مالو غاب ؟؟؟ خالى هاشم الجزولى من الساحة ؟؟؟

فقد المنتدى ركيزة وركن كبير من اركانه الا وهو خالى الباش مهندس هاشم الجزولى الذى يعرفه الجميع وهو موسوعة كبيرة خالص انشاء الله المانع خير وانشاء الله يكون على خير ؟؟؟؟





تحياتى


الطيب محمد عبد الرحيم
ابو مصطفى

انشاء الله خير يا سلطة منتدانا

ود الاخت أبو مصطفي اولا شكرا علي سؤالك وتفقدك أنا لم انقطع عن المنتدي باالمستوي المزعج ولكن احب دائما ان يكون هناك تجديد في المواضيع وان تكون مواضيع تجعل الاخرين ان يفكروا في ما يقيد المنطقه مستقبلا وان نخطو الي الامام وانا متفائل جدا ولقد كانت النيه هي السفر الي وادي اب سباع
لزياره البئر الارتوازيه التي حفرت من ثلاث سنوات واعطائكم صور منها الان ظهر موضوع السفر الي المناصير يخصوص رسم المسار الهندسي للطريق من اب حراز للكاب والسفر باقي عليه ساعات 48 ساعه باالاضافه الي ذلك هناك مواضيع اخري افكر فيها لتطرح في المتدي مثل وضع تصور للمناصير بعد ان يحسم موضوع الخيارات التي هي الان في المناصير ( شكل هذه التجمعات والانشطه الاقتصاديه القادمه وحقو تفكر في واحد من هذه الانشطه ياابو مصطفي خاصه منشط خدمي ) كمان اليومين الفاتت كان هناك وفيات لكن أنشا الله نكون عند حسن الظن

Up

الشكر الجزيل لك خالى هاشم والله دوما تاتى بالمفيد الجديد كدى خلنى فى طريق ابو حراز الكاب ودا يتخيل لى اهم حاجة فى حياتنا وهذه اهم معلومة تهم الجميع والسؤال الذى نود طرحه هلى الطريق سوف يكون فوق للسكة حديد ام تحت السكة حديد ؟؟؟؟ وبعدين معاك ياهندسة قالوا اليومين ديل جاءت لجنة من البلد وقالت للناس اى زول يحدد خيارو وين ؟؟؟ وهذه ما المقصود منها ؟؟؟؟ الناس معروف خيارها محلى وفى ناس مكابراب لكن مازالوا قاعدين فى البلد منتظرين امور حقوقهم ؟؟؟؟ الحاصل شنو ؟؟؟
بعدين كمان ما تنسى يا هندسة مافى طريقة طريق بالغرب من نورى ومروى وانت ماشى على كبنة لا فوق والله دا كان يكون طريق شغله ساهل جدا وما مكلف لان الارض جبلية ؟؟؟؟

تحياتى
ابو مصطفى



تحياتى

الخيار المحلي المقصود الموقع باالنسبه للناس بعد المستجدات الاخيره والتي اهمها تقديم الخدمات لاي عدد يصل الي 300 اسره مثلا السهيب لم يكن موقع للخيار الا انه الان اصبح موقع لناس سور شرري الكراير
مشروع الحمير وممكن باالشرق يكون هناك موقع في العشامين او في جبل الفعال حسب رغبه المواطنين
هذا هو المقصود من هذه الاستماره طبعا باالاضافه الي الخيارات القديمه المطروحه من زمان
باالنسبه لموضوع الطريق بجيك راجع بعد السفره بخصوص طريق الغرب طبعا بعد الربط القادم برتي بمروي ثاني وفتح الطريق من برتي الي ام سفايه ( طريق داخلي ) ولكن التفكير يكون في ربط المنطقه الغربيه بعطبره كما سبق ووضحت في بوست سابق وخالك تحت الخدمه ياابو مصطفي انا خدام للمناصير ونسأل الله ان يقدرنا علي ذلك