هنا يتم الترحيب بالأعضاء الجدد

تذكير بمساهمة فاتح الموضوع :

ترحب أسرة منتديات المناصير بلدي بجميع الاخوة الذين انضموا الينا لاحقا ومرحبا بهم في دارهم وفي انتظار مشاركاتهم ومساهماتهم من أجل المناصير وتنميتها ورفعتها

من طرف **م بروي** الخميس 08 يوليو 2010, 7:13 pm

خالد ياخوي
أنا مويتي اتبعجت
والله ما عرفت أرحب بي منو؟؟ وأخلي منو
بالذات الناس الجو ورا ديل كلهم حبايب وأهل
فقلت أخلي الترحيب في المداخلات بس
والفضل بعد الله لجهودك المخلصة
فلولاها لما كان اللقاء بكل هؤلاء الأحباب

من طرف **خالد عابدين** الخميس 08 يوليو 2010, 7:44 pm

ولايهمك يامبدع
تشكر وكلماتك كلها ترحيب وكلهم من اعز ديار ولسان حالنا يردد السلام الجمهوري
لك التحية والتقدير

مرحبا بالأخ عبد الغنى --والمنتدى نور وفى انتظار مشاركاتك وياخى ليك وحشة وطولنا ما شفناك --------------باسم الجميع اكرر ترحابى بك---

من طرف **ودالبلد** السبت 17 يوليو 2010, 6:39 pm

مرحبا بابوسفيان خلف الله المنتدى حايكون منور بى وجودك...
ياابوسفيان ان شاء الله تكون متذكر سرقة الحرامى فى مايو سنة 96 والدنيا عيد

الأخ ابوسفيان حباك عشرة ونورت المنتدى –ونحن فى انتظار المشاركات—والباب خلوا فاتح وراك عشان الجاى من بعدك يدحل –وماتخاف من حرامى أبو رميلة

من طرف **يس مصطفي** الأربعاء 21 يوليو 2010, 4:57 pm

مرحب ابو مازن حبابك عشره اتفضل علي المنتدي

ترحيب منصوري حار وشديد ومعاهو براوة
للاخوة الاعزاء الذين انضموا الينا
عبدالغني نصر الدين
عز الدين المنصوري
حاتم بربر(المنصوري الجعلي)
ابوسفيان خلف الله
حــــــــازم
وسيلــــة (الامل سابقا )
عثمان النذيرسليمان القمير
ودصلحــــــــــة
البصيــــــــر
أبومـــــــــــازن
منصوري وافتخر
نفتخر ونتشرف بكم جميعا ونورتو المنتدى وبكم نزدان ونزداد القا وتألقا

الترحيب الحار بجميع الأعضاء الجدد وإن شاء الله يكونوا دعم لهذا المنتدى

من طرف **خالد عابدين** الأحد 25 يوليو 2010, 2:06 am

مرحبا الاخ احمد رحمة حاج بلال
نزلت اهلا وحللت سهلا
ومنتظرين مشاركاتك

من طرف **يس مصطفي** الأحد 25 يوليو 2010, 2:12 pm

مرحب بجميع الأعضاء الجدد وإن شاء الله يكونوا دعم لهذا المنتدى

من طرف **خالد عابدين** الأحد 25 يوليو 2010, 4:03 pm

مرحبا بك الاخ كباني في منتداك ونورت ياخي
نزلت اهلا وحللت سهلا
ياربي دا كبَاني البيكتب في المنتديات الاخرى تحت هذا الاسم وللا كبَاني جديد
على العموم ترليوووووووووووووون مراحب

من طرف **خالد عابدين** الأحد 25 يوليو 2010, 8:54 pm

يتواصل ترحيبنا يالاخوة الذين انضموا الينا في هذا اليوم وهم الاخوان
علي حدوري
أســـــــــامه
د محمد عوض محمد ادريس
نصرالدين عيسى على
عبد المحمود محمد الحاج

مرحبا بكم ونورتم وشرفتموننتظر مشاركاتكم في المنتدى
أهلا وسهلا

من طرف **النفر** الإثنين 26 يوليو 2010, 1:40 am

يا مراحب بالأخوة:-
-ابن الخال /على حدورى
-أسامة
-د/ محمد عوض محمد ادريس
-نصر الدين عيسى على
-عبدالمحمود محمد الحاج
نزلتوا أهلا وحللتوا سهلا 00وشرفتو ونورتو المنتدى 0

من طرف **يس مصطفي** الثلاثاء 27 يوليو 2010, 8:11 pm

اوه حجازي مرحبتين حبابك عشره

من طرف **ودالبلد** الثلاثاء 27 يوليو 2010, 9:51 pm

مرحب بجميع من انضم تحت مظلة هذا المنتدى ولكن يجب ان لاتكون الطلة من اجل المعرفة فقط بل ننتظر منهم المشاركات الفاعلة.

مرحبا بجميع الأعضاء الجدد والمنتدى بكم نور وزاد بريقا

من طرف **مونتارى** الثلاثاء 27 يوليو 2010, 10:58 pm

نرحب بالاعضاء الجدد ونتمنى يكونو اضافة

من طرف **يس مصطفي** الأربعاء 28 يوليو 2010, 6:22 pm

مرحب اخونا محمد الشيخ حبابك عشره وبكل اهنا في مدينه عطبره

نرحب ترحيبا حارا بكل الاخوة الذين انضموا للمنتدى –وحبابكم مية والف---فمعا للتوثيق للمنطقة والدفاع عن قضاياها –والتواصل الاجتماعى بين كل عيال منصور فى كل بقاع العالم—وعفوا للتاخير فى الترحيب ما شغلنا الا اعمال تخص المنتدى—فالى الامام -

----ومعا نسوى الصفقة دنقير--------

من طرف **م بروي** الأربعاء 28 يوليو 2010, 7:37 pm

ترليون مراحب بالأخوة
عبد الغني
أبوسفيان
أبومازن
عزالدين المنصوري
حاتم بربر
حازم
عثمان النذير
ودصلحه
منصوري وافتخر
أحمد رحمة
كباني
علي حدوري
اسامه
د/محمد عوض
نصر الدين عيسى
عبد الحمود محمد الحاج
حجازي
محمد الشيخ
المنتدى نور بوجودكم
كم تمنيت لو كل زول يورينا اسمو وحلتو
حتى نتواصل على بصيرة
وبالنسبة للنساء معذورين

من طرف **يس مصطفي** الخميس 29 يوليو 2010, 9:37 pm

مرحب اخونا نصر الله حبابك عشره

مرحبا بالأخ نصر الله وحبابك عشرة بودن كشره في منتدانا العامر بإنضامكم له

من طرف **م بروي** السبت 31 يوليو 2010, 6:45 pm

مرحب بنصر الله
نورت بيتك ومطرحك
ـــــــــــــ
آخر عضو مسجل
الطيب محمد الطيب
ده لو ود عمي
أخوكم من الفرح الليلي
ما بنوم تب لأنه ما ود عمي وبس
ده رفيق الدرب من قبل الولاده و ليهسع
ولو ما هو برضو منصوري وأخو وفي كل الأحوال ترليونات المراحب

من طرف **خالد عابدين** السبت 31 يوليو 2010, 7:20 pm

مرحب بجميع الاخوان الذين شرفونا في المنتدى
نزلتم اهلا وحللتم سهلا كمانرحب ترحيب خاص بالاخوة الضيوف من خارج المناصير وخاصة الاخ عوض انقي وبقية الاخوة الضيوف الذين لم نتشرف بمعرفتهم كاملة ونامل ذلك قريبا باذن الله
ترحيب حار بالاخوان
محمد عثمان
عمر بابكر
حجازي ...
محمد الشيخ
حمزة عكاشة
نصر الله ابرهيم - تشكر يس - دوديرك ماوقع - عقبال ناس بلدي والشلة البي غادي
عوض انقي - تحية لاهلنا في عموم دنقلا والدناقلة كلهم
منوفلي...
والطيب محمد الطيب
حبابك مليارات والدار داركم

