أنتو العـَـرَّة مالا أصبحت عيري كدي عندنا بعد ما جاتنا البحيرة

انتصار حجازي قالت لى بي هناك..
عرة يعني شنو؟
بالله شوف مناصير المدن ديل؟
حولت سؤالها ده لى صاحبي الدكتور ود عون الله.

لانها الان اصبحت اقتصادية يا صديق

بمعنى انها اصبحت تمثل العائد الاقصادى الاكبر عند اهلنا المناصير
ويقال لها الان الشره كما فى حلفا

إنت عارف يا عباس
أخير لينا عرتنا الزمان ديك
عارفانا وعارفنها.. هسي دي عيري بالحيل، وما بتتقبض إلا بالشبكي..
تصدق نجلاء زمراوي برضو قالت ما عارفة ( عرة) يعني شنو؟ وكانت قايلاها صغيرة الحمارة. الدحشي يعني؟

أيوة يا سامي
ناس البندر والمصريين يقولوا ليها( بلطي)

واحد زمان رحمو الله قريبا لى ناس انتصار حجازي من الفقرة اسمو الدقير محمد أحمد جازي. ماتت مرتو في كبنة.. وجاء تزوج عمتنا وقعد في قرية كوينة وجاب منها ولاد.. ابو ناس عباس الدقير و وشريف الدقير الاستاذ المات صغيير داك عليه الرحمة
أها عندو الدقير ده ولد من مرتو بتاعة كبنة عايش معاه في كوينة لامن مات كبير ما تزوج.. وكان رجل عابد وسايح وقاري قرآن.. وكان يبشر بظهور سيدنا عيسى في هذا القرن... أسمو حسن الدقير محمد أحمد حجازي توفي في أواخر السبعينيات...
حتى المناصير من كثرة تبشيرو بي سيدنا عيسى.. سموه سيدنا عيسي..
وكان مباري خلاوي المناصير يعلم الناس القرآن.. وكل يوم في خلوة
اها حسن ده
جاء في عطبرة في مطعم
الجرسون قال ليهو عندنا كده
وعندنا كدة
وعندنا سمك
.........
قال ليهو جيب لى سمك
بعد ما أكل قال ليهو الحساب كم؟
قال ليهو 50 قرش
وزمان كانت كتيرة
حسن ده اتنفض وزعل وقال:
ياخي تدفعني خمسين قرش في عرة..؟؟ عرة بي خمسين قرش؟ تقول لى سمك
وحسن ده لما يزعل يخرج عن طوره.. ناسنا يقولوا كترة قراءة القرآن تحرر الزول
ما عارف
.......
ياخي عرة دي هناك عندنا في المناصير الأولاد يقبضوها في الهدم
الأولاد البي يفجكوا يدوك ليها مجان؟
تدفعني خمسين قرش في عرة ياخي؟
بالله عليك شوف الزول المستهبل ده؟
تاكلوا قروش الناس ساكت؟
بالله عليك الله جيب لى صاحب المطعم
ما بدفع ليك ولا تعريفة
لامن نشوف خبر العرة دي؟
طبعا جابوا ليهو الشرطة
وفي محضر الشرطة يكرر ويقول
بالله عليك الله شوف الناس المستهبلين ديل؟
يجيبوا لى عرة
يقولوا لى سمك؟
وكمان بي خمسين قرش
المهم بيتوهو في الحراسة
سمعوا بيهو اولاد المناصير الفي السكة حديد
جوا يدفعوا الخمسين قرش ويفكوهو
حلف ستين يمين واحد يدفع مافي
لامن يشوف خبر العرة البي خمسين قرش دي؟
وهي عندهم في المناصير بي بلاش؟
يا زول بعد حناسي شديدي
قالوا ليهو خلاص بتاع المطعم عفا ليك قال ما عايز قروش يلا أطلع من الحراسة؟
حتى طلع

شكرا صديق .والله كبرتها انت بى قصصك دى بديته من كوينا والفقره ووديتها لى عطبره وسكتها الحديد.وبين كل فقره واخرى اكيد توجد لديك قصه وحكوه ..متابعيين واصل ياعمده ..لك تحياتى.

لسه يا محمد عمر نحن مع العرة

شكرا ياهندسة وهذه العرة لها طرق عدة للنطق ولو شكلت بطرق مختلفة لحملت معان كثيرة وكان لعمنا عجب سيدو رحمه الله نطقا يختلف عن الناس وما أجمل تلك الكلمة لما تنطلق من لسانه. طبعا ياصديق هذه الحقائق واللغة التي كتبت بها عن العرة الكثير منا لا يعرفها. مأ أجمل لحم العرة عندما يكون مشوي على نار الحطب حطب الطلح والسيال الذي يسمى ( بالمراع ) ولحم العرة أبيض بطبعه وخالي من الشوك وطاعم وياحليل زمن العرة . عندما كنا طلاب في الجامعة كنا نذهب اسبوعيا للمنطقة الصناعية القريبة من الجامعة لنأكل وجبة السمك الاسبوعية وغالبا ما تكون من نوع العرة الكبيرة وسعرها كان 50 قرشا وكان معي صديقي حسن التليب وما أحلى و أرخص أيام زمان.

