يا أخوانا عايز لى تيراب حرجل

مين يقدر يرسلوا لى..
تأشيرات الزيارة بقت ساهلة.. كمية من السودانيين جوا الإمارات صايمين رمضات هنا.. من وهج الحر والحرارة في السودان؟
لو زول جاي عن طريق دبي.. بوريهو يسلموا مين؟
ولو زول جاي عن طريق أبوظبي بستلموا براى
ولو زول شغال في المطار من أولادنا ضباط الجمارك يلقى أي زول مسافر يديهو ليهو.. ويكلمنى.. ولو زول ساكن أم درمان بوريهو مكان وزول يديهو ليهو
ولو زول ساكن جبرة بوريهو زول في جبرة يختو عندو وهو سوف يرسله لى
المهم عايز تيراب حرجل
..........
المنصوري ياهو منصوري محل ما يمشى.. يشتهي حاجاتو.. وما بيتنكر لها ولا بيخجل منها..
المرة قبل الفاتت أختنا الفالحة زوجة القامة عيسى بروي أدتنى تيراب حرجل وكركدي.. الكركدي نجح شايل شيل زي الحرجل.. المناصير يقول ليك ( المرة دي ما شاء الله والدي ولادي زي الحرجل) دلالة على أن الحرجل ولاّد..
لما يسوي الجربان ديك الخضر خدر.. بالله لما كنا شفع نلعب بيهو .. بالله لو فشقتا جراب حرجل مر.. جنس مروريي.. قدر ما تغسل يديك ما بيطلع منهن..
لكن حكمة الله
زمان لما يجيك رمد لا دكتور لا حاجي .. امك تشيلك تختك جنب حرجلاي.. وتقطع فرع حرجل.. وقبل ما نقطة الحرجل تقع في الواطة ... تشيلا تنقطا ليك في عينك..
قطرة طبيعية
هههههههه
بالله ما معروف حكايتا كيف؟
هل عملوا لها تحليل علمي؟
الصايد دييفييكت بتاعا شنو؟
المهم كانت تنفعنا ما علينا
برضو كان لما يجينا مرض السـُواد.. الحصبة.. أو الرمد برضو.. هناك سعف الصور.. في حرفيهو حاجة كدة زي الخيوط لونها أحمر.. يشيلوها يبلوها في موية ويمسحوا ليك بي مويتا..
وحاجات كتييرة زي دي
بالله المناصير أكتر ناس ( نتعالج مما نزرع) حسب قول الجماعة
دي غايتو نحن حققناها جنس تحقيق
بلا مزايدة
...............
أها الكركدي قام قوم.. ملا المشروع عندي كلو.. الناس سمعت بيهو بقت تجيهو من وين وين؟
قالوا يخفف الضغط..
نحمد الله لاضغط لا سكري
مع أنو الضغط والسكري بقت من أمراض العصر ويمكن السيطرة عليها؟
يعني زيها وزي أي نزلة أو ملاريا
.........
أها الكركدي عندي نجح
والحرجل مشيت وجيت لقيت ليك كمان في طيرة معينة كدة هنا في الخليج عـِلِّ ما تشوفو.. تاكلو!
حتى عرقو تبحتو!
سبحان الله
المناصير يقولوا ليك ( كل ساقطي ليها لاقطي)
كل ساقطي ليها لاقطي دي ذكرتني
عندنا في المناصير
الكرجة؟ ما تحب تاكل إلا الشطة؟ بالله زمان جننتنا جن في الشطة دي؟
طوالي تلقاها باركي فوق شجرة الشطة دي؟
حيوان والله طيرة غيرا بي ياكلا مافي وكل الطيور تخاف منها
إلا الكرجة
( الله يضرك يا الحرازي؟)
الله يضرك يا الحرازى دي عندها قصة حكيناها زمان هنا في المنتدى بالتفصيل الممل .ز فلتراجع في موضعها

