ترحيب بالعضو الجديد الأستاذ/محمود تاج السر البشير عثمان صديق عمسيب

يسرني في هذه العجالة ان نرحب ترحيب حار بالأخ العزيز محمود تاج السر كعضو جديد للمنتدى. ما عاوز اضيف شيء بس اتمنى من الأخ محمود ان يكتب لنا مقالات وحكاوي ومواقف - منها الطريف ومنها المحزن وغيرها وحياته حافلة جدابأشياء كثيرة - وانا اقصد من ذلك اثناء سفرياتنا الكثيرة معه للعمرة للسعودية في اواسط الثمانيات وقصص وحكاوي وبعضها بمدرسة عطبرة والثورة .... وغيرها ولو يسع المجال كان الواحد يكتب لكم شوية. وارجو منه المسامحة في التطرق في هذا واكيد هو سوف يتذكر الكثير الكثير والسلام عليكم والتحية لأبناء أعمامنا العماسيب عن بكرة ابيهم. وشكرا.

سلام ياا ابن عمى وكيفك والاسره الكريمه وكما زكرت فان الاخ محمود له الكثير من المواقف والطرفه وازكر فى ذات مره وفى الشغل كان هناك خلاف معه ومرؤيسه وعندما سخنت الحكايه الريس قال لى محمود سوف انقلك الى الجنينه فى الغرب وكان رد الزعيم جاهز وقال له انت شتله ما تنقلها
وهناك الكثيرالمثير وسمح الكلام من خشم سيدو

مرحبا بالخال محمود في هذا المنتدي الرائع .
تحياتي الي بن العم الزعيم عبدالغني الحسن وكيف حالك والاولاد .
الخال محمد بروي لك وحشه اين اشعارك وكتاباتك الجميلة .
اخي حسون اشواقا بحر كيف الحال .

الاخ العزبز عبد الغني واخوته الكرام المتداخليت
الاخ الكريم محمود تاج السر اضافه حقيقيه لهذا
المنتدي الرايع بابنائه واتمني من الاخ محمود ان
لايبخل علينا بما طلبه الاخوان منه وان يكون
ذلك عاجلا غير اجل لاننا في انتظار مشاركتكم
لكم كامل الود والتقدير

مازال الفرح متواصل وفرحتنا بالاخ محمود
تجعلنا يقينا بانه مستمر
مرحب بيك وسط هذا الجمع الرائع
ونحن فى الانتظار

ترحيب حار وفرحه غامرة بإنضمام الدفعة الزعيم محمود تاج السر لمنتدانا العامر بأهله _ نزلت أهلاً وحللت سهلاً _ الدار دارك وفى إنتظار مشاركاتك _

أخونا وحبيبنا عبدالغنى تحياتى لك ولأولادك ولكل ضيوفك المتداخلين .
فى البداية القومة والله للزعيم محمود تاج السر البشير وانه لشرف عظيم ان يكون شخص مثله يحمل كل هذا الجمال والتواضع ان يكون بيننا ,وحتما سيكون اضافة حقيقية للموقع .فمرحب به والدار داره واليبقى داخل لاجوة .

أووووووووووه
محمود ذاتو
وكل الانضمو مؤخرا مراحب
ومحمود الفضل يرجع في دخولو لى عادل شرري
سلامات يا ود التومي..
مشيت أسلم على بت أخوى عمر... مدرسة في المكابراب.. بالعصر جوا زاروني حريم المناصير كلهن في القرية 4. واحدة فيهن قالت لى إنت ما بتعرفني!! قلت ليها بسم الله.. أنا المناصير من مشرقا لى مغربا أنا أعرفا.. قلت ليها صاح ما شفتك قريب لكن تشبهي لى ناس أستاذنا القدير محمد تاج السر ود التومي .. ومحمود دفعتي والنذير..
قالت لى وصلت تب..
يا حليلن هناك بعد نزلة العصر وحش القش..
هنا بقن العصراويي ووقت طليقة الغنم البدرانيي بقت مافي.. العصرية عندهن زيارات للمرضى والناس.. الحافظ الله.. ربنا يحفظهم في مهاجرهم وكمان يحفظهم في محليتهم الأم الرؤوم..