سعيد العيشتو جم طينو وتمرتو

ابيات جميلة جدا من اغنية للفنان ود اليمنى منها :
سعيد العيشتو جم طينو وتمرتو
يقلع منو يزرع فى حفرتو
يطاوع والدو يستحمل نهرتو
ويخالت جارو بى شاى وكسرتو
عاجبنى شديد البيت الاول –( سعيد العيشتو جم طينو وتمرتو)—ياخى دا فيهو حكمة وفلسفة عميقة يدلل على ان الانسان ولو فارق ارضه وبيئته بكل مؤثراتها لايكون سعيدا-والطين تعنى المكان والبيئة والبيت والمجتمع والتمرة سبل العيش والحياة—وهى دعوة للعودة للجذور والتمسك بالارض –والتى تعنى ايضا الانسان والاهل-وفى البيت الثالث يطاوع والدو وفيها التأدب اما الوالد واحترامه وسماع نصائحه والاستفادة من خبراته رغم مشقة العمل لانه تضمن (النهير)-اما البيت الرابع ففيه قيم التعاون والتكافل الاجتماعى—وود بروى قال لى شيرى سعيد الساكن ديارا –وايضا يا الهى اكون سعيد مشى فى شرى والحق العيد—وحبيب بابكورى رحمه الله قال :داك جبل الشلال وضح العلى ---النخيل تاوق بالبلح والخلاوى تموج بالقدح –العلى والبى اتمسح –وبيهو توبا لعافى اتوشح –البقول من غيرك فلح انصحوا كان انصح –موسعيد المنك نزح حتى لو خزانك طمح—ابيات فيها الدعوة للتمسك بالارض مهما كانت الاسباب والظروف--

ود الاخت لك التحية وسلام مطبوق لك وللأسرة الكريمة وألحق العيد في البلد ولا تفوتك الأعراس يبدو أنك فكرت تفكير عميق ورجعت بنفسك للذكريات والبلد لها في ذاكرتنا مكانات عاليات نحاول نرد الجميل ونرجع لأيام الصبى وياحللك يا البلد.

سعيد العيشتو جم طينو وتمرتو

سعيد العيشتو جم طينو وتمرتو

رد: سعيد العيشتو جم طينو وتمرتو