الشافع الصغيييييييييييييييييييير

يحضرني حوار طريف بين شافع صغير دقاهوا زول غريب مع اخوه الاكبر منو...فالي مضابط الحوار:-
المشهد الاول:-
الشافع الصغير:- اخوي...اخووووووووووووي....هيه هيه هيه....فلان (باسمو طبعاً) دقاني هيه هيه هيه....
الاخ الاكبر :- فلان منو الليلة مابخلي(بقوة وفرد سدر)...
الشافع:- هيه هيه هيه فلان داك الاكبر مني دقاني جنس دقة لازم تدقوا لي هيه هيه هيه....
الاخ الاكبر:- خلاص عرفتو حا ادقوا ليك دقة شديدة عشان تاني مايمد ا يدي عليك...
الشافع الصغير:- بفرح شديد..اي دقوا لي دقة شديدة عشان تاني مايهبشني..هيه هيه...
وبقي الشافع الصغير في انتظار اخوه ليدق ليهو الزول الدقاهو...........

حاشية
1/ الشافع الصغير(المريخ)
2/ الاخ الاكبر (سيد البلد)
3/ الزول الغريب(جيش النيجر)..

وانتظروا المشهد الثاني...

اسامة هاشم ترحيب كمياااااااااااااااااااااااااات بالمنتدى الرياضى
عاوزين كمان قصة ست البيت الراجلها مغترب كل مرة بجيب هدية للبيت وسافر خمسة مرات وجاب اثاثات للبيت ويسافر ويجى يلقى نفس الملاح البتسوى ست البيت مااتغير.


توضيح:
المغترب: صاحب الكاسات المحمولة جوا
ست البيت: صاحب الصفر الدولى الكبير
الهداية: سيكافا :مانديلا:دبى :الشارقة:الكووس

الزعل ماكويس الكبير كبير ياودمونتاري يازميلي وقريبي قبل ان تكون اخ وصديق .

شكر الحبيب الرايع اسامة يبدو انو صدرك واسع جدا ماذى اخونا السر من يوم مالى ماشفنا....

الصفوه ,,, دائما جمال ورقي ,, يامونتاري

كلك جمال وذوق يارائع......................................

تاج السر جبريل عثمان كتب:مونتارى عساك طيب وكل سنة وانت طيب
الحمدلله صدرنا واسع ونتقبل الهزائم وماقاعدين نفلق بالطوب وندق الحكم وقت نتغلب..وما قاعدين نشيل الكورة ونجرى ونقول ماااا دايرين وخايفين من والى الدين(الله يرحمو)..
هزيمة من مالى ماها من جيش النيجر..لانو قلنا يالاعبين دايرين الهلال يتغلب لانكم لو طوالى غالبين الجماعة بيقوموا هاربين وللامارات مهرولين..
يامعتصم عليك الله اجل لى الجماعة جايين عليى وووب عليى..
وبكرى المدينة الدابو نيى بس والى الدين جانا حيى وووب على..
عليك الله يامجدى اجل ليى ..ياالطريفى انا وووب عليى..
كرعيى رجفن عليى...اقبل وين انا ووب على..
يازيكو تلحقنى وتعال ليى هيثم مصطفى القلنا عجوز بقى جنيى ووب عليى..
ساسادومبا فى النوم بقى يزاول ليى ووب عليى..
من الفضيحة الجاى عليى..شوفو فقير يكتبلو محاى ليى انا ووب عليى..
ياتلحقونى وتشوفو الحال العليى يا اوريكم غباش كرعيى انا ووب عليى

قلنا لمونتاري يارائع ,,,, مافي داعي للكلام الكتير المكتوب ده ,,, النيجر ,,, ومعتصم ,, كرعيني ,,, تلحقني ,, وتشوفني ,, الزول لازم يحترم خصموا ,, والعبره بالخواتيم ,, ونحن ماعندنا اي كاس خارجي والعيوب الفينا وفي جماهيرنا كتيره من تاسيس الكوره ونحن لعبنا اخيرا,, في استاد المريخ وبفضل ذلك , وفوزنا وكمان بعد كل هذا الفضل كسرنا ليهم كراسيهم ,,,, وقالوا الجمل مابيشوف عوجة رقبتو ,,, دهين لاتكرر ,, وللمنتدي سلوكه وادابه الخاصة ارجو ان تراعي ذلك ,, مع تحياتي العطره

الاخوان هاشم ومونتاري والسر تحياتي لكم بقدر مقامكم_الاخ هاشم المناكفات موجودة بين الهلالاب والمريخاب منذ الازل وف هذا المنتدي منذ بدايته وهنا تكمن متعة المنتدي ولا اظن ف ذلك خروج ع سلوك المنتدي ارجو تقبل رأيي مع فائق الود والتقدير

شكرا الاخ اسامة وخال ابرار وتاج السر
لازالت الجماهير الزرقاء تتهم الصفوة بالحجارة والطوب وهم اصحاب العبارة الشهيرة فى الستينات (عايزززززززين بوبمبان ياصابون).....

