يا أخوانا عايز لى تيراب حرجل

تذكير بمساهمة فاتح الموضوع :

مين يقدر يرسلوا لى..
تأشيرات الزيارة بقت ساهلة.. كمية من السودانيين جوا الإمارات صايمين رمضات هنا.. من وهج الحر والحرارة في السودان؟
لو زول جاي عن طريق دبي.. بوريهو يسلموا مين؟
ولو زول جاي عن طريق أبوظبي بستلموا براى
ولو زول شغال في المطار من أولادنا ضباط الجمارك يلقى أي زول مسافر يديهو ليهو.. ويكلمنى.. ولو زول ساكن أم درمان بوريهو مكان وزول يديهو ليهو
ولو زول ساكن جبرة بوريهو زول في جبرة يختو عندو وهو سوف يرسله لى
المهم عايز تيراب حرجل
..........
المنصوري ياهو منصوري محل ما يمشى.. يشتهي حاجاتو.. وما بيتنكر لها ولا بيخجل منها..
المرة قبل الفاتت أختنا الفالحة زوجة القامة عيسى بروي أدتنى تيراب حرجل وكركدي.. الكركدي نجح شايل شيل زي الحرجل.. المناصير يقول ليك ( المرة دي ما شاء الله والدي ولادي زي الحرجل) دلالة على أن الحرجل ولاّد..
لما يسوي الجربان ديك الخضر خدر.. بالله لما كنا شفع نلعب بيهو .. بالله لو فشقتا جراب حرجل مر.. جنس مروريي.. قدر ما تغسل يديك ما بيطلع منهن..
لكن حكمة الله
زمان لما يجيك رمد لا دكتور لا حاجي .. امك تشيلك تختك جنب حرجلاي.. وتقطع فرع حرجل.. وقبل ما نقطة الحرجل تقع في الواطة ... تشيلا تنقطا ليك في عينك..
قطرة طبيعية
هههههههه
بالله ما معروف حكايتا كيف؟
هل عملوا لها تحليل علمي؟
الصايد دييفييكت بتاعا شنو؟
المهم كانت تنفعنا ما علينا
برضو كان لما يجينا مرض السـُواد.. الحصبة.. أو الرمد برضو.. هناك سعف الصور.. في حرفيهو حاجة كدة زي الخيوط لونها أحمر.. يشيلوها يبلوها في موية ويمسحوا ليك بي مويتا..
وحاجات كتييرة زي دي
بالله المناصير أكتر ناس ( نتعالج مما نزرع) حسب قول الجماعة
دي غايتو نحن حققناها جنس تحقيق
بلا مزايدة
...............
أها الكركدي قام قوم.. ملا المشروع عندي كلو.. الناس سمعت بيهو بقت تجيهو من وين وين؟
قالوا يخفف الضغط..
نحمد الله لاضغط لا سكري
مع أنو الضغط والسكري بقت من أمراض العصر ويمكن السيطرة عليها؟
يعني زيها وزي أي نزلة أو ملاريا
.........
أها الكركدي عندي نجح
والحرجل مشيت وجيت لقيت ليك كمان في طيرة معينة كدة هنا في الخليج عـِلِّ ما تشوفو.. تاكلو!
حتى عرقو تبحتو!
سبحان الله
المناصير يقولوا ليك ( كل ساقطي ليها لاقطي)
كل ساقطي ليها لاقطي دي ذكرتني
عندنا في المناصير
الكرجة؟ ما تحب تاكل إلا الشطة؟ بالله زمان جننتنا جن في الشطة دي؟
طوالي تلقاها باركي فوق شجرة الشطة دي؟
حيوان والله طيرة غيرا بي ياكلا مافي وكل الطيور تخاف منها
إلا الكرجة
( الله يضرك يا الحرازي؟)
الله يضرك يا الحرازى دي عندها قصة حكيناها زمان هنا في المنتدى بالتفصيل الممل .ز فلتراجع في موضعها

أيوة يا عازة؟
لكن أبو أحمد ده!
انا زول في وقت ما..كنت قريييب منو؟ وهو زول حنييين برضو.. يعني أنا ما بهتم بي كلامو لأني عارف قلبو!
عشان كدة خالك وبت أختو عايزين يعذروه كدي لحين من الدهر
والله رايك شنو؟
الراي رايك يمه؟

يا صديق شابك الجماعة عايز تيراب حرجل عندك قبضة ولا شنو؟

الكلام التقولوا يالخال يمشي ماانت الساس وانت الراس ودرعنا لك حديد ولانحاس تسلم كتير

[ندعوك للتسجيل في المنتدى أو التعريف بنفسك لمعاينة هذا الرابط]

 الاخ صديق سلام---حاولت ارفع ليك صورة حرجلايي شايلى شيل الوردى---لكن الرابط ---ماظبط----والحرجل نجح فى البلد نجاح كبير---بس عايز ناس يزرعوه مخصوص والان مزروع فى معظم البيوت--كما نجح الكركدى --وبنوعين الابيض والاحمر---

عازه كتب:

abuahmed كتب:ابحنة ازيك وكل سنة انت طيب ورمضان كريم وتصوم ةفطر علي خير
حكاية حديثك وسؤالك الكتير عن تيراب الحرجل وداير لي تيراب حرجل وشوفو لي تيراب حرجل ورسلوا لي تيراب حرجل , ذكرتني زمان لما نجي مسافرين بالقطر في واحد في جبل جاري زول مسكين شويا يلاقي القطر الطالع والنازل وتلقاهو رافع جلابيتو ومرة يعضيها في خشمو ويجري من اول القطر الي اخرو ويكورك( ياناس العيد جاني وانا داير لي سروال , يا ناس العيد جاني انا داير لي سروال) والزول ده ماخلا الحكاية دي لامن قطر الركاب وقف

