المشتهي المناصير يطير

م بروي كتب:
فيا أخواني أرجو أن لاتبخلو بالمشاركة وتنشيط هذا الموقع الجميل(رجاء).
والمشتهي المناصير يطير ولكن إلى عباب السماء وفوق هام السحب
رفعة وتقدما وازدهارا.

ابو مصطفى كتب:المنتدى دا يا خالى قرب المسافات شديد بين الناس واقولك انا واحدة من نتائجه :-------
حازم اتقدم ودعمه لى بت من بنات ارج وهى قريبتنا خالص والناس قاعدين فى المناسبة فتحة الخشم وقاموا سالوا حازم ؟؟؟؟ انت تعرف منو من ناس الجزائر عاين يمين وشمال وقال انا والله بعرف الطيب ابو مصطفى ؟؟؟؟ وقام ابو العروس قالوا والله امس كان معانا شفت كيف هذه واحدة ؟
وبالفعل قمت اتصلت على حازم وقلت ليه وين يا نسيبنا وباركت العيد عليه وهو فى البلد فى نصف البحر ؟؟؟؟
الحاجة الثانية هى هل تعلم يا خالى محمد من المنتدى دا عرفت معلومة غاية الاهمية وهى زوجة صديق عبد الله ابوحنة وزوجة عمى شقيق ابوى عبد الرحمن اخوات اما وابا ؟؟؟ قادر الله شفت كيف المنتدى دا قرب الناس كيف وعرفها بى بعض ؟؟؟؟


تحياتى
ابو مصطفى

الرشيد طه كتب:

م بروي كتب:
فيا أخواني أرجو أن لاتبخلو بالمشاركة وتنشيط هذا الموقع الجميل(رجاء).
والمشتهي المناصير يطير ولكن إلى عباب السماء وفوق هام السحب
رفعة وتقدما وازدهارا.

يا المشتهنك فى غيابك بالنا بيك ضم انشغل حمد لله على سلام الرجوع ايها الرائع وبعودتك تعود للمنتدى عافيته يا (حاج)
الاخوة فى المنتدى ارجو ان لا تخيبوا ظن امير المنتدى عليكم بالمشاركات
دمتم جميعا فى صحة وعافية

ابو مصطفى كتب:المشتهى المناصير يطير وقالوا النجاح ما من كتير والكتير اليشبه العرزين يطير ؟؟؟؟ رفعة البلد وتقدمها فى نجاح ناسها يا الرشيد ؟؟؟؟ ناس عمليين كده وكلامهم بسيط ؟؟؟ وعملهم كتير ؟؟؟؟ يقدموا ويتقدموا ؟؟؟ لكن ما ناس نضمى ساكت ؟؟؟؟ النضمى عمرو ما بحل مشكلة ؟؟؟؟ وقالوا الميت يموتبك ؟؟ اول زمان لعبنا كورة مع ناس سور بعدين فريق سور فريق قوى شديد وناسو كلهم لعابين خلاص وفريقنا ناسو تعبانين شديد لكن المصيبة فريقنا التعبان غلب ناس سور ؟؟؟؟ بعد نهاية المبارة ناس سور قالوا كلام ؟؟؟ الميت يموتبك ؟؟؟؟ انا ما داير زول ميت ؟؟؟ داير زول يتحرك فى كل زاوية ويعمل حاجة ترى بالعين ؟؟ فى صالح البلد ؟؟؟؟ اسع رايك شنو فى فريق المنتدى دا ؟؟؟ فريق المنتدى المدرب بتاعه دكتور خال ابرار ؟؟؟ والله فريق قوى شديد حارس المرمى على الحمود ؟؟؟ حارس عملاق زى بتاع كولمبيا ؟؟؟؟؟ شوف عينى ينط زى كديس القطن فوق ؟؟؟؟ وازيدك انا كان ما اخاف الكذب عندى نية اتصل بى ناس الفيفا وعندى مبارة ودية مع ناس برشلونة ؟؟؟؟ بعدين انت يا الرشيد وسلمان احتمال تكونوا فى كنبة الاحتياطى لانو وزنكم كتير شوية ؟؟؟ وغايتو الان عندى مؤتمر مع ناس الفيفا احضره الاسبوع القادم واجيكم راجع ؟؟؟؟

والله يا الطيب
أنا حارس كولمبيا داك كنت معجب بيهو شديد
لأني أكره الرتابة و الروتين وأعجب بكل من يأتي بجديد
سوي الفي رأسك وكان دخلت قون ما تدخل يعني حتكون
أول كورة تخش قون؟؟
حتى على الحمود ذاتو عاجبني...يعنى لازم يكدب في الضبوطيي دي لامن يموت
ما نفعت مع السلامة وممكن يحقق النجاحات في أي مجال تاني. واللا شنو؟؟
بس ما تقول لي إنت مكدب في الغربة مالك؟؟ عذري بقولوا ليك لامن أصلك.

هاشم علي الجزولي كتب: الاخ الرشيد الكلمه هي بالنا بيك ضمه ( بضم الضاد ) معليش لايفتي ومالك في المدينه ياودبروي
اما الكلمه ضم ياالرشيد تعني شيء اخر وهي اقرب الي القلاديبه او الحفظ وانت ماتعلق علي الكلمه التي تريد ان تعلق عليها هنا وانا عارف الكلمه واذا قلبك الصبر أستعمل التلفون او عند المقابله الشخصيه والتي متبقي لها ساعات

هاشم علي الجزولي كتب:الاخ محمد تحيه سلاما بخصوص البلد والعيد في البلد ياأخي انا معظم اعياد الضحبه في البلد ولقد اصبح برنامج للاسره متي اقترب الموعد بدأت التجهيزات ولقد كان السفر في ما مضي بواسطه العربه الي منطقه السجني اما هذا العام فلقد كانت من برتي باالمركب ولقد خلقت لي علاقات ممتازه جدا كما اني اصبحت استمتع باالسفر والمقارنه بين السفر باالمركب او باالعربيه حتي الان لااستطيع ان احكم ايهم اجمل من التجربه السفر من برتي بالبحر اريح اما السفر من برتي باالعربيه تمر بمناطق تجعلك تسرح بعيد جدا وتحس بعبق الماضي وتشم ريحه الاجداد وصمودهم في الكربكان وثاني والوديان التي كانت مسرح طفولتهم مع اغنامهم والتي كانت مخضره والتي كانت شاهده علي ذلك العهد مما يجعلك تتحسس الطريق لتجد بعض الاثار وهنا تحن الجينات الي بعضها فا المصدر واحد وينتابك ذاك الشعور الذي لااستطيع ان اصفه ولكن اثره يظل باقي ومتجدد انه الانتماء للارض التي حملتهم وسترتهم ودافعوا عنها باالمهج والارواح ونحن لابد انا فاعلون ومورثنها للاولادنا ولي عوده لذكر سبب اخر ولكن اري انك عرفت مقصدي فأذا كنت كذلك لاداعي لكي اذكره

خال ابرار كتب:الاستاذ الحاج محمد بروى حجا مبرورا وعودا حميدا للمنتدى دايما رافع معنوياتنا ومحسسنا اننا احسن خلق الله ربنا يحفظك لينا يارب..
ابو مصطفى وينك مشتاقين ياخى؟؟
فريقك مافيهو كلام بس برشلونة دا بالنسبة لينا ميت والميت يموتبك؟؟