قمة الروعة، لما يكون رمضان مع موسم التمر

الحاجة الغريبة أن موسم التمر في جميع أجزاء الشرق الأوسط واحد.. في المناصير في المملكة.. في الخليج.. وهذه الأيام من حسن الطالع رمضان توافق مع أم راس وأم نص. تمر فطورنا كل يوم جدييييد أم راس وأم نص.. ومهردوة.. وبقّوعي ودغـّوسي..
وهناك في المناصير قالوا كدة,,, الجو بارد والتمر مارق
....
واحد من أولاد السقاي قال لى.. ظهرت ظاهرة غريبة عندهم.. وهي الرطوبة المخلوطة بالسخانة في المنطقة الواقعة خلف البحيرة في اتجاه الشمالية ، ظهرت فيها ظاهرة غريبة.. إنو التمر وهو دفيق ،هذا الجو الجديد ما نفع معاهو. صارت التمرة وهي دفيق تبقا زرقااااء من وراء من مكان العـمّيَرَة من وراء وتعفن وتقع.. تلقاهو محتوت دفيق تحت قعر التمرة.. وباقيهو في شطر أمو. التمرة صارت تحت وتشيل نصف شيلها الزمان لامن ينجض. لكن قال لى حول بحيرة المناصير حصل العكس.. زخم مياه البحيرة وسطح المياه البارد والنسمة التى تمر على سطح المياه جعلت التمر يحافظ على شيلو وحجم التمر يكون كبير وغليد..
وقال لى زخة ضغط المياه خلف الخزان من توربينات الخزان المضغوطة جعلت نسبة رطوبة كبيرة في الجو .. اثرت على التمر..
ملاحظين يا جماعة إنو شجر النخيل ما بينفع في المناطق الممطرة في الصعيد يعني. عشان كدة خلف الخزان زخة المياة أثرت في تمر الشايقية بصورة ملحوظة. وصارت زي الجو الممطر المخلوط بالرطوبة.. يوماتي الزخ ده شغال من الخزان.. ياخي التمر ده نحن جربناهو في المناصير مطرة واحدة بس تجي ساري بالليل بالله تبهدل ليك التمر ده؟ جنس بهدلة؟ فما بالك زخ مياه خلف الخزان مستمر على مدار الساعة كيف ما يؤثر فيهو؟. اللهم إلا المناطق البعيدة زي تنقاسي والقرير تمرها كويس وهي بعيدة من جهة الخزان.. أما كريمة ونوري والبركل والسقاي تمرها تأثر

من طرف **عباس محمد** الأحد 28 يوليو 2013, 5:23 pm

الاخ صديق له التحية

ماجرى بخاطرى بقراءة هذاالموضوع

هو حضور الرطب من شخصى الضعيف
وعلى الحمود وبكرى بلل ومن منازلهم بالعاصمة
وذلك بالافطار الجماعى الجمعة الماضية بالساحة الخضراء
وقد كان يوما اجتماعيا متفردا لامثيل له

ودلقاى ومشرق يا صديق

تفهما طايرة يا عباس
بالضبط هو كدة الغرض من البوست إنو أي زول يقدر يحضر رطب جديد فريييش.. والحمد لله حصل

قمة الروعة، لما يكون رمضان مع موسم التمر

قمة الروعة، لما يكون رمضان مع موسم التمر

رد: قمة الروعة، لما يكون رمضان مع موسم التمر

رد: قمة الروعة، لما يكون رمضان مع موسم التمر