لابأس
ندي صاماري عن ( الله يضرك يا الحرازي)
كشأن مناصير القاش يحرصوا كانوا يجوا كل مرة يحضروا موسم التمر والدميرة في البلد
مرة جات معاهم كدي زولة مناصير رقاصة رقيص نوع الختري داك؟ وما شاء الله .ز كانت سمحي سماحي جد. الشعر . الجسم.. القوام الفارع..
أها بقت تباري البوش ترقص.ز وبما أنو كانت كل وسائل المواصلات حمير؟
هي ما كانت تعرف تركب على الحمير
كان هذا الكلام حوالي عام 1930
كان مخصصن ليها مركب..
دي ياها القالوا فيها الأغنية من شاعر فحل منصوري قال ( عودا الناجرو ود أب حنة... هييي يا ناس خلوها تصلنا) وأنا نزلتها هنا في الموقع ملحنة
.......
أها طالما أنها ما بتقدر تركب على الحمارة؟
بقوا يحدروها للبوش بالمركب
في اثناء ما هي محدورة أو جارنها
الموسم دميري
فهي شاهدت شجرة ( الحرازي) وموية الدميري واصلاها لى نصها.. ولكن هي ناااشفة..
الحراز عندو خاصية زي دي شجر الحراز، عندو موسم في السنة حتى لو جاهوا فيضان يكون ياااابس يتكسر الفروع
بعد فترة يزهر ويثمر وثمار الحراز كنا ناكلو ( الخروووم) في حرازي في كير ود عيسى كانت كبيري خلاص.ز كنا ناكل الخروووم منها.... غرقا أسامة عبد الله..
.......
اها زولتنا دي وهي مجرورة بالمركب تعاين شافت الشدرة المنعولة دي الموية في قعرا.. وهي ناشفي
سألت ريس المركب قالت ليهو
دي شدرة شنو السنيحة دي؟ الموية في قعرا وهي ناشفة؟
لاحظ في عبارتها لكلمة
سنيحة؟
ناشفة؟
الناس البي يمشوا لافوق ويجونا يجونا يتكلموا كلام الصعيدظ
بالله نحنا كنا لما نجي من الخرطوم.ز لازم لازم لازم نكسر آخر الكلمي نطمس ليها راسا في الطين. الهاء والتاء المربوطة؟
وإلا نصير فرجي في البلد..
ويسمونا متفقلصين..
قالت دي شدرة شنو دي؟
الريس قال ليها: ( دي الحرازي أصلا كدي عندنا هنا)
قالت: عاد يايمة بري ( الله يضرك يا الحرازي؟؟؟!!!) الموية في قعرا وهي ناشفة؟
صارت من يومها مثل

واحة رمضان

أها دحين يا بنات
العندها تيراب حرجل ترسلوا لى..
وحق التيراب موجود والله..

ولو الجماعة ديك الفي الكلاكلة بوريهم زول فيها يختوه لى عندو؟

ولو الجماعة ديك الفي فتيح العقليين بوريهم زول يختوه لى عندو

ولو الجماعة الفي ود عمارة بوريهم زول يختوه لى عندو

ولو أهلنا ناس الحاج يوسف بوريهم زول يختوه عندو

ولو جماعتنا ناس أم درمان والريس خالد والجماعة بوريهم زول يختوه عندو

ولو ناس الأحياء الراقية النسيت إسما أنا بقول ليهم تعالوا وجيبوه لى معاكم

ولو ناس حي المنارة ما بيقصروا

ولو ناس أهلنا ناس أم ضريوه.. كمان ديل ناس ضيفان ما بيقصروا

ولو ناس دردوق ديل كمان حكايتهم حكاية.ز ناس منتهى الكرم الحاتمي

وأهلى العزاز ناس الكدرو.. ناس الشخاليب.. ديل كرماء

المهم عايز حرجل.. وكل زول لو رسل تيراب بي طريقتو برضو ينفع والحرجل أنواع
في حرجل خلاء
وفي حرجل بوابير

وظهر أخيراً حرجل محلي مروي من البحيرة بإنحسار البحيرة بدون بوابير
.........
ود حاج بيعرف ما كل الحرجل حرجل!
الحرجل خشم بيوت

وناسنا ديك ناس نبته؟
يمكن يكون حرجلهم سمح

من طرف **عازه** الإثنين 22 يوليو 2013, 4:51 pm

تسلم يالخال غايتو طلبك عندي لكن ماهو كتير يسفرو للامارات شويه كدي عندي في طرف الحوش لكن بفتش ليك الذياده لكن انشاءلله الاماراتيين ديل يعرفوهو ليك مانبقي في شيل وخت ودخلنا ممنوعات ههههههههههه

وناس الجريفات

عازة.. عفاف كانت جايانا البارح.. بي بتها سلمي.. لكن حبوبة فتحية عيانة شوية ومابي اللكل قالوا؟
لكن عفاف وبتها جاهزين وقاطعين تذكرتهم وأخرو مواعيدها شوية لامن تشوف أمها وإن شاء الله صحتها تتحسن
شكرا ليك على موضوع البليلة
بس ختيها في التلاجة بجيها... ما أصلو قبل كدة أنا أتلومت فيكي.. قلت ليك أعملى فطير بي لبن. رهوفي دكتور مصباح! بعدين حصلت ظروف ما قدرت أجيكي. وانت تعوسي وتفوري في اللبن مسكينة؟ يومها عذرتيني لما عرفتي السبب. أنا شكر ليك.. بت اللخت..
المرة الفاتت لقيتك في بيتكم سلمتى على الحكومة بتاعتى بشوق شديد وبالأحضان لامن قربتي تكمليها، لامن نفسا إتقطع..
ما تنسي الحرجل

تيراب الحرجل.. معروف عندهم هنا.. يعرفوا حاجات السودان كلها.ز وهم دخلوها معامل من زمان .. يضحكوا فينا دائما في المطار في حطب الطلح والشاف؟
قبل ما تفتح الكرتونة ضابطة الجمارك تقول ليك؟ ده طلح والله شاف؟
ودي شنو؟
ويكة؟
يضحكوا فينا موت..
ويحبوا يوروك إنو عارفين اسم حاجاتنا ويطلبوا مننا الكركدي
نديهم خمشة خمشة
ويحبوا الآبري الابيض هنا
ويحبوا اللحم المحمر على الطريقة السودانية؟
ويحبوا تبهيير اللحمة الشية في الحدائق على الطريقة السودانية
ويحبوا الكمونية موت عندنا هنا الخليجيين

ويبحوا الدلكة موت.. وظهرت في العشرين سنة الأخيرة وظيفة مدلكة.. ودخلها عالي.. يحبوا الدلكة وواحدة تدلكهم.
رزق المساكين في المجانين
بحبوا حاجاتنا شديد
بضحكوا فينا شديد..
بيقولوا المرأة السودانية مجييهة شديد.. تختلف عن كل النساء العربيات.ز المرأة السودانية كان دخلت مصعد أصانصير وطلعت منو؟ تخلي ريحة المصعد خلاقي؟
ولما يطلعوا بالمصعد يقولوا ليك أكيد طلعت قبلنا هنا سودانية
الناس في الخليج حرية للآخر.. ما تحبسك إلا أخلاقك ودينك..
يستغربوا فينا
قالوا مقاهي الحبش أصحابا حبش.. ولافي حبشي واحد زبون؟
الزباين سودانيين..؟
مع إنو نساء السودانيين من أحسن نساء الجاليات نضافة وجييهة؟
واحدة قالت ليهم
رجالنا مسخوتين؟
الله ساختن؟
يريدوا البلاوي والعواليق؟
المسخوت تسوي تسويبو كيفن؟

وناس خلييوة

وناس العبيديي... والقمبارات
رسلوا لينا تيراب حرجل

من طرف **عازه** الإثنين 22 يوليو 2013, 5:16 pm

هههههههههه كان قايمه بعد العيد انا بوصلو لي عفاف في بيته انشاءلله حبوبه فتحيه تقوم لينا بالسلامه يارب

أيوة بعد العيد ممكن يمه

من طرف **عازه** الإثنين 22 يوليو 2013, 5:33 pm

اتفقنا يصلك انشاءلله

ابو حنه انشاء الله خير بس مسافه مشيت التلاوه وجيت اجي القاك عامل الغاغا دي كلها يازول انت ماصايم*الناس تمشي الامارات تقهي في الابراج وانت عاوز تزرعلك حرجل وكمان كنت زارعلك قدامو كركدي والله دي حكايه *بس بعد شويه ماتقوم تقلبه بصمه منصوريه تلحقا وقر *قلت لي ياابو حنه بتعرف عبد الواحد الله يرحمو باقي متزوج عمتي اخت ابوي*وشكلك تعرف ناس دربي كلهم *امابخصوص تيراب الحرجل وحات ربي اكان عندي مابرسلو ليك يازول انت هاوي شقاوه في دبي وعاوز تزرع بس بعد شويه ماتقول رسلو لي حمارتي

من طرف **(الحاج شرف)** الإثنين 22 يوليو 2013, 8:14 pm

ياباشمهندس
الموضوع ده خلى عليه بس رسل الفيزا والتذاكر
والكرتونه الفاضيه وحق التاكسى للمطار
انت تستاهل كل خير
انا اصلى الايام دى فاضى

الحاج شرف الدين..
حق الفيزا عليا... حق التذاكر على أميرة علي..
عشان الخلاها ترسل للجماعة وما ترسل ليك أنتا شنو؟
هي قايلاك هين..
أما الكرتونة الفاضية عشان تسوى فيها الحرجل.. دي على ود الطرشان
الفيزا طبعا بي 700 ريال والدرهم عندنا زي الريال
والتذاكر 1000 درهم ماشي جاي بي دبي فلاى.. أو طيران العربية
.............
تصحيح الأماراتيات هن العملن وظيفة مدلكة طبعاً في الكوافير طبعا.. للنساء فقط.. كنت عايز أصححا في محلها أي أو ضحا أكثر.... لكن ناس المنتدى ده.. الله يكون في عونهم سحبوا خاصية التصحيح..
..........
أستاذة سهام
يعني نفهم أنك قريتي البوست بتاع الغاغة داك؟
ما شاء الله قاعدة تكمرقي... وكل مرة تغتسي يجيبي ليك سمكة
عليكي الله يا سهام أدعي لى في التلاوة بتاعتكم دي؟ أنا الأيامات دي مفلس جنس فلسة.. والواضح ما فاضح.. أنا حا جاتي كلها على المكشوف عشان زول قلبي أبيض وبحب أهلى..
..
أها ليه يمة ما عايزة ترسلي لى الحرجل..؟
يعني الحرجل حق ( العطرانة بس والله شنو )؟ ما حق المهندسين؟ أنا زول ما شغال بالبروتوكولات دي؟ أنا زي بابكر خير الله بتاع برتي ، زول أغبش.. تعرفي بابكر خير الله... بس ديل طبعا أكبر مننا كتير قروا قدامنا..
أقول ليك حاجة.. ولادي ساكنين في سكنهم في أبوظبي.. وأنا مدير مشروع هندسي بمشى ليهم كل يومين تلاتة.. في المشروع عندي سكن كبييير حدادي مدادي.. سكن ارضي... أما في أبوظبي مافي زراعة عشان شقق
أها طه لقاها
في سكن المشروع ده أخوك عامل بوغة راسا عديل.. عشرين حوض... كركدي.. جرجير.. طماطم.. شجرة ليمون... شجرة لالوب.. قربت تشيل.. وعامل ليها سباليق وجدول.. نضرب الهم بالفاقة.. أنت قايلة شنو؟
الحاجات دي في الطب الحديث بقت علاج ناجع.. وتنشط الجسم.. عشان كدة ما تبخلى عليا بي تيراب الحرجل.. أيه رايك ممكن أحشو أبيعو هنا في محلات السودانيين الحرجل الطازة.. يشتروه بي الشي الفلاني
وكلمة طازة دي اكتشفنا أنها لغة الأردو.. الباكستانيين برضو يقولوا طازة... و يكتبوها طازة زي كتابة العربي عندنا
شوفي ربطة الحرجل قدر ربطة الجرجير الصغيرة هنا يبيعوها بي 10 دراهم وسعر الدرهم اليوم 2000 جنيه سوداني 10 في 2000 يساوي 20000 جنية بالقديم.. نحن الجديد ما بنقدر نعرف بيهو

.........
أها يا أستاذة سهام
أيه رايك في الغاغة دي!
....................

ياابوحنه نرسلك حرجل دي كده معليش لكن تقول تيراب *بس الشقاوه مادايراه ليك دايراك تتفسح* ماشفتا الحاج المسخوت طوالي قالك رسل وطلبك مجاب دي دبي يااخوي معقوله ناس السودان عارفنها اكتر منكم

أيه رايك يا سهام
فعلا دبي ناس السودان عارفنها أكتر مننا.. بالذات في الآونة الأخيرة.. أي خطوط تطلع ليك زيارة؟
قبل 3 سنوات بس؟ كان رابع المستحيلات أنك تجي الأمارات.. صعوبة شديدة... موش زي السعودية عشان تقول ماشي حج والله عمرة؟
ما عندك عمل فيها ممنوع تجي
عايز تجيب زول من أهلك بعد تمحيص شديد ولازم يكون من القرابة المباشرة.. أم أخت والد والدة بس... أما الآن لا حولالالالا كمية بشر بيجوا زيارات... حاجة ما تتخيليها..
ناس شغالة تجارة موبايلات
وكمان ناس عشان الشغل يكون خفيف.. بس شاشات موبايلات فقط... بلو توز.. سماعات..
ناس تجي تشتري أجهزة كشف الدهب
ناس تتاجر في الدهب
الدلا ليات يجن يشترن ملاياتن من دبي.. هنا أرخص ما يكون.. دلا ليات الواحدي تلقاها تشتري 20 ألف ملاية وتشحنن
........
نرجع لى موضوعنا ( تيراب الحرجل )

الله يضرك يا الحرازي ! )

من طرف **(الحاج شرف)** الخميس 25 يوليو 2013, 7:47 am

صديق عبدالله علي أبوحنة كتب:الحاج شرف الدين..
حق الفيزا عليا... حق التذاكر على أميرة علي..
عشان الخلاها ترسل للجماعة وما ترسل ليك أنتا شنو؟
هي قايلاك هين..
أما الكرتونة الفاضية عشان تسوى فيها الحرجل.. دي على ود الطرشان
الفيزا طبعا بي 700 ريال والدرهم عندنا زي الريال
والتذاكر 1000 درهم ماشي جاي بي دبي فلاى.. أو طيران العربية
.............
في سكن المشروع ده أخوك عامل بوغة راسا عديل.. عشرين حوض... كركدي.. جرجير.. طماطم.. شجرة ليمون... شجرة لالوب.. قربت تشيل.. وعامل ليها سباليق وجدول.. نضرب الهم بالفاقة.. أنت قايلة شنو؟
شوفي ربطة الحرجل قدر ربطة الجرجير الصغيرة هنا يبيعوها بي 10 دراهم وسعر الدرهم اليوم 2000 جنيه سوداني 10 في 2000 يساوي 20000 جنية بالقديم.. نحن الجديد ما بنقدر نعرف بيهو

اجيب معاى واحد يشتغل ليك فى المشروع ده

من طرف **ود الطرشان** الخميس 25 يوليو 2013, 4:42 pm

مع وجود الطرشان لاتوجد كراتين فاضية .. ولا نقترح حريم للدفع .. !
الحاج عند استلامك الفيذا .. ارسل رقمها sms تجد تزاكرك عندي في الامارتية 2300 جنيه وانت ما بقيموك بالقروش ..

