الكاميرا تتجول في اللقاء الأسري الأول

سأترك الحديث للكاميرا لتتجول بكم في اللقاء الأسري الأول...
حالما إنتهي من معالجة حجم الصور سأرفعها وستجدونها طازجة يانعة تتحدث لوحدها...
و بحكم غزارة ما أملك من إنتاج تصويري حتى كدت أن أكون الموثق الحصري لهذه المناسبة الجميلة فإني أعلن إعتزامي إستعمال سياسة القطارة و النفس الطويل و الشحتفة الطويلة الممتازة...
دا كلو كيتاً فوق محمد بروي دا و فارس داااك....قرقرقرقرقرقر..

هاكم اليافطة إتصبروبه شوية:

[ندعوك للتسجيل في المنتدى أو التعريف بنفسك لمعاينة هذه الصورة]

المحترب الصغير نام فوق الكورة...قرقرقرقرقر
غايتو جنس فضايح و شرط عين..!!!..

بداية البرنامج:

من هني و لا غادي الليل دخل...
عشان كده الناس الموقدين نار ديل عيونن بتبقى حمراء...قرقرقرقرقر

المحترب صحي و شال كورتو:

اللقطة الفاتت كانت آخر اللقطات...
و اعتذر بشدة عن عدم إيراد الأسماء و ذلك لعدم تأكدي من حفظ الأسماء و خاصة أنني لأول مرة إلتقي بهم..
و أعتذر بشدة عن عدم تمكني من الرد في حينه على كل المعقبين لأني كنت مشغول بشدة في العمليات الجارية:
تتصورو الزول ينقل من الكاميرا للجهاز...
و من الجهاز لبرنامج خاص لتصغير الحجم...
و بعد التصغير اقوم ارفع الصور في منتدى الرباطاب..
و اجي افتح صفحات متعددة للرد في المنتدى دا..
و ارمي صورة صورة في صاجكم الكبير دا...
الشي دي بلا بقت لي متل نجيض الحوت...تقبضو و تفرتو و تقشِّرو و تبهرو في الدقيق و ترميهو في الصاج و تقلِّبو لامن ينجض و تمرقو من الزيت حتّان تقدموا للناس...قرقرقرقرقر..
و أعتذر عن عدم تغطية العنصر النسائي لقناعات متخلفة تخصني وحدي انا الدجاجة الصغيرة الحمراء. ...
و أعتذر إذا في واحد ما ظهر في الصور الكتيرة دي لأني بصراحة ما عارف الإتصور منو و الما إتصور منو...
و تاني التوبة للناروبة كان ورّطت نفسي في عملية زي دي....

حاجة أخيرة:
عندي صورة خاصة جداً إلتقطتها لواحد غليد ماخد سيك وما داير انشرها لأني بخافوا يزعل...
باقي قالولنا المناصير ديل ناس حارين و مابيشاكلوا علا بالسكين الفي الضراع...
العندو سكين ضراع عاجباهو أنا ممكن أرسل ليهو الصورة دي في الخاص...قرقرقرقرقر