أسماء غريبة وأسماء عربية فصحى للنساء في المناصير

نساعدك شويه يا باشمهندس
بقله(ناظر برتى سكر ياحلاتو وعمتو بقله من شنكوكه جاتو)
سروره( دى موجوده فى اب رمله والمهوه )
الشفه
الكيفرى (ودى امراه من الشرق فسر المعنى انت
القاسمه (ودى حبوبتنا)
الجاز (ودى من كير ودبلى قصاد دى دى

ولاحظ هنا معظم الاسماء معرفه بال الف واللام[

لسع بنعد يادكتور تعال بعد شويه

أبا سعيد: إسمو كدة أبا سعيد
رجل من جهة أمري. يعزم ويحوط وظاهر الصلاح زي المقابيل والوراريق.. بي مرتو وولادو في جهة أمري
راكب حمارو يعزم ويعالج وحببت اليه المناصير فتزوج من السلمات المكاب.. وسكن الصفيحة وعاش فيها ونسى أمري وأنجب محي الدين اباسعيد وأمني بت اباسعيد متزوجة عند ناس الطيب ابومصطفى في دماج.. وزينب بت ابا سعيد متزوجه في الصفيحة هي أم أستاذ الدين والعربي خريج الأزهر عليه الرحمة نعمان عبد الرحيم مدرس ثانويات وجاب شهادة العالمية في الفقه.. زي ناس ود الحوري في أم لقاديب
أباسعيد عندو ولاد من مرتو الفي أمري يسكنون كسلا..حي العرب منهم الجيلي أباسعيد..متعصرين على المناصير
الناس ينطقوها باسعيد
ومحي الدين أباسعيد هو والد سليمان محي الدين.كان متزوج شقيقة عبد الرحيم البركل وعبد الرحمن البركل الوحيدة
والحاج أباسعيد موجود في كبنة
أباسعيد أسماء متعارفة عند اليمنيين.. ويقال أن جذور أبا سعيد من اليمن..
هو مدفون في مقابر ودي شري وعندو بوارق
يغني حمد ود ضقولي لأحد أحفاده قاعد يشرب في شري عند ( حوضة) قال فيه
قدر ما قلنا تمرق ماكا مارق
ساختك جدك الفوقو البوارق
......................
يقصد جده الشيخ أباسعيد..

ودالحنونى
السلاممممممم
عندنا...
ام قزاز
جنى
جارت الخير
اليمن
مدينى
حرم
كسبه
ام خروس
وغايتو ديل ماعرفتهم عربيات ولا منصوريات لغة

والله ياود ابوحنه
ماكنت قايلك مذكر ناس
خرطوش وفلوس ديل طبعا ناس البلد يقولو عجايز على حسب الله وكلهم اعمارهم قبلت
لك ودى ياموسوعه

مائة المية يا علي عيسي.. جبتهم صاح!!! فلوس وخرتوش
بس لسه وراك وراك..
لسه( بـِـقـَيـْـقـَه) ما عرفتو ؟؟

الباشمهندس صديق لك تحياتى ومشكور على فتح هذا البوست لتوثيق هذه الأسماء التى يبدو أنها على وشك الإنقراض والزوال _
ومن هذه الأسماء :-
_ راجنى
_ تامزين

مشكور الاخ الصدوق --والشكر لكل المتداخلين--
فى موقع اخر ذكرت فى موضوع طرفاء المنطقة--النقاش الذى دار بين ناس سور وناس الشلال وزى مايقال عن الرباطاب باانهم the scott of the sudan -وذلك للذكاء والسخرية وغيرها من الصفات التى تميز الاسكتلنديين فهم كذلك ناس سور بالنسبة للمناصير--فحدث ان ذكر واحد من ناس الشلال لواحد من سور انو عندكم اسماء غريبة --زى ود الستية --ود الريف -وهكذا فرد عليه زول سور بسرعة--نان انتو ياناس الشلال عندكم --السلومى ---الجكود--الكلال--البتنونى- -ود الملكى---ود اللحمر---ود شنان --- ابقرون--كحيل----------الخ-
ذكرت هذه الواقعة لاحتوائها على بعض الاسماء وبعضها القاب لتثرى النقاش فى الموضوع --وياصديق اوعه يكون راس السوط وصلك فى ناس الشلال ديل--
هنالك ايضا الكميس --لا ادرى هل هى بالسين ام بالثاء--الامين ود الكميس جهة الحسيباب--
وبرضو حبوبتا لينا اسمها الكمسى --ساكنة الخلا وتوفيت هنالك
--الصدوق والجميع لكم تقديرى---

ومن الأسماء:
_ الرضية
_ فوقن
_ الزلال ( الزلال جات وبت عمر جات لابسه نعلات )

شكرا يالصديق علي المعلومات
بما اننا عشنا بعيد عن المناصير والله حسستني بانني اولد فيها

أميرة على ما شاء الله حايمة البلد لى عند الشرق والتولاب تعرفي السرف
السرف دي أم محومااد ود السرف من التولاب ديل أهل أمي طيبة بت حبيب حسب الله

ابحنه حبوبتنا واحد ولاتشابه اسماء لانو السرف بت خليفه دى حبوبتى ام امى وام ابراهيم الحومرى وكمان سنجك بن الحومرى حبوبتى عمت امى وهى مسميه علها ومن الاسما ايضا ::العافى "" وسليمه :جبوريا:حنونه

<P>  أميرة على تسلمي</P>
<P> السرف كانت تغني لى سنجك زمان تقول:</P>
<P> يا بنات شيلن بت ختم</P>
<P> وسنجك القمرة مع النجم</P>

يعني طلعنا أقرباء يا أميرة علي
يعني خالد عابدين كان السبب في لمتنا دي
سبحان الله
الحمدلله على لمة صلة الرحم
قال صلى الله عليه وسلم( الرحم معلق بعرش الرحمن ينادي الى يوم القيامة، اللهم صل من وصلني وأقطع من قطعني)