عمدتنا سلام

العرة البحميها تبقى عيري شنو000إلا يبقى عندها سكري

لقت بيوت جاهزي تحت الموية000باقي مخازننا الغرقت000باقي التمر الغرقان وغلبنا نحصده

وبعدين الموية بقت متندلي وحيله ميت000يعني كل الخير البجي محدور يكرنق عندها

بعدين يا عمدة إن شاء الله تبقى كبيري وعيري قدر المرق00ما دا خير لينا00على الأقل تعوضنا شوية

************

العرة العيري عذبتنا بالترجمة---

ولزوم البيان بالعمل مشينا جبناها من السوق

العرة العيري عذبتنا بالترجمة

هههههههههههههههههههه قطعت مصاريني بالضحك يا ود عون الله .الله يديك العافي

مشينا وجينا ياصديق وجدناكم اكثر القا
بما تحملون من ونسة جميلة تريح دواخلنا

سلام ياهندسه
وسلام نور الهادي
اتفضلو عره مشويه
يانور الهادي السمك الفي الصوره دي ياها العره زاتا ولا تقليد

أيوة يا محاسن دي عرتنا الزمان الأنا بحبها النزلا نور الهادي هنا؟
انتصار حجازي قالت لى : عرة يعني شنو؟
فحولت سؤالها الى صاحبي الدكتور ود عون الله.. وشرح ليها العرة برضو ما فهمتا..
فاضطرا يشتريها ليها من سوق المملكة ويجبا عشان تشوفا وتحمرا..
نجلاء زمراوي قالت: هل العرة يا صديق صغيرة الحمارة؟ اي الدحشي..
محاسن عشان متربية في البلد تعرف الحرة تمام
وأميرة علي تعرفا زي جوع بطنا.. عشان هي بت فقرا من بسوي وقرت في شري
أميرة الحومري عاد خرطومية ما عارفا تعرفا والله ما تعرفا، بس شايفا ساكتى، وأغلب الظن أنها ما بتعرفا.. يمكن تعرف العرة الجديدة دي بعد ما قام الخزان وكبرت وقال عنها دكتور ود عون الله كبرت عشان أكلت تمرنا الغرقان الما قدرنا نحصدو وباقي العيش الغرق في المخازن تحت قاع البحيرة، عشان كدة كبرت واتنفخت ، ود عون الله قال: ان شاء الله تكبر تبقا قدر المرق.عشان نستفيد منها، نحن مالنا

صديق عرتك دي --جننتنا--سوتلنا الصوعة

وقدر ما البوست يحتل تاني تقوم تديه قلة وتخلي يبنقر لا فوق

أنا عارفك داير باقي الفسفوس---دحين يا خوي اللريحك

أول شئ إنت قمت شكلت العرة---وشكيلك دا زي زي شكيل العناق العاقة---جماعتنا ما شافو الشكال---تقول العناق قطعت الكتاف

نطقوها بفتح العين وتخفيف الراء0000قلنا ما ها كدي

نطقوها بضم العين ---قلنا يا لطيف

نطقوها بكسر العين000سمعت الكلمة لامن قبلت كدي

الحمد لله كنا في البيت مع وليداتنا وما معانا ضيوف

طبعاً بعد داك جينا لي موال العيري---الجماعة بي ثقة وعاملين فيها مذاكرين كويس000أصلو قبل كدي شرحنا حمار عاير

طوالي قالو 00وكمان قالو لي دي عاد عارفنها وما بتقدر تغالطنا فيها000عيري موش هاربة---الحمار اليلفخك

يالصدوق أنا ما قلت ليك الواطة دبوري ومكردي

*************

الخازوق الجماعة يجو بى جاي ونبقى في غاغة ترجمة

الصدوق ما تاكل عرتك وتمسح خشمك ساااكت

ود عون الله كتب:صديق عرتك دي --جننتنا--سوتلنا الصوعة

وقدر ما البوست يحتل تاني تقوم تديه قلة وتخلي يبنقر لا فوق

أنا عارفك داير باقي الفسفوس---دحين يا خوي اللريحك

أول شئ إنت قمت شكلت العرة---وشكيلك دا زي زي شكيل العناق العاقة---جماعتنا ما شافو الشكال---تقول العناق قطعت الكتاف