من طرف **النفر** السبت 31 يوليو 2010, 7:35 pm

يا مراحب بأولاد منصور الذين انضموا مؤخرا للمنتدى البيت بيتكم والدار داركم --وترحيب خاص بابن العمة الطيب محمد الطيب وشرفت المنتدى وأكيد حتثرى المنتدى بمشاركاتك ومداخلاتك وأنت رجل قامة ولك خبراتك ومساهماتك فى الشأن المنصورى
تقبل تحياتى ،،،

نرحب ترحيبا حارا بكل الذين انضموا للمنتدى مؤخرا—ونسبة لارتفاع ايقاع المنتدى الواحد ماقدر يرحب بيكم فى الوقت المناسب –على العموم اكرر ترحابى بكم والان قد اصبح المنتدى قوة ضاربة وانتم وقوده باذن الله و مزيدا من التطور—والى الامام فى كل مايهم المنطقة--

من طرف **يس مصطفي** الإثنين 02 أغسطس 2010, 2:03 pm

مرحب اخونا النزير عمر والمنتدي بيك عامر

من طرف **(الحاج شرف)** الإثنين 02 أغسطس 2010, 6:42 pm

ترحيييييييييييييييييييييييييييب حار جدا لكل من دخل دار المنتدى المناصير بلدى
كل اطياف المزاجات المنصوريه وصلت الى ارض المنتدى
نستقبلكم جميعا فى صاله كبار الزوار
لننطلق الى مساحات نزرع فيها كل مايجنى ثمرا على ارض المناصير
وتحياتى لكم جميعا فردا فردا

من طرف **م بروي** الإثنين 02 أغسطس 2010, 11:16 pm

محمد عثمان
عمر بابكر
حجازي ...
حمزة عكاشة
النزير
ترليونات المراحب بكم
بين أهلكم

من طرف **ودالبلد** الثلاثاء 03 أغسطس 2010, 3:47 am

مرحبا بالنزير عمر الطاهر

مرحبا بجميع الاخوان في داركم وديوانكم العامر بوجودكم وحضوركم الجميل ومعا يد بيد نحو المستقبل المشرق والغد الافضل لبلادنا

تنوية :
يمنع التسجيل بأكثر من إسم !!!

من طرف **يس مصطفي** الثلاثاء 03 أغسطس 2010, 9:05 pm

مرحب اخونا محمد عثمان الحسن 0ونتمني ان تكون اضافه للمنتدي

مرحبا بالإبن محمد عثمان الحسن في هذا المنتدى ونسأل الله ان تكون بخير وصحة تامة وألف مرحب بك في هذا المنتدى

من طرف **منوفلى** الأربعاء 04 أغسطس 2010, 12:04 am

مليووووووووووووووووووووووووووووووووووووووووووووووووووووووووووووووووووووووووووووون
مرحب بالدكتور بين اهلك
وترجع بالسلامة0

من طرف **منوفلى** الأربعاء 04 أغسطس 2010, 12:07 am

حصل حصل البقوعى وام نص وام راس قبل ينجض

من طرف **حجازي** الأربعاء 04 أغسطس 2010, 12:24 am

اخواني اشكركم على الترحيب بي واتمنى ان أكون أهل لمنتداكم
محمد عثمان حجازي

من طرف **م بروي** الأربعاء 04 أغسطس 2010, 2:20 am

حجازي كتب:اخواني اشكركم على الترحيب بي واتمنى ان أكون أهل لمنتداكم
محمد عثمان حجازي

هو ده إنت يازعيم
والله ترليونات المراحب
أكان النفعابي قاعد كنت هسع أتلفنو ليك
وأديهو البشاره لكنه يحوم بي دبي يتسوق
شوف الفلهمة العلي الكبر دي اللمت فيهو.
والله ليك شوق بحر ووحشه كبيرة
طريتك هنا قبل أيام وجبت طريق
القزازي..إنت جيت (القوم ادس قزازتي دي)
تحياتي للأسرة الكريمة خاصة البروي
أقصد البراء.

