يا (مارك)...قطعت قلبنا ,الله يقطع قلبك

همس الخواطر كتب:فعلا كلامك صحيح وانتشرت كثييييرا مثل هذه الاقاويل
ومادامت عجلة الحياة تدور فإن فيها مكانا للشائعات واصحابها .

ود الفكي كتب:

الصحافة السودانية...
و بالذات صحيفة (آخر لحظة)...
جايبه خبر اليومين ديل عن مرض إسمو (طأطأة الراس) قالوا منتشر في الجنوب..و جاهم من يوغندا...
غايتو طبنا القريناهو زماااان مافيهو مرض بالإسم دا...يمكن يكون جاء بي ورانا وعلم الله واسع...
برضو قبليهو نشروا خبر عن موت فجائي نتيجة للصعق الكهربائي بواسطة الموبايل عند استلام مكالمة خارجية من رقم عالمي يبدأ بالرقم +4.....
رغم انو ناس الهيئة القومية للإتصالات نفوا الخبر دا و فتحوا بلاغ في صحيفة (آخر لحظة) و رغم إنو العقل مابيصدق حاجات زي دي إلا و إنو عند التجربة الكلام دا كلو بيتنسي في لحظتو...
عاد الموت كمان فيهو هظار؟...قرقرقرقرقرقر...
قبل ربع ساعة جاتني الرسالة دي:
pls call me Mark
و الله انا اصلي مابعرف زول اسمو مارك....
دي ما المشكلة...
المشكلة في الرقم الصادرة منو الرسالة...!!...وهو (447564385000+)..!!!..
و الله يا جماعة أخوكم إتجهجه جنس جهجهة....قرقرقرقرقر...
قلب يقول لي أضرب لي (مارك) دا يمكن زول محتاجلك ضروري...
و قلب يقول لي يا زول أبعد من الموت و غنيلو.....قرقرقرقرقرقر...
حب الإستطلاع في الآخر إتغلّب عليّ....
و إتوكلت على الحي الدايم و ضربت للرقم و أنا شايل التلفون بي طول ايدي المفرودة...
و سريع سريع وضعت التلفون في السماعة الخارجية و زحيت منو بعيد....
الخط فتح معاي و سمعت لي كلام ما فرزتو و جنبو اصوات اطفال....
و حقيقة لله غلبني اشيل التلفون جنب اضاني عشان اسمع...
و بقيت واقف بعيد و اكورك:
"عليكم السلام والرحمة"..."عليكم السلام والرحمة"...
لامن الخط قطع...
يا روح مابعدك روح....قرقرقرقرقر
معقول اختبر مصداقية الخبر بي تمن حياتي.!!...
ليه...هو انا مجنون و اللا مسخوت..
مالي و مال الخبر يطلع صحيح واللا غلطان ستين الف غلط....قرقرقرقر...
و أكان طلع صحيح , أنا حا اعرفو كيفن بعد اموت..

بالله شوفو تأثير الإعلام علينا وصل لا وين...!!..
إذا كان حتى الخبر المابيدخل العقل ممكن يجهجه الناس المتعلمين...أمال بسطاء الناس يسووا شنو؟!!...

ود الفكي كتب:

و سريع سريع وضعت التلفون في السماعة الخارجية و زحيت منو بعيد....


و بقيت واقف بعيد و اكورك

م بروي كتب:


يتحرك في مقبل الأيام تيم من هنا ( وزارة الصحة بالرياض )ا لإجراء عمليات عيون بالسودان
على رأس الوفد دكتور عبد العزيز(استشاري جراحة العيون) وهو صديق ودايرلو زول في السودان
يبقى في راسو ...قلت آخد رأيك قبل ما أديهو تلفونك...أها الرأي شنو؟؟؟ نديهو تلفونك واللا لا؟؟
وأنا حتى الآن ما كلمتو عنك ..لو ماك داير وجع رأس أنس الموضوع
منطقة عمل الوفد الكلاكلة ــ والرياض بالخرطوم.

م بروي كتب:عبد العزيز ده سعودي
د صلاح الأمين جاء هسع داخل علي في
المكتب وأنا أرد ..وطبعاً زعلان عشان خلينا
البركل وقال لي إنتو ناس عنصريين..
يبلغك تحياتو

الرشيد طه كتب:
الخواف ربا عيالو
ما قلتو نوبة