من المدير ومن يسوق الحمير ؟؟؟؟؟

حقيقة وببساطة فى مشكلة ؟؟؟ كل واحد عاوز يعمل نفسه مدير ؟؟؟ طيب خلاص انت مدير ؟؟؟ لكن الحكاية الادارة كيف ؟؟؟ هل هى علم يدرس ام فن ؟؟ هل الادارى شخص يولد ويربى ام هو موهوب ما ناس كتيرة من تايلور واخوانه يكتبوا لى يوم الليلة فى الادارة ومرة يقولوا لينا فن ومرة يقولوا لينا علم ؟؟؟؟ والبحوث تترى فى مجال الادارة ؟؟ والله شوف انا احكى ليك قصة بسيطة جدا والله صدق او لاتصدق ان العبد الضعيف ابو مصطفى كان فى يوم مدير لى ساعات وايام ؟؟؟ فقط ؟؟ والله ادارة زى ما قال نابليون وخطورة الادارة فى شنو ؟؟؟ بالطبع فى اتخاذ القرارات وهل تعلم بان ابو مصطفى اتخذ قرار فورى وحاسم فى ادارة مشروع معين مافى داعى لى ذكر اسمه بعد دراسة كل الجوانب المتعلقة بالعمل والتخصصيه ؟؟؟ وشات القرار على طول الى الادارة العليا موضحا فيه رايه لكن من يقول البقلة فى الابريق ؟؟؟ تم ضرب عرض الحائط بقرار ابو مصطفى ولكن شوف النتيجة بعد داك خسارة كبيرة جدا لاتقل عن مائة وسبعون مليون جنيه سودانى ؟؟؟
ونبقى نبكى على اللبن المسكوب فلان كان صاح وفلان كان خطاء وانت مدير وانا بسوق الحمير ؟؟؟ والله شوف الادارة ليست حاجة ساهلة بالجد تلقى الواحد بيتوا ما قادر يديروا ويمسكوا حاجات حساسة واستراتيجية خالص خالص ولعله دا الرجع السودان الى الخلف الى يومنا هذا ؟؟؟؟ وهل تعلم ان مشكلة السودان تتمثل فى حاجتين اساسيتين هما :-----------
الازمة الادارية
الازمة السياسية
لكن وما اقبح القول بعد لكن يا جماعة هل تعلمون ان المناصير فى الادارة مابنفعوا وهنا اترككم تعلقوا ؟؟؟؟ لماذا وليه والسبب شنو ؟؟؟؟ انتو عارفين وانا عارف ؟؟؟؟
بعدين تعال قول لى ترضية الجميع او محاولة ارضاء الجميع قمة الفشل ؟؟؟ انت رايك شنو ؟؟؟ بالتالى لابد ان تطلع قرار يرضى الجميع داخل بيتك داخل مؤسستك داخل عائلتك ؟؟؟ اذن المشكلة هى كيف تتخذ القرار الامثل ؟؟؟؟ ولعله فى حياتى الدراسية فى فرع من فروع الرياضيات اسمه الامثلية ( وهى خليط من الجبر والمصفوفات والاحصاء ونظرية الفئات ) يساعد كثير جدا فى اتخاذ القرارات ؟؟ بس ببساطة تحدد العلاقة بين المتغير الاول والمتغير الثانى وتشوف درجة الارتباط بين المتغيرين تساوى كم على المحور السينى والمحور الصادى الذين يتقاطعان فى نقطة الاصل بس اوعك تتخذ قرار وتكون درجة الارتباط بين مشكلتك مع زوجتك وحق الحلة اقل من الواحد الصحيح لانه عندما تدخل الاشارة السلبة تكون خلاص العلاقة متوترة جدا وربما يكون فيها طلاق وصدقنى حتى العلاقة عندما تساوى الصفر بين المتغيرين لو قلت ليها صدقينى بحبك ما حا تصدقك ؟؟؟؟
على العموم المدير الناجح هو من يدفن راسه فى الرملة ويخلى البجى كله يقول المدير نائم ؟؟ او يمشى الامور للبسوى والمابسوى لامن المؤسسسة تفلس او البيت يخرب ؟؟؟ والله انا مرة لقيت لى امراة مديرة والله كيفتنى عديل كدة وانت قايلها مديرة بنك اوشركة ابدا والله مديرة ساقية اسمها ساقية ود الامين عندنا فى البلد والله شوف عينى العصر الترابلة كل واحد ماشى وراء رفيقه بالصف وكل زول نزل على قطعته يحفر ويكمتر وينضف فى النجيلة والبحش لى غنمو وعند اذن المغرب كل زول طالع بى شارعو فى ترتيب ونظام مبالغ فيه وهى جاءت مارة مرور العمد على جميع الترابلة والله وسخ وشوك ما تخليك تجدعه فى التنقير ؟؟ رايك شنو ودى حالتها لا اخذت كورس فى البريد الالكترونى ولا حتى السكرتارية الالكتلرونية ولا عندها عربية مكيفة ؟؟؟ برضو تقول لى داير دورة تدريبية فى الجودة ومركز الادارة ؟؟؟؟

ونواصل دون انقطاع

الطيب من ناس دماج
ابو مصطفى

تم ضرب عرض الحائط بقرار ابو مصطفى ولكن شوف النتيجة بعد داك خسارة كبيرة جدا لاتقل عن مائة وسبعون مليون جنيه سودانى ؟؟؟
والله ياابومصطفي انت قوي تب لكن ماكل شي يقال بعاين فيك منشنج شديد حكايه الملايين دي ما كان تذكره
اما المدير الناجح في راي الشخصي هو الذي يفهم نفسيات الموظفين ويقوم يتحفيزهم في الوقت المناسب

