ودالفكى الأرباب مالو مسجل غياب !!!؟؟

ود الفكى جارنا العزيز الذى أضفى على منتدانا رونقاً وبهاءاً مسجل غياب ...!!! إن شاء الله خير !!! والله إفتقدناه و إفتقدنا مشاركاته التى لها طعم وذوق خاص وحترب خاص ونكهة ولطافة وظرافة وقررررقررررة....نحن فى إنتظار عودتك أخى ود الفكى لا تطول الغياب عنا فقد ألفنا طلتك البهية _ قد لا يروق لك منتدانا ...!!! وقد يختلف عن بقية المنتديات التى ألفتها _ قد تجد فيه كثير من الشد والجذب والنفس الحار المنصورى ودا إنعكاس طبيعى كما تعلم لما نعانيه من قهر وظلم وضياع حقوق ...!!! أنت أدرى بذلك ومواكب لما يجرى من أحداث _

لك تحياتى وفى إنتظار طلتك البهية ،،،

اثنى راي ابن عمتى النفر فقدنا كلماتك الجميلة الراقية المهذبة فلك التحية ود الفكى ومتعنا اللة بصحبتك الراقية فى هذا المنتدى فانت نبراسة

شكرا اخي النفر علي هذه اللفتة.
ونتمني ان يكون الغياب لعافية اخي ود الفكي.

ياربى الزول غتس وين --
ان شاء يكون المانع خير--
او يكون فوق عرفات --
لكن اقول ليه -مقتبسا-
وينو الحبيب نور الظلام ليه انطفى
ومالو الفكى من منتدانا ياناس اختفى

شكرا ود الفكى على طلتك علينا

نحمد الله على إطلالتك يا ود الفكى والحمد لله إطمأنينا على صحتك والباقى يهون _ كل سنة وإنت طيب وربنا يحقق الأمانى _ ونتطلع فى أن نراك تجول وتصول بيننا مشاركا ومساهما ومتداخلا _
تقبل تحياتى ،،،

عودا حميدا اخونا ود الفكى
لم نسال عنك فى الايام الفائته عبر المنتدى ولكن كنا نسال عنك بعضنا عندما نلتقى فى المناسبات
نتمنى ان يدوم ظهورك هنا ونلقاك دايما اون لاين
وياريت تكون من ضمن الكوكبه فى اليوم داك
يوم يلتقى الحبان
موعد اللقاء الاجتماعى لاعضاء المنتدى

فعلا يا ابو مصطفى –افتقدنا ود الفكى—

ود الفكى الارباب مالو مسجل غياب
يسالوا عنو الاحباب والصحاب
فى المنتدى والمناصير للرباطاب
وان شاء الله يرجع فى اياما قراب
ومنتدانا حقيقة فقد القرقراب

--ان شاء المانع خير وعساهو طيب--

فى زول فيكم زعل ودالفكى
محول لشاعرنا الكبير ودبروى
يسال منو نحن ماشين ليهو

[quote"(الحاج شرف)"]فى زول فيكم زعل ودالفكى
محول لشاعرنا الكبير ودبروى
يسال منو نحن ماشين ليهو[/quote]

 ود الفكي بقى زي تمر الفكي
انا متواصل معاهو (بالواتس)
وبرضو مشتهيهو...
أصيل يا حاج وأنت تسأل عن الأصيلين

كل الاحباب كل عام و انتم بخير
و تقبل الله منكم الصيام و القيام
معليش كنت مضيع مفتاح البيت و فضلت حايم بره المنتدى اتاوق بي فوق الحيطة...
الشكر للاخ بروي النجدني بي مفتاح جديد...
حسع عليكم الله بدل ينجدني بي مفتاح كان نجدني بي جلابية و عمة و فتيل ريحة ما كان تميت عيدي و نافست ابومصطفى في العمودية..قرقرقرقر
انا عارف نفسي بقيت ادخل المنتدى في السنة حسنة..
يعني متل اب كرك ما يظهر الا قبايل دميرة...
و عارفكم قاعدين تسالو مني و ما قاعدين تقصرو...
لكين انا اليومين ديل ماسكاني فلهمة اسمها واتساب و تلقوني طوالي ماسك تلفوني مدنقر فيهو و انقر في الحروف متل اكني قاعد انضف لي في عدسك...
حروف الموبايل ماها حروف بطرية متل حقت الكمبيوتر...عشان كده وارد الزول يختا فيها و كمان ما تنسوا تاثير الصيام خاصة في العصرية زي عصريتي دي....
كان في العمر باقي بنتلاقى..

ود الفكي كتب:
معليش كنت مضيع مفتاح البيت

 مرحبتين حبابك اليوم السعيد الليلة جابك هلت بشاير العيد
انت مضيع مفتاح البيت ونحن البيت ما عارفنو تستاهل يصلوك يا زعيم