إجعل الماوس يسبح لله

السلام ياخي جننتينا ياخي دي شغله طويلي خلاص اخير سبيح اللصبع خلي حسن يديها بي مبرد السنون وجيبيها جاهزي

طبعا مت من الضحك لتعليقك
وحاضر ح اخلى حسن يرسل لك سبحه جاهزة

والله الطريقة ساهلة
بس انا طولتها لزيادة الشرح

تشكري اختي الغاليه عالمشاركه منتظرين منك المزيد ....
ولازم موضوع الدكتوراه دا تحدثينا به
وتدينا المزيد

يابتنا سلام عليك
ومشكوره شكر ماعندو حدادي
سبحان الله الله اكبر ربنا يديك بكل ماوهبتيه لينا اجر وحسنات
تاااني مشكوره وربنا يزيدك علم
يامحمد ود سليمان علك ياجنا عافي ماااالك غاطس ياجنا ؟ الصقط ضاربك زينا ولا خبارك ماك ظاهر





مشكور انا والله وقلت عوووووووووووووووووووووك من القرايه دي عندي امتحانات .. وبعدين ياود القبائل برد البلد دي اخلي جلدي زي جلد الورر عدييييييل
برجع ليكم ياشباب الدعوات بالله

native guy
اشكرك اخى الكريم

بس انا ما عندى دكتوراة ... ياااا ريت والله
انا بكالوريوس ادارة اعمال
والكمبيوتر فقط مجال عملى

الاخ الكريم ود القبايل


الف الف شكر على الدعوة الحلوة
وربي يجعل بصماتنا جميعاً على صفحات النت كلها اجر وحسنااات
يااااا رب

لله درك ياأختناوان شاءالله يكون في ميزان حسناتك بس عندي ليك سعال واحدالمقطع بتاع الفيديو مابينزل معاي في الموبايل وبيقول لي يوتوب اليتوتوب دايارب توب جديد ولادعايه لتوب مابعرفها!!!!؟؟

الاخت انتصار
مرحب بيك في دارك
وتشكري على المشاركة القيمة
تم التطبيق
وربنا يجعله في ميزان الحسنات

محمودقيلي عطا كتب:لله درك ياأختناوان شاءالله يكون في ميزان حسناتك بس عندي ليك سعال واحدالمقطع بتاع الفيديو مابينزل معاي في الموبايل وبيقول لي يوتوب اليتوتوب دايارب توب جديد ولادعايه لتوب مابعرفها!!!!؟؟

اهلا اخ محمود
قصدك عاوز تنزل مقطع فيديو فى جوالك

بقولك الطريقة اللى بعملها انا

اعلى اي مقطع فى اليوتيوب حط مؤشر الفارة بيظهر سهم صغير تضغطه بتظهر رسالة
اخر امر فى الرسالة بيكون
save this video as
تضغط علية وتحفظ الفيديو فى اى مكان فى جهازك
وبعدين ترسله للجوال عن طريق البلوتوث

اتمنى اكون فهمت قصدك كويس

اخ خالد
اشكرك
وربي يجعلة فى ميزان حسناتنا جميعا

[quote="ود القيايل"]يابتنا سلام عليك
ومشكوره شكر ماعندو حدادي
سبحان الله الله اكبر ربنا يديك بكل ماوهبتيه لينا اجر وحسنات
تاااني مشكوره وربنا يزيدك علم
يامحمد ود سليمان علك ياجنا عافي ماااالك غاطس ياجنا ؟ الصقط ضاربك زينا ولا خبارك ماك ظاهر



مشكور انا والله وقلت عوووووووووووووووووووووك من القرايه دي عندي امتحانات .. وبعدين ياود القبائل برد البلد دي اخلي جلدي زي جلد الورر عدييييييل
برجع ليكم ياشباب الدعوات بالله

شكرآليك الأخت انتصارومنتظرين منك المزيد لاني حاسي انوفي مواهب مدفونه لسع وان شاءالله مانعدمك يارب___@