هذا قليل من كثير فى حق المدير يا يسن ؟؟ لكن انظر الى مدراء اليوم ؟؟؟ يا اخى لا تعرف تصنفهم من العينة الموهوبة او من العينة التى تعلمت فن الادارة والتخطيط وقراءة الحاصل والمستقبل بعقول كبيرة ؟؟؟؟ وراى يسع الجميع ؟؟ اقول ليك فى ناس شد واركب ؟؟؟ والله عندنا مدراء فى السودان فى مؤسسات والله ادارة رجالة بس ؟؟؟ ادارة جعلية ؟؟؟ وحتى عهد قريب فى الكهرباء والمحلية والمستشفيات الادارة بقت رجالة ؟؟؟؟ لذلك تجد معظم المشاريع الكبيرة فاشلة ؟؟؟ لماذا ؟؟؟ لان الفشل فى الادارة يعنى الفشل فى معظم الجوانب ؟؟؟
لكن - التخطيط السليم - وقراءة الماضى والحاضر ووضع السياسات المالية السليمة والضوابط الصارمة لها هى التى تقود الى نجاح المشاريع فى السودان وتؤدى الى التقدم ؟؟؟
وهنا لابد ان انوه القارى الكريم بان المدير الناجح من يكون على دراية بالنظم المحاسبية والنظم الادارية لان نظم المعلومات المحاسبية مكملة لنظم المعلومات المحاسبية ( بحث عام 1998 ) نظم المعلومات المحاسبية واهميتها فى اتخاذ القرارات ؟؟؟؟؟ ولعل هذا هو نظام الامركان الذى يعملون به الان فى كل المرافق وبالذات المرافق الحيوية والخدمية ؟؟؟؟؟ نظم معلومات محاسبية + نظم معلومات ادارية تساوى مدير ناجح ومشروع ناجح ؟؟؟؟؟
فهل نحنا هنا اقتربنا من هذا الوضع ام انت مدير وانا خفير ومن يسوق الحمير ؟؟؟؟


ونواصل
ابو مصطفى

اعود مرة اخرى الى مواصلة ما انقطع من حديث فى الادارة ؟؟؟ وقبل ما ادخل فى الموضودع فى مدخل صغيرونى ؟؟؟؟
الريس خالد عابدين تحية طيبة اعلم تماما انك تفهم فى قواعد البيانات من( database كويس ربنا يزيدك ياريس فى الفهم ؟؟؟؟ لكن انت بدل تخت ليك وسام او وشاح او جريدة تمرة المهم حاجة كده توضح انك من المعجبين بى ابو مصطفى انشاء الله هواجته او تشنجه زى ما قال يسن تروح خاتى ليك كلمة هى عنوان موضوع كبير ( ادارى ) طيب ابو مصطفى يقول 90 % من المناصير لا يستطيعون الادارة والقيادة لانها تحتاج الى مكر ودهاء ومرات خبث ودى عند المناصير ماها فى ولعله هذا راى ابو مصطفى طيب يا ريس كتر خيرك ؟؟؟ ابو مصطفى سبق ان تم تكليفه بادارة المال ؟؟ منذ البداية لكن لم يجد مالا لكى يديره الناس رفضت ان تدفع الاشتراكات ؟؟؟؟ وابو مصطفى عمل نائم وخلى الحكاية على الاخ الحبيب يسن مصطفى ؟؟؟ المهم فى الموضوع الادارة فن وابو مصطفى ما عندو فن ؟؟؟؟
ارجع الى موضوعى الرئيسى من المدير ومن يسوق الحمير ؟؟؟ من يسوق الحمير دوما يكون فى المؤخرة وهذا يعنى انه لاراى له بس زول وماشى مع الجماعة والعينة دى كتيرة جدا فى السودان ولكثرة التداخل الحاصل والتغيرات العالمية بفعل العولمة تعير المسار الادارى وتطور نحن فى السودان بعيدين كل البعد عنه اسع شفت كيف ناس دبى يتكلموا عن الحكومة الالكترونية ؟؟ كمان ناس المرور فى السودان الشارع كله مليان كاميرات مراقبة وما عارفين حتى الان هذه الكاميرات شغالة ام لا المهم مربوطة ودا عمل جميل على الرغم ان ابو مصطفى لهواجته دوما ياكل الاشارة ودى فيها سحب رخصة وهى بعدد 30 نقطة والثلاثين نقطة على طول تحرمك من القيادة لمدة عام ؟؟؟ المهم فى تطور فى القطاع المصرفى والمرورى فى السودان اما الباقى حتى الان لم نرى منه شى نحن نريد السرعة والدقة والامانة فى الاداء الادارى فى جميع اوجه الحياة والاجراءات اليومية للمواطن - بالتالى اثر العولمة يؤثر علينا حتى فى الجانب الادارى والله قبل فترة واحد راكب جنبى وقال نحن نشترى ونبيع بالانترنت ودا كلام صحيح ميه المية وله طرقه واساليبه المعينة دون عناء وتعب وهذا نجاح كبير فى الناحية الادارية والتامينية ؟؟؟

ونواصل
ابو مصطفى