نرحب بالأخ الغالي محمد عثمان حجازي والله مشتاقين جدا جدا

من طرف **حجازي** الأربعاء 04 أغسطس 2010, 3:36 am

الاخ العزيز محمد بروي
ده انت الزعيم والله انا من سجلت في المنتدى ده بقى
ما عندي شغل غير قراية مواضيعك الممتازة ما عارف الحكاية كترت شوق وله
لانك راجل مبدع اثرتني بكتاباتك
تحياتي للاسرة
ياخي نشوفك متين؟
طبعا حسين ده قصته عاوزة ليها قعده
الراجل ده البحوموا شنوا اسع انا ناوي اجي عمره واقعد معاهو كم يوم يعني برنامجي حا يطرشق

اخي فتح الرحمن والله ليك وحشه يأخي لو ما قريت الاسم ما كنت عرفتك .. اقول ما شاء الله لكن برضوا الكبر شكلوا دخل

من طرف **almansory@ooty** الأربعاء 04 أغسطس 2010, 4:22 am

native guy welcome to your sweet home . . . Every one is waiting for you . . .
Common show us your experience dude .

من طرف **م بروي** الأربعاء 04 أغسطس 2010, 10:46 pm

حجازي كتب:الاخ العزيز محمد بروي
ده انت الزعيم والله انا من سجلت في المنتدى ده بقى
ما عندي شغل غير قراية مواضيعك الممتازة ما عارف الحكاية كترت شوق وله
لانك راجل مبدع اثرتني بكتاباتك
تحياتي للاسرة
ياخي نشوفك متين؟
طبعا حسين ده قصته عاوزة ليها قعده
الراجل ده البحوموا شنوا اسع انا ناوي اجي عمره واقعد معاهو كم يوم يعني برنامجي حا يطرشق

اخي فتح الرحمن والله ليك وحشه يأخي لو ما قريت الاسم ما كنت عرفتك .. اقول ما شاء الله لكن برضوا الكبر شكلوا دخل

سلام يادكتور حجازي
ومبرك كمان العمادة فأنت أهلاً لذلك وأكثر
وجودك في المنتدى يزيده ألقاً ورونقاً وجمالاً وعلماً
قلت لحسين من دبي تعال جاي طوالي ونحنا في انتظارك
قال مامكن لأن الناس يجوا العمرة وما يلقوني
عشان كده من أول رمضان لازم أكون في المدينة
ياريت نقدر نلاقيك هناك ونستعيد الذكريات الطيبة

من طرف **منوفلى** الأربعاء 04 أغسطس 2010, 11:13 pm

ترحيب ما له حدود
اللة يكتر من عينتك يا العميد حجازي
والله امك ولدت
والله حتي حسيت بي نفسي (نتقت لي فوق) يعني طلت شويه 0
علي الطلاق عشرة زيك !!!!000والله التعبير خاني
وشكرا

من طرف **خال ابرار** الخميس 05 أغسطس 2010, 12:12 am

نرحب بجميع المنضمين للمنتدى حديثا ونتمنى ان يكونو اضافة حقيقية لهذا المنتدى وفى انتظار المساهمات

من طرف **حجازي** الخميس 05 أغسطس 2010, 1:08 am

تحياتي منوفلي
مشكور على المشاعر الطيبة منك واتمنى ان اكون عند حسن ظنك

من طرف **حجازي** الخميس 05 أغسطس 2010, 1:15 am

زعيمنا محمد بروي
لك تحياتي
وانا بقرأ في كلماتك سافرت بخاطري وتذكرت ايامنا زمان في عيد رمضان في ديوان الزعيم حسين النافعابي
انشاء الله ربنا يسهل لينا ونكررها في العيد الجاي بس دعواتكم

من طرف **النفر** الخميس 05 أغسطس 2010, 1:36 am

مرحبتين حبابكم أخوانا الشرفتونا مؤخرا --وترحيب خاص بالأخ / محمد عثمان حجازى -المنتدى منتداكم والدار داركم وأدخلوا لا جوا واتوهطوا فى القعدة وأدونا أخباركم --لكم تحياتى،،،

