السودان نفر

الأخ محمد بروي لك التحية واليوم سمعت منك خبر مفرح وهو قضاء الدكتور حسين إجازته بين أهله في السودان وسوف أحصحص هذا النبأ من صاحبه. وكلنا إن شاء الله في هذا التاريخ بالسودان الحبيب ونسأل الله التوفيق، والقدم ليه رافع. ونحمد الله على سلامة وصول النفر للسودان ونتمنى له إقامة طيبة بين أهله. وإذا كان النفر متعهد بأملحين أقرنين فأكيد دكتور حسين نتوقع منه ثورين مانعين أحمرين. ولك الشكر محمد.

ياجماعة البلد مهموزة-وياود بروى دا لوم كبير ليه ماتعلن او تتصل بينا من بدرى  عشان نقابل النفرفى المطار--لكن نحنا ماشين ليهو فى الجيلى -والاملح الاقرن حا نجيبو برانا ان شاء الله --وحباب الزعيم النفر --وربنا يجيب العقاب 

ياجماعه ده كلام ده
النفر بييييييييي حالو بالبلد ونحن ماعندنا خبر
عملها قبلو الاخ عبدالغنى بن الحسن بن نصرالدين
وسكتنااا
وقلنا فى نفسنا ما لم نستطيع ان نقولة هنا على الملا
وبما اننا نحسب انفسنا كاعضاء منتدى اسره واحده تربطنا علاقات الاخوه والزماله والهم المشترك ونعتبر هذا المنتدى جهاز اعلامى ناطق بلسان مبين لاهلنا لا يتبع لجهه بعينها يرى الحق ويتبعه ويظهر الباطل ويكشفه
فمرحبا بالاخ عثمان محمد حامد النفر فى وطنه السودان ومرحبا به بالخرطوم والمناصير الاصل خيارا محليا كان او احدى المستوطنتين الامتدادين بالدم والروح مكابراب وعشره
ومرحبا بك اينما حللت
وواجب علينا مهما قصرتو فينا ان يكون لنا معكم لقاء
خاصه واننا نعتبر حضور اعضاء المنتدى من خارج حدود الوطن يضخ مزيدا من الدماء فى شرايينه
ولايكلف العضو غير ان يحمل مع شنطه اليد علبه ماكنتوش يوزعها على مستقبليه من اعضاء المنتدى لحظه خروجه من المطار او الطائره ما امكن او فى الميناء البرى او البحرى ببورسودان او النهرى بوادى حلفا للقادمين من مصر وليبيا
لنخلق نوعا من العلاقات غير التقليديه مع بعضنا ويكون للمنتدى شخصيه اعتباريه تحكمها لوائح ويتمتع منتسبيها بامتازات يكفلها بعضهم لبعض

الأخوة حسين ومحمد بروي والحاج وسلمان لكم الشكر والتحية والتقدير إن شاء تتم اللمة في الإجازة الصيفية وياحبذا لو انتهيت من مناقشة رسالتي والتي لها شهر على طاولة المشرف والذي لم يعبرها حتى الآن (آسف التي) وأظنه عاويز ينطبق القول (المرأة ...) ولكن ليست المرأة المنصورية التي امتدحها كل يوم في بوست المرأة المنصورية. وكان كده والله الخدمة المدنية في السودان عليها السلام ونسأل الله العوض.. وإذا حدث ما اتمناه إن شاء الله جملين أبيضين وتتم العملية كبشين أقرنين وثورين أحمرين وجملين أبيضين. ويا سلمان والحاج الاقرنين الأملحين القال عنهم النفر هذه السلطة وقزقزوا فيها حتى الصيف حيث الثورين والجملين.

الزعيم محمد بروى كاتب البوست والإخوة المتداخليين الكرام _لكم منى التحايا والسلام _ جزاكم الله عنا خيرا على الدعوات الطيبات_ ونأمل أن يعود الأخوة بالمهجر الى ديارهم سالميين وغانميين_كما نشكرأخواننا بالسودان على حفاوة الإستقبال وحرارة الترحاب _

لكم تحياتى وودى ،،،

الأخ عثمان إن شاء الله تكون بليت شوقك والقحة راحت أو خفت والسموم قلت والجسم خفه وشافيك مبسوط من الإجازة والهنبريب والرقاد فوق العناقريب وأهم شئ القحة والتي فسرتها لك بأنها حساسية وعليك بالأشياء الدافية وما تنسى جوافة الجيلي النايرة وأظنها ده وحدها تشيل القحة. والتحية لك وللأبناء ومحظوظ البكون ممتحن منهم لأنك ستراجع معاه. والتحية الخالصة لأبناء الأخت حسن سلمان والسر سلمان وأولادهما . وأنت يا عثمان أظنك لا تعرف قرابتي مع حسن والسر وزوجة السر وأسأل السر عن هذه العلاقة ولك ودي وتحياتي.

أخى مصباح لك تحياتى وودى _ الحمدلله أنا بخيروصحة جيدة ووسط الأهل والأحباب_ ومشكورعلى سؤالكم عنا _ أما القحة بعد ما خفت خلاص رجعت تانى وبأثر رجعى لأن الجو اليومين ديل فيهو كتاحة وهبايب (شق العود سعد ومسعود ) والحمد لله _ تحياتى لكم ولجميع الأخوة بالرياض _

اخي الرشيد طه

السلام عليكم ورحمة الله وبركاته

حسب علمي القامة محمد بروي وصل زمان والشيخ مصباح وصل قبل أمس أما البروف حسين سوف يصلكم في أواسط July حسب معلوماتي
نتمنى لجميع الربع بإقامة طيبة وعودا حميدا بعون الله وهم من أعلامنا والله يستاهلون كل الخير الذي نتمناه لهم دوما
مشكورين اعضاء المنتدى على تسليط الضوء لهم.
شكرا الرشيد - تقبل تحياتي