يا صديق أخوي مالك ومال اللماليم المتل ديل

في نهايات خريف 2004 كنا نحمل هم قضية أهلنا المناصير.. ناداني وزير شئون القصر الدكتور الطيب ابراهيم محمد خير الشهير( بالطيب سيخه) وقد تعرف علي سابقاً اثناء مناكفات جريئة مع العصبة زوي البأس الشديد علي قول استادنا فتحي الضو... عند حضوري قال أنه يريد ان يسمع مني (مشكلتكن شنو) وقد حدد الزمن بنصف ساعه نسبةً لارتباطه بمواعيد أخري كشأن وزير شئون القصر .. احتججت ونهضت واقفاً فقلت مثل قضيتنا لا تكفيها نصف ساعه !!! وخصيمكم السياسي الحركة الشعبية قد اعطتنا كل ما تملك وأنتم تضنون علينا بالاستماع ...فقال لي أجلس وانا اعدك بجلسة استماع يحضرها خمسه وزراء سياديين... فوافقت ...وأجملت النقاط كتابةً -وهدا مما تعلمناه ونحن صغار من ادبيات الحركة الاسلامية أن تحشد كل فكرتك في أول ثلاث دقائق لانها لحظة الاسغاء الكامل... ثم تدخل في التفاصيل باقي الزمن ...وكانت الساعة امامي ..وعندما وصلت الي نقطة الارض والخيارات توقفت عن الكلام وهو يقول أها أها.. فقلت له سعادة الوزير ان الزمن انتهي.!! وقد قصدت من دلك أن أعضد احتجاجي ان الزمن غير كافي..فدخل مدير مكتبه منبهاً ان الزمن قد انتهي وبداية مواعيد اخري ..فقال له اجل اي مواعيد ... ثم توقف كأنما استدرك شيئاً فقال لي يا محمد استأدنك في رجل يهمني ..فقلت تفضل سعادتك. فدخل محمد ابراهيم عبد الجليل( الصديق ود ابراهيم فك الله أسره) فسلم علي بالاحضان سلاماً حاراً وكان يظن اننا لا نتعارف فقال يا سعادتك أجمل حاجة ان تأتي لمحمد حبيب بعد صلاة المغرب لتناول الشاي باللبن المقنن.. فقال دكتور الطيب ادن نواصل . فقلت المناصير اهل زراعه وجد .. فأوقفني دكتور الطيب وبدأ يتحدث عن المنصوري وحبه للأرض وانهم ينقلون التراب بالرحل علي الصخر ويزرعونه ويأتوا بأعلي انتاجية . فأدهشني حديثه لموسوعيته وتفصيله .. فقال ما رايكم بالخيارات . قلت له كل الخيارات نريدها ولكن أهم مافي دلك هو ارض اجدادنا (ما تبقي )فنحن قبيله كبيره اغلبها في الخلا نريد كل المساحات المتاحه في ولايه نهر النيل ..فقال لي يا محمد أعدك باستصدار قرار جمهوري يحفظ للمناصير حقهم حول البحيرة مع خياراتهم الأخري.
وعندما صدر القرار 70 كمسودة ناداني فناولني المسودة قرأتها جيداً فكتبت ملاحظاتي وناولتها له فقال لي : أسمع يا محمد معي بالمكتب الثاني رئيس مجلسكم ورئيس اللجنة فان لم يدكروا هده الملاحظات سأمرره كما هو .. فهززت رأسي موافقاً. وبعد يومين صدر القرار بدون ان يحوي اي من ملاحظاتي !!! وفيما بعد قابلت دكتور الطيب فقال لي : لا تلومني والله جماعتك ما ابدو اي ملاحظات!!!!
سردت دلك وأهلي الآن يتدافعون لاستلام فدان ونصف من ارض الحويلي!!!!!؟؟؟؟؟


فتدكرت بت جبرين وقد جاءت من البحر لحضور طهور اولاد أخيها صديق في الخلا وقد نحر الكباش السميني المدولة وجابت دهن كثير وشروهو علي التبس الاخضر وكانت تمني نفسها بعد نهايه الباشي تنجضه وتعمله دهن وتقسمه لجاراتها بالبحر عشان يضوقن باشة صديق ..ولكن بعد نهايه الباشي قام صديق بالليل وولع النار وشد الحلل ونجض الدهن والصباح جابلها عليبي صغوويري فقالت:

يا صدق أخوي مالك ومال اللماليم المتل ديل
تكركب في حللك لامن اتالت الليل
ومتل سعد أم سعود ترعد بلا سيل

الاخ محمد
سلام
القرار معلوم ومنشور وبالتالي نعلم ما احتواه
ولكن لم تذكر لنا ماهي ملاحظاتك التي لم تضمن؟؟؟؟!!!!!
والسؤال المهم هل كان الطيب وزيرا في القصر عندماصدر القرار 70.؟ ومتي صدر هذا القرار؟؟ ولماذا صدر؟؟؟!!! وما هي نتائج صدوره؟؟!!!

صدقني فدان في الحويلي ولا مائة فدان في خلا الناس!!!!!!

يعني خربانة من كبارا

عاد نسوي شنو مع ناس شيخ تُلُب ديل ؟؟؟

abuahmed كتب:الاخ محمد
سلام
القرار معلوم ومنشور وبالتالي نعلم ما احتواه
ولكن لم تذكر لنا ماهي ملاحظاتك التي لم تضمن؟؟؟؟!!!!!
والسؤال المهم هل كان الطيب وزيرا في القصر عندماصدر القرار 70.؟ ومتي صدر هذا القرار؟؟ ولماذا صدر؟؟؟!!! وما هي نتائج صدوره؟؟!!!
باين عليها حا تحلو آآآوي علي قول أولاد بمبة
صدقني فدان في الحويلي ولا مائة فدان في خلا الناس!!!!!!

في البدء أعتذر لك وبقية القراء غاية الاعتذارلعدم وجود الذال بالكي بورد لذلك استعضت عنها بالدال ولا أظن ذلك يفوت علي فطنة القارئ لكتابتي

الاخ الفاضل قريبي ابحمد لك شكري علي هذا المرور العاطر
باين عليها حا تحلو آآآوي علي قول أولاد بمبة
أولاً يا قريبي ..أنت أستاذ تاريخ؟؟؟؟
ثانياً: يا قريبي القرار 70 لي عليه ملاحظات كتبتها في وقتها علي ورقة الدرافت (المسوده) قبل ان يمهرها السيد الرئيس بتوقيعه وأهم ما فيها أن القرار لم يعطي الأرض حول البحيره للمناصير!!!!!!
وانما أعطي سلطة تقديريه للوالي ليعطي الأرض حول البحيره لمن يري انه يستحقها (عليك الله يا ابحمد نزل القرار هنا لأنني في وضع لا يسمح لي بذلك)
ثالثاً: باقي الاسئلة أعتبرها انصرافيه.... وهي ما عبرت عنه في سؤالي الاستنكاري في الفقرة أولاً
لكن يا أبحمد عشان ما تزعل أنا حا اجاوب .... حينما ناداني الطيب كان يشغل رسمياً مستشار الرئيس للشئون الأمنيه وهي أول وظيفة زحلقة صنعت له خصيصاً عندما غادر القصر مغضوباً عليه بعد العشاء الأخير والذي كنت أحد شهوده.... وناداني في أكاديمية الأمن العليا وعندما دخلت كان المذكوران ينظران الي عبر الزجاج وعند بداية حديثي قلت له يا دكتور أي زول وقف في وجه أسامة عبد الله عفصه (قلتها له بهذه العباره )فاذا ما كنت قدرها أبعد ... فقال لي أنا مفوض من شيخ ع...لي وتحدثت معه بشئ في أذنه فضحك... ومما يدل انهم كانوا ينظرون الي... بعد خروجي قال لي الأخ جابر الحسن : أنت قلت للدكتور شنو خلاهو يموت من الضحك ...أما نتائج صدوره فهي تختلف من شخص لآخر حسب تقديره وفي تقديري الشخصي هي معالجة أمنيه ليس الا....

اما تقريرك الأخير عن الحويلي فهي دعايه تهريجيه ليس هذا مقامها... وأرض المناصير كلها عزبزه علينا من نصب الحصان لي نصب الحصان... لكن جيب أضانك جاي (هو الزول بعوضوهو في أرض أصلاً هو يملكها ولا يدهو عليها من خارج أرضه ... )
لك ودي وغاية احترامي

الاستاذ الفاضل أحمد عبد الوهاب يا غالي.... الغريبه شيخ تلب دا أكثر رجل أفادني في حياتي الفكريه ولكن في مجال السياسه نعتب عليه كثيراً... وكرهنا السياسة زاتو
وبعدين أنا في التعليق الفوق دا كتبت شيخ علي... لكن برااها اتلولوت كدي قادر الله

