إيقاف بعض الصحف الرياضية

أصدر مجلس الصحافه والمطبوعات قبل قليل قرار بايقاف صُحف:

المريخ
الكوره
الهلال
السوبر
حبيب البلد .
لاجل غير مسمي

خليهم يقفلوها على عاملين وجع راس ناس مونتارى وفارس مازميبى وحبيب البلد وسيد البلد والنجوم ؟؟ وناس خال ابرار ؟؟؟
اسف سورى اسف سورى ؟؟؟؟؟
اه اه اه ثلاثة ارباع الشعب السودانى الكورة تفرق عليه

تحياتى

ابو مصطفى

والله تصدق
الصباح بشوف الناس دي متلمه فوق بتاع الجرايد وجنس غلات وكواريك -
والله استغرب ؟
اقول ياربي الناس ديل شغلتن شنو ؟ وياكلو شنو ؟-
الواحد لاوي راسو ويعاين للمانشيت بالقلبه وجريدة ماداير يشتريها

عندك قبيل الصباح - شفت مانشيت في جريدة قوون
الغزال وفييرا مطلوبين للاحتراف بالبرازيل

قلت في نفسي : معقولة هسع الكلام ده ؟ من السودان يمشوا بي كريعاتن الزي السلوكة دي البرازيل ست الاسم في كورة القدم عشان يلعبو كورة
عجايب والله
واللا رزق المساكين في المجانين ؟
مرات استغرب في سر تعلق الجماهير بهذه الشدة لكرة القدم وفرقنا التعبانة الشايلة حالنا كل سنة وممرمطة سمعة البلد الاصلها ممرمطة
وريسنا كمان كل مرة بقى طالع زيارة خارجية يرجعوهو -
حتى البارح شوف افريقيا الوسطى الكحيانة دي ترفض وتعتذر عن استقبال البشير لحضوره احتفالات استقلالها - وقبلها ليبيا - والجاي كتييير
والله يستر

سلام هنا وابو مصطفى وخالد
ولله بركة الوقفت جريدة سجم البلد دى الباقى كلو هين

الغزال وفيير ديل ياخالد عمرهم الافتراضى خلص
ودى نسبة لموسم التسجيلات لمن فى النهاية الناس امرهم محسوم مع اهلى شندى. كل الود يامدير.

ولله بركة الوقفت جريدة سجم البلد دى الباقى كلو هين
وقفوهم عشان جنس الكلام ده

عندنا جارنا متعصب لي درجة كبيرة ومريخابي كمان

يوم يفوز تسمع التهليل والتكبير تقول بالله حرروا ليهم بلد.