من طرف **حجازي** الخميس 05 أغسطس 2010, 1:53 am

اخونا النفر لك كل التحايا
شكرا على الترحيب الحار
الغريب انني ما زعلان على حاجة غير انني لم اقابلك طيلة فترتي الكنت في السعودية (11سنة)
اتنمنى ان نتقابل قريب

من طرف **منوفلى** الجمعة 06 أغسطس 2010, 5:28 pm

الف الف مرحب بالباشمهندس :عبد الرحمن قمر الدين

وانا متأكد ستكون اضافة قوية لهاذا المنتدي

ووين اخبار دفعتك اولادنا المناصير المهندسين (2001-2003) وعلي رأسهم اومنهم :-

د/البرجوب القادم بقوة ياسر ابنواس /مدنية ( وغايتو قبل سنتين عمل ماجستير)

البرجوب الصغير احمد سليمان ابنواس/الكترونات

شخصك القوي /بترول

رحمة محمد توم /بترول

نجم الدين بلال /معمار

معتصم علي الكرار/

محمد ودكسلا /ميكانيكا

فتح الرحمن محمد موسي / مكانيكة

ود كحيلة/نسيج

طيب الاسماء /

المهندس ابن المهندس المرحوم ا حمد موسى /كهرباء

والمهندس ود كحيلة /نسيج

يوسف الجعلي/

وكمان ما تنسي البنات المهندسات:-

فاطمة حامد نصر الدين /معمار /مدنية

ندى خليفة /كهرباء

ندى سليمان /مساحة

امال احمد ابراهيم /الكترونات

بت العمد سلمى السر العمدة/مدنية

والاسماء الاخري من المهندسين والمهندسات النسيت اسماهم يعذروني لانو الوقت طال شديد.

وانا من هنا احيهم جميعا واتمني لهم حياه عملية جيدة وكذلك زوجية.....

واحي كل تلك الدفعة فى جامعة السودان للعلوم والتكنلوجيا

بكل اجنحتها ..الجنوبي ,الغربي ,الشمالي ,الوسط......آنذك

# براسة السيد النشط دوما :-

نائب مدير المنتدي حاليا : يس مصطفي بشير ,ورئيس الرابطة بالجامعة له مني كامل الود

وهؤلاء هم اول من اسس اتحاد او رابطة ابناء المناصير بجامعة السودان

وممكن الاخ يس يكون عنده قائمة الاسماء الباقية من الجناح الجنوبي وجماعته بتاعين الغربي اذكر منهم :-

هاجر جودابي /

خالد ابو القاسم عطالفضيل /نائب الرئيس

بت سلمان الجميري

.......

.......

......

اكمل يا يس؟؟؟؟؟؟؟؟؟؟؟

ويا ريت تتصل بيهم للاشتراك بالمنتدى ,حتي يكونوا اضافة حقيقية,و يتم تكريمهم ,ولو بالاشادة بهم فقط بالمنتدي, واعطاء اسمائهم للاتحاد الحالي كي يضعوهم في قائمة الشرف الاولي ,وتظل تذكرهم الاجيال القادمة وتشيد بهم في كل جلسة اسرية واستدعائهم في كل رحلة ترفيهية.

ويالله يا سين دودرم

وشكرا
.. عمكم منوفلي

من طرف **native guy** الجمعة 06 أغسطس 2010, 6:23 pm

انشاء الله ساعييييين نكلم اي منصوري علي المنتدي الرائع دا عشان يدلو بافكارهم المدسوسه يطلعوها لينا هنا ولا كيف ???

السيد المقداد الخواجي اكشح لينا من علم الطب دا هنا شويه قالو تقرا في الهند علي حسب الاقوال
ولا كيف افيدنا بعلمك دا
Thank's a lot of my dear MEGDAD

من طرف **يس مصطفي** الأربعاء 11 أغسطس 2010, 2:53 pm

مرحب بي اخونا بيت الحمداب وانشاء الله المره الجايه تبيت في المناصير
مشكور

مرحبا بابن الخالة الدكتور اليسع حسن أحمدحليب وحبابك عشرة