للعيد زكريات فى البلد

العيد ينبارك علينا وعليكم * وانشالله من العايدين

قصدت من هذه التحية ان أجدد زاكرتى بزكاريات من زمن
الطفولة و للعيد فى البلد زكريات لاتنسى مها تغير الزمن - جلابية العيد البيضاء طبعا اهم حاجة يتشروا ليك سفنجة عشان تشيل كيس السفنجة للكعك عشان مايخرب جلابيتك مجموعة من الزكريات حش الغش من العصر وتجبيب ليك حبل قصب تخته فوق راس الكر عشان الغنم مايكلنه وملى الجرارة من البحر بالخرج عشان يصبحن ساقتات وتقوم من الصباح تمش على البحر تاخدلك عوومة وتجى تلقى البيت مفرش باللحافات وملايات يهبهن المااتفرشت من العيد الفات خاتنهم فى المخزن لافنهم بكيس سكر ولاشوال السماد من الغبار وكمان بالليل بخلوك تنوم فيهم للصباح .

مجموعة من الزكريات والطرائف هنالك افضل من يكتبى عنى
الباش مهندس صديق ولاستاذ محمد بروى ناسا حكااايين بيجيدو الحكى والنضم السمح ياريت يكتبو لينا عن زكرياتهم