نطقوها بفتح العين وتخفيف الراء0000قلنا ما ها كدي

نطقوها بضم العين ---قلنا يا لطيف

نطقوها بكسر العين000سمعت الكلمة لامن قبلت كدي

الحمد لله كنا في البيت مع وليداتنا وما معانا ضيوف

طبعاً بعد داك جينا لي موال العيري---الجماعة بي ثقة وعاملين فيها مذاكرين كويس000أصلو قبل كدي شرحنا حمار عاير

طوالي قالو 00وكمان قالو لي دي عاد عارفنها وما بتقدر تغالطنا فيها000عيري موش هاربة---الحمار اليلفخك

يالصدوق أنا ما قلت ليك الواطة دبوري ومكردي

*************

الخازوق الجماعة يجو بى جاي ونبقى في غاغة ترجمة

الصدوق ما تاكل عرتك وتمسح خشمك ساااكت

دكتورنا الموقر

كنت معانا ولا شنو!!!!!!!!!!!!!!!!!!!!!!!

العليكم علينا

الله يسترنا مع الصديق!!!!!!!!!!!!

تاخرت عن دخول برنامج العرة العيري
وماقايلاه طاعم كدي طاعم بي عرتو وحتى صورها ومداخلاتو الجميله وحكاوي ظريفة ما تقولو لي عوووك
العنوان عادي عرة وكبرت لكن بعد دخلت جد اضحكني لله درك يا اب حنة
طيب العرة وعرفناها عيري لكن قاقا وغاغا وتاني عندك بوست بعنوان صعب جدا ما استحضرو انا المتربية في البلد ما علرفت مصطلاتكم وبرضو غاغا حقة الدكتور عشان كدي انتصار ونجلا ء لا يحاولن ده تبقالن زي الرطانه.....
راجعالكم

فعلا يا أميرة نجلاء وانتصار، بالرغم من تحذيرك لهن. دخلن بي جاي وبقت ليهن زي الرطانة ، واتشلهتن. بشهادة دكتور ود عون الله..
ايضا وردت كلمة ( نـدق)
( نتلما وندق القاقة.. في ديوانا داك اب طاقة
ندق هنا معناها نواصل الونسي
وبرضو عندها معنى تاني
اقول ليك ( ارجينا هنا ندق لى بسوي ونجيكي ) معناها هنا ندق اي نذهب..
شفتي لهجتنا دي حلويي كيف ودقيقة..وطاعمي
ما بيعرف حلاوتا إلا زول عاشا في البلد
( زي العرة الفي الهدم)

إفتكر عرفتي معنى كلمة ( غاغة) كما شرحها سلمان عقيد يا أميرة علي

العرة بقت عيري يا سلمان
........
لكن دق الشلوفة.. دي كيف يا با..
قول دق الشفة عشان تبقى حلوة.. هي عادة وانتهت..

العره بقت عندها اسمماء كتيره خلاص بعد البحيره كبرت منها الشره ودى يشركولها بى عين اربعه وتبقى بولطايه وبعدها ديك ويشركولها بى عين سته ودى اكبر حجم تصلوا لو البلطايه

الليلي صلاة النبي نادر زارنا بي جاي
العافي جاتنا
من العرس ما شفناهو.. أظنو لسه في شهر العسل
اصلو ناس سور ديل انا بي يكتلوني ويحيوني

شكرا ياهندسه

ياخى انا قاعد طولت خلاص

لكن باقى مشركلى كبك دايرو يقبضلوا سحيلى وابى

وسلمنا عليك كتير خلاص ( لكن انت سويلنا سلام السندقيق ) طبعا فى ناس بطلعوا بره الشبكه ومابعرفوا سلام السندقيق . معليش ح اسويك فى شرح .

لو نزل فى اقنينه بى طوريتى فكان

ومى مابرجى البريد ام قله عكران .

شكرا ياهندسه مجددا

اعل ناس سور مامتلومين بس

حاشاهم اللوم ناس سور يا نادر ود صاحبي..
شرح:-
يا ايها الناس
سلام السدنقيق البي قصدوا نادر زول التراث هو:-
الحلقة الكبيرة والحلقة الصغيرة يتلامسن بي بعضن في الساقية.. وهي وسيلة نقل الحركة في الساقية.ز زي ترس افقي وترس راسي..
الحلقة الصغيرة ترس افقي
والحلقة الكبيرة الفيها التكل والزول قاعد عليهو يسوق البقر دي تمسى الحلقة الكبيرة وهي رأسية اي عمودية على الحلقة الصغيرة الافقية
وليهن سدنقيق. اي تروس اسنان ترس
تلاقوا ويتفكو في ثانية لنقل الحركة
يقول ليك فلان سواا لينا سلام السندقيق.. اي بسرعة وخلاص يتفكوا
...
والسدنقيق كلمة نوبية من مفردات الساقية اي هي أسنان الترس كما في الترس وفي الحلقة السدنقيق..