المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

عنـبلوك مناصير

استعرض الموضوع السابق استعرض الموضوع التالي اذهب الى الأسفل

عنـبلوك مناصير

مُساهمة من طرف صديق عبدالله علي أبوحنة في الثلاثاء 24 سبتمبر 2013, 4:43 pm

سبحان الله حاجاتنا كلها مميزة.. وحاجات  ناس الصعيد نعرفا.. حتى دكتور مصباح قال: الزول من نقطعوا بالمركب لى حبل الغرب! من شري... نعرفوا غريب.. منصوري و الاّ ما منصوري؟
 هسه عنبلوك المناصير نعرفو من غيرو
 يقول ليك دي عز صعيد؟[ندعوك للتسجيل في المنتدى أو التعريف بنفسك لمعاينة هذه الصورة]

 دي نعجة صعيد
 ده عيش صعيد
 دي مرة صعيد
 مريق بلد والاّ مريق صعيد كسرتك؟ كسرة مريق الصعيد بيكرهوها، ومرات ياكلوها مجبورين، يقول ليك مريقنا الأبيض بي ملح وبصلة وزيت سمسم ساكت يتاكل.. والعجب كان رشيتوا بي مرقة وسليقة السوق وفوقا لحيمات.. عاد يتهرد جنس هردة؟
........
 كمان ظهرت حاجة جديدة بعد الإغراق يقول ليك السبابي..  بعد ما يجس بهيمتك؟ يقول ليك: بهيمتك دي بهيمة محلي؟ والاّ بهيمة تهجير؟
 زمان كل  حاجة ليها طعم عندنا... موش عنصرية ساكت..
 مرة الصعيد ذاتا زمان الناس يكشوا منها؟ يقول ليك طبعا مشاتر وماتعرف خدمة البلد.. وحتى كان واحد  عرس ليهو واحدي آية في الجمال والأخلاق.. برضو ينبشوها ويشيلو حالا.. ويعاينو ليها من تحت لافوق لامن يلقوا فيها عيب.. يقول ليك: ود فاطنى جاب ليهو مرة صعيداً مجنونة مطنققي في السماا.وكرعيها رقاق زي السريكليي!
 وكان عرس ليهو منصوريي كان شيني يشكروها ويقولوا ماها سمحي لكن لحمتا  فطيري.. أو يقولوا ماها سمحي ، لكن فوقا مـَلـَـك..! أو إذا ما سمحي يقولوا: كرم أمها وأبوها شايلا..
...................
 أها الآن ده عنبلوك منصوري.. والولد الشايلو منصوري.. جابو الحاج شرف الدين لى صالون سهام. لكن سهام رفضتوا وعلقت وما جابت سيرتو..لأنو سهام دي عندها الحاسة السادسة.. مجرد ما يدق باب صالونا ده زول! تعرف هدفو.. يعني الحكاية ما ساكت طلقيت.. اي زول يدق يفتحوا ليهو؟ لأنو الحاج ده مسخوت.وشكلو جايبو  موش كرامة ساكت.. جايبو لى صالون سهام عايز يحرض الناس الموجودين فيهو على فك التسجيلات.. وجايب العنبلوك عنبلوك عقد وفك تسجيلات..
دحين أنا مرقتوا غادي من صالون سهام وكت ماها دايراهو.. إكراما للحاج لأنو أبوه زول فكي وماذون برضو؟ إكراما للحاج بس أنا ماني معاهو في فك تسجيلاتو دي؟

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31665
تاريخ التسجيل : 14/07/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى