي الفريقين عقب مخالفة عنيفة ارتكبت مع احد لاعبي المريخ على مشارف منطقة
جزاء المريخ ( الكاتب غلطان لانو التدخل العنيف كان من قبل العاجى باسكال على لاعب الفريق الانغولى الذى احتج بشده مع رجل الرايه على التدخل العنيف وامام رجل الرايه الذى احتسب الكرة رمية تماس للانغولى بدلا عن فاول وانذار لمدافع المريخ) وأصرّ الحضري على سفاري بالذهاب للحكم واحتدّ معه بصورة اعنف للدرجة التي جعلت سفاري يهروِّل وبشدة تجاه الحضري للاعتداء عليه جراء حديثه العنيف معه الا ان الزامبي باسكال حال بينهما وعقب ذلك تنازل سفاري وذهب لحكم اللقاء وابلغه بان فابريسو الذي يرتدي الرقم اربعة وقام بانذاره كان قد نال انذار في شوط اللعب الاول وذهب الحكم مباشرة الى الحكم الرابع ورجل الراية واستشارهما وتحدث معهما كثيرا حول الحادثة واستعان باوراقه وبعد عودته لداخل الملعب اخرج البطاقة الحمراء مباشرة لمدافع الانتر وصفّقت الجماهير كثيرا للحضري وطالبته بمواصلة خدمة الفريق في مثل هذه الحالات
واصبحت الجماهير تتجاوب مع مطالبه بالتشجيع بصورة اكبر.
عالم مابتختشيش

اولا مبروك الزعيم بالحبتين قطع نصف المشوار والفريق الانغولى فريق شرس
وهو فريق معروف وله تاريخ ناصع فى المحافل القاريه
ويا اخوانا ويا تاج السر فرقوا بين الحقد الذى اعمى قلوبكم واصبحتم انغولييين وبدون اختشى وياها المحريه فيكم
اما الصفوه النهار دا فى خندق واحد مع اخوانا هلال العرضه شمال
وبعدين فيها شنو لو الحضرى وجهه اللعيبه او صاح فى احد زملائه فهى من ابجديات اللعبه
وثم ثانيا وحسب الخبره يمكن ان يكون كبتنا للفريق فما هو العيب فى ذلك كدى ورونا يا شباب

عادت العافية لهلال الملايين وبعودته تعود للكرة السودانية عافيتها والقها وبريقها وارتسمت البسمة على شفاه الملايين من الشعب السودانى وبقية عشاق الموج الازرق الموزعين على امتداد الكرة الارضيه
سيد البلد لم يكن فى الفترة السابقة هو سيد البلد وزعيمها الذى نعرفه فقد كان غريب اليد واللسان ولكنه اليوم عاد كما نعرفه شرسا مهابا ..وكان اخوة سيدا اليوم فى الموعد فامتعوا ناظرينا بالعرض الجميل المموسق تمايلت معه المدرجات طربا.. فمن يجارى اخوة سيدا عندما يكونوا فى الموعد؟
اوعك تقول لى ناس موسى الزومة ياحسن سليمان
موسى الزومة الذى كتب فى سيرته الذاتيه عندما طلبها منه احد وكلاء اللاعبين المسجلين لدى الفيفا عشان يشوف ليهو فريق فى مورتانيا .كتب موسى الزومة ان من اهم انجازاته انه قد خاض مبارة لتابين لاعب المريخ الراحل ايداهور بجوار لاعب الاتحاد السعودى محمد نور وانه قد مرر احد الباصات لمحمد نور... ياعالم فضحتونا دا شنو دا؟ لاعب قمة انجازاته انه قد مرر باص لمحمد نور.

HASSAN SULIMAN كتب: اولا مبروك الزعيم بالحبتين قطع نصف المشوار والفريق الانغولى فريق شرس
وهو فريق معروف وله تاريخ ناصع فى المحافل القاريه
ويا اخوانا ويا تاج السر فرقوا بين الحقد الذى اعمى قلوبكم واصبحتم انغولييين وبدون اختشى وياها المحريه فيكم
اما الصفوه النهار دا فى خندق واحد مع اخوانا هلال العرضه شمال

الاخ حسن سليمان لك التحية:
اخى الحقد لم يعمى قلوبنا فاداريى المريخ هم من يؤجج نيران الحقد ويجعلنا لانرى فى المريخ شيئا جميلا ويجبرنا على ان نقف مع كل من هو ضد المريخ فلعلك تجد فى هذا الخبر المنقول من موقع صحيفة كفر ووتر الالكترونيه الرد الشافى والدليل الوافى لحديثى هذا:
03-17-2011 11:00 AM
كفر و وتر/الخرطوم
عقد مجلس المريخ اجتماع مهم مساء امس كوّن من خلاله بعثته المغادرة لانغولا برئاسة الامين العام محمد قريش وعادل ابوجريشة رئيس القطاع الرياضي نائبا له وتم توجيه المكتب التنفيذي باكمال اجراءات السفر ورفض مجلس الادارة السفر مع الهلال بطائرة خاصة الى انغولا بعد ان علم بان هناك اتجاها في مجلس الهلال بالتنسيق مع المريخ للسفر بطائرة خاصة وقال مجلس الادارة اذا كان المريخ يريد السفر بطائرة خاصة لن يكون ذلك مع الهلال.

مبروك اهلنا فى العرضه شمال ونخص الاخ تاج السر بالرغم من حقده على الزعيم
فاز الهلال على فريق مغمور ولا اسم له فى القاره السمراء وبينى وبينك كدى سمعت بهذا الفريق يعنى حمااام ميت
ورغم ضعف الضيف ابت ايادى الحكم الا وسرق مجهوده بخبس كروى لا يلحظه الا المتابع الحريص
بالله عليك يا تاج السر لاعب منفرد بالمرمى يصفر الحكم فاول لصالح اللاعب خارج ال18 علىىىىىىىىىىىىى مييييييييييييين تنطلى هذه الالاعيب
زكر تاج السر بان مجلس المريخ رفض السفر مع الهلال ودى فيها شنو يعنى الا ان يكون هناك شى فى نفوسكم وشعوركم بالدونيه عندما يتعلق الامر بالمال وجمال
وفوق ذلك لم ولن نشجع فريق اجنبى ضد اى فريق سودانى (( دى الصفوه وفرق يا تاج السر*))

HASSAN SULIMAN كتب: مبروك اهلنا فى العرضه شمال ونخص الاخ تاج السر بالرغم من حقده على الزعيم
فاز الهلال على فريق مغمور ولا اسم له فى القاره السمراء وبينى وبينك كدى سمعت بهذا الفريق يعنى حمااام ميت
ورغم ضعف الضيف ابت ايادى الحكم الا وسرق مجهوده بخبس كروى لا يلحظه الا المتابع الحريص
بالله عليك يا تاج السر لاعب منفرد بالمرمى يصفر الحكم فاول لصالح اللاعب خارج ال18 علىىىىىىىىىىىىى مييييييييييييين تنطلى هذه الالاعيب
زكر تاج السر بان مجلس المريخ رفض السفر مع الهلال ودى فيها شنو يعنى الا ان يكون هناك شى فى نفوسكم وشعوركم بالدونيه عندما يتعلق الامر بالمال وجمال
وفوق ذلك لم ولن نشجع فريق اجنبى ضد اى فريق سودانى (( دى الصفوه وفرق يا تاج السر*))

عكليتة شديد

HASSAN SULIMAN كتب:
زكر تاج السر بان مجلس المريخ رفض السفر مع الهلال ودى فيها شنو يعنى الا ان يكون هناك شى فى نفوسكم وشعوركم بالدونيه عندما يتعلق الامر بالمال وجمال

شتان مابين نادى يعتمد فى تسيير اعماله على عشاقه من رجال المال والاعمال وما بين نادى يسجل المحترفين باغلى الاسعار ويستجلب الاجهزة الفنية بالمرتبات الخيالية من اموال الشعب السودانى المسكين خصما على قوت ابناءه وابسط احتياجاتهم فى ظل ندرة وشح للدولار فى خزينة بنك السودان وعلى قلته تفتح الخزنة على مصرعيها لفتى الانقاذ المدلل ورمز الفساد جمال الوالى ينهب منها كما يشاء.
ثورة ضد الفساد الشعب يريد محاكمة رمز الفساد
الشعب بيروى الثورة بدمو الغالى
الشعب يريد رأس جمال الوالى

وكالعاده ابتدا بالتحيه الخاصه للاخ تاج السر ابورميله
ذكر تاج السر ان المريخ يسير اموره الماليه من مال الشعب السودانى وهذا اعتراف صريح بان المريخ هو الشعب السودانى والممثل له وعليه من الطبيعى ان يجد الاهتمام اما الجماعه يا كافى البلا ء خالين الوفاض الا من الصفر الكبير والذى يزداد كبيرا وتدويرا لينشطر الى نصفين مكون هلال كبيييييييييييير
ثانيا مال الشعب دا نحن عندتا تصيب الاسد فيه لكن احكى المال الما معروف مصادروه من وين والا وين مره غسيل اموال ومره بنوك سعوديه
ثم ثالثا ذكر تاج بان جمال الفتى المدلل اها كدى انظر الى مجلس الهلال الجديد والذى يحتوى فى تشكيله على اكبر مدلل وانت براك جربت ظلمه فييييييييييى نفسك وقبيلتك اها عرفتو ولا اقولو ليك
وان عدتوا نعد
السكوهه حاااااااااااااااااااااااااااااااااااااره