دي تعتبر صدقة جارية من أختنا إنتصار حجازي..
ما أصلو كل آل حجازي في المناصير ناس دين وعلم..
ربنا يعظم الأجر

محمودقيلي عطا كتب:شكرآليك الأخت انتصارومنتظرين منك المزيد لاني حاسي انوفي مواهب مدفونه لسع وان شاءالله مانعدمك يارب___@

الف شكر لك اخى محمود
ويااارب اكون عند حسن ظنكم بي

صديق عبدالله علي أبوحنة كتب:دي تعتبر صدقة جارية من أختنا إنتصار حجازي..
ما أصلو كل آل حجازي في المناصير ناس دين وعلم..
ربنا يعظم الأجر

الف مرحب استاذ صديق ابو حنه
ومشكور على الكلمة الطيبة
وكل المناصير ما شاء الله عليهم اهل دين وعلم

الف شكر

وكل المناصير ما شاء الله عليهم اهل دين وعلم
أختنا إنتصار حجازي كتبت

بتاعة الماوس دي صدقة جارية.. لكن ما بقدر أجاملك أقولك كل المناصير أهل دين وعلم.. دي ما بقدر أجاملك فيها يا إنتصار... كل الناس عارفين إنو معظم المناصير بتاعين شنو!! وشنو!!
.........
لكن آل حجازي في كبنة.. وآل حجازي في شري.. وآل حجازي في السادي.. وآل حجازي في الحليلي وآل حجازي في شري وآل حجازي في حوش فرنيب..وآل حجازي في كوينة وآل حجازي في كسلا.. وآل حجازي في برتي.. وآل حجازي في أمري معروفين ناس دين وعلم..
ناس حجازي في كبنة ديل كل الفقرة..
آل حجازي في شري.. ديل ناس القوز وناس قمر الدين الدقير وناس بت الدقير ود زينوبة وعاشة بت الدقير محمد أحمد حجازي
وآل حجازي في الحليلي ديل ناس محمد حجازي وآل حجازي في عصمة
وفي السادي ود حجازي التور الأغر... خلو للحنوني البحر.. عمرو لى خاتر ما كسر.. جيبو لى ناوين السفر... حس مكنتو تجيب لى الظهر..
دي عملتا سنقوريي بت ود صبي من السادي لى خالا والدنا بخصوص اللنش
بعدين ناس غلام في شري في بسوي ذاتهم عندهم علاقة بالحجازاب ديل كلهم ناس دين
بعدين في حوش فرنيب ناس حجازي إبراهيم قمر الدين وكل آل قمر الدين ديل حجازاب برضو وناس دين..وناس كسلا..
بعدين في عصمة أحمد إبراهيم قمر الدين ده أمو سارة من عصمة
بعدين ناس حجازي في برتي.. مرة حسن عثمان بت حجازي الفقيريي مناصير كوستي من برتي
بعدين ناس أمري ناس عبدالله بابكر مرتو وأمو كلهم حجازاب ديل ناس دين...
ما تقولي لى المناصير كلهم ناس دين.. لا
الحجازاب ناس دين.. سلطت عليهم دعوة جدهم الكبير.. بعدين ناس اللفندي ديل ذاتهم عندهم علاقة بناس حجازي

استاذ صديق الله يديك العافية فيما نسبته لعائلة حجازي
يعجز لساني عن شكرك
الف الف شكر
وصراحه كل تاريخ عائلتى عرفته منك اليوم
ويبدو انك موسووووعه


والمناصير فيهم الخير والله
والمناصير افضل من اي قبيلة تانية

واكييد الكمال لله يا خوي
عموماً الف الف شكر


بس عجبتنى حكاية
تدخل ماوس تجد ماوس وثقافة .... وقبائل كمان

صديق عبدالله علي أبوحنة كتب:
..تدخل ماوس.. تجد ماوس وثقافة... وثقافة وماوس وكدة..

