هل مر عليك اي سؤال في علم الحاسوب؟؟؟

من طرف **native guy** الجمعة 06 أغسطس 2010, 7:38 pm

يشرفني جدا ان قدم لكم اي شئ اعرفه
اي سؤال في علم الحاسوب لم تحصل علي إجابته فحياك الله اسال وانشاء الله لك الرد يكون قريبا بعد توفق الله لي
انا في انتظاركم
إثنان لا يتعلمان مستحى ومتكبر

من طرف **ahmed elfeel** الجمعة 06 أغسطس 2010, 8:46 pm

هل كثرة تغير الوندوز تسبب مشاكل للكمبيوتر

من طرف **native guy** الجمعة 06 أغسطس 2010, 9:55 pm

مشكور الاخ احمد
كثرة تنزبل لا علاقة له البته بإظهار مشاكل جانبية
اهم شئ يكون
1 CD/DVD disk كويس نظيف
2 وايضا تكون اسطوانة CD/DVD كويسه ما قديمه مخدشه
3 RAM تكون اعلى من 512MB

من طرف **الرشيد طه** السبت 07 أغسطس 2010, 8:49 pm

native guy كتب:يشرفني جدا ان قدم لكم اي شئ اعرفه
اي سؤال في علم الحاسوب لم تحصل علي إجابته فحياك الله اسال وانشاء الله لك الرد يكون قريبا بعد توفق الله لي
انا في انتظاركم
إثنان لا يتعلمان مستحى ومتكبر

تشكر يا زعيم على تقديم مثل هذه المساهمات التى نحتاجها ويا ريت كل زول يقدم ما عنده من علم وخبرة
تحياتى يا اصلى انا متابع كتاباتك الراقية المفيدة الواعية وكن دائما مبادرا .

من طرف **ahmed suliman** الأحد 08 أغسطس 2010, 1:00 am

والله كلام مشكور يارائع

من طرف **ودالبلد** الأحد 08 أغسطس 2010, 5:08 am

شكرا على المساهمات القيمة
ارجو ان توضح للجميع كيفية تسريع الجهاز الذى يعانى من البطئ فى الكونكشن حتى لا يضيع الزمن كلو فى التحميل

من طرف **native guy** الأحد 08 أغسطس 2010, 2:06 pm

شكر الاخ تاج السر
مشكلة عدم سرعة connection /internet تكون من شيئين :
1خدمة سرعه الاشترك حقتك ضعيفه (يعني مشترك بسرعه اقل من 512kb من الشركة الموصل منها cable سواء كانت سوداني ولا زين و...)
لذلك التحميل يكون جدا ضعيف او لا يكاد يحمل او يقطع مره مره
او
2 او يكون البطئ من مواصفات جهازك جدا منخفضه (مثل RAM اقل من 512MB او المعالج <processor>ضعيف الاداء
الحل هو اشتراك بسرعه عاليه في النت
اجعل مواصفات الجهاز عاليه ..
لو عاوز تتاكد من سرعه النت حقك كم سواء download or upload

افتح الرابط دا وعمل click علي begin test
http://www.my-speedtest.com/speedtest.htm

ودينا خبر

انشاء الله تتحسن السرعه وشوف الفرق بعدين
والله الموفق

من طرف **السر عثمان** الأحد 08 أغسطس 2010, 9:21 pm

اخى الكريم اولآ مشكور على هذه المعلومات الغالية ثانيآ اريد نبذة عن كيفية اسخدام لغات البرمجة الاوركل html و

من طرف **native guy** الأحد 08 أغسطس 2010, 9:45 pm

مشكور الاخ السر
والله اسف جداا ليس لي علاقه بلغات البرمجه تماما
مجالي مبحر فقط في الشبكات
والله محرج جدا علي عدم الرد

من طرف **ودالبلد** الإثنين 09 أغسطس 2010, 4:23 am

لك تحياتى اخى العزيز

اولا اليك مواصفات
Toshiba SATELLITE L500-1ZV
Configuration Celeron 2200 MHz/15.6 in/2048 Mb/160 Gb/DVD-RW

عند فحص الجهز فى الموقع الذى حددته
كانت النتيجة:
download speed :546kbps
upload speed :52kbps
ولك الشكر الجزيل على التعاون والمعلومات القيمة

من طرف **native guy** الإثنين 09 أغسطس 2010, 2:46 pm

شكرا
مواصفات كويسه . بس لو يكون عندك PROCESSOR اعلي شويه يكون احسن
مثلا زي
Core او
core2 duo

شكرا اخي الكريم.انا كنت شغال بوندزXPوكانت الامور ماشي تمام والان غيرت لي وندز7اصبحة عندي مشكله في بعض المواد المنزل من النت بعضها مابتفتح معاي .