واخير من اقول ياشداد سمكرلى
ويامازيمبى الكتلتنى وماخليتنى حى

بنسمع باكر الحكم قام علييييييي.......... لكم ودى

ماذا تعلمنا من صداقة المنتديات !!!!!!!
علمتنا الحياة الكثير
وعلمتنا رفقة الأقلام الكثير الكثير..
المنتديات مجتمع صغير ..
يختصر الكثير من المسافات والزمن ..
لنتعرف على بعضنا البعض .. نتدارس بعض .. نتعلم من بعض
نتعلم قيم وثوابت ومباديء وآراء وأفكار .. وتصرفات
نحمل فيها على عاتقنا مسؤولية كبيرة

حتي نعكس ذلك واقعا ملموسا في منتدياتنا وتكون بمثابه النور الذي يشرق ويضي لكل منتديات العالم اشراقا وضياء ونورا ,,,,راجع الموضوع بالبوست الخاص بالمنوعات والترفيه .......

تحياتي

تاج السر جبريل عثمان كتب:

غدا يسطر هلال الملاين اروع العروض ويعزف البرنس واعوانه اعذب الالحان والفن الكروى الراقى..
غدا ان شاء الله النصر حليف الموج الازرق وزعيم افريقيا..

[b]وسطر يا السر هلال العز اروع سمفونية وعزف سيدا والغزال اعذب المعزوفات وتولى سادمبا وبشة اطلاق الدانات ويا حسرة على الشمات
من غيرنا يبدع من غيرنا يقدم هذا العرض الاسطورى دمت يا هلال فخر للسودان .[/b]

غايتو ان مانى زول كورة لكن فى حياتى الرياضية ان وجدت لم اسمع بان الهلال جاب كاس من برة السودان لكن المريخ شفت فى المطار بدرى خالص قالوا دا المريخ السودانى حامل كاس من بره السودان ؟؟ عشان كده شايف ناس الهلال اليومين مسخنيين خالص لكن المحصلة دوما تكون صفر معاك الصفر مع الهلال السودانى ؟؟؟

ابو مصطفى كتب:غايتو ان مانى زول كورة لكن فى حياتى الرياضية ان وجدت لم اسمع بان الهلال جاب كاس من برة السودان لكن المريخ شفت فى المطار بدرى خالص قالوا دا المريخ السودانى حامل كاس من بره السودان ؟؟ عشان كده شايف ناس الهلال اليومين مسخنيين خالص لكن المحصلة دوما تكون صفر معاك الصفر مع الهلال السودانى ؟؟؟

( حقيقة لابد الاعتراف بها , والاعتراف بالحق فضيله ) لكن انت مريخابي عديل كده ,,, وازيدك برضو كاس الكونفدراليه ( كاس حمام ) ,,,, مع تحياتي

اسامه هاشم الحسن كتب:

ابو مصطفى كتب:غايتو ان مانى زول كورة لكن فى حياتى الرياضية ان وجدت لم اسمع بان الهلال جاب كاس من برة السودان لكن المريخ شفت فى المطار بدرى خالص قالوا دا المريخ السودانى حامل كاس من بره السودان ؟؟ عشان كده شايف ناس الهلال اليومين مسخنيين خالص لكن المحصلة دوما تكون صفر معاك الصفر مع الهلال السودانى ؟؟؟

( حقيقة لابد الاعتراف بها , والاعتراف بالحق فضيله ) لكن انت مريخابي عديل كده ,,, وازيدك برضو كاس الكونفدراليه ( كاس حمام ) ,,,, مع تحياتي

العزيزين/ابومصطفى واسامة هاشم لكم كل ودى وتقديرى:
الاخ ابومصطفى:
منو القال ليك الهلال ماجاب كأس من بره السودان فالهلال هو اول فريق احضر كاس خارجى محمول جوا رضى المريخاب ام ابو.. فقد فاز الهلال بكاس الصداقة بجمهورية الكنغو فى اواخر السبعينيات عندما كان السفير وعضو مجلس الهلال الحالى قاقارين لاعبا بالهلال ومن ثم اتبعه الهلال بكاس بنى ياس الاول ومن ثم بالكاس الثالث هذا العام بالفوز بدورة بنى ياس الثانية والتى شاهدتها الجماهير الرياضية على شاشة قناة ابوظبى الرياضية تلك الدورة التى امتع فيها الهلال وابدع محققا فيها الفوز على المحرق البحرينى فى المباراة الاولى وبنى ياس فى المباراة النهائية وكان حينها البرازيلى كامبوس مدربا للهلال.
الاخ اسامة هاشم:
انت الظاهر عليك هلالابى مسكين وماعندك كبير قرض فى الكورة فكيف تستسلم بهذه السهولة وتسلب الهلال حقه ولاعبيه جهدهم وعرقهم الذى بذلوه من اجل الفوز بتلك الكؤوس فالمعلومات الان اصبحت متاحة للجميع .

