يا أقربائي محمد إسحاق محمد سليمان كلم أبوك وأكرموني في هذا المهندس

محب جداً للمناصير لدرجة المبالغة جعلي.. يعرف كل شئ عن المناصير.. تزاملنا .سكنا مع بعض
الإكرام بالسؤال عنه فقط يكفي ممكن..
لا أحب أحد يطلب منه شئ أو توظيف أو فرصة عمل ..
حساس جداً
زي الإنجليزي في عملو
دقيق للغاية
كان كبير مهندسين هلتون الخرطوم ورئيس قسم الهندسة
وكبير مهندسين هلتون العين في الإمارات ورئيس قسم الهندسة
كبير المهندسين في روتانا هوتيل ورئيس قسم الهندسة
الآن هو مسؤول عن فنادق خمسة نجوم راح تقام في كريمة.. ومجمع الفلل التابعة ..وهو موجود بكريمة
إتصل بي قبل أسبوع وسلام وشوق.. قال لى قاعد أصلى الفروض في جامع كريمة ولما قالوا لى إمامو منصوري زادت فرحتي
أنا أتوقع إمامو ممكن يكون إسحاق
أي طلب لأي حاجة من شخص غيركم ممكن طبعاً سوف يؤدي لنتيجة عكسية
إسمو يوسف حامد عمر العوض جعلي من المحمية..
هو زول ما ناقصاه أي حاجة في اي حاجة..
..
إتصل بي قبل اسبوع يضحك وقال حفيضن يضوي والشبال رشعنا... ده حور الجني يا ناس في سمعنا)
زول متدين جداً بدون إنتماء..
زول دقيق أكثر مما تتصوروا...
محمد إسحاق كلم ابوك.. وبس سلموا عليهو..
هو بيقعد ثلاثة ايام في كريمة ويرجع بالطيارة الخرطوم باقي الاسبوع.. اسرتو في الخرطوم.. وبلغوه سلامي

يا محمد ود إسحاق.. الباشمهندس يوسف يباشر أعماله مع صاحب الأعمال الشهير صهيب ميرغني البدوي.. الشايقي.. وصهيب ابوهو زمان كان عندو مكتبة بالقرب من القهوة بتاعة جدك محمد سليمان ومعروف في البلد كلها..

الناس بالمكارم والفعال بتباه
و ينشأ الزول فطرتو حسب مرباهو
عاة جدو عادتو ونحل ابوه نباهو
يلبس ثوب قبيلته ان داره ولا اباهو

العم / صديق عبدالله علي أبوحنة
السلام عليكم ورحمة تعالي وبركاته
لك و للباشمهندس/ يوسف.كل الشكر والتقدير .......
نحنا والله الوالد موجود او ماموجودالبيت الكبير دائما فاتح بابو مابنسدا وبقولك حبابكم عشرة ومن دون كشرة والف سلام ...انا حاليا في الخرطوم بدرس في الجامعه بس شقيقي أحمد في كريمة وشغال في الدكان مقارب لجامع السوق انا إتصلت بأحمد واديتو الوصية..وبطمئنك وبقولك ضيفك وصل تب..
وجزاك الله كل خير و بارك فيك

الكلاااااااااااااااام والله
انت ياجني الكلام دا تجيبو من وين ؟؟؟
احمد بي يسدها تب

العم صديق عبدالله
سلام من الله ورحمة وبركاته ,,,,,
متابع جدا لمواضيعك الشيقة , وماقادر احوق فيها وفي قراءتها , عشان كده كلمت الوالد وأديتيو وصية mdsl , وصله النت الخاصة بسوداني ومن موبايلي الخاص فتحت ليهو الجمعة السابقة موضوعك بتاع حسين السيد ( ورغم انو عندوا ملاحظات في التاريخ ) متكيف جدا منك وقال لي خلي لي ال mdsl عشان اخش لاجوه واشوف صديق ده بيكتب شنو ؟؟؟ اصلي طولت منو خلاص والزمن فرق بيننا ( نأسف لتغيير موضوع البوست خاصتك عم صديق ) .

الاخ الفاضل ود الحنانين ومن الاسم مافى كلام لك تحيه خاصه منى وانا والله من الجيل المخضرم يعى حاضر من القديم والان مع الجديد والحداثه واتذكر والدكم رحمه الله عليه كان صديق شخصى لوالدى سليمان ود نصر الدين وكان يجينا فى الجزيره شررى ونا كنت بمشى اربط ليه الحماره واتذكر لونها كان اسود ويمشى مع الوالد على التمر ويقلعو ليه شتل تموده وودلفاى وبركاوى @@@@ وتزكرت هذه الابيات التى انشدتها بت خلف الله عندما راتهم@@

سمحه فى الغراره يا الزارعك سليمان
زرعو بور وتمود زرعا ماهو خمجان
حصادو ليهو براهو ما شاركو اخوان

ايضا انتهز هذه السانحه وابعث ومن على البعد تحيه خاصه لود الاخت مولانا محمد سليمان رد الله قربته واقوليك الجنى جاب الكلام السمح ده من الاطلاع وقرايه روايه العبادى وبعدين داير اقوليك الجنى ده يشبه نضمو

الاخ الفاضل الباشمهندش ابو حنه لك ود خاص وربنا يديك العافيه ومن قبل لم التقيك ولكن سمعت بيك كثيرا ونحن كنا حافظين الود مع المرحوم عمر عبد الله ربنا يتقمده بواسع رحمته ومن بعده واصلنا مع البناء محمد ومحمود ربنا يديهم العافيه وانت طبعا كنت معاصر للعلاقه بين الوالدين ودايرنك تدين حاجه من اشعار الوالد
وسوف يكون التواصل بيننا بفضل هذا المنتدى الرايع