رئيس اللجنة عثمان صحن سنة سبعين كان راقع شهادة سودانية وأستاذ بمدرسة أبوحمد الوسطي، قبل أن يصبح مهندساً قديراً

[sizeأها رئيس اللجنة عثمان كان سنة 1970 راقع
في فترة رقعتوا دي
وزارة التربية والتعليم عايزة تستفيد منو لأنو لغتو الإنجليزية كويسة
فاختاروهو معلم مرحلة متوسطة
واختار مدرسة ابوحمد المتوسطة
وفي مدرسة ابوحمد الوسطى كنا نهرين
هو إختار النهر الذي فيه أنا
والبرجوب والفكي محمد جيب الله
وابراهيم الفكي وجعفر نعمان.. ليشد علينا زيادة في اللغة ويعاملنا معاملة من باطنها الرحمة من ظاهرها وقبلها العذاب.. الجلد المبرح..
فحقق لنا ما أراد هو، فنجحنا
..........
كان لا يبسم في وجهنا
أشهر درس درسنا ليهو في الإنجليزي
من كتاب( الجونيار) الشهير هو درس
A lot of
Some
وكيفية استخدامها ومتى تستخدم ألط أوف ومتى تستخدم صم.. لسه متذكرا
الحاجات البيتتعدا
وديك مع الكمية
مع الحاجات المابتتعدا
بالله ياجماعة ( اليلمبي) ( والجنيار) ديل ناجمات جنس نجمة وفيهن جنس انجليزي مركز والله الناس البيقروهم كان يناطقوا الجن.
=24][/size]

يديهو العافية الله عثمان ود عمتي

كان جاء برضو معاه واحد راقع برضو اسمو استاذ فزاري..
فترة الرقعة دي اشتغلوا معلمين متوسطة لعام واحد إستفادوا قروش ودخل عثمان المعهد الفني التابع لجامعة الخرطوم وقتها..
معلم وسطي ده زمان كان حاجة كبيرة خلاص..
عثمان ده ود حلتنا وود عمتي لكن في المدرسة كأنو لابيني لابينو.. صرامة شديدة ولا يختلط بنا في الداخلية ولابنشوفوا إلا في الحصة..مع أنو ساكن غرفة المدرسين وسط الداخلية.. هو وفزاري.. كانت في فرقة بين المعلم والطالب نشوفا زمان زي السمااا للواطه..ز عشان كدة نجحنا

تزوج عثمان زيجته الأولى بت أعمو.. وهو لسه طالب في الثانوي لم يتخرج.. لم تدم الزيجة طويلا.. مسألة مقدرة
وتزوج زيجته الثانية من بنت عمدة مناصيرنا
زيجته الأولى نحن صغاااار ما دخلنا المدرسة.. لكن ما عمل باشتو في الضقولة، عملا في شري في فقاعة في أهل أبوهو.. أتذكر انا طفل جيت ابارك ليهو مع أمي.. هو قاعد في عنقريب في برندة بيتهم فاتحة على جدول الساقي ساقية الجعل.. وكان قاعد جنبو دفعتو محمد عثمان حمد أبوروفة وجنبو محمد عثمان جيب الله