بدأت المنافسة الحرة في علم الحاسوب يامحمد سليمان , ابقي عشرة !!!! وكل أناء بمافيه ينضح , بوركت انتصار علي المعلومه .

الف شكر
اخى صديق
وجزيت خيراً على طيب الكلام
ويااارب كلنا نصبح من حملة الشهادات فوق الجامعية

مرة تانية الف الف شكر

وسلامى لزوجتك واسرتك

اسامه هاشم الحسن كتب:بدأت المنافسة الحرة في علم الحاسوب يامحمد سليمان , ابقي عشرة !!!! وكل أناء بمافيه ينضح , بوركت انتصار علي المعلومه .

اهلا اسامه
مشكوووور
وهاشم الحسن علم من اعلام المناصير

والله يا اسامة ياريت انى اصبح فى غزارة علم محمد سليمان
فهو بحر ومكسب للمنتدى

وياريت كلنا نستفيد من خبرات بعض فى الحاسب الالى
احب جدااا انى افيد واستفيد

شكرا كتير والله حاجة روعة ومن دون ما نستأذك قمنا وزعناها طوالي لي اصحابنا وان شاء الله تكون حسنة جارية .
تحياتي للدكتور

والله يا اسامة ياريت انى اصبح فى غزارة علم محمد سليمان
فهو بحر ومكسب للمنتدى

وياريت كلنا نستفيد من خبرات بعض فى الحاسب الالى



شكرا ياختاه .. الله المستعان ما تكبرووا راسنا سااااااكت وين انا من العلم ...

يااسامه انا اتمني من زمان الشباب يشاركوني في هذا المنتدي فالحمدلله جاءتنا الاخت انتصار والسيد وراق يجي مره مره ونسال الله المزيد

عبد الحليم كباشي كتب:شكرا كتير والله حاجة روعة ومن دون ما نستأذك قمنا وزعناها طوالي لي اصحابنا وان شاء الله تكون حسنة جارية .
تحياتي للدكتور

الف شكر اخ عبد الحليم

يا رب حسنة جارية لنا جميعاً



اخ native guy

لك الشكر مرة اخرى
واتمنى انى اكون عند حسن ظنك

native guy كتب:والله يا اسامة ياريت انى اصبح فى غزارة علم محمد سليمان
فهو بحر ومكسب للمنتدى

وياريت كلنا نستفيد من خبرات بعض فى الحاسب الالى



شكرا ياختاه .. الله المستعان ما تكبرووا راسنا سااااااكت وين انا من العلم ...

يااسامه انا اتمني من زمان الشباب يشاركوني في هذا المنتدي فالحمدلله جاءتنا الاخت انتصار والسيد وراق يجي مره مره ونسال الله المزيد

يامحمد سليمان ده كلو من تواضعك ,, بس انتو اتنافسوا ونحن نستفيد منكم ملح !!

اسامه هاشم الحسن كتب:
يامحمد سليمان ده كلو من تواضعك ,, بس انتو اتنافسوا ونحن نستفيد منكم ملح !!

اسامة الف شكر
مرة تانية

انتصار حجازي

اسامة الف شكر
مرة تانية[

[size=24]علم كتير بالشولات لسع ماحايقيين فيهو من كترتو , والله يامحمد سليمان كانت امنيتي ورغبتي الحاسب الالي من زمان وكمان قدمت ليهو من زمن الشهاده ولكن ابت الاقدار الا وان ادرس مجال مختلف , بوركتماiolet]]

حلوه ملح دي .... انت بالله يا اسامه بتيين طلب حاجه اطلب يامدير ونحن ننفذ عندنا كم ود خال !!!!!!!!
...بالنسبه لاختيار المجال اقول ليك (الخير فيما إختاره الله . اسع مجالك دا احسن وافضل من حقنا دا . لانو علم الحاسب داير مواكبه علي طوال بيتغر سريع )..
تشكر