دا كلام كبير من رجل كبير
محمد حبيب مشكور على السرد والافادة
والله يهون علينا

شكراً شكراً يا عباس والله يا أخي أنا بفضل الله لا كبير ولابحب الكلام الكبير... وأنا عريبي خلا ساااكت ...ويكفيني ان اتتبع بأغنامي شعب الجبال حتي يقبض ملك الموت روحي التي بين جنبي ... وأبناء المناصير كلهم أخواني وأحبابي وأسأل الله أن لا اتعالي علي اي واحد ...ولكن اريد ان تنتشر بيننا روح التسامح والمحبه ويعدر بعضنا بعضاً.....في الفتره السابقة سادت روح التجريم ...فكل من يخالف الرأي الواحد السائد فهو خائن ومرتشي وعميل... وجاءت الفتاوي من من يفترض فيهم الورع مؤيده بل وصلت أن قتال من يخالفهم جهاد في سبيل الله!!!!
وما اردته من مقالي اعلاه هو ان ينظر الناس للاشياء بالعقل وليس العاطفه
لك ودي يا رائع

محمد حبيب بشير هبرم كتب:شكراً شكراً يا عباس والله يا أخي أنا بفضل الله لا كبير ولابحب الكلام الكبير... وأنا عريبي خلا ساااكت ...ويكفيني ان اتتبع بأغنامي شعب الجبال حتي يقبض ملك الموت روحي التي بين جنبي ... وأبناء المناصير كلهم أخواني وأحبابي وأسأل الله أن لا اتعالي علي اي واحد ...ولكن اريد ان تنتشر بيننا روح التسامح والمحبه ويعدر بعضنا بعضاً.....في الفتره السابقة سادت روح التجريم ...فكل من يخالف الرأي الواحد السائد فهو خائن ومرتشي وعميل... وجاءت الفتاوي من من يفترض فيهم الورع مؤيده بل وصلت أن قتال من يخالفهم جهاد في سبيل الله!!!!
وما اردته من مقالي اعلاه هو ان ينظر الناس للاشياء بالعقل وليس العاطفه
لك ودي يا رائع

كـــــــــــــــــــــــــــــــــــــــــــــــــــــلام رائـــــــــــــــــــــــــــــــــــــــــــــــع روعه ديار منصور
فعلا تحكيم العقل يجنبنا الكثير من الفتن والمشاكل
اللهم وحد كلمتنا يا ارحم الراحمين....
تقبل المرور اخي محمد

الأستادة الفاضلة نجلاء... أول حاجي الحجة مباركة وحمد الله بسلامة الوصول من بلد النبي العتق الغزال... أتقبل مرورك !!!! يا خي انا أشيل توقيعك دا وأعوص (أعوص دي بتشديد الواو وكسرها..الكوراك العالي للناطقين بغيرها )وأسمع الناس كووولهن بت زمراوي الكبيري عجبتا خرمجتي دي... والله قلتي كلام مليان... لكن غايتو الله يهدي.
المطمني يا نجلاء أن المناصير أصبحو ا أكثر وعياً ...والحمبري الشديدي خلوها.....وبقوا يتقبلوا الراي الآخر...هسع في منتدانا دا أرجعي لسنتين وراء شوفي بوستاتي البتتناول القضيه الناس بردوا عليها كيف... غايتو بارك الله في خالد عابدين البوست العجيب داك ...المشتمني فيهو سحبو... وأنا والله كنت ما دايره يسحبه عشان يبقي شاهد للتاريخ... أودينا من أجل هده القضيه والحمد لله في أنفسنا وأموالنا وسمعتنا... ولكن الله غالب علي أمره ولكن أكثر الناس لايعلمون....
شكراً ..شكراً الرائعه نجلاء

الاستاذ/محمد حبيب تسلم
اتت كلمة كبير من شدة الاعجاب ليس تكبرا وانما نحسبه تواضعا
ولكن كبيرا بما تحمل هذه الكلمات من رجاحة العقل بعيدا عن العاطفة
وما كتبت اعلاه تاريخ يوضح المقصد من الدولة بان تاتى بقوانين فضفاضه ان
هى استطاعت ان تحقق ماتريد من اهلنا المناصير

تقبل المرور مرة اخرى

يا عباس يا عباس يا اخي تسلم انت ...وحاشاك يا عباس ان تقول كلام مافي محله.... فقط انا قصدت ظلال الكلمة... عشان كلمة كبير دي انا قاعد أخاف منها.. ..أنا والباشمهندس ود ابحنه اللتنين بي نخاف منها.. مع أنه هو من كبار الشخصيات وأنا غايتو يا دوب الليامات دي أدوني لقب جديد...قالو متميز مابعرفه أنا اتميزت في شنو,,, أظنه متميز دي سمحي شديد ....لأنه عاينت للناس المدنهن متميز كوولهن ناس ما هينين... الله يهون القواسي... بعدين مرورك لي شنو يا أخي... أقعد معاي عديييل في البوست دا(بس جيب بطانيتك معاك لأنه الدنيا برد)
لك ودي يا رائع

نجلاء زمراوي كتب:

محمد حبيب بشير هبرم كتب:شكراً شكراً يا عباس والله يا أخي أنا بفضل الله لا كبير ولابحب الكلام الكبير... وأنا عريبي خلا ساااكت ...ويكفيني ان اتتبع بأغنامي شعب الجبال حتي يقبض ملك الموت روحي التي بين جنبي ... وأبناء المناصير كلهم أخواني وأحبابي وأسأل الله أن لا اتعالي علي اي واحد ...ولكن اريد ان تنتشر بيننا روح التسامح والمحبه ويعدر بعضنا بعضاً.....في الفتره السابقة سادت روح التجريم ...فكل من يخالف الرأي الواحد السائد فهو خائن ومرتشي وعميل... وجاءت الفتاوي من من يفترض فيهم الورع مؤيده بل وصلت أن قتال من يخالفهم جهاد في سبيل الله!!!!
وما اردته من مقالي اعلاه هو ان ينظر الناس للاشياء بالعقل وليس العاطفه
لك ودي يا رائع

كـــــــــــــــــــــــــــــــــــــــــــــــــــــلام رائـــــــــــــــــــــــــــــــــــــــــــــــع روعه ديار منصور
فعلا تحكيم العقل يجنبنا الكثير من الفتن والمشاكل
اللهم وحد كلمتنا يا ارحم الراحمين....
تقبل المرور اخي محمد

وحاتي ديني وايماني البت دي كلامها صحيح 100%

وأنا شوف عيني دي يا أب أحمد (شفت البغلة تعوم في الابريق)

عندما كتبت هذا البوست لم احمل عداءا لاحد بل كلهم اصدقائي واحبابي...لكن لا خير فينا إن لم نلفت بعضنا ونصوب ما افسدته الأيام

السلام عليك
اهم شى كان توضح ملاحظاتك على القرار حتى نعرف

شكراً العزيز ابو ايمان علي المرور

ملاحظاتي ...

انا اكان قلت لابوحمد نزل القرار لانه انا في الخلا وظروفي مابتمكني لكن عمل نايم

وانا حافظو (كسفت كوبي) بالبيت والهارد كوبي في مكتبتي ايضاً بالبيت

فأهم مافيه هو ان يعطي ماتبقي من أرض البحيره للمناصير صراااحة ً.....يعني القرار بدل مايعطي سلطة تقديريه للوالي في توزيع الارض يذكر صراحةً تعطي للمناصير لأنه انت ناس الحاكومة ديل عارفن ماعندهن عهد والكلام دا وبالعباره دي قلتها لدكتور الطيب وقتها..قلت له يا دكتور كفاية الضحكتوهو علينا.. وكان من ضمن دفوعاته الأرص لا تعطي لقبيلة..فقلت له ..ياااا سلام!!!! هي تلاته ولايات مسمية بأسم قبيلةاشمعني المناصير .. وحكيت له قصة زي الزفت هي التي جعلته يدردق من الضحك.. وقال لي والله انتو يا المناصير بلاوي وبعدها ذكر لي الجماعه القاعدين بي غادي

