والله عيب فى حقنا

الفكى احمد كتب:حقا شىء محير ...

ود عون الله كتب:نحن نحب قراعة أرض الساقي ونكره قراعة أرض البار لا سبلوق يقع ولا غرغار
تستطيع أن تقرن الموية وتاخد سفة ولا حتي تاخد ليك طمسة في البحر
 ابحثوا عن الملعون الفيس وداهية الدواهي الواتس اب فهم ارض الساقي والقراعة ساهلي
 ********
  في إتصال هاتفي باخ عزيز دار النقاش اخي نصر الدين في نفس المساق
 قال صديقي ان المنتدى زي الناس الكبار كبار قاعدين في ديوان مخصص في باشي
 الكلام بحساب والخدمي بأدب جم ---إحذر تعتر وتدلق الموية 
اعجبني تعليقه ولكنه لم يقنعني
 المنتدي للكل ---قل ماتشاء وافصح ---لا حجر علي احد ----يستفيد الكبير من الصغير
 ويستفيد الصغير من الكبير  ----الحساب هنا بما تطرح لا بما تحمل من شهادة او عمر 
  الناس هنا اسرة واحدة  --وهذه هي الخصوصية الوحيدة  
ولعمري إن اجمل الكتابات والأفكار ما ياخد الواحد فيها راحتو ويجعل البساط احمدي 
  ***********
 مسعولين من الخير الناس البشكو الرتينة راحوا وين

عبد الرحمن التهامى محمد كتب:والله يا ودخالى كلامك يثير الدهشة لكن واحد من الحلول انو الناس تعمل دعوات احالة عبر الفيس لان الناصير فى الفيس بالالاف

عبد الرحمن التهامى محمد كتب:تشكر يا ابن الخال وتبريكاتك وصلت والبركة فينا و فيكم فى وفاة الخال ابو كريمة .ثانيا اطلب من الاخوة الاعضاء ان يسمحوا لى بعتاب نفسى للانقطاع عن المنتدى لاسباب السياحة فى الشبكة العنكبوتية فى فارغة ومقدودة لا عرة قبضناها لا كانكيج سلقناه بس بقول ليكم (ياناس الله وحياة الله كين قمت وعليهو عزم / واتحصنت بى يس وغسل وشى بى زمزم / وشارك فى منتدايا كل اعضاهو رؤوس وقمم / حالف ما افوتو مهما الموقف اتازم / وطالب العتبى مادام كل منصورى ابن عمى لزم )

نصرالدين ابوزيد حامد كرار كتب:

عبد الرحمن التهامى محمد كتب:تشكر يا ابن الخال وتبريكاتك وصلت والبركة فينا و فيكم فى وفاة الخال ابو كريمة .ثانيا اطلب من الاخوة الاعضاء ان يسمحوا لى بعتاب نفسى للانقطاع عن المنتدى لاسباب السياحة فى الشبكة العنكبوتية فى فارغة ومقدودة لا عرة قبضناها لا كانكيج سلقناه بس بقول ليكم (ياناس الله وحياة الله كين قمت وعليهو عزم / واتحصنت بى يس وغسل وشى بى زمزم / وشارك فى منتدايا كل اعضاهو رؤوس وقمم / حالف ما افوتو مهما الموقف اتازم / وطالب العتبى مادام كل منصورى ابن عمى لزم )

ود الخال البركة فينا وفيكم وربنا يتقبلوا فى عليين .
المنتدى دا فعلا جمعنا باخوان واخوات قمم الواحد يتحسر طول حياتو انو ماجمعتو الظروف بهم , عشان كده لما ينقطعوا مننا بنزعل بى صحنا , ويكفى انو البغيب من المنتدى الناس بتسال منو لكن فى الدافورى بتاع الفيس بوك زول بجيب خبرك مافى , ناس تشوت ضفارى وناس تصرج وناس تبيض , لكن هنا الوضع غير

محاسن كتب:اولا سلام عليكم
وجينا نشك حبه
اقول ليكم بعض الاسباب
منها
المنتدى داير 
 قعده وزمن
مادايما الناس بتلقى الزمن الكافي لي دا
وتاني
الموضوع في المنتدى ممكن يكون موضوع عادي
محتاج اراء وتفاهم ليس الا بي قدرة قادر يتحول لي
موضوع جدلي ومانطلع منو بي حاجه
وحتى مواضيع النقاش الهادفه والبتخص الناس والقبيله
تتحول لي جدل بيزنطي من غير نتائج وتغيب الحقائق
وتالت
كتير من الموضوعات ناس كتيره بتاخدا من هنا من المنتدي
ومابكون عندها خلفيه   وكلو زول يتلكم علي حسب مصلحتو
حتى لو كان بعيد عن الحقايق
ويبقى الواحد تايهه مابين الحقائق والمصلحه
منو الصح منو الغلط من اين ومن من تعرف الحقائق
رابع
صراحه في ناس كبار كبار كده الزول يخاف يكتب جمبهم
ويقول احسن اقرأ وديل مفروض يعرفو انهم حق الناس كلهم
يعني هم ماحق نفسهم بس
وكمان مفروض يتاعقبو علي الغياب من غير مبرر
والداهي الفيس بوك اللايمنو دا والله طيب
تكب فيهو الانت عايزو وزووووول يقول تقصد شنو مافي
والبغلط عليك تشخت ليهو برااااحه ولا يحس
وكمان ضغوط الحياه مخليه الناس ماحمل نقاش وكتال وفوران دم
الفيها مكفيها ومحتاجين حاجات حلو وخفيفه
مسعولين من الخير الواتساب دا شنو قرقرقر