من طرف **(الحاج شرف)** الخميس 25 يوليو 2013, 4:49 pm

ياعالم فى حدى يتبرع يوصلنى المطار
بس امشى سانى والعرقوب وبير ام احمد افتش تيراب حرجل اصلى واجى قبل رمضام ماينتهى
للاتصال بى اتصل بالباشمهندس صديق اب حنه لغايه ما اشوف لى شريحه اماراتيه
الرشيد لو عاوز حاجه تعال بس ماتكلم زول

من طرف **ود الطرشان** الخميس 25 يوليو 2013, 4:53 pm

اين الفيذا ..!؟ .. انتظر ...

الفيزا
وليست الفيذا
يا أيها العريس المرتقب.. ولسه ما لاقي ليهو عروس.. ومليون منصورية تتمناهو
وزول وضعو المالي جيد ويسمح بذلك.. وزول ما مهووس ولا متعصب.. ولا فاكيها ساي.. يعني عز الطلب العصري لأي فتاه .. العمر 38 سنة
ومن أسرة عريقة وذكية.. منصورية

من طرف **abuahmed** الإثنين 29 يوليو 2013, 10:55 pm

ابحنة ازيك وكل سنة انت طيب ورمضان كريم وتصوم ةفطر علي خير
حكاية حديثك وسؤالك الكتير عن تيراب الحرجل وداير لي تيراب حرجل وشوفو لي تيراب حرجل ورسلوا لي تيراب حرجل , ذكرتني زمان لما نجي مسافرين بالقطر في واحد في جبل جاري زول مسكين شويا يلاقي القطر الطالع والنازل وتلقاهو رافع جلابيتو ومرة يعضيها في خشمو ويجري من اول القطر الي اخرو ويكورك( ياناس العيد جاني وانا داير لي سروال , يا ناس العيد جاني انا داير لي سروال) والزول ده ماخلا الحكاية دي لامن قطر الركاب وقف

من الضحك ناس البيت جو جاريين واتلمو فيني *الله يهديك ياابو احمد من سرقه المنقه*اتاريك زول مسخوت وانا ماعارفاك *غايتو ابو حنه بالتشبيه دا نجمتو نجام قبوره

موش نجام قبورة
يا سهام
قطعني أم قرضة
خلاص شوف لى سروال..
أنت عارف الباكستانين يقولوا ليهو ( سروار)
زززززززززززززززز
أنت عارف الزول ده ولي يا أبو أحمد
بعدين يا أبو أحمد الزول ده لما يرفع جلابيتو ويعضيها في خشمو؟ هو ما لابس سروال؟ والله لابس؟
هو قال عايز سروال
معناهو ما عندو سروال
................
يعني ده كلام ده؟ يا سهام!
تضحكوا فينا أنت وأبو أحمد؟
......
استني لو ما أحرش عليكي أنت وأبو أحمد القراء والمعجبين بتاعيني في المنتدى؟
........
أنا قلت مرة واحدة عايز تيراب حرجل؟ موش مرات ومرات زي ما بيفعل زول جبل جاري... أبو أحمد عايز يعدل لى قصتو ويمهد ليها أرضية؟
..........
بعدين بدل ما أبو أحمد يرد على السؤال ويقول : سوف يصلك تيراب الحرجل على جناح السرعة؟
يقوم يصيهين من الموضوع ويذكر قصة زول جبل جاري.. والزول ذاتو جاري مع جبل جاري وكدا؟

من طرف **ود الطرشان** الثلاثاء 30 يوليو 2013, 2:59 am

صديق عبدالله علي أبوحنة كتب:الفيزا
وليست الفيذا
يا أيها العريس المرتقب.. ولسه ما لاقي ليهو عروس.. ومليون منصورية تتمناهو
وزول وضعو المالي جيد ويسمح بذلك.. وزول ما مهووس ولا متعصب.. ولا فاكيها ساي.. يعني عز الطلب العصري لأي فتاه .. العمر 38 سنة
ومن أسرة عريقة وذكية.. منصورية

نأسف لحرف الزاي المنحوس اصلو عندي مركب في مفتاح واحد .. لان اعمل بنظام ابل ماكنتوش .
،،،،،،،،،،،،،،،،،
مــــره حكي لي عبدالعاطي عبدالخير قال:
والد احد الاعضاء هنا كان في صباه شغال مراكبي
ومره عدا حريم بالشرق واحده فيهم دعت ليه بان ربنا يرزقه بت الحلال
ورد ليها:
قال ليها بت الحلال ولا بت الحرام الله يلمني في عضمه دا ..!
كـــســـــــــرة:
الحـــــــــــــاج خلـــــيت الفيزا ..!؟

أكتر زول فهمنى في كتاباتي المتفرقة
الأرباب سلمان عقيد
والصحفية أميرة الحومري
أنا عارف كل اعضاء المنتدى فاهمنى..
أجيب راس موضوع وأخش اتاي في مواضيع تراثية وتثقيفية
الأرباب قال: أنت تقدم مادة دسمة من الداخل في لب الموضوع ومتنه، حتى يصير عنوان الموضوع لاشئ.. والأحلى من الداخل. زي البطيخة حلاوتها من جوة
قال كدة الأرباب سلمان في إحدى مداخلاته في بوستاتنا المتفرقة.. وهو بدرجة أستاذ جامعي
...
الصحفية أميرة الحومري قالت:
مواضيعك ذكرتني بمحاضرات الدكتور عبد الله الطيب.. يدخل في دا؟ ويطلع من دا! ويتشعب في المواضيع.. فحصيلة الطالب المتلقى يطلع بي زخم من الفوائد
.........
وواحدة أخت تانية
قالت بأمانة يا صديق مواضيعك ما بقدر استحملا.تهبش الزول في دواخلو وعواطفو.. تجسد الكلمات وتخليها تمشي على رجلين.. كأنك تعيش الحدث نفسه أنت القارئ.. عشان كدة بحاول أهرب من مواضيعك.. لكن ما بقدر.. هو قدري.. بلقى نفسي زي الجرادة الوقدو ليها النار بالليل.. تخاف من النار ، لكن مصيرها تجي تقع فيها تتسلت.. زادك الله من علم الدين والدنيا وحفظك لنا وجعلك ذخراً للمناصير.. أنت بالجد كوم وكل ناس المنتدى كوم آخر.. جزاها الله خير.. وأنا بكل تواضع أشعر بأني أصغر من ذلك.. بل أشعر لسه عندي طاقة لإسعاد القارئ لسه ما جات..
الصحفي الرشيد الأفندي وهو صحفي مخضرم، برضو علق على الناحية دي؟ ناحية إعاشة الحدث وتجسيد الكلمات
كذلك القصد هنا في هذا الموضوع
التثقيف من تراثنا.. تيراب الحرجل يطير.. المهم المعلومات التى ترسخ في ذهن المتلقي

من طرف **(الحاج شرف)** الثلاثاء 30 يوليو 2013, 6:26 pm

صديق عبدالله علي أبوحنة كتب:القصد هنا في هذا الموضوع
التثقيف من تراثنا.. تيراب الحرجل يطير.. المهم المعلومات التى ترسخ في ذهن المتلقي

لا ياباشمهندس تيراب الحرجل مهم ومهم جدا
الجماعه ديل عاوزين يطيرو لينا الماموريه دى
اسع انا جاهز والتيراب جاهز
بس منتظر الفيزا والتظاكر
المطار بمش كدارى مامهم

