يا صديق أخوي مالك ومال اللماليم المتل ديل

تذكير بمساهمة فاتح الموضوع :

في نهايات خريف 2004 كنا نحمل هم قضية أهلنا المناصير.. ناداني وزير شئون القصر الدكتور الطيب ابراهيم محمد خير الشهير( بالطيب سيخه) وقد تعرف علي سابقاً اثناء مناكفات جريئة مع العصبة زوي البأس الشديد علي قول استادنا فتحي الضو... عند حضوري قال أنه يريد ان يسمع مني (مشكلتكن شنو) وقد حدد الزمن بنصف ساعه نسبةً لارتباطه بمواعيد أخري كشأن وزير شئون القصر .. احتججت ونهضت واقفاً فقلت مثل قضيتنا لا تكفيها نصف ساعه !!! وخصيمكم السياسي الحركة الشعبية قد اعطتنا كل ما تملك وأنتم تضنون علينا بالاستماع ...فقال لي أجلس وانا اعدك بجلسة استماع يحضرها خمسه وزراء سياديين... فوافقت ...وأجملت النقاط كتابةً -وهدا مما تعلمناه ونحن صغار من ادبيات الحركة الاسلامية أن تحشد كل فكرتك في أول ثلاث دقائق لانها لحظة الاسغاء الكامل... ثم تدخل في التفاصيل باقي الزمن ...وكانت الساعة امامي ..وعندما وصلت الي نقطة الارض والخيارات توقفت عن الكلام وهو يقول أها أها.. فقلت له سعادة الوزير ان الزمن انتهي.!! وقد قصدت من دلك أن أعضد احتجاجي ان الزمن غير كافي..فدخل مدير مكتبه منبهاً ان الزمن قد انتهي وبداية مواعيد اخري ..فقال له اجل اي مواعيد ... ثم توقف كأنما استدرك شيئاً فقال لي يا محمد استأدنك في رجل يهمني ..فقلت تفضل سعادتك. فدخل محمد ابراهيم عبد الجليل( الصديق ود ابراهيم فك الله أسره) فسلم علي بالاحضان سلاماً حاراً وكان يظن اننا لا نتعارف فقال يا سعادتك أجمل حاجة ان تأتي لمحمد حبيب بعد صلاة المغرب لتناول الشاي باللبن المقنن.. فقال دكتور الطيب ادن نواصل . فقلت المناصير اهل زراعه وجد .. فأوقفني دكتور الطيب وبدأ يتحدث عن المنصوري وحبه للأرض وانهم ينقلون التراب بالرحل علي الصخر ويزرعونه ويأتوا بأعلي انتاجية . فأدهشني حديثه لموسوعيته وتفصيله .. فقال ما رايكم بالخيارات . قلت له كل الخيارات نريدها ولكن أهم مافي دلك هو ارض اجدادنا (ما تبقي )فنحن قبيله كبيره اغلبها في الخلا نريد كل المساحات المتاحه في ولايه نهر النيل ..فقال لي يا محمد أعدك باستصدار قرار جمهوري يحفظ للمناصير حقهم حول البحيرة مع خياراتهم الأخري.
وعندما صدر القرار 70 كمسودة ناداني فناولني المسودة قرأتها جيداً فكتبت ملاحظاتي وناولتها له فقال لي : أسمع يا محمد معي بالمكتب الثاني رئيس مجلسكم ورئيس اللجنة فان لم يدكروا هده الملاحظات سأمرره كما هو .. فهززت رأسي موافقاً. وبعد يومين صدر القرار بدون ان يحوي اي من ملاحظاتي !!! وفيما بعد قابلت دكتور الطيب فقال لي : لا تلومني والله جماعتك ما ابدو اي ملاحظات!!!!
سردت دلك وأهلي الآن يتدافعون لاستلام فدان ونصف من ارض الحويلي!!!!!؟؟؟؟؟


