نقدة ساكت مافي..!!..التقول مطعّمين بي دفيق...

م بروي كتب:أها أنا إشتريت
ياود الفكي والله العظيم منور
مواضيعك وتعليقاتك السمحة دي
لو داير سوقها يحمى ما توديها للبحر الكبير
(المنتدى العام) تقوم تختها في الجداول دي
وكمان رامي جباتك ودايرها تقبض؟؟؟
وين الزعيم صاحبك اليسع؟؟

خالد عابدين كتب:الدقيرات كملت واللا مابتعرفوا تقلعوها ياودالفكي
تطعم الجبادة بي حق الحلب
زمان جابولنا حكيم (مساعد طبي ) من لا صعيد
المسنوح شاف الناس تسوي في الجبابيد - قام حتى هو سوالوا واحدي - في محلا موكر زولا يحوم بعندو مافي
اها نحن وكت نطعم جبابيدنا المغرب ونعومن ونحفض باقي الدقيرات في دردمي الليت طين ونختها تحت لوباين عامر عشان الورر مايجي يفحتا
ونحن سادرين مغربا طااالس - نشوف الزويل هناك متقولع ويصوط في جبادتو الطولا كلو اظن تلاته متر
اها الجماعة قالو انتو عارفين الزول ده شغال بي حق الحلب من متباعد كدي من الناس وجبادتو راميها في محل عبدالبحر
قبضن ليهو في الحوت ماشفنا وجبادتو زولا حام عليها يسانقا ليهو مافي
ومن ديك وعيك
ربنا يطراهو بالخير
دحين ياود الفكي اقع الدقيرات وكان ماقدرت على القلع طعما بي عجين قمح ولخبتو توم وشمار
تشبع دقاشيق وكلد

محمد خليفة طلحة كتب:صباح الخير على الخضَّر صباحاتنا
صباح النور .. على النوَّر سماواتنا
صباح الفل .. على العطَّر صباحاتنا
صباح الورد... للساكن مساماتنا
صباح ممنون ..على الأدمَن موافاتنا
صباح نبداهو بي حبك
عشان تِنْتَم مناجاتنا
صباح كان فُتْنا نسماته
يكون خير الخريف فاتنا

لك التحية والتقدير ياعمنا ود الفكى على هذاالنشاط المتواصل وروح الفكاهة
والدم الخفيف .قرقرقرقر .........
(والله مطعمين بى شرمباى كان ماكدى ماكان قبضنالنا كلد زيك )

ود الفكي كتب:
يا ناس راجين شنو؟...دايرين ليكم عزومة.؟...
واللا انتو قايلين المنتدى دا قاعد يتملي براهو كدي منو و ليهو؟...قرقرقرقرقر
حسع ود بروي دا بي كرفتتو اللابسه فوق عراقي الدفيق دا الموقّفو شنو؟...

الرشيد طه كتب:

ود الفكي كتب:
يا ناس راجين شنو؟...دايرين ليكم عزومة.؟...
واللا انتو قايلين المنتدى دا قاعد يتملي براهو كدي منو و ليهو؟...قرقرقرقرقر
حسع ود بروي دا بي كرفتتو اللابسه فوق عراقي الدفيق دا الموقّفو شنو؟...

ود الفكى ما راجين حاجة لكن :
ما بتخدر البسقوها بعد النشفة
وكت الروح تروح طعن الابر ما بشفى
يا رمز الوفاء النادر عريس الكشحة
فى المعدودة ما بينفع دواء المستشفى
ود بروى حالة براهو اكيد موقفو الشديد القوى تحياتى يا رائع

حازم كتب:اكان كدي وبهذه الاريحيه التي زادت المنتدي ألقا وسرور نمشي طوالي (للزمالي )ونوريهوا ان (حميراء) السودان انجبت غير الذي تعرفونه بدرا وعلما في فن التراجيديا
والذي زاد هذا الألق جمالا التوأمه المتفرده بينك ومحبوب المناصير وصاحب السلام المنصوري القامه ودبروي ..
فلكما التحيه
وحقيقه زدت هذا الموقع بهجة وسرور
ونحن منتظرين مزيدا من القرقراب علي صفحات هذا المنتدي الرائع باهله
بس يا(......قرقرقرقر) نحن مرات عندنا كجره ودي المجننانا وهي نفس شكلة قطر كريمي وحتما الدواخل طيبه والنفوس ذكيه والحب الذي بينها لو وزع علي اركان البسيطه لوسعها عشان كدي خفناك تحسبها علينا وتقول (المناصير ديل نفسهم حار كدي مااالو)
والسلام

النذير العوناب كتب:لكم كل التقدير .
البارح كان خالى عمر بيحكى لى عن حاجى سمحى زمنن الصغار لكن البروى يمكن خلاص مرقت من ذاكرتو مع الغربة دى .
هى : (الدقه) (بضم الدال) يحمرو دقيق المريق فى قلاية ولا فوق الدوكة ويزيدولو حبه شطة وملح . والذيذة كمان الضواقة : يكبولك شوية بالسعفى فوق ضهر الليد . وكل زول ماسك عليبة دقتو ويعلقو القرقراب . ودى نظام اريحية بعد خراب البطيخ وخرت التمر .
اها الكلام دا صح ؟ ولا نظامكن برا ؟

النذير العوناب كتب:فى سبلوقة قايمى سنايى تتمثل فى شكل زهور
والجرم المشرشِر هولنا والبــطيخ مع العجور

ود الفكي كتب:
راجين شنو يا اخوي يا الرشيد..
اليومين ديل أنا غارز....قرقرقرقرقر...
أشربوهو أحمر سادة...

النذير العوناب كتب:لكم التحية .
اعرف ( البور) تب . نحن ولاد ترابلة . ( ولو فى منصورى حنكوش كان قال ليك البورة دى مش الحشرة العندها غازات ؟ ) .