ود شيخنا شرف الدين؟
انا قلت بس عايز لى تيراب حرجل.. ما قلت أجيب لى زول عشان تيراب الحرجل؟ كدا ما بتخارج؟
يا خوى إنت من أميرة علي ساقت فردتك؟ بقيت تهضرب وتجيك كوابيس والله شنو؟
شكيتا على الله أميرة علي؟

صديق عبدالله علي أبوحنة كتب:ود شيخنا شرف الدين؟
ما قلت أجيب لى زول عشان تيراب الحرجل؟ كدا ما بتخارج؟

كـــــــــــــده واضــــــــــــــــــــح ..!
عرض آخر:
فيزا لـــ اديــــس تنفـــع يا الحاج .؟

أديس عاد لى شنو يا ود الطرشان.. ؟ أنت عايز تضيع ود شيخ غلام والله شنو يا زول؟

صراحة ضحكت ضحك فى البوست دا
غايتو شكلو رمضان هضرب بيكم كلكم هههههههه

الحاج شرف كتب:لا ياباشمهندس تيراب الحرجل مهم ومهم جدا
الجماعه ديل عاوزين يطيرو لينا الماموريه دى
اسع انا جاهز والتيراب جاهز
بس منتظر الفيزا والتظاكر
المطار بمش كدارى مامهم

والله اذا معاها فيزا الكدارى مقدور علية

صديق عبدالله علي أبوحنة كتب:ود شيخنا شرف الدين؟
انا قلت بس عايز لى تيراب حرجل.. ما قلت أجيب لى زول عشان تيراب الحرجل؟ كدا ما بتخارج؟
يا خوى إنت من أميرة علي ساقت فردتك؟ بقيت تهضرب وتجيك كوابيس والله شنو؟
شكيتا على الله أميرة علي؟

فى كدا ما بتخارج دى يا ابو حنه .... ذكرتنى تجار السوق
اما الحاج شرف فربنا يجيب فردتو بالسلامة الحكاية شكلها ح تقلب لكوابيس

ود الطرشان كتب:
كـــــــــــــده واضــــــــــــــــــــح ..!
عرض آخر:
فيزا لـــ اديــــس تنفـــع يا الحاج .؟

شكلو العروض كترت

اها بعد الهضربة دى ... الحرجل وصلك ولا لا يا ابو حنه

غايتو اذا الحكاية فيها فيزا للامارات انا بجيبو الحرجل دا
اريتو حرجل السرور

جيبي حرجل السرور وتعالي يمه

من طرف **عازه** الأربعاء 31 يوليو 2013, 9:03 pm

abuahmed كتب:ابحنة ازيك وكل سنة انت طيب ورمضان كريم وتصوم ةفطر علي خير
حكاية حديثك وسؤالك الكتير عن تيراب الحرجل وداير لي تيراب حرجل وشوفو لي تيراب حرجل ورسلوا لي تيراب حرجل , ذكرتني زمان لما نجي مسافرين بالقطر في واحد في جبل جاري زول مسكين شويا يلاقي القطر الطالع والنازل وتلقاهو رافع جلابيتو ومرة يعضيها في خشمو ويجري من اول القطر الي اخرو ويكورك( ياناس العيد جاني وانا داير لي سروال , يا ناس العيد جاني انا داير لي سروال) والزول ده ماخلا الحكاية دي لامن قطر الركاب وقف

شفت ياخالي ابو احمد دا مسخوت كيف انا زمان قلت ليك الزووووول دا مسخوت وطلبت منك قصيده تقطعوا فيها القرضه لكن شكلك كدا انت حنين الظاهر الاسم جابدك ابو حنه لما هسع جربت براك وشفت بي عينك السخت

أيوة يا عازة؟
لكن أبو أحمد ده!
انا زول في وقت ما..كنت قريييب منو؟ وهو زول حنييين برضو.. يعني أنا ما بهتم بي كلامو لأني عارف قلبو!
عشان كدة خالك وبت أختو عايزين يعذروه كدي لحين من الدهر
والله رايك شنو؟
الراي رايك يمه؟