والله يا حسن سليمان بفيتلنا فى رقبتنا مونتارى كان اخير.....
السر والله حكاية الثورة ضد جمال الوالى دى عجبتنى وحنظل نهتف عايزين مونتارى وما عايزين جمال الوالى

الاخ الفاضل د/ خال البنيه ومعاك تاج السر كمان المره دى
وكلامك كلام عقل واحسن نخت الكوره واطا ونتفاهم لنجد مخرج للحاله السيئه التى تمر بها الكوره السودانيه وخاصه المريخ والهلال ممثلى الانديه السودانيه فى كاس الانديه الافريقيه ؟؟؟؟؟؟ اما حكايه نتعصب لانديتنا دى ما جايبه حقها وزى ما قال المثل شكرو رقد
اما جمال الوالى دا احسن تختو دربو
وبعدين انتو ما عندكم الزى جمال بس اصبروا شويه
السكوهه حاااااااااااااااااااااااااااااااااااااااااااااااره يا دكتور

والله أنا من ناس الكاروري دخلوا مجلس الهلال
عرفنا ان الموضوع بايظ
وكمان التشجيع في المنتدى ؟ برضو بايظ

ود المناصير كتب:والله أنا من ناس الكاروري دخلوا مجلس الهلال
عرفنا ان الموضوع بايظ
وكمان التشجيع في المنتدى ؟ برضو بايظ

يعني ياودالمناصير مشيتو للمريخ !!!!

الفف الفف مبروك الفوز العريض الذى سطره صقور الجديان على الفريق السوزيلاندىالمتواضع جدا 3/0 وكان بالامكان احسن مما كان
اما اخوانا فى العرضه شمال حقو يعرفوا من زمن انتخابات الرئاسه فى الهلال ومرحله الطعون وما ادراك ما الطعون اديرت الامور بصوره دراماتيكيه
وانا ابلغنى عضو هلالى كبير وقبل النتيجه وقال لى ان المجلس بتاع البرير والكارورى فايز ومن يومها عرفت الامور اديرت كما ادير ملف التعويضات
وربنا يكون فى عونكم
الغلب حااااااااااااااااااااااااااااار يا خال ابراااااااااااااااااااااااااااااااااار

ياجماعة الكارورى وجمال الوالى ولاد عم بس نحن بنشجع الفريق ما الادارة........
حسن سليمان الفوز عجبنا ومبروك لى صقور الجديان بس كانو يستاهلو بوست براهو مايكون تحت سكواها سواها ولا سنو؟

والله يا خال ابرار كلامك سمح بلحيل وفعلا يجب التميز بين تشجيع الفرق والامور الاداريه لكن جرانا اخونا تاج السر لهذه الامور وقام هبش لينا جمال الوالى ولذلك نحن اكتفينا بحق الرد فقط ولم نهاجم
اما صقور الديان فعلا يستاهلوا بوست جديد
يتواصل التنافس الخارجى لممثلى الكره السودانيه المريخ والهلال وربنا يوفق الزعيم واخوانا فى العرضه شمال

*مدرب إنتر كلوب السابق: سودانيون زارونا وحرضونا على تقديم شكوى خاسرة في الحضري
اها يا ناس العرضه شمال كفاكم ولا ازيدكم

هاردلك الزعيم ورغم الاخطاء القاتله وجور التحكيم فى ضربه جزاء ظالمه عادلت نتيجه ام درمان ولجاء الفريقين الى ضربات الجزاء الترجيحيه والتى ابتسمت لاصحاب الارض وابعدت المريخ من الادوار الاولى للبطوله وهذه ليست نهايه الدنيا ويبغى الامل
نبارك للهلال الصعود الى ال16 والى الامام

HASSAN SULIMAN كتب: هاردلك الزعيم ورغم الاخطاء القاتله وجور التحكيم فى ضربه جزاء ظالمه عادلت نتيجه ام درمان ولجاء الفريقين الى ضربات الجزاء الترجيحيه والتى ابتسمت لاصحاب الارض وابعدت المريخ من الادوار الاولى للبطوله وهذه ليست نهايه الدنيا ويبغى الامل
نبارك للهلال الصعود الى ال16 والى الامام

.
مبروك للهلال وحظا اوفر للمريخ ونيل الحصاحيصا .

هارد لك للمريخ ونيل الحصاحيصا وبالتوفيق سيد البلد........
وينك يا السر منتظرنك؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تسلم يا السر
ارجع اليهم وعيهم المغيب بالاماني الكاذبة التي ضخت اليهم عبر المواسير الهباب