من طرف **native guy** الجمعة 13 أغسطس 2010, 4:55 am

شكرا الاخ جبريل
نعم الوندز 7 فيه بعض المشاكل في برامج عاوز تصطبها ما بتقدر
بس في طريقه جدا جمليه اعمل الاتي :
right click on the setup+properties +compatibility
ثم اعمل صاح علي المربع
run this program in compatibility mode for
ثم اختار
(windows xp (service pack 2 OR 3
ثم apply
ok
وبعدين اعمل عليه دبل كلك بيشتغل معاك
اذا عملت هذه الخطوات ولم ينزل اذا الويندز ما بدعم هذا البرنامح
انا عندي برامح حاولت بس ما نزلت نهائي

اعمل الخطوات دي ودينا خبر

من طرف **native guy** الأحد 15 أغسطس 2010, 4:35 pm

او نزل ليك نسخة احدث من العندك . للبرنامج العاوز تنزولو ...
الاخطوات الذكرتها سابقا تعني ان تجعل البرنامج كانه موجود في windows xp
عشان يتواقف معه

من طرف **بت الماحى** الإثنين 30 أغسطس 2010, 8:21 am

شكرا كثيرا على مجهودك فى تثيقيفنا بامور الحوسبة يا اخى و كتر خيرك كتير
لدى انترنت عالى السرعة و لكنه اصبح بطيئا هل لمشاركة اكتر من تلاتة حواسيب فى نفس الخط اثر على سرعة النت ؟؟(مؤخرا اشترك معنا جارنا فى النت )

السؤال الثانى
لدى ايميل تمت سرقته على ما اعتقد لانى ما قدرت اسجل دخول رغم انى لم اخطىء لا فى كلمة السر و لا عنوان الايميل فكيف يمكننى استرداده؟؟؟و اشعر بأن ايميلى الآخر مهدد لأننى كلما جيت اسجل دخول تجينى رسالة تقول
لقد حاولت الدخول مرارا مستخدما كلمة سر خاطئة علما بأننى لم احاول من قبل و لا انسى كلمة السر مطلقا
و شكرا مقدما

من طرف **native guy** الإثنين 30 أغسطس 2010, 8:58 am

شكرا اختي
بالنسبه للسؤال الاول
نعم بالتاكيد كل ما كان SHARING في خط واحد قلت السرعه , لان السرعه اتقسمت بينكم

السؤال الثاني
ما عارف هل فعلا اميلك اخترق ؟؟
كم الفتره التي لم تفتيحه فيها ؟ لو اكثر من 4 و5 شهور يكون تم قفله من الشركه
قد يكون مفتوح في مكان اخر اي (تكوني اديتي كلمة السر لزول مثلا وهو شغال بيوه ) تاكدي
ما اظن اخترق لاني مريت علي هذه الحاله
اعملي الاتي حاولي ادخلي من متصفح غير الذي تستخدمه
وحاولي تتذكري كلمة السر بقدر الامكان اكتبي اميلك صحيح

انشاء يفتح معاكي

من طرف **بت الماحى** الثلاثاء 31 أغسطس 2010, 6:12 pm

مشكور أخى فعلا غيرت المتصفح الفايرفوكس و ظيط معاى الدخول للميل الكنت شاكة انه مخترق
اما الايميل الآخر فلم استطع استرداده و يبدو انه راح لانى عادة ادخل عليهو للمراقبة فقط كل اسبوع او اسبوعين لانه حق ابنى (11سنة) انا اصلى عندى مفكرة بكتب فيها الباسوردات عشان ما انساها ادخلت المعلومات الصحيحة عدة مرات و لا فائدة و خلاص قنعت و عملت لابنى واحد تانى.
مشكور جدا و الله