شكراً كتير الاستاذ ابو ايمان

انت وين يا محمد حبيب وشايت مع ناس منو ؟؟؟؟؟؟؟؟؟؟
تحياتى
ابو مصطفى

انا شايت مع ابو مصطفي ومعجب بي افكارو

لأنه زول دوووغري وزول نصيحييي ساااكت

ناس معجبين بلحيل

انا غايتو يا ابو مصطفي مبسوط من وضوحك دا بسط شديد لأن المناصير ديل كلهن ناس حمبري وغنامه ....وأنت المهم تقول رايك ما شرط الناس يوافقو ولا يخالفو ...ومعدن زي دا نحن المناصير فاقدنه ...وانا والله عريبي خلا سااكت....ما بعرف لي زعامات البحر دي ...لكن النصيحه لله صاحبك زولاً ماهو هين لي يوم الليلي بشاوروه في الامور العامه.. وخاصة أمور أهلك المناصير .. والله النصيحه انا كنت من ضمن اول سبعه كونوا ما يسمي باتحاد مضرري سد الحامداب ولمان كترنا جو جماعتك ديل ناس ابواحمد قالو لينا يخوانا ماتدخلونا معاكن..انا وقتها كنت اعمل مع الامم المتحده في جوبا فاتصلو علي فقلت لهم لو عايزين يدخلو كاعضاء مرحباً اما كزعماء فلا والف لا...المهم الناس اجتمعوا في غيابي ودخلوهن وعملوا مؤتمر ارض المعسكرات وجات المعاول القايمي هسع دي... في البدايه انا كنت معاهن كفكره باعتبارن جاؤا علي انقاض الاتحاد حتي عندما قابلن دكتور الطيب سألن سؤال واضح انتو مع محمد حبيب فقالو نعم.فاتصل علي وقال لي ناس المقدوم ديل جماعتك قلت نعم..طيب ناس هاشم الحسن قلت هم مننا وفينا لكن راين مع الحكومه.. والذي ادي للاختلاف بيني وبينهم انني تبنيت الاحصاء وقلت لأهلي احصوا انفسكم حتي تكون بيدكم وثيقه ضد الحكومه من عمل يدها.. وقد قمت بمشاورات واسعه شملت كل الاطراف بما فيها الباشمهندس جودابي وكان وقتها معتمد شندي.. وذهبت لاهلي لاخبرهم بضرورة الاحصاء.. وقد واجهوني بما يشبه ما تم الان في الغابه.. ونسو انني عربي خلا ..لااخلو من السلاح ..وحتي يوم الناس هذا لاتخلو دابتي من السلاح من العصا والسكين والبندقيه الاليه ...ومنها شقيت طريقي لوحدي يوافقني من يوافقني ويخالفني من يخالفني ولا احمل حقد لاي زول منصوري او غير ه ووهبت مظلمتي لله

ناس أبو أحمد ؟

غريبة

غريبة جدا

احمد عبد الوهاب كتب:ناس أبو أحمد ؟

غريبة

غريبة جدا

الأستاذ أحمد عبد الوهاب لك الود علي المرور يا أبو الرجال

.. أيوه أبو احمد نحن بي نحاور في دببه كبااار....ههههه

هؤلاء الكبار كل مره بظهروا بي أسم جديد...كم كنت أتمني أن يكتبوا بأسمائهم الحقيقيه لأننا نعرفهم ويعرفونا والمناصير بلد صغيري... مالو لو اختلفنا في الرأي فنصف رأيك عند أخيك

وقضية مثل قضيتنا لابد أن تختلف فيها الآراء

لك ودي يا رائع

ناس غاتسين بلحيل

يا ابو مصطفي

الناس تهضرب بالليل

انت مالك تهضرب بالنهار

ابو مصطفى كتب:الاخ محمد حبيب تحية صادقة لك ولزميل الدراسة بشير محمد صالح هبرم ؟؟ من على البعد ولكل السادة الهبارمة فى الخلاء والبحر ؟؟؟؟؟؟؟؟؟؟؟؟
غايتو يا محمد حبيب وبكل صراحة اسلوبك يعجب الواحد فى السرد والواحد يقراء ويكون مشتاق لى باقى الخبر او القصة ؟؟؟؟؟؟؟؟؟؟
لكن مرات تاخذلك غطسة كبيرة ؟؟؟؟؟؟؟؟؟ مانى عارف السبب شنو انشاء الله المانع خير ؟؟؟ والمشغولية حاصلة ؟؟؟ لكن ما قلت لى ؟؟ يا محمد دحين انت مش فى بداية قضية الخزان والناس غرقانة ؟؟ مش ملينت الناس جبخانة والله دا واحد غيرك ؟؟؟ انا والله ما عارف لكن قالوا فى واحد من ناس لافوق ديل ملى ناس الفلوجة جبخانة ؟؟؟؟؟؟؟؟
والله يا محمد الشى دا يبقى لى زى الخيال ومانى متاكد ؟؟ من صحة المعلومة ؟؟؟ والله داء واحد عيرك وانا غلطان ؟؟؟؟؟؟؟؟؟؟

المهم فى الموضوع الراجل لازم تكون عندو كلمة ومبداء مش مرة مع ديل ومرة مع ديل ويلعب لصالح ورقو؟؟؟ مصلحة القبيلة فوق كل شى ؟؟؟؟
لكن زى ما انت قلت الصراع صراع دببه كبيرة خالص ؟؟ وكل مرة تجينا بى جلد جديد ؟؟؟؟ والمناصير صبرهم نفذ خلاص ؟؟؟


ولى عودة
تحياتى
ابو مصطفى

يا سلااااام يا أبو مصطفي .. انا لي زمن طويييييل داير لي معاك ونسي. وماني عارف البلمني شنو ..هسع يوم داك ناس ادارة المنتدي فالو جايني زيارة في البيت..قلت ان شا الله ابو مصطفي يكون معاهن

والله ان شا الله يعجبوك وليداتك يا اخي.. ويا ابو مصطفي التصنيف الحاد هو المنعني أكتب في الفتره السابقة ..من ليس معنا فهو ضدنا ..لكن بفضل الله الأمور الآن أفضل بكثير أما سبب غيابي يا ابو مصطفي انا زول عيشتي فوق ودي..لا عندي ماهيه ولا عندي مونه..والحمد لله جاري جري الوحوش

أما قضية الجبخانة دي..اياني زاااتو .. وبحكيها ليك بالتفصيل الممل ان شاء الله مره جايه.. لانه فيها حاجات كتيييره انا عاوز أملكها للناس وانا لا أبصق علي تاريخي لأنه جزء من حياتي وبطبيعتي لست من الذين يدسون شيئاً من حياتهم ... لأن حياتي هي ملك أبنائي فيجب ان أملكها لهم بصدق بمحاسنها وعيوبها...

abuahmed كتب:يا ابو مصطفي

الناس تهضرب بالليل

انت مالك تهضرب بالنهار

الأخ ابو احمد أشكر لك هذا المرور جزاك الله خيراً

ابو مصطفى كتب:والله مانى عارف حاجة ؟؟؟؟؟؟؟؟؟؟؟ انا عاوز اتكلم مع محمد حبيب انت اسع جاى ناطى من وين وعاوز شنو بالضبط ؟؟؟؟؟؟ وبعدين ام بقى ابو مصطفى قاعد يهضرب ؟؟ معناتو عندو مشكلة او عندو ملاريا او عندو سلك عريان وفى النهاية تطلعوا ابو مصطفى مجنون ؟؟؟ طيب ياانت يا كاتب اسمك باللغة الانجليزية وعامل فيها حريف وحصيف ؟؟؟ ابو مصطفى ام بقى مجنون بى تقدر تعالجوا و الله كلام بطان ساكت ؟؟؟؟
وطيب مافى الحريات الاربعة ماتخلى ابو مصطفى يهضرب بالليل او بالنهار

مالو حرام ؟؟؟؟؟؟؟؟؟؟

تحياتى
ابو مصطفى

يا أبو مصطفي...انت جنيت!!!!!
ديل ماااا الدببة الكبااار زاتن....ههههههه
يا أخي طوووول بالك
لك شكري يا غالي

عنزك غرزت وسعنك فضى ياود حبيب هل هلا

الاستاذ علي الباقدان شكراً علي المرور يا غالي
كل المعوز غرزن ...وان شا الله يجي الخريف ويدرن تاااني
يا اخي خت ويدك في ويدنا ونمشي لي قدام .. وانت كل مره تأخدلك نضمه وتروح يا أخي بمثلكم يزدهر النقاش ...وأنا الراي الآخر مابضايق منو بالعكس بحبو شديد ...
لك ودي يا رائع

ابو مصطفى كتب:والله مانى عارف حاجة ؟؟؟؟؟؟؟؟؟؟؟ انا عاوز اتكلم مع محمد حبيب انت اسع جاى ناطى من وين وعاوز شنو بالضبط ؟؟؟؟؟؟ وبعدين ام بقى ابو مصطفى قاعد يهضرب ؟؟ معناتو عندو مشكلة او عندو ملاريا او عندو سلك عريان وفى النهاية تطلعوا ابو مصطفى مجنون ؟؟؟ طيب ياانت يا كاتب اسمك باللغة الانجليزية وعامل فيها حريف وحصيف ؟؟؟ ابو مصطفى ام بقى مجنون بى تقدر تعالجوا و الله كلام بطان ساكت ؟؟؟؟
وطيب مافى الحريات الاربعة ماتخلى ابو مصطفى يهضرب بالليل او بالنهار

مالو حرام ؟؟؟؟؟؟؟؟؟؟

تحياتى
ابو مصطفى

ابو مصطفي

طول بالك وخليك حريف ولما يدوك باص حلو شوتو جوة القون او شوت الي اقرب زميل

او اعمل رايح اذا ما قدرت علي تثبيت الكورة

تسلم يا ظريف

شكراً الغالي ابو مصطفي..موضوع الزياره دي جاني عبر صديق مشترك...حلوه صديق مشترك دي..هههههههه...وعاوزين يشوفو برنامجي..ويجوني وانا عندما أكون بالخرطوم سأخبرهم وانت لازم تجي معاهن
شكراً ابو مصطفي

يااا ابو مصطفي:دهلمي كبيري..ههههههه والله دي لي زمن ما سمعتها ..ههههههه ..الله يجازيك..يا ابومصطفي زول يسأل مثل هذه الاسئله دا زول مرتب شدييد يا أخي دي ابوحمد ما سألها..ولا بقي يلعب معاك باصات زي ما دعاك في آخر مشاركه له!!!!!!!دهلمي كبيري
هههههههههههه يا اخي والله لامن شرقت من الضحك كدي بردلك بعد انتهي من الضحك..
أما طلعت مصيبه..علي قول المصريين

ناس مفتحين بلحيل

ياود حبيب صباح الخير وصباح نورك ياخوى ؟؟؟؟؟؟
والله العظيم انت قلت تعبير جميل جدا ريحنى شديد الا وهو انت مرتب شديد ؟؟؟؟؟؟؟؟؟ كيف لك اذ عرفت انى راجل مرتب شديد وانت لم ترانى قط فى حياتك ؟؟؟؟؟
واستغفر الله من انا وكلمة انا ومرض الالنا ؟؟؟؟ زملائى فى اى مكتب ؟؟ يقولون لك ابعد من تربيزة ابو مصطفى لانه سوف ياتى اليك ويقول لك انت لخبطت الشغل ؟؟؟ وانت ما مرتب ؟؟؟ والله هذا هو الحاصل ؟؟؟؟
بعدين عاوز اديك حاجة علمية بسيطة الا وهى ان المحاسبة وعلم المحاسبة عبارة عن تحليل وترتيب وتبويب البيانات ؟؟؟؟؟
طيب انت نسيت ان ابو مصطفى محاسب ؟؟؟ ماعندو شغلة غير تحليل وتبويب وتفصيل الارقام ؟؟ من الصفر وانت ماشى ومن سالب واحد وانت ماشى لا تحت ؟؟؟؟
اسع قول لى يا محمد انت موقعك وين واختك وين ؟؟؟؟ حتى الان ما لقيت لى فج عشان اديك رقم ؟؟؟؟ والسبب ببساطة لانك انت زى ما قلت سابقا زول دهلمى كبيرى ؟؟؟ هذه الدهلمى يصعب فهمهما وتحليها عن طريق النظام الثنائى حقنا دا ؟؟؟ او مايسمى بى
binary system
اه خم شيل جابت ليها سيستم وكلام تانى


ولى عودة
ابو مصطفى

قالوا ابومصطفى بقى لاعب حريف ويفهمها طايرة ونحنا نقول

لاعب حريف يعرف يلاعب القدرو

يريح الكره قبل الكراع بى صدرو

وفى الأهداف نافس لميسى وبدرو

(وكع كرع دى من ود حاج )

الرائع منوفلي (تذكرني الصعايده) لك التحايا يا غالي ...نان بقالك الناس ديل لاعبنها باصات ابو مصطفي وابو احمد..ومعلقين العريبي دا في النص...ديل ناس غلاااد ليهن فقهة..ونحن عريب مسوسوين الواحد قملو ماشي ونشر في هدومنا من أرتيقة لي أرتيقه...الله يستر ..عريب خلا ما نشوف بلا..
يا اخي ود عمي ود حاج دا والله مشتاقلو شوق شدييد وافتشلو في اي محل مالاقيهو..ورسلو رسالات في بوستات كتييري ما لاقيهو ..الزول دا الا يكون ضرب المدن ديل..لك شكرى

ناس مساكين بلحيل

الرائع محمد حبيب بشير هبرم حبيت أقول سلام ياملك، تسلم يا رائع واصل السرد أو ما يسمى بالسهل الممتنع . لك خصوصيتك وعباراتك المتميزة فى السرد الراقى . تسلم ياراقى

كتب ابومصطفى
عليكم الله فى زول بى يعرف زول اسمو باقدان ؟؟ انا مرة مسافر وشايل لاب توب معاى وقعدت تحت جبل الباقدان وكوركت
ياعلى الباقدان يا على الباقدان ولكن رجع الصدى.

يابومصطفى علك عافي وخت الكوره واطه ولاتشوت ضفاري وعلاوي ساكت بو بو بو يالكوره انفتقت يا ضفرك انكسر طلعبنا العالى شي انقليزى وشي سستم
انت نان وكت جيت تحت الباقدان تكورك قايل نفسك عمر بن الخطاب وله تحسبنى سارية الجبل
الجبل الجبل ومن استرعى الذئب ظلم

قلبوها كورة

وهي اصلا مقلوبة في الكشمبة

الباقدان الحمد لله على السلامة

وله اصلك ما مشيت ؟؟؟

الاستاذ الرائع جداً ...ابراهيم حجازي..لك التحية فهذا المرور العاطر..وتشريفي بتوقيعك..بهذا البوست...يجعلني أتشابا فرحا...واستذكر مواقف والدكم الكريم العم محمد حجازي رحمه الله تعالي بعالي الجنان في توحيد المناصير وتقارب وجهات النظر ..خاصةً وقد أصبح من رواد هذا البوست .. العمالقة أبو أحمد والأستاذ علي الباقدان.. وهم ذوي آراء نافذة وجريئة وان اختلفنا معها جملةً أو في بعض التفاصيل ً..نرجو ان ندير حوار جرئ صريح ..تشريحي كله في دائرة الضوء..خاضةً ونحن ثلاثتنا...خلفيتنا ظلامية..نرجو ان نتحرر منها لأنه هو في تقديري الطريق الوحيد للخروج من ....من النفق المظلم
لك شكري فقد أعجبني مرورك غاية الاعجاب

ناس رايعين بلحيل

يا أبو مصطفي كدي زح كدي النشوف البيغادي ليك ديل..يا سلاام صديق البوست الاستاذ احمد عبد الوهاب..والاستاذ علي الباقدان ..لكم التحيه..
يا ابومصطفي .. مرة كلفت في مناسبة اجتماعيه ان اكتب عن قضية المناصير ...فكتبت رؤيتنا للحل ووزعتها علي بعض قادة الاحزاب ..بحكم القرب الاجتماعي ..ومن ضمنها ورقة للدكتور الترابي عندما كان يريد عقد مؤتمر حزبه السياسي..فاتصلو علي..ان ابوأحمد المعانا دا رفض الورقة وقال انها لا تمثل رؤيتهم..قلتا خلاص ديل دايرين يبرمو عكس...مشكلتن الا زول راكب معاهن في مركبن..

ناس معاكسين بلحيل

الباقدان ياودعمي محمدعبدالرحيم ماهوركاب سرجين ولعاب حبلين وزووجهين ذوالوجهين انت تعرف مصيره والاعازة بالله
الاخ محمد حبيب عجبتني ثلاثتنا ده تلتها عديل ايه الظلاميه ده ؟؟؟؟؟؟؟
اسع يامحمد انت وين موقعك من الإعراب والأعراب؟؟؟؟؟؟
ياابومصطفي ياخي مالك ومال اللماليم المتل ديل؟؟؟؟؟؟

يا ود حبيب ابو مصطفى شكله جارى ورا ابوصلعة العمل سبعة !!!!

الأخ ابو مصطفي لك تحياتي يأخي عندما ذكرت ذلك...لانه كتبت أنت ثم الاخوان علي الباقدان واحمد عبد الوهاب بعدك في الكتابي..فقط قصدت ارحب بهم ثم آتيك بعدهم...يا أخوي مالو فهمك راح بعيد كدي يا كافي البلا..اولاً انا واااضح وما عندي حاجه اسمها لمز وهمز أعاذني الله وأياك..واظنها هي نقطة خلافي معكم..دائما تذهبوا الي غير المقصود... وبعدين كلمة ( والله كذاب ) هذه لن تسمح للحوار بالاستمرار..لانني في حياتي ما تذكرت انني كذبت في موضع يتطلب الصدق.. وما أكره كلمه قدر كرهي للكذب..والمؤمن لايكون كذاباً..

عفوا محمد حبيب انا اسرعت فى الرد ومشيت بعيد خالص ؟؟؟ وفهمتك غلط والله اسف جدا والله اسف جدا ؟؟؟؟؟ لانى مفتكرك قاصد جماعة اخرين ؟؟؟

تحياتى
لك
ابو مصطفى

محمد حبيب بشير هبرم كتب:يا أبو مصطفي كدي زح كدي النشوف البيغادي ليك ديل..يا سلاام صديق البوست الاستاذ احمد عبد الوهاب..والاستاذ علي الباقدان ..لكم التحيه..
يا ابومصطفي .. مرة كلفت في مناسبة اجتماعيه ان اكتب عن قضية المناصير ...فكتبت رؤيتنا للحل ووزعتها علي بعض قادة الاحزاب ..بحكم القرب الاجتماعي ..ومن ضمنها ورقة للدكتور الترابي عندما كان يريد عقد مؤتمر حزبه السياسي..فاتصلو علي..ان ابوأحمد المعانا دا رفض الورقة وقال انها لا تمثل رؤيتهم..قلتا خلاص ديل دايرين يبرمو عكس...مشكلتن الا زول راكب معاهن في مركبن..

ناس معاكسين بلحيل

بسم الله الرحمن الرحيم

يا زول انت طاشى شبكة ولا شنو

ولا دايرني اقول ليك زي اخونا ابو مصطفي انت ........!!!!!!؟