فتدكرت بت جبرين وقد جاءت من البحر لحضور طهور اولاد أخيها صديق في الخلا وقد نحر الكباش السميني المدولة وجابت دهن كثير وشروهو علي التبس الاخضر وكانت تمني نفسها بعد نهايه الباشي تنجضه وتعمله دهن وتقسمه لجاراتها بالبحر عشان يضوقن باشة صديق ..ولكن بعد نهايه الباشي قام صديق بالليل وولع النار وشد الحلل ونجض الدهن والصباح جابلها عليبي صغوويري فقالت:

يا صدق أخوي مالك ومال اللماليم المتل ديل
تكركب في حللك لامن اتالت الليل
ومتل سعد أم سعود ترعد بلا سيل

محمد حبيب بشير هبرم كتب:يا أبو مصطفي كدي زح كدي النشوف البيغادي ليك ديل..يا سلاام صديق البوست الاستاذ احمد عبد الوهاب..والاستاذ علي الباقدان ..لكم التحيه..
يا ابومصطفي .. مرة كلفت في مناسبة اجتماعيه ان اكتب عن قضية المناصير ...فكتبت رؤيتنا للحل ووزعتها علي بعض قادة الاحزاب ..بحكم القرب الاجتماعي ..ومن ضمنها ورقة للدكتور الترابي عندما كان يريد عقد مؤتمر حزبه السياسي..فاتصلو علي..ان ابوأحمد المعانا دا رفض الورقة وقال انها لا تمثل رؤيتهم..قلتا خلاص ديل دايرين يبرمو عكس...مشكلتن الا زول راكب معاهن في مركبن..

ناس معاكسين بلحيل

بسم الله الرحمن الرحيم

يا زول انت طاشى شبكة ولا شنو

ولا دايرني اقول ليك زي اخونا ابو مصطفي انت ........!!!!!!؟

ابو مصطفى كتب:غايتو عليك يا الله ؟؟؟؟؟؟؟؟؟ ابحمد بقول لى ابو مصطفى نديك باص ؟؟ والله الباص دا باص بينى وابو مصطفى ما فاهم ؟؟؟؟ معليش والله معليش ؟؟؟؟
التحية للمرور الكرام والتحية لى صاحب البوست ؟؟؟
ابو مصطفى بى يلعب ويشوت ضفارى ؟؟؟؟؟؟؟؟؟؟؟ يا جماعة الشغل بتاع غتس عتس ؟؟؟؟ دا انا ما بعرفوا ؟؟؟ بعدين انا عاوز راجل او امرة يكتب اسمه بكل وضوح وجراءة عشان نعرفوا ويعرفنا مش اسماء غريبة وكئيبة ؟؟؟ وحاجات ماقادرين نتعامل معاها وما عارفين بلدها بى وين ؟؟؟؟؟
وزمان انا كتبت حول الاسماء المستعارة والشخصيات الهلامية ؟؟؟
ناس ابحمد وجبل الباقدان ؟؟؟؟

عليكم الله فى زول بى يعرف زول اسمو باقدان ؟؟ انا مرة مسافر وشايل لاب توب معاى وقعدت تحت جبل الباقدان وكوركت
ياعلى الباقدان يا على الباقدان ولكن رجع الصدى ؟؟؟؟؟؟؟؟؟؟؟

ارجع الى محمد حبيب مرة اخرى ؟؟؟ كيف ادارة المنتدى تسجل زيارة لى محمد حبيب وما تخطرنى ؟؟؟ والله العظيم سوف اراجع هذا الامر مع خالد عابدين ويا ما كلام تحته كلام ؟؟؟؟
كيف يتم ذلك الامر ودون علمى ؟؟؟؟؟ او لم لا يخطرونى ؟؟؟؟


ولى عودة

ابو مصطفى

يا ابو مصطفي

انت الفرق بين ابواحمد وابومصطفي شنو البخلي واحد غريب وكئيب والتاني مرضي عنو وكمان واحد مستعار وشخصيته هلاميه والتاني حقيقي وشخصيته حقيقية؟!!!!!!!!؟