من طرف **مونتارى** الخميس 02 سبتمبر 2010, 10:15 pm

سلام اخى /سيسكو نريد توضيح دروس بدائية انشاء الله فى الفيتوشوب

من طرف **native guy** الجمعة 03 سبتمبر 2010, 3:08 am

هلا الاخ منتاري
عندي فيديوهات في جهازي عربي و ENGLISH لكن كيف احملها المنتدي لا يسمح الا ب 10MB

افتح هذه links وحملها الشروحات بالعربي
http://www.4shared.com/get/iWcpBh9Y/____.html
الدرس الثاني
http://www.4shared.com/video/F3pqywnI/____.html
الثالث
http://www.4shared.com/video/je3HszVq/___.html

شرح صندوق الادوات
http://www.a7llam.com/up.7/files/pda17096.swf

مقتطفات بسيطه
http://www.4shared.com/video/01hdQjjw/_2_____2010.html
http://www.4shared.com/file/KjcFPlW1/Floral_ornaments.html
دوره اخرى تتكون من اكتر 20 فيديو
حمل الدوره المشروحه بالعربي من هذا الموقع
http://www.it3lm.net/
لمن تفتحه اعمل بحث للفوتوشوف تحصل كل الفيديوهات

شوف ودينا رايك عشان لو في زول عندو نيه يحمل تفيدو بهذه المعلومات

من طرف **native guy** الجمعة 03 سبتمبر 2010, 7:06 am

تبعا لموضوع مشاكل windows7 لسؤال الاخ جبريل
البرامج ما تشتغل لانه windows 7 يحتاج برامج جديدة التحديث
وايضا يكون نسخةwindows7 اصليه سواء كان 32bit or 64bits
انا صراحه اييد windows7 في الاستخدام لانه جدا مريحه ورائع واي شئ متوفر , خليك مواكب الجديد دوما
بالنسبه للنسخه الاصليه سوف ارفع ليكم link بعد توفيق الله . وكيف تجعله اصلي عن طريق البرنامج (7loader)
برضو سوف اوريكم كيف تستعمله

اما بالنسبة الفرق بين 32and 64bits
سوف اشرحه لاحقا بعون الله

اللهم اعتق رقابنا من النار وثبتنا بعد رمضان يا خير مسؤول

من طرف **native guy** الجمعة 03 سبتمبر 2010, 7:35 am

بكل بساطه وسهوله
الفريق بين 32 بت و 64 بت يعني الطريقة التي يتعامل فيها معالج الكمبيوتر للبيانات التي عن طريق الرامات ، ويندوز 64 بت يقدر يعالج كمية كبيرة من البيانات من الرامات افضل من وندوز 32 بت . تنزل هذه النسخة لمن يكون مواصفات جهازك عاليه

اما ووندوز 32 بت الحد الاقصى للرامات يكون 4 جيجا واقل , والمواصفات مش العاليه ديك

************
64x = 64 bit
86x = 32bit

المقصود بها الحزم المرسله من المعالج

بأختصار انت لو كنت تستخدم 86x معنها انه حزمة المعلومات فيها 32 معلومه

اما اذا كنت تستخدم 64x فمعنها ان الحزمة الواحدة فيها 64 معلومه

فبالتالي 64x افضل واسرع

لكن ليس كل المعالجات تعمل على 64x

انشاء الله يكون الشرح واضح ومفهوم

من طرف **خالد عابدين** الجمعة 03 سبتمبر 2010, 7:53 am

شكرا الاخ الرائع دوماnative guy على معلوماتك الهامة وياريت لو عندك زمن او حتى بي راحتك لو امكن وعملت لينا تواقيع فلاشية تهديها انت للاساتذة الاجلاء معنا في هذا المنتدى - خلفيات من البلد مع ابيات شعر من صاحب السلام الجمهوري محمد بروي - او ابياته التي في توقيعه - وابيات من الاستاين حبيب بكوري ومحمد حسن فضل او حتى نغيمات من طنبور عيسى
شكرا مرة اخرى ومنتظرين المزيد ليكون هذا القسم عامرا بمساهماتك واشرافك

من طرف **native guy** السبت 04 سبتمبر 2010, 4:25 pm

شكر السيد الادراي لثقتك بي
ليس لي خبره بالحيل اي مبدع في مجال Photoshop ,الظاهر في ناس في النتدي يهوو هذا التصميم لذلك اطرح الموضوع للجميع
وانا انشاء الله بدعمهم بالبرامج التي هم يطلبوها ولك الود والشكر
وايضا عندي صور للبلد قبل الغراق ممكن ارفعها

من طرف **ahmed elfeel** الجمعة 24 سبتمبر 2010, 11:07 pm

لك التحيه يا native guy
مشكور والله علي هذه المعلومات القيمه
وجزاك الله كل خير

من طرف **native guy** الخميس 30 سبتمبر 2010, 11:01 pm

اذا انتو ما عاوزييييييييين تسالو انا حا اسال

كيف تدخل الي جهاز صاحبك وأنت قاعد في بيتك/مكتبك ؟

من طرف **ahmed elfeel** الأحد 03 أكتوبر 2010, 11:36 pm

كيف كيف؟؟؟؟؟؟؟؟؟؟؟؟!!!!!!!!!!

من طرف **native guy** الإثنين 04 أكتوبر 2010, 12:55 pm

؟؟؟؟؟؟؟؟؟؟؟
الظاهر يالاخ احمد ما في زول مركز معانا في بوست البرامج والتقنيه
تلاحظ الناس مشغوله بالبوستات الاخري لذلك يدل علي انهم ليس لهم اسئله فهم اكفاء عن مواضعنا
ولا كيف يا احمد ؟؟؟؟

من طرف **ahmed elfeel** الإثنين 04 أكتوبر 2010, 5:53 pm

لاحظت !!
ياربي الناس دي عارف اي حاجه!!!!!!!!!

من طرف **ابو مصطفى** الإثنين 04 أكتوبر 2010, 6:52 pm

ابو مصطفى عنده سؤال يا جماعة ؟ كيف يمكن ان اتحكم فى ارسال الرسائل الواردة الى السيرفر الرئيسى والصادرة منه وانا عندى شبكة كبيرة خالص خالص ؟؟

من طرف **native guy** الثلاثاء 05 أكتوبر 2010, 11:57 pm

ابو مصطفي ما ناسيك فموضوعك صراحة كبير فاعطيني مهله
لانه يتعلق ب Router & Swithc security وشويه مع ISP و DNS لانه شغل تخزين DATA وارسالها واستقبالها من SERVER
فاصبر لي شويه

من طرف **native guy** الأربعاء 06 أكتوبر 2010, 12:00 am

ahmed elfeel كتب:لاحظت !!
ياربي الناس دي عارف اي حاجه!!!!!!!!!

هههههههههههههه اكيد عافه طبعا وإلا سالو !!!!!!!!!

موضوع كيف تدخل الي جهاز صاحبك عن بعد حولتو الي شروحات البرامج
فتمت بشكر

من طرف **native guy** الأحد 24 أكتوبر 2010, 1:12 am

ابو مصطفى كتب:ابو مصطفى عنده سؤال يا جماعة ؟ كيف يمكن ان اتحكم فى ارسال الرسائل الواردة الى السيرفر الرئيسى والصادرة منه وانا عندى شبكة كبيرة خالص خالص ؟؟

السيد ابو مصطفي كيفك معليش علي التاخير سؤالك في البال دوما
سالت استاذي فقال اجابة السؤال دا في كورس تابع لمايكرسوفت بالذات في
Exchange server الكورس دا يدرس خلال اسبوع ما كتير بالحيل
امشي معهد APTECH في العربي او الرياض الخرطوم او بحري
او معهد NIIT في المنشيه جنب سنهوري
فهم بي يدلوك بي معلومات

من طرف **zoooba** الأحد 24 أكتوبر 2010, 8:38 pm

الأخ ناتف شكراً على المعلومات القيمه
أرجو منك إذا أمكن عايزه أعرف خطوات عمل الفلاش
وشكراً

من طرف **native guy** الخميس 28 أكتوبر 2010, 3:59 am

موضوع الفلاش يتطلب هذه كورسات
micro media flash
3d Switch animation
photo shop
وطريقة عمله
يستخدم في عرض الحركات في web site وايضا في دعايات TV
فهذه الاشياء البعرفها عنه فلازم اهم شئ قبله ان تبدي فيه ادرسي الفوتوشكوب(PHOTO SHOP )
يعطيكي فكره تامه عن الموضوع

من طرف **ابو مصطفى** الثلاثاء 02 نوفمبر 2010, 8:37 pm

شكرا محمد واخبار احمد شنو الخال الوالد كنت معاه فى المنزل فى امبدة السبيل قال لى احمد اخذوه ناس زين وقالهم عندى كورس ادرسه واخلص واعدى عليكم وانا حتى الان ما عارف الخبر شنو بالذات المهندس احمد وكمان اقولك العيال كبروا خلاص ؟؟؟؟؟؟

تحياتى
ابو مصطفى

من طرف **ahmed elfeel** السبت 20 نوفمبر 2010, 4:14 am

ماهو الفرق بين وندوز7 واكس بي
وماهوالافضل؟؟؟
وجزيت خيرا

من طرف **native guy** الأحد 21 نوفمبر 2010, 1:38 am

شكرا
ما هو الفرق بين XP و windows7 سؤال في محلو وكبير
اضرب لكم مثلا زي البوكس كم وتسعين وبوكس 2010 ما هو الفرق ؟ الكم وتسعين ما فيهو مكيف سرعه كم حصان مافيهو راديو ومسجلو دائما خربان ز...
اما 2010 مادير شرح شغل عالى بالظبط كدا

اولا windows XP
. سهل الاستخدام ما معقد
. له المقدره علي التوافق مع اي برنامج
. ما محتاج لمواصفات عاليه لتنزيل نظام التشغيل
. نظام التشغيل ينزل عن طريق CD لان مساحته دائما ما بي تفوت ال 700MB
. بس عيبه الوحيد لمن تنزله لازم تعرف كرت الصوت والشاشه وال...
. سعة النظام دايره 5GB او اقل

ثانيا windows7

. سهل الاستخدم للزول العارف XP تمام وجدا مرن وفيه مميزات عاليه
. وهو نوعان 32bits و64bits ال32 يتوافق مع جميع البرامج و64 ليس مع الجميع
. السعه لتزيل نظام التشغيل دايرة 15GB في بارتش C
. محتاح لمواصفات شويه تكون عاليه زي RAM وprocessor
. يعرف اي شي by default اي تلقائيا زي تعريف الشاشه والصوت وال LAN Card
. ينزل عن طريق DVD لان مساحته تقريبا 3G وحاجه

اما الافضل انت قول لي ؟؟؟
ودمتم بود

لدي برامج جيده مثل برنامج توناب وهو لتسريع الجهاز وكذلك سورس وندوز sp3 اصلي يعمل ابديت من النت كيف اتيحها لاعضاء المنتدي

من طرف **native guy** الإثنين 22 نوفمبر 2010, 9:21 am

طائف عبدالله علي حدوري كتب:لدي برامج جيده مثل برنامج توناب وهو لتسريع الجهاز وكذلك سورس وندوز sp3 اصلي يعمل ابديت من النت كيف اتيحها لاعضاء المنتدي

مشكور الاخ طائف علي المشاركة الجميله
ارفع الرابط في المنتدي والاعضاء من خلاله يحملو منه البيانات
اعني التحميل من النت لا من جهازك اي رابط الصفحه الموجوده في النت ارفعه
ولك الشكر

انا لا اعرف كيف ولكن لم اخذه من صفحة نت وانما من سورس خاص باحد الاصدقاء ومنزله كسورس في جهازي

من طرف **ساري الليل** الأحد 05 ديسمبر 2010, 1:25 am

مشكور وحقيقة غير انو نحن مشغولين , دايرين بيان بالعمل لانو السؤال براهو مابيكفي .

من طرف **native guy** السبت 11 ديسمبر 2010, 2:31 am

اسامه هاشم الحسن كتب:مشكور وحقيقة غير انو نحن مشغولين , دايرين بيان بالعمل لانو السؤال براهو مابيكفي .

مشكور الاخ الغالي اسامه
نعم دايرييييييييييييين بالعمل والله حاولت كتيير جدا لعمل مقطع بالصوره والصوت لشرح البرامج لكن المنتدي ما بسمح لك لانو ادوات التنسيق ما متوفره في الرفع ... زي مثلا اضغط هنا لتحميل البرنامج او رفع الصور من غير ما امشي ارفها عبر من موقع اخر

فالان احاول اسجل الفيديو وارفعه اولا في اليوتوب وبعدين الي هنا
الا كدا ما في طريقه غير دي
بس انتو ادعو لي بالله بالتوفيق لاني مزنوق في القرايه شديد والله

من طرف **ساري الليل** السبت 11 ديسمبر 2010, 4:52 am

ردك علينا السابق واجتهادك يكفينا .

من طرف **native guy** السبت 11 ديسمبر 2010, 10:02 am

سائل يقول:::
اعاني من مشكله في الصوت في الجهاز منذ فترة وماعارف المشكلة دي من الجهاز ولاالسماعة ولا في برمجة الصوت ( لوسمحت دايرين الافاده )

مشكور الاخ ؟
مشاكل الصوت دائما اكتر بس حدد لي نوع الجهاز المعاك loptop ولا desktop
والمشكله ثابته اي طوالي الصوت ما موجود ولا يمشي ويجي مره مره ؟؟
وانت مستخدم windows XP ولا 7 ??

ارجو ان تجيبني حتي احدد المشكله من وين
ودمت بود

من طرف **على عيسى** السبت 11 ديسمبر 2010, 5:32 pm

الاخ محمد السلام عليكم
ياريت لو تم الربط جهازى بك واخليك بعد كده تسرح وتمرح
مشغلات vlccd,وكل مايشغل وارد الكاميراولك الشكر (اواسبوع تمام)

من طرف **ساري الليل** السبت 11 ديسمبر 2010, 8:03 pm

اولا : شكرا علي المنتجه والاضافة والحذف والنقل فقد كنت بارعا وانت تاخذ مايخصك وتدمجه لقسمك الخاص للرد عليه , ليس هذا فحسب ولكن اتيت بقصة الخباز والشليق وقناة الجزيره ( شكل كمين كده , حتي ناتي الي هذا القسم ونحن طائعين , نحي الفكرة ان كانت مقصوده ام لا ,,,,
الاخ محمد جهازي desktop جهاز كبير ثابت علي التربيزه بانتيوم 4 , اما الصوت كان موجود والسماعه بتاعت الجهاز جربت شغلت بيها سماعة الموبايل وجدتها بتعمل تمام , وعندما قطع الصوت تاني لابمشي ولابيجي . اما نوعية الويندز المستخدم علي حسب علمي اعتقد انه windows explorer .

من طرف **native guy** الأحد 12 ديسمبر 2010, 12:43 am

عندك اسطوانة الجهاز اي حقت المزربورد motherboard ?

اكييييييييييييد لا ما عارف مكانه وين صاح ؟؟؟؟

رد علي انا قاعد مستنيك

من طرف **native guy** الأحد 12 ديسمبر 2010, 1:42 am

مرحبا الاخ اسامه

اولا تكون الاسطوانه حقت ال motherboard تكون موجوده او اي اسطوانه اخري يتوافق الصوت مع صوت جهازك
ثانيا يكون الدرايف حق الاسطوانه شغال ….(CD driver )
لو الاسطوانه موجوده ادخلها وامشي سطح المكتب اعمل رايت كلك علي
mycomputer +manage +double click device manager
وبعدين انظر يمين تلقي علامات الصوت ركز علي العلامه اللونها اصفر
زي شكل الصوت اعمل رايت كلك عليها وبعدين
update driver
واختار yes , this time
ثم next
ثم install this software automatically
ثم next
يقوم بالبحث في الاسطوانه النزلتها ديك ويبدا يحمل الملف الناقص وبعدين تعمل ok
ان شاء الله ينجح معاك
اديني خبر ............

من طرف **native guy** الأحد 12 ديسمبر 2010, 1:47 am

على عيسى كتب:الاخ محمد السلام عليكم
ياريت لو تم الربط جهازى بك واخليك بعد كده تسرح وتمرح
مشغلات vlccd,وكل مايشغل وارد الكاميراولك الشكر (اواسبوع تمام)

هلا بي ود الخاله
المشكله فقط في المشغلات ولا حاجه تانيه ؟؟
لو المشغلات دي سهله جدا
وريني وين ؟
ودمت بود

من طرف **على عيسى** الأحد 12 ديسمبر 2010, 2:03 am

طريقة الربط ان امكن
المشغلات اولا