شفت ياخالي ابو احمد دا مسخوت كيف انا زمان قلت ليك الزووووول دا مسخوت وطلبت منك قصيده تقطعوا فيها القرضه لكن شكلك كدا انت حنين الظاهر الاسم جابدك ابو حنه لما هسع جربت براك وشفت بي عينك السخت

 مسخوت انا يا مطموسة
اصبري اما وريتك المكشن بلا بصل!!!!!!!!؟؟
انت الظاهر عليكي ظربونة زي ود علويى

ههه الطمسه ساهله ماعارفه معناها شنو لكن يشبه لي حمي خفيفه كعب السخت بس الفي رمضان ياابواحمد

سهام علي محجوب كتب: من الضحك ناس البيت جو جاريين واتلمو فيني *الله يهديك ياابو احمد من سرقه المنقه*اتاريك زول مسخوت وانا ماعارفاك *غايتو ابو حنه بالتشبيه دا نجمتو نجام قبوره

 لا لا يا سهام ما تفهمي غلط ابوحنة ما شاء الله زول بروفسير, عندو ذاكرة حديدية ومعلومات غزيرة ،زول بيقدر ينجمو ما في, وكمان يمتاز بسعة الصدر والافق واي مداخلة يعمل منها موضوع’, وهو يجيد الاستطراد وعنده القدرة علي استدعاء المعلومات من ذاكرته عند الطلب. الله يحفظو.
لكن بيني بينك في حكاية الحرجل دي كترها شوي لامن قلت انو الشيخوخة بدات تظهر عند صاحبي ولا شنو.
طبعا انتو عاجبكم كلامنا ودايرين تضحكو,ما مشكلة, اضحكو في عواجيز المنتدي, انت تضحكي لامن ناس البيت قالوا البت جنت, وبت اسد اب سباع خاتي طرحتا فوق خشما وتضحك والمطموسة عازه كملت الزبلعة ودايرا ليها فرصة لكن شوقا فيها
زول جبل جاري حا ينعش معلوما وحكاوي السفر بالقطر عند البروفسير صديق عبدالله الحنونى , وقطعا حا تستمتعوا يا المساكين الما شفتو ولا ضقتو ركوب القطر!!!!!!!!!؟؟؟؟

abuahmed كتب:

عازه كتب:

abuahmed كتب:ابحنة ازيك وكل سنة انت طيب ورمضان كريم وتصوم ةفطر علي خير
حكاية حديثك وسؤالك الكتير عن تيراب الحرجل وداير لي تيراب حرجل وشوفو لي تيراب حرجل ورسلوا لي تيراب حرجل , ذكرتني زمان لما نجي مسافرين بالقطر في واحد في جبل جاري زول مسكين شويا يلاقي القطر الطالع والنازل وتلقاهو رافع جلابيتو ومرة يعضيها في خشمو ويجري من اول القطر الي اخرو ويكورك( ياناس العيد جاني وانا داير لي سروال , يا ناس العيد جاني انا داير لي سروال) والزول ده ماخلا الحكاية دي لامن قطر الركاب وقف

شفت ياخالي ابو احمد دا مسخوت كيف انا زمان قلت ليك الزووووول دا مسخوت وطلبت منك قصيده تقطعوا فيها القرضه لكن شكلك كدا انت حنين الظاهر الاسم جابدك ابو حنه لما هسع جربت براك وشفت بي عينك السخت

 مسخوت انا يا مطموسة
اصبري اما وريتك المكشن بلا بصل!!!!!!!!؟؟
انت الظاهر عليكي ظربونة زي ود علويى

ههههههههههههه الله يجازي محنك

خلاص لقيت تيراب الحرجل يا بروف؟؟؟؟!!!
ود بروي يا مسخوت تفتش للجراري في رمضان, عليك الله في محن اكتر من البيتسوي فيهو ده؟!!!!!!

أبو أحمد
أيه رايك وصلني تيراب الحرجل وزرعتو؟
الناس البيقرو المنتدى ، بقوا مهتمين أكثر من الأعضاء
واحدة غير عضو وهي منصورية
قالت لى صديق. أنا جيت مع أمي دبي..
الساعة 9 بنكون في ( مردف مول) جنب النافورة
أيه رايك مشيت ليهم وجبتو.. وكمان صاحبك يا أبو أحمد بيعرف في الفنجرة وأديناهم أكثر من تيراب الحرجل. حلفو.. وأنا حلفت
...........
خلاص يا ود الطرشان.. الحاج شرف الدين راحت عليهو.. لكن كان جاء دبي برضو ما بنقصر فيهو أبدا.. وحق ألف تيراب حرجل يستناهو ود شيخنا الغالي
المهم زرعت تيراب الرجل الآن مع الاعتذار لسهام علي محجوب ماها عايزا لى المرمطة.. وأنا بحب المرمطة. وأحب جداً أتمرمط مع المتمرمطين والناس الغبش..

يا بروف
الحرجل خبر شنو؟؟؟؟!!!!!!

الحرجل أخضاااار يا أب أحمد قرررب يشيل..

بسم الله الرحمن الرحيم
الحرجل حلاتو اخضر  يا ابوحنة
انت دايرو يشيل شنو؟؟؟!!!!