دخل راجل فى بيته واتفاجأ بلص بيتفرج فى مباراة الهلال والمريخ فى الصالة ..الراجل مسكه من رقبته وساله :انت مين؟؟؟الحرامى قال ليهو : أنا لاعب مطرود.

العزيز اسامة هاشم الكلام دا تورية عشان احتلينا البوست بتاعك ولا شنو؟
لك العتبى حتى ترضى

سلام الاخوة المتداخليين : اصبت الحقيقة يابو مصطفى كان فى كاس جايو الهلال من برة اليوريك لية السر ويالفتح موقع الكاف موجود فى النت ويورينا لية.
ياهو غير كاس فهيمة اقصد بنى ياس لايوجد غير الصفر الكبير الدولى.
كدى يابومصطفى عاين تكون دى الكاس الشفتو ولاوحدا اخر.

لكم ودى,,,,,,

كل من يقراويكتب ويناقش بعد شويه نجده فقد المنطق ولجا للاساليب الما كويسه مما يفقد الناس بعضهن البعض فحفاظا علي الباقين اثرنا الانسحاب والراي رايك ياودعقيد

خلى صدرك واسع يااسامة

من قال ان صدري ضيق !!!!!!! ان اتفق معك احد فانت علي حق والا فانت متسرع في اصدار الاحكام مسبقا ,,,,,
{اتمنى من كل شخص يقرأ و يفكر فيه بجديه

أحياناً نأخذ الأمور بكل بساطه ولا نقدر حجم العواقب )

( أستطيع أن أصفح وأن أنسى
ولكن لا أستطيع أن أجبر الاخرين علي عدم الخطأ ) .
(استطيع أن أعيش بقلباً أبيض رايته الصدق والبراءة
لكن لا أستطيع أجبار الكل على العيش بنفس الطريقة ) .
( أستطيع أن أكون حريص حذر من جور الأيام والغدر
ولكن لا أستطيع أيضا أن أسلَم دائماً فلا ينفع الحذر مع القدر ) .
( أستطيع أن أمنع نفسي من الفرح والسرور
ولكن لا أستطيع أن أمنع نفسي من الحزن والألم )

,,,,,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,,,,,,,

مشكور ياغالى على الكلام الرائع وحديثك الحسن

شكرا تاج السر واسامة هاشم شنو الموضوع قلبتو لينا فى حوض اللوبة
كدى ورورنا رايكم شنو فى الطيارة دى.

الطيارة فيها شنو يامونتاري انشاء الله خير ,,,,,,

والله حقوا الواحد يبقي معاكم يامونتاري , امبارح مع الصفاقسي ( قلت الصفاقسي قسي شويه ) ولكن كورة يوسف محمد من محترف وبيها ضيع الكاس غير مقبولة لو كان علاء الدين ولا عمر بخيت قلنا معليش ولكن للبطولات اسياد ونحن والله بنلعب ساي , وشبهنا ده والله ماشبه بطولات .

بركه العرفتو نفسكم يااسامه (يوسف فى الكشافات ) وكمان الحكم عادليكم حقت دنبما

المجنونة قالت لا وكجور المريخاب كان قوى شديد
ماعرفنا اللاعب امس مع الهلال منو؟ المريخ ولا الصفاقسى.

هههها انتو البقلبكم قولو تقولو دى المريخ صحى المريخ بقلبكم كتيير لكن مالدرجة
تتخيلو اى فريق المريخ والمرة دى بركة القلتو كجور وماقلتو الموية والحكم
الصفر بقى قدر جبل عصمة ياخوى. ذى ماقلنا المجنونة راكبة الجن الاحمررر.

بشه وباري ديمبا كيف يامونتاري

اسامة كيفك مبروك عليكم خبر الشكوة البقت دكوة شنو:
الهلال شال كاس الممتاز كالعادة بامر الاتحاد العام اصلو بقى نادى الحكومة المدلل
ذى ود العز المافية خير.

الهلال شال كاس الممتاز كالعادة بامر الاتحاد العام اصلو بقى نادى الحكومة المدلل
المريخ شال كاس السودان كالعادة بامر الاتحاد العام اصلو بقى نادى الحكومة المدلل
بنفس طريقتك يامونتاري ,,, ولاشنو !!!!!!!!!!!!