كلامك دا ذكرني قصة واحد عفص واحد فصاح المعفوص يا زول شيل كراعك من فوق رجلي

صاحبنا قال ليهو معليش كراعي بشيلها لكن دايرك توريني البخلي اللتك رجل وبتاعتي كراع شنو!!!!!!!!!!!؟

أخي الفاضل أبو أحمد لك التحية يا غالي ...يا أبو أحمد أكتب ما يحلو لك فأنت أول من شرفتني في هذا البوست.. فلا تدع محل النقاط فاضي ..لو شتمتني باي شتيمة لن أزعل...فقط كما ذكرت في ترحيبي بالاخ الفاضل ابراهيم حجازي نريد حوار جرئ صريح ..أنت في أول مداخلة في هذا البوست سألت بعض الاسئلة حتي الانصرافيه وجاوبت وأنت انسحبت من الحوار والآن أريد جرك الي ميدان الحوار .. يا قريبي لا تخشي الحوار...صدقني هو الطريق الوحيد للخروج برؤيه ..يتبناها الجميع..كلنا أخطأنا في مراحل قضيتنا فلماذا لا نعترف بالخطأ.أبدأ معي وانا سأكتب كل شئ.. وندع أهلنا هم الحكم بيننا ..سأكون قاسي عليك في بعض النقاط ..لكن أنت ما أبو الموضوع زااتو..
لك شكري وغاية احترامي يا قريبي

ناس ملاوزين بلحيل

عربا ليا ياريح مابتجيبى أخبارن
قالت ليا مبسوطين وزينة ديارن
ياحليلن كتير بتضارو من شين جارن
وبعد الهجعة للضيفان بتوقد نارن

أخي ابو مصطفي .. والله ...ما دعاني لذلك هو ما يجري الآن.. في البلد ... ما هذا الجنون!!!! أليس في البلد رجل رشيد!!!! لماذا نفجع الحرائر في خدورهن... هل مقايييس الرجالة عندنا تغييرت!!!! نحن في هذا البوست نحاول لملمة جراحات الماضي ... والبعض منا يريد فتح جروح جديدة ...
والفرق بين العصيدة والمديدة ...قبضة دقيق
والفرق بين أم شعيفة وأم رقيقة... لحيمات

ناس صنج بلحيل

ابو مصطفى كتب:ابحمد قول بسم الله .. قول بسم الله .. تحضرك وتلحقك ؟؟ داير تلف وتدور ؟؟؟ ابو مصطفى
هو الطيب محمد عبد الرحيم وانت عارف ؟؟؟؟ ساكن الجرافة - امدرمان -- وشغال محاسب ؟؟؟ وخيارو محلى ؟؟؟ وتزوج واب لاربعة اطفال ورقم تلفونه 0912834704...
اتحداك تقدر تتصل على ؟؟؟؟
انت زول هلامى وما حقيقى ؟؟؟؟ واقولها لى بكرة وبعد بكرة ؟؟

قوم لف بلا فوضى معاك خلينا نشوف ابصلعة دا عامل كيف ؟؟؟ الصلعة المقابلى الحر ؟؟؟؟


تحياتى
ابو مصطفى

شكرا ابو مصطفي علي التعريف

وصدقني حتي بعد هذا التعريف المفصل لم اعرف شخصية ابومصطفي وطبعا دي مشكلة الناس كبار السن لايتعرفون علي الشخص الا بالصوت والصورة والاسم مقرون مع اسماء اخري واحداث مهمة عشان يجمع وبعد ذلك تاني يسلم عليك وتاني كان لاقيتو احتمال تحتااج تعيد الفلم

علي العموم هذا لا يشكل لي هاجسا فانا اريد ان اقرا ماتكتب ومنها اعرف افكارك وشخصيتك الحقيقية وما ذكرته من معلومات مفيد في التعرف علي صورة شخصيتك وسافعل وحينها ستكتشف انك ضحية لبعض الكتاب والمروجين

تسلم

معذرة لصاحب البوست

الاخ محمد

سلام

بالطبع لي تعليق علي ما ذكرته من احداث واشرت فيها لابوحمد ولكن لا اريد ان ااقطع حوارك مع ابومصطفي خاصة وانكم بداتم التوثيق لفترة انصاف

بجيك راجع

ابحمد قال ؟؟؟؟؟؟؟؟؟؟؟؟؟؟؟؟؟؟
التعرف علي صورة شخصيتك وسافعل وحينها ستكتشف انك ضحية لبعض الكتاب والمروجين؟؟
يا ابحمد انت عاوز ايه ؟؟ انت راجل كبير والله صغير عاوز تعرف ابو مصطفى
والله تلف صينة ما تجد غير الوضوح من ابو مصطفى فقط رسل لى رقم حسابك وعنوانك فى اسكاى بى عشان تشوف ابو مصطفى صورة وصوت مباشرة ؟؟؟
والتلفون عندك ؟؟؟ يا ابحمد
وارجوك خلنى مع محمد حبيب دا ونشوف اخر قصصه ؟؟؟

تحياتى
ابو مصطفى

استاذي أبو مصطفي لك التحية .. قبل كدا كتبت بوست بعنوان (قبل دخولنا لمعسكرات الحركة الشعبية) كنت أنوي أن احكي فيه كل شئ حتي نستفيد من التجربة.. ولكن!!!! للأسف تم شتمي وفتح بوست بعنوان (عيب كدا..) .. كبو فيهو كل طراشهم.. وحينما تعفن وصارت رائحته كريهة تم حذفه.. يا أبو مصطفي يا صديقي أنا لا أبصق علي تاريخي كما قلت... وليس في مسيرة حياتي والحمد لله مايشين فهي ناصعة البياض..بدأتها في ذاك البوست منذ نعومة أظفاري كما تقول العرب..كل المناطق التي أعمل فيها أترك بصمتي واااضحة تتدارسها الأجيال.. ولكن ماذا أقول بعد ذلك .. يصعب علي يا أبو مصطفي أن اعيد الكرة بدون أعتذار مكتوب من صاحب ذاك البوست والادارة وكل من كتب فيه .. والا فاعذرني يا غالي

ناس سعالين بلحيل

أُكِلنا يوم أُكِل الثور الأسود...
لم تتبينوا نصحي بمنعرج اللوى في هذا البوست...
و ها أنتم اليوم تحصدون الحصرم...
ثورة أردناها بهذا البوست...
تنطلق من هنا لتحدث التغيير الأكبر في كل المفاصل...
ولكن بعضكم تجمّع في وجهي يحصبني ولا يسمع لي قولاً ولا نصحاً....
أسفى على مدادٍ صدوقٍ سكبته هنا...
أسفي على حسن ظنٍ بكم حسبتكم ستتلقفونه بعقول مفتوحة و قلوب منشرحة...
أسفى على الثورات الكبرى حين يأكلها بنوها...
ماضركم إخواني لو توقفتم للإستماع لما أقول...
ما ضركم لو نفذتم من خلال هذه الكوة التي فتحتها لكم نحو ثورة نقد الذات الحقيقية...
يا لهف نفسي على آمال عراض كنت أراها قاب قوسين أو أدني...
..
غافلٌ من يظن أنه يزرع العلقم و سيحصد عنباً...
قوموا لفوا بالله كلكم بلا جن معاكم...


ناس غيازييين بلحيل

شنو الحكاية يا وداخوي

الروب كان تفطرو يشوية لبن

أخي ابو احمد اما زلت انا محمد حبيب بشير طاشي شبكة

كان عامرا بهؤلاء العمالقة ---نختلف او نتفق معهم كانوا هنا وكانوا يثرون الحوار 
لك التحية محمد حبيب